Milu Thai มิลู่ไทย (亞士厘道)

營業中

休息中

一班朋友飯聚，通常都會選擇圍爐，今次難得食泰菜，5個人叫咗好多嘢，大部分都好食，而且上菜快，唔怪之樓上鋪都可以爆滿啦。🍹珍多冰 $36x2 ⭐️⭐️⭐️⭐️🍹菠蘿梳打 $34x3 ⭐️⭐️⭐️⭐️🥢椰汁雞湯(大) $178 ⭐️冇椰汁味冇雞味，我覺得係一個唔辣嘅冬陰功湯味道！🥢柚子鮮蝦沙律 $98 ⭐️⭐️⭐️⭐️正正常常，份量幾多，柚子夠甜。🥢泰式串燒半打(牛／豬) $108 ⭐️⭐️⭐️大大串但肉有啲咬口，沙嗲醬唔夠香同多花生。🥢炸蝦餅 $88 ⭐️⭐️⭐️⭐️炸蝦餅夠香脆，蝦膠彈牙蝦味濃，推介。🥢泰式海鮮炒粉絲 $98 ⭐️⭐️⭐️唔辣嘅，味道唔太濃，粉絲爽口，配料非常多。🥢火山排骨酸辣口味(汁另上) $228 ⭐️⭐️⭐️⭐️要讚呢度個汁會另上，照顧埋唔食辣嘅人，排骨份量算多，肉夠嫩，汁夠辣夠惹味。🥢飛天通菜 $88 ⭐️⭐️⭐️⭐️少少辣，爽脆嫩。🥢芒果糯米飯 $88 ⭐️⭐️⭐️⭐️糯米飯軟糯煙韌帶點微暖，椰汁香濃又夠多，已經好正，芒果香甜份量多。五人共消費：$1268

除着Halloween嘅帶動，10月份嘅香港夜市似乎真係人流多咗👀 週末走到鬧市嘅街上，都會搵到唔少人悉心打扮，充滿party感💫 呢晚我哋都出嚟湊吓熱鬧，不過就唔係去Halloween party🤭 只係出嚟 #尖沙咀 沾染吓熱鬧氣氛，順便嚟朋友介紹嘅 #泰菜館「Milu Thai มิลู่ไทย」朝聖🤩未到七點，餐廳幾乎已經坐滿人，入到門口已經聞到陣陣嘅酸辣味道，對呼吸系統一向麻麻嘅 #小秘書 嚟講真係幾刺激😅 幸好咳咗幾下慢慢已經習慣❤️ 打開餐牌，選擇都唔少，嚟得幫襯當然要試吓佢哋馳名嘅 #火山排骨 啦！食物嘅造型非常吸睛👀 大大件嘅豬排骨砌到成座山咁，加上特製嘅香辣汁，啖啖肉好惹味🤤不得不提嘅仲有佢哋嘅 #黃咖喱蜆，濃濃嘅咖喱汁配上肥美嘅蜆肉，用嚟配白飯或者蒜蓉包都非常配搭🤤 至於其他泰式小食，泰式生蝦、炸蝦餅… 味道都唔錯🤤🤤 最後我哋嚟個 #芒果糯米飯 做我哋嘅 #飯後甜品，軟腍腍嘅椰汁飯夾埋超甜嘅芒果肉一齊食，令呢餐飯更滿足呀❤️ … 不過唔知係咪我食得太多嘢，定係飲咗杯 #泰式奶茶 😅 嗰晚居然有啲搞肚痛同肚痾😅 不過食咗啲藥已經無咩事lu😉📍 Milu Thai

呢一間餐廳係小編嘅翻啅之選🤭🤭🍢🍡泰式串燒呢度嘅泰式串燒串串都大大串，勁啱食肉獸🫣大家可以按照自己嘅口味自由配搭雞牛豬嘅數量😆不過建議大家串燒上咗枱之後，就要盡快食，因為凍得好快🥲🥲🍖火山排骨 甜酸味火山排骨係震撼眼球之作👀小編今次仍然都係俾佢份量嚇親嘅😂😂小編之前呢就食過泰式辣汁，所以今次就揀咗甜酸味。每舊骨其實都有唔少肉嘅，配上甜酸醬，真係勁開胃👍🏼 🍲咖哩三重奏配蒜蓉麵包粒呢一個小編勁推介！😍呢個三重奏其實就即係集齊左紅、綠同黃三種口味嘅咖喱，舞種咖喱亦都配上唔同嘅海鮮😚黃咖喱就配咗魚柳同扇貝；青咖喱就陪咗軟殼蟹；紅咖喱就配咗蝦同青口🦪每款咖喱都各有特色，選擇困難症嘅朋友就可以揀吓呢個，因為一次過食晒多種口味嘅咖喱😂最後記住要將蒜蓉麵包粒點一點咖喱醬，超好味🤤🐣椰汁雞湯椰汁雞湯係小編呢個私心喜愛嘅湯品！因為鍾意椰汁雞湯嗰種酸得來帶有濃濃嘅椰子香！我呢度嘅椰子雞湯勁足料勁多雞！🥗蒜香炒雜菜呢一個就係食大量肉嘅平衡之選😂😂味道正常，好香嘅蒜蓉味，而且份量都幾多😎🥥椰青識泰國菜又點可以少得椰青呢？椰青為呢一餐加添左泰式風式，真係畫龍點睛啊😊

