METRO 豚骨 BASE

營業中

休息中

疫情下無得堂食，用網上外賣平台嗌外賣都想揾下啲少食嘅店舖，無見過呢間就一於試下新野🍜辣番茄蟹肉混麵 ($108)呢個撈麵辣度冇得自己揀，食落第一啖還好點知越食越辣😂😂不過配料方面又幾足嘅，有兩隻蟹鉗之餘仲有唔少蟹肉🦀仲有隻糖心蛋添🥚💗建議食得辣嘅朋友可以挑戰下

今日早放lunch，試下德福新開拉麵店（其實都開左一段時間，係未有機會試），門口買飛就入去坐，得巴枱，每個位上面都有水杯同水壺，好日式呀！仲有個籃俾你放野，好細心呀！咳咳！都係講返野食！佢得四款拉麵，我買左黑蒜豚骨拉麵，來的一碗，黑黑的黑蒜油蓋滿了成碗麵，只見上面有木耳絲同蔥花，一大塊紫菜，仲有一磚豬肉，嗯！係一磚，方型五花腩，皮有焦，應該係燒過或者煎過，湯中隱約有一團暗紅色的，似係香辛料，還有淡黃色的拉麵，唔好忘記仲有原隻流心蛋。先試一試湯，撥開黑蒜油，下面係奶白色的豬骨湯。嗯！好香濃嘅豬骨湯！但面嘅黑蒜油入口就有啲油膩。再打散辛香料，再試一口湯，無左油膩感！而且微辣仲令濃湯同黑蒜油味道更加特出！然後試下麵，麵係正常size, 有啲煙韌，好掛湯，無怪味，連埋湯，木耳絲同蔥一齊食，好好食。平時拉麵嘅蛋係開半嘅，而且通常都會醃左醬油，上左色，但呢度就係原隻上，無上到色，咬開就見到流心蛋黃流出！好吸引！連湯一齊食，有蛋香，有濃湯，口感豐富！最後講下果磚豬肉，我覺得係唯一不足之處。肉其實都淋，但方型肉磚，肉嘅纖維太長，除非煮到好似東坡肉咁淋，否則有啲難咬斷，攪到食完要用牙籤。肉係有肥肉的，但

$72係最基本嘅豚肉拉麵，個麵麻麻，豬肉得兩片。。。。。。。。。。。。。。。。。。。。。。。。。。。。。。

近期裝修完 德福既美心食街大換轉依家變身多間唔同餐廳好多名都有點陌生其中METRO豚骨BASE by一風堂路過覓食 見到「一風堂」就去試試紅黑色裝修 有點吧臺感覺*原來係鐵路🚞購票先落單俾錢再入去食😌點選左兩款「煮干系拉麵」變奏而成的「煮干豚骨拉麵」 色澤唔係咁吸引但原來融合左鮮甜的魚乾精華同香濃幼滑的豚骨湯經長時間熬製成濃稠的煮干湯底帶出醇厚的煮干鮮味😋好特別既燙烤叉燒棒口感嫩滑、焦香逼人酸酸甜甜的柚子皮為拉麵🍜*漏左玉子 要追番😅黑豚骨拉麵🍜豚骨湯加入黑蒜油絕對係其中一個好配搭加左特製辣味噌醬帶出湯底鮮味😻最特別則是配上厚切五花腩方塊叉燒，炙燒至微微焦香感，肉質軟嫩，食落啖啖肉。厚身 睇唔出到底份量多唔多😛個人覺得價錢偏貴 唔係咁抵食😩

