MOS Burger (東廣場)

營業中

休息中

係我心中係貴價快餐比同行貴啲 款式多啲粗薯條係賣點好好食 我最鐘意係吉列蝦堡熱辣辣既炸蝦餅 加埋凍凍地既他他醬啲蝦餅一啲都唔假 啖啖都有蝦肉😀貴就係貴啲 但好食呀嘛🥰🥰🥰

其實作為mos burger fans, 每次見有新野出都甘願成為白老鼠去試食先，包括早前奇奇怪怪的抹茶忌廉包，而so far食過咁多間分店個品質同份量都滿意。講到觀塘分店，絕對唔係第一次幫襯呢間，之前幾次都見識到呢間分店出品係幾咁求其同隨心，一時少一時正常，但之前都仍然係可接受範圍內，咁我就算數，但今次實在極度離譜，貨不對辦到睇怕「不會只有我受害」。其實就咁望，明眼人都覺得d份量少到離譜，仲話「富士山漢堡」？但收緊個價錢偏偏已經食到對面快餐店一餐飯。旺角店係我去咁多次都滿意，觀塘店正正令我由fans變成開始對mos burger有介心既人，亦希望大家引已為鑑，考慮清楚先好去。希望不久的將來，會體驗到觀塘店係有改善同進步，唔好一而再再而三咁辜負食客的支持，否則到客人心灰意冷時就返唔到轉頭。

平時食親麥記都係食窮人餐，新年獎勵下自己食下mos burger.法式和牛漢堡（$30): 個包厚得鬆軟有彈性，而且個邊位仲烘到微微脆。塊牛好夠厚，唔會乾爭爭，加埋d 醬汁幾惹味。粟米湯加三蚊，粟米味幾濃幾幼滑，如果可以加埋d 粟米粒就更加好。最後懶係健康咁加埋個沙律，廿四蚊有d 肉赤，不過個醬都好夠多，d 菜都算新鮮，最後埋單係老麥既double, 不過個包就真好食d 既，但對我黎講都係唔夠飽。

lunch 無飯食唯有路經mos burger 食個包 係傳統既 mos burger 同新款BBQ醬洋蔥圈和牛漢堡之中一直猶豫不決，但前面既人就落完單，後面又有人等既時間壓迫之下做出左個影響一下午的錯誤決定，試新包，仲要加6蚊增量50%塊漢堡。睇落好大下，比起一般 mos burger 重身好多。打開見到去牛好震驚丫，點解咁似💩既，而且我買果時冇留意原來洋蔥不是生的而是炸洋蔥圈，所以一啖咬晒所有食材口感非常干! 漢堡一點和牛都比不上，只有點穌味，勉強自己食左半個，下次都係聽從內心遠離新伏。

#小秘書 今朝一早就彈醒準備參加聖誕崇拜，雖然 #小秘書 唔可以稱得上係一個虔誠嘅教徒，但係都好想喺今日去感受吓❤️ 屋企附近無 MOS Burger Hong Kong 不過心血來潮，好想食個 #魚柳包 🐟 x #栗米湯 🥣 做聖誕早餐，唯有搭多幾個站食飽先返教會。#MOSBurger 🍔 確實有佢獨特嘅口味，新鮮炸起嘅 #魚柳肉 當然係成份早餐嘅靈魂，但係 #洋蔥+#芝士🥯🧀 更係功不可沒🤩 每一啖咬落去都感到洋蔥清新嘅氣味，芝士嘅香配埋件炸魚柳，夾喺軟綿綿嘅 #漢堡包 裡面，份外搶口😋 雖然明知杯 #栗米湯 唔係用新鮮粟米整出嚟，不過口味真係好夾👍🏻 暖粒粒好滿足🥰

去觀塘行過東廣場, 落緊大雨咁岩見到有間 mos burger就入左去食幾年無食Mos Burger, 唎排麥當奴又拍住個知明大廚出左個期間限定既肉醬芝士漢堡,咁當然要揀返個摩斯芝士漢堡食啦女朋友就揀左北海道薯餅漢堡食, 因為見個配搭幾特別摩斯芝士漢堡, 不過不失啦, 肉醬唔會太過咸, 有d蕃茄同洋蔥, 食落會冇咁流北海道薯餅漢堡唎個配搭真係幾特別,薯餅好脆, 意粉味道正常, 加埋d菜又係令到食落冇咁油膩, 唔錯, 不過成個組合都係得碳水化合物同菜為主, 係冇肉既, 如果冇肉唔得既人就唔好揀喇Mos Burger既薯條我都幾鐘意, 唔係幼果隻, 粗粗地, 鹽又唔會太多

