Mirage Bar & Restaurant

營業中

休息中

今天晚上到了萬麗海景酒店吃一頓豪華晚餐，十分滿足。 環境非常優美，十分清靜（大概是最近的疫情的關係吧），有海景，可以看到對面（九龍）的建築物。那裏的侍應十分友善，而且沒有太多人（大概三至四桌），如我們有需要，他們會立即服侍我們。 我們先喝了粟米濃湯，粟米味濃，還有一些火腿，但有些辣。接着我們吃了黑松露薯條，黑松露味不太突出，可沾茄汁食用。最後是蒜汁扁意粉，蒜味不濃；另外有一隻芝士龍蝦，很多芝士。 整頓晚餐也十分豐富！

Mirage 不嬲係友人的飯堂呢到既service好好 由於一早book左位佢地安排左係呢間”房” 只有2個人 都可以擁有呢間房 私隱度好高可惜今次黎 因為疫情 佢地lunch time 只有Express Lunch menu 無得叫A la carte menu有d失望 好濃郁 打得好滑 好好飲👍🏻友人叫左Sliced Hamachi 佢話好好食😆呢到既店員好好 肯幫我reheat 外面帶入黎既egg tart😝😋主角Halibut外面煎得好香 入面唔乾仲係好滑上面既魷魚估唔到都煎得好好食 調味好夠最驚喜既係竟然配菜既焗薯都好入味好好食😋由12點坐到3點 環境舒適如果想揾個地方一班人坐低開lunch meeting或chill成個下午 Mirage 真係一個好選擇👍🏻☺️

講完個T set，到講個晚餐！晚餐非常豐富,食物質素我覺得係算高，比起個Tea評分會高好多,價錢真係講唔到俾大家聽，因為我係同朋友book咗酒店然後佢係free早餐及free晚餐，講緊個酒店都只係1700百幾蚊一晚，食材好新鮮及高級，牛肉煮得岩岩好，好淋身又多汁，係我全晚最喜歡💕如果齋食個晚餐都要過千蚊，仲free咗一支紅酒，紅酒都幾好飲，真心覺得好抵，我諗係因為呢個疫情關係所以有咁嘅優惠！但如果淨係黎食晚餐要千幾蚊，我覺得都值，會再黎幫襯

海景酒店環境一流！傾偈嘆茶嘅好地方，仲可以坐好幾個鐘慢慢傾都得，服務質素唔錯！食物方面今次我哋主要係食一個叫Summer T set鹹點：有啲都可以但有啲真係好難食，迷你漢堡包味道都不錯，另外有一個白色底類似米通嘅小食，上面有一啲沙律菜加一個D橙嘅物體，真係唔好食，我咬咗一啖但係咬極都咬唔爛，仲要淡而無味甜點：我同朋友都覺得太甜基本上我同朋友都係食咗鬆餅另外嘅甜品我們只係試一試基本上係冇食過但整體來講環境同價錢可以攞返分，不過要有promotion 或有匯豐信用卡先有呢一個優惠

2020年9月2日想外賣自取，可以透過OpenRice Apps。用OpenRice 點餐好方便，可以利用支付寶或者信用卡比錢。仲可以預訂取餐時間，等大家可以黎到餐廳之後立即取餐，節省時間。最近見到Renaissance 的社交平台專頁，用OpenRice 預訂Mirage Bar & Restaurant 外賣自取可享七折優惠！用恆生信用卡晩市丶下午茶堂食更可享高達半價優惠！今次嘗試用OpenRice 預訂左兩份菜式，一個係澳洲黑安格斯西冷牛扒 ，原價＄238，七折後只需＄166.6 。另外點左份虎蝦蒜油扁意粉，原價＄168，七折後＄117.6 。外賣盒採用可自然分解物料製造，而且保溫和防漏做得唔錯，乾淨企理。當日預訂左下午1點取餐，非常準時丶有效率，職員有禮貌。拎到返屋企之後，食物賣相都唔錯，而且食物質素保持到一定的水準，不過當然堂食始終都係最好。牛扒唔靭，薯蓉好香，好味。虎蝦扁意粉都可以，份量唔少，用忌廉汁芝士焗虎蝦，好香芝士，唔太大唔太細隻，不過不失。