一班人食飯，除咗放題打邊爐，泰國菜都幾適合😆講到近期最愛嘅泰國菜就非Milu Thai莫屬😙好食抵食，又打卡🤩今次我哋去咗尖沙咀分店😇真係要book定位，又或者要早啲去，連平日都好full😲🌋火山排骨 ($228) 火山骨咁大份真係要約齊人先好食😂之前試過酸辣醬，今次試吓甜酸醬😋各有喜愛😙如果唔食得辣甜酸醬就啱哂😁食得辣就酸辣醬惹味啲😋🦀青咖哩軟殼蟹 ($168) 上次食完三色咖哩後愛上咗佢哋嘅青咖哩🤤今次一定要encore🤗軟殼蟹有好多件，食極都有😂炸得脆卜卜，沾咖哩勁啱😋仲要送埋蒜蓉包，抵👍🏻🍡泰式串燒 ($108) 估唔到宜家手機落單都可以做到咁貼心🥰可以任拼雞牛豬6串，我哋揀咗各2串乜都有😌啖啖肉配沙嗲汁最正😁🐙泰式燒魷魚 ($148) 又多道菜下次要必叫😂新鮮熱辣燒起真係好香🤤魷魚煙靭有彈性，口感一流👍🏻本身醃料已經好夠，唔沾醬都好夠味😌反而配嘅醬汁對唔太食得辣嘅我嚟講辣咗啲🫣🥘泰式蛋包炒金邊粉 ($118) 金邊粉賣相精緻😍被薄薄嘅蛋皮包裹住，上面再放上炸蝦🍤甜甜酸酸嘅金邊粉煙靭又開胃😋🥬馬拉盞椰菜苗 ($98) 點可以淨係食肉，點都要食吓菜嘅😌泰國菜最鍾意叫馬拉盞炒菜😙惹

估唔到樓上泰菜都可以舒舒服服坐低食飯飲野，而家呢個天氣坐outdoor好舒服，仲有花牆比我哋打卡影相添。坐低首先叫咗三個椰青，之後點咗串燒，同埋豬頸肉，豬頸肉非常好食，肉質好好點埋辣汁一齊食，真係好開胃。主菜點咗青咖喱軟殼蟹，同埋菠蘿炒飯。青咖喱軟殼蟹會配埋蒜蓉包，軟殼蟹新鮮炸起脆卜卜，蒜蓉包點青咖喱真係絕配，唔算好辣，但就好惹味。菠蘿炒飯，粒粒均勻，原個菠蘿上，炒飯好乾身，而且好多配料，最鍾意係每一啖飯都食到菠蘿，真係好好味。最後食埋碟馬拉盞炒椰菜苗，正！其實最重要係同朋友一齊傾偈一齊飲飲食食，呢度又坐得好舒服，過咗一個好開心嘅晚上。

小食拼盤 （$188）一次過滿足晒好多個願望 😂 等三心兩意既我哋唔洗揀 蝦餅好彈牙！魚餅，泰式香料味令佢生色不少 😍 春卷 相對就平凡啲香葉雞 除咗好香之外！雞肉仲好鮮嫩多汁 🤤🤤 好出色呀！咖喱三重奏 （$218）呢個！大！推！估唔到煲仔細細 超！多！料！分別有青咖哩軟殼蟹，黃咖喱炸魚、扇貝，紅咖喱海鮮款款炸物都好出色，脆脆地又點到咖喱汁😍海鮮仲要好多🤣食極都有咁樣 🫶🏻🫶🏻而且呢個會有埋麵包粒！ 點落咖喱汁到索 好正架！泰式串燒 （$108）6串，大大串，可以揀豬牛雞，又或者好似我咁，要個咩都有既 😎😎燒得啱啱好，唔會過火，配埋個醬，加埋香香既花生味 😍😍 飲住啤酒/椰青食，正呀！菠蘿海鮮炒飯 （$108）呢個性價比真係超高！有好多海鮮係入面，好足料，又大大個 加埋腰果同肉鬆 好惹味芒果糯米飯 （$88）即叫即整既糯米飯，熱辣辣 😍😍😍 加埋椰奶真係勁香 勁好食，而且唔太甜，配埋清甜既芒果真係無得輸👍🏻👍🏻👍🏻