今日一心諗住食Mos Burger嘅牛肉漢堡做lunch，點知入到去見到佢有新野：「咦～好似唔錯喎，就試試佢。」吉列帶子藜麥珍珠堡相信女仕門見到藜麥二個字都即時覺得食個漢堡完全冇罪惡感，仲會健康左😆！一個吉列帶子藜麥珍珠堡$27，話貴唔貴，話平唔平，值唔值就要食過先知😎！份量都好足 ，包面同包底用珍珠飯+藜麥代替左，不過略嫌藜麥唔夠多，所以唔係好食到加左藜麥嘅珍珠堡同冇加有咩分別😆，至於個吉列帶子都算大件，期間周不時咬到同見到有原粒帶子，我諗有4粒左右，算係唔錯，不過味道唔算好出，帶子本身都比較淡味，而個醬汁亦都偏淡，可能係配珍珠堡嘅關係，所以整個吉列帶子堡冇咩味，所以絶對唔可以睇少個汁，如果個汁再做好D，呢個吉列帶子珍珠堡就超正啦！

黑醋雞肉漢堡($27)-強力推薦！雖然個名係叫黑醋，但食起黎完全冇醋味，個醬汁真係好好味，一啲都唔乾。照燒雞肉漢堡($27)-包嘅醬汁唔多，所以食起黎有啲乾，唔太推薦食。摩斯雞塊餐($23)-配汽水，雞塊比麥當勞好食，絕對可以一試。大薯條($16)-個人認為薯條唔夠咸，冇咩味。

琴日考完試 其實想食餐好😂點知跟左孖妹同學去左觀塘行黎行去都唔知食咩好 最後入左Mos burger識我嘅人都知我對「期間限定」呢四隻字有情意結😂於是我又就叫左期間限定嘅...#吉列三文魚珍珠堡 ($29)三文魚炸得外脆內軟 加上沙律醬🧐？而最喜出望外嘅係個飯同塊三文魚異常地夾 好味道～當然最後要加個炸雞塊 ($19) 真係好正😂________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

真係成幾年無食mos burger 🍔 佢d分店愈黎愈小！ 份量都偏細！ 我叫左個包 都要成20幾蚊！ 真係貴貴地 但質素真係好好味！ 佢個元氣漢堡入面係牛肉！ 同個沙律醬超夾！ ❤️☺️☺️ 我好想短時間內再食多次啊！

香港真是風雨之秋，立左秋仲可以打全日8號風球，真是什麼事都會發生。以為下午會落波，可惜捱到晚上7點幾才改3號，家中糧餉食盡，出街搵食，茶餐廳、快餐店無開，酒樓選擇少， 好耐冇食漢堡包，想回味下，去了 MOS 買了和牛漢堡包醫肚。未見人龍，但都外賣回家慢慢食，怕突然又 大風大雨。飽唔算好大， 芝士片融化滲出，牛肉塊厚身，有一大片蕃茄加上生菜， 食起沒有那麼油膩，但牛肉味淡， 簡簡單單一個包就搞掂個晚餐， 都係用咗三十蚊。

挨咗一個和牛漢堡加多个E set嘅套餐，E set嘅炸雞好好食！俾个like！個和牛漢堡都係幾好食，就是個味道鹹咗d，仲有個凍檸茶…實在係太酸喇…一d味道都冇…都係檸檬嘅酸味…

Mos burger出左新·期間限定款啦又😛呢個酸辣魚堡其實即係放左塊搽均晒泰式雞醬嘅魚係中間，外加沙律醬😂特別之處真係欠奉啦，但都過得去啦🤔🤔至於杯新推出嘅芒果梳打冰紅茶🍹，其實又即係檸檬茶加芒果肉😅有少少梳打汽唔算好甜，解暑都ok嘅～------------------好味指數😋：6.5/10翻啅指數🙆🏻：6/10人均消費💰：10-99服務態度👨🏼‍🍳：7/10乾淨指數🌝：6.5/10

人生第一次由希望變失望。話說於某一天經過mos burger的門外，見到餐廳外的餐牌餐牌充滿著各式各樣的漢堡包。於是滿懷著希望進去一試！進到餐廳後，我便點了我最喜愛的蝦堡。等候了一會兒便有得吃了。當蝦堡一到，發現實物與圖片實在是有些差距，但當我一咬下去，那個麵包實在是忍受不了，感覺有點太硬了，蝦還算是可以，但是蝦堡裡面的醬汁不過滋味，突出不了蝦堡那種新鮮感！最後，我認為麥當勞的蝦堡也比mos burger的蝦堡還好吃。希望餐廳能改善面堡的鬆軟度以及麵包的醬汁能帶出漢堡的新鮮感！

經常中午食中餐，這天要轉轉口味，食魚柳包不過不是麥當勞的，是mos burger。這天因為我比較遲食lunch所以人流已經沒有那麼多，而我點完餐以後很快也有座位了 不用等。這個漢堡本來是二十幾蚊，但是因為我轉了combo跟薯條和汽水，所以這個餐最後成為四十幾蚊。雖然有點貴，不過真的比麥當勞的好吃很多。魚柳包的外層好像吉列魚柳脆脆的，魚肉也有很多肉汁，上面的生菜是一絲絲的，再加沙律醬混合在一起一口咬下去 真的很好吃呢。薯條方面就有點遜色，可能是翻炸的關係，拿起來已經不是熱的，吃下去感覺是乾乾的