🥺我好想念L.A.的陽光啊～～～所以朋友約去吃MIRAGE的加州仲夏下午茶☀️☕️我見到個theme就二話不說say yes實在太掛住L.A.啦🙈今次主題係以加州夏日水果同時令食材作主打鹹點同甜點的賣相都相當細緻可愛☺️特別鍾意來自加州的impossible meat製作的漢堡🍔明明係植物肉但味道像真肉一樣！超好食！其他鹹點都幾出色甜點最吸睛一定係太陽造型的加州士多啤梨撻仲有迷你滑浪板朱古力係上面的杏仁軟心朱古力蛋糕造型滿分味道可口✨🌟鹹點:IMPOSSIBLE植物肉漢堡芝麻薑雞肉沙律脆口米餅三文魚塔可餅🌟甜點：加州葡萄英式鬆餅加州士多啤梨撻蘆薈芒果凍杏仁軟心朱古力蛋糕牛油果奶油甜點雜莓軟心朱古力萬麗芝士餅

☀️Mirage加州仲夏下午茶☀️前幾天約了好友在萬麗海景酒店enjoy afternoon tea👭👭一解閉關之苦😌此次系列以加州夏日水果及時令食材作主打鹹點甜點的賣相均製作細緻，賣相可愛有趣💜令我最深刻的幾款甜點😋🍓太陽造型的加州士多啤梨撻💛戴上迷你太陽眼鏡的蘆薈芒果凍及雲呢拿奶凍🥧細味芬芳的杏仁軟心朱古力蛋糕🥑幼滑的牛油果奶油甜點🍫酸甜開胃的雜莓軟心朱古力鹹點也非常高質😍🧀細緻口感的招牌萬麗芝士餅🍇加州葡萄英式鬆餅🐥芝麻薑雞肉沙律脆口米餅🐟香脆的三文魚塔可餅配上滋味的三文魚他他和開胃的青檸忌廉💯🍔IMPOSSIBLE植物肉炮製的綠色漢堡竟如此滋味有驚喜😍😻價錢方面$198(Mon.~Fri.) ，$218(Sat~Sun.&Holiday)，某信用卡持有人可享半價優惠，每日第 81 位客人起憑某信用卡可享買 3 送 1 優惠可以說是非常划算，希望下次再來試😻

港女high tea食甜品影相打卡至like. 但要搵間平靚正ge就真係好小。好d水準冇$300你都走唔到但萬麗海景酒店$198＋10％services charge for one person真係超讚。食過無數次，環境同嘢食服務都好好，絕對唔差👍每次同知己朋友聚會必選之一地方👍

小肥約咗幾位長輩週三晚去「松菱日本料理」食鐵板燒，喺等待細佬收工時，享受緊退休生活嘅佢地就先去咗離餐廳最近嘅「香港萬麗海景酒店」間酒吧餐廳「Mirage Bar & Restaurant」歡樂暢飲一番。網上資料顯示，於OpenRice訂座可享七折及指定酒品買一送一之優惠，XO仔當然係唔會執輸啦！點知蕃薯uncle去到了解過後，先知嗰七折只限用於九十分鐘任食小食嘅$538套餐，而買一送一嘅酒品亦要叫咗嗰個餐先會有。嘻嘻，好彩早排大肥爸爸成為咗「香港JW萬豪酒店萬譽會」會員，憑咭即有返以為失掉咗嗰七折。酒店餐廳設於大堂中央，樓底高高，開揚通爽。接待處身後為方形嘅酒吧區，以時尚嘅吊燈裝飾，光亮簡潔，每邊只有三個高櫈吧位，空間感十分足。服務生態度溫婉有禮，有問必答，眼見席上有行動不便嘅長輩，仲特意安排六人入座近門口嘅圓枱，相當體貼。小食項目同任食套餐所提供嘅款式一模一樣，而飲品可以玩$280九十分鐘任飲指定酒品嘅「Mirage Flash」。或從七頁散點飲品牌中選出。最早到嘅四位長輩分咗兩客「黑松露芝士薯條」（HK$ 58）及開咗一枝紐西蘭白酒「Kim Crawford, Marlboroug