泰離譜！「Milu Thai มิลู่ไทย」貴為Openrice 收藏量三甲，冇理由唔過嚟會一會佢🤔呢間舖頭最出名一定係「火山排骨」，一份係超大🫣舊排骨大過我塊面！感覺超級震撼，仲要未講佢啲味道超好味，酸酸甜甜勁開胃😋兩個人一定冇可能食得晒😌最好就嗌多幾個朋友一齊嚟食，店員超級細心仲會俾埋手套我哋💓另外嗌咗兩個小食「柚子鮮蝦沙律」、「炸蝦餅」 兩個嚟講，我就比較鍾意柚子鮮蝦沙律😗柚子爽甜，冇苦澀味，作為一個開胃菜，的確係一個唔錯嘅選擇🤞🏻係「馬拉盞通菜」同「飛天通菜」諗咗一陣🙈結果都係揀返馬拉盞通菜，好鍾意馬拉盞嗰種獨特香氣，師傅都好快手🧑‍🍳三兩下手勢就炒咗出嚟，上到枱仲係熱辣辣!!冇理由唔嗌返個甜品 — 「芒果糯米飯」，呢度啲嘢食全部都好巨型，連個芒果糯米飯都超級大份🤣總括嚟講，嚟呢度食飯，要嗌多幾個朋友一齊食，先搞得掂咁大份量嘅餸菜😝✦ 火山排骨 $228✦ 炸蝦餅(6件) $88✦ 柚子鮮蝦沙律 $98✦ 馬拉盞通菜 $88✦ 芒果糯米飯$88✦ 椰汁冰 $34✦ 乳酸梳打 $34

食物好味正宗大大份 價錢合理 性價比幾高👍🏻環境闊落 座位坐得舒服以QR Code落單 又快又方便🫶🏼.✨手撕雞沙律$78手撕雞仲多過菜😂😂雞肉勁嫩滑 醬汁微辣又酸酸地 清新得黎好開胃😚.✨ 飛天椰菜苗$98飛天椰菜苗好有鑊氣🔥菜苗色澤翠線好新鮮 口感清脆 .✨泰式蛋包炒金邊粉 $118我地一行人對金邊粉讚不絕口👍🏻👍🏻味道甜酸鹹平衡得岩岩好金邊粉口感Q彈 正😄附上辣粉同花生碎 鍾意可以撈埋黎食.✨黃咖哩豬肉 $108黃咖哩豬肉都幾有驚喜豬肉厚肉幾有口感咖哩濃郁唔辣 同薄餅一齊食一流😚.✨香煎薄餅 $48👍🏻食咖哩必點 夠香脆 正❤️.✨泰式串焼 半打$108有豬牛雞3款咖唔同配搭選擇我地揀左豬同雞肉厚而香味濃👍🏻👍🏻.✨大頭蝦冬蔭公湯 小$128冬蔭公湯好足料 見到大大隻大頭蝦 蝦肉新鮮爽口彈牙味道正宗 酸辣十足 湯底鮮香🫶🏼.✨炸魚餅 $78炸魚餅外脆內嫩 魚香四溢搭配特製醬汁 口感更上一層.✨青檸梳打•青檸茶•乳酸梳打 $34

已經有一段時間冇食泰國菜，近來同朋友行經尖沙咀，上網一搵，見到呢間樓上泰國菜評分不錯，就決定試一試😋1. 🐥泰式鳳爪沙律 ($88)味道酸酸的十分開胃，鳳爪肉質爽脆，而且份量不少，推薦👍2. 🍢小食拼盤 （蝦餅、魚餅、春卷、香葉雞，炸蝦片）($188)蝦餅外皮香脆，肉質彈牙😋，魚餅香味濃郁春卷餡料豐富，外皮鬆脆，香葉雞肉質嫩滑，蝦片也炸得香脆，而且很大塊，誠意十足！😎👍3. 🐷炭燒豬頸肉 ($98)炭香味撲鼻，而且肉的份量很多！😋4. 🦪青胡椒辣椒膏炒蜆 ($178)醬汁香濃惹味，而且不太辣，讓人忍不住食完一隻又一隻～😛5. 🥗馬拉盞通菜 ($88)鑊氣十足，偏濃味～😂6. 🐮乾炒牛河 ($98)河粉炒得夠乾身，牛肉的份量也很多，十分抵食！🤣7. 🥭芒果糯米飯 ($88)芒果香甜而且份量很多，糯米飯煙靭帶微暖，配上香濃的椰汁，值得一讚！😍*以上價錢需另加一服務費總括來說，這間餐廳的食物質素頗高，而且份量十足，座位十分闊落，而且還有室外座位，環境舒適。店員的服務也是十分貼心周到而有禮貌☺️加上餐廳位置鄰近港鐵站，經過尖沙咀的朋友，不妨上來一試！👍🏻

🥳超豐富嘅菜單 乜都有得食之餘 仲要樣樣都好好食💕我最鍾意嘅一定係佢嘅泰式大頭蝦 肉質新鮮 仲有好多蝦膏添 加埋黃咖喱送飯一流🦐青檸酸辣明爐烏頭魚🐟超級大條魚 酸辣嘅味道好入味 加埋粉絲 更加惹味啊 前菜有柚子鮮蝦沙律🤍食過好多款柚子沙律 都冇呢個咁好食 酸甜汁加上少少炸蒜片 好match好好食💕另外仲有生蝦刺身 馬拉盞通菜 同埋椰汁雞湯 濃郁嘅椰奶香味🥥加上湯入邊有好多料 好多雞肉 兩個人真係食唔晒呀😆除咗嘢食好食 呢度仲好啱打卡📸戶外嘅位置有靚靚嘅花牆 啱晒我呢啲鍾意影相嘅人🌸

昨日，一行六人到此用餐，被安排至梳化位，叫左大約十種食物，包括名菜火山排骨，當時食食下用餐之際，突然頭頂冷氣機不斷滴水並滴落火山排骨及椰子雞湯上，即向職員講聲並要求換卓，當時職員肯換卓，但是椰子雞湯及火山骨已經被冷氣機滴水污染了，我們便向職員說明，職員幫我們掉棄後，並沒有重新上菜，並且服務費及菜式所有費用全部收足，奉觀大家不好去呢間店食，今時今日這種餐廳不但沒有補償還收足你錢，呢種餐廳絕對要blacklist。

早幾日同老公去左尖沙咀的Milu Thai，見佢網上有很多好評👍🏻去到餐廳，因為太肚餓了我地一口氣order左5道菜式😆 冇諗過order完冇幾耐，竟然超高速已經上齊菜😂👏🏻1️⃣ 生蝦刺身(6件) $1082️⃣ 小食拼盤 $1883️⃣ 火山排骨(甜辣口味) $2284️⃣ 炭燒豬頸肉 $985️⃣ 菠蘿海鮮炒飯 $108飲品：椰青 $52，乳酸梳打$34每道菜份量都比預期中大😮 特別要講下個火山排骨🌋 一上菜嗰下非常吸睛，個份量應該係可以for 4人share🙈？呢個價錢真係性價比很高👍🏻下次約朋友多d人，可以再黎過❣️下次試埋酸辣口味先！

餐廳面積唔細，有好多座位，而且空間寬闊，座位亦都唔會迫。午餐都幾抵食，試吓海南雞飯。海南雞飯嘅雞非常嫩滑，雞皮薄薄，嘅充滿油光，雞肉相當嫩滑柔軟無骨，而且唔會冇味，加上泰式辣醬，再配上油飯，美味可口，而且份量十足。餐飲雖然冇奶茶，我試吓泰式奶茶。泰式奶茶唔係太甜，奶唔多，以茶味為主，但唔澀口，係OK嘅。

冬蔭功兩隻蝦都好霉串燒拼盤豬肉全部都肥油脆皮燒肉硬過我條命 調味汁亦普通沒有什麼味道炒河粉幾好食 蒜蓉包都算可以嘢飲黎講都算正常性價比不高 呢個價錢值得更好相信冇下一次

靈魂醬汁配火山排骨🥹🥹呢個秘製特調嘅酸辣醬汁，雖然綠得好過分🤣望落可能會有3分恐懼，但係千祈唔好驚！好食到癲🤣火山排骨，仲要係肉量勁多，而且好滑🤣建議三至四個朋友仔嚟share，我哋兩個人真係食唔晒。馬拉盞通菜好香、蟹肉蛋餅厚身好食。芒果糯米飯，糯米飯好食😂芒果唔夠當造。魷魚好推介，爽口彈牙😍😍😍👍👍👍埋單人均～$300-400尖沙咀係新分店😛😛乾淨企理，仲有室外座位。以後九龍區都可以食到啦😎😎😎