最初睇了網上舊menu，以為有Dryaged供應，點知去到只有普通menu，吃了一記悶棍。一個main course 約200，另外有10多款類似tapas的頭盆，原來只要520左右（小朋友更是半價就有和大人一樣份量的主菜及甜品），就可以任點tapas＋1個main course ＋1個甜品。以為以很抵？原來訂座有七折，加埋買一送一的餐酒，兩大一小都係1300埋單，在五星酒店睇埋海景，仲有2小時免費泊車，係抵到爛的優惠。Tapas點了吞拿魚脆餅，油甘魚刺身，炸蟹餅，全部都係中上水平。主菜點了一份澳洲和牛及一份美國西冷，完全無筋，兼味道可口。環境優雅，可能人少＋樓底高，不嘈吵，想靜靜地吃一餐的好選擇。雖然沒有想吃的dryaged，但完全沒有後悔，服務員態度也十分專業到位。會再去。

真係喜出望外的一餐。本來唔太喜歡食buffet。 因為好似越黎越唔抵, 質素又真係好麻麻。 寧願食精d都唔想亂食野。今次朋友熱烈推介。這間算係半buffet, 因頭盤係任點, 主菜同甜品就只可選1樣。 睇落都okAppetizers有15款左右選擇, 我地一枱4人, 大家輪住點黎試下。冇諗到上菜時每碟都好精緻，一d都唔似頭盤。 我地最鍾意係和牛他他, 吞拿魚刺身, 南瓜湯, 蟹肉芝士丸。 其實其他都好好味。最後我地淨食頭盤都飽飽地。跟住再點主菜。 主菜既魚就好普通, 佢既A5和牛, 同慢煮牛肩係好唔錯。 最後, 甜品係金沙味朱古力+低溫雪糕。 大家要再等陣先食到。整體上係高質既, 抵過食自助餐。 環境又好好, 可以坐得耐, 勁舒服。真係要推介朋友黎試

朋友食完推介我哋去食因為佢哋主打食牛 結婚週年就同牛魔王老公去試吓頭盤我哋試咗吞拿魚他他，南瓜湯，油甘魚，蟹餅同牛油果沙律🥗吞拿魚他他個皮好夠脆 配合埋牛油果醬好夾 呢個一定要試南瓜湯跟咗片辣肉腸變成成個湯嘅重點 但個湯比較甜 南瓜味唔太出油甘魚算新鮮 加埋炸蓮藕一齊食好有驚喜 值得一試蟹餅好大件 非常creamy 食到大大啖蟹肉牛油果沙律普普通通 菜新鮮但只落橄欖油作沙律醬調味然後要講埋酒店嘅主打牛我哋點咗一份西冷 一份牛肩肉兩份man course份量算大但plating 有待改善西冷牛味比較重 牛肩肉淋身點 所以視乎偏好 個人比較喜歡佢地嘅西冷牛扒 要求四乘熟係恰到好處

慕名而來這裏吃午餐，誰不知已經變了聖誕節的特定午餐. 假期和閨蜜聚會，前菜點了周打粟米薯仔湯及墨魚汁蛋黃醬油金魚刺身。麵包配熱湯，加上前菜非常開胃。午餐則選擇了素菜咖喱飯及香煎鱈魚。見圖有一支新鮮好味有料到

2019年聖誕節當日，book左喺度慶祝。呢度屬於半自助形式，頭盤和甜品都係任食，而主菜方面就係四選一。而我就選擇食比目魚意大利飯，好滑好好味。而家人就點選了安格斯肉眼扒，入口即熔。四選一的主菜當中有：茄子蕃茄羊奶芝士手工意大利麵丶燒野雞配炒荷蘭豆及香草薯蓉丶香煎比目魚柳配海鮮意大利飯及蕃紅花忌廉汁丶安格斯肉眼扒配約克布甸，法邊豆及薯蓉。 四款當中選擇一款。而頭盤方面有沙律丶焗蠔丶蝦(仲要細心到已經剝殼)丶蟹腳丶帶子丶牛肉他他⋯⋯甜品方面有好多款式，每一款都好美味精緻。當日仲有聖誕老人到場影相，非常有氣氛！每一位職員都十分有禮貎丶細心。

🍂🍁為秋天加點甜🍁🍂<Mirage Bar & Restaurant >的楓糖下午茶，嚴選了加拿大一級有機楓糖漿炮製了一系列甜點和鹹點。鹹點<南瓜濃湯><香煎厚切豬腩肉奶油軟包><煙三文魚楓糖忌廉芝士貝果>甜點<黃梅朱古力><萬麗芝士餅><楓糖啤梨慕絲><楓糖黑朱古力撻><楓糖合桃馬卡龍><伯爵茶牛奶朱古力蛋糕>當然還有下午茶必備的英式鬆餅