以往小妹偶有經過德福廣場時，皆會到一風堂拉麵光顧用膳，近日得知其已轉型並售賣別款拉麵，便特意前來品嚐品嚐。餐廳門口設有售賣機，顧客只需點取心水拉麵並付款後，把收據交予店員，便可靜靜等待拉麵的到來，如此的設備著實富有置身日本的感覺。而在裝潢上店舖以木系配搭紅色為主，再襯上黃調燈光，整體是簡約樸素。黑豚骨帆立貝拉麵此道拉麵是限定的款式，其湯底貨真價實，表面帶有著一層油份，飲用時黏度恰當，蒜味濃郁，甘香鮮美。而麵條選用上粗身的蛋黃曲麵製作，咀嚼時爽口彈牙，並帶有蛋黃香氣。配料方面則用上了三種食材，包括有肥厚飽滿的兩顆帆立貝，食用口感鮮爽帶甜，細嫩滑溜。和蛋香馥郁，綿密濃稠的溏心蛋。還有特色的立方豚腩叉燒，其外觀寬闊正方且肥肉比例較多，入口是鮮嫩微焦，甘香濃郁。明太子雞翼雞翼外層炸得金黃亮麗，並帶有適量油份，而內層則釀入了明太子作為餡料，食用時外脆內嫩，濃郁鹹香。總結而言，餐廳環境簡樸舒適，整潔衛生，菜餚真材實料，用心製作，味道可口，是一所會推介朋友前來品嚐的拉麵店。

「METRO 豚骨 BASE」門口有部自助點餐售票機, 真係好似去左日本食拉麵甘! 煮干豚骨拉麵 ($78) 有一塊豚骨, 都幾厚下,  湯底都好濃.黑豚骨拉麵 ($82) 湯底由豚骨湯同黑蒜油混合而成, 係好濃好香的湯底.叉燒係由花腩方塊整成. 整體黎講, 食物質素都唔錯,  價錢又正常, 值得一試. 

2021.11.18 Friday lunch無端端試咗呢間⋯⋯本身行緊去元氣，路過，又見唔使等，研究一陣，門口嘅服務員都已經好恩勤落力介紹，我哋又未食過，都可以試吓，就入咗去坐低，再揀好食咩就出去部機點食物，好似日本拉麵店咁。款式唔算多，點咗一個拉麵，一個混麵，見到個炸紫菜墨魚鬚幾吸引都要埋，怕只係一碗麵，女友未必夠飽😛呀！讚咗先，服務員嘅工作態度好好，有禮貌又好恩勤😊👍🏼👍🏼 係臨尾收碗個個妹妹有點不小心，但都有禮貌嘅。雖然兩個麵都唔係勁好味，但我都係俾好評嘅，因為都唔差，服務員又有禮貌，值得試一試，我都應該會再嚟😁 環境俾兩星，係因為背對背嘅坐位真係迫咗少少😛 但裝修各樣都幾靚嘅。我碗醬油豚骨拉麵先到，賣相掂👍🏼 紫菜夠香，麵同湯都好味，係塊豚肉我就麻麻，好似得個咸字，唔多美味。差啲唔記得咗整隻糖心蛋！好味😋👍🏼女友碗辣番茄蟹肉混麵個賣相都好得，相當吸引，但都要食過先知好唔好味⋯⋯第一啖⋯⋯umm ⋯⋯係絲特別，但唔係好好味，但好足料，都值回票價嘅，不過就油咗少少，食到尾聲，成個碗底都係油🤪仲有個炸紫菜墨魚鬚，好味😋👍🏼 又唔油膩，又夠淋，又夠香，正😋👍🏼

裝修 ok位置 ok服務 okconcept ok嘢食 垃圾 湯底 ,唔夠熱麵 , 難消化衰過味千拉麵講完！ 咁既質素比盡佢都係三十蚊！更加不值得排隊失望敗北垃圾幾 肚餓 都唔會再食佢

呢間日本過江龍拉麵店「METRO豚骨BASE」係九龍灣開香港地區分店， 今日路經九龍灣德福廣場，即刻嚟試下先。餐廳位於德福商場一期，附近亦有不少餐廳選擇。去到「METRO豚骨BASE」，入到門口有一部自動賣票機， 選擇自己嘅拉麵後，將收據交俾店員，稍後就會將拉麵送到面前第一次食呢間拉麵，試下醬油豚骨味先（$72）拉麵湯頭濃厚，麵質有咬勁，豚肉大大片，配上溏心蛋及蔬菜， 味道還算不錯呢 份量對我黎講有少少偏少，如果可以大份d就好啦

以前一風堂食了不少次 這次見新開張 居然改了名只賣四款面其實已經食過一次 但上次忘記拍照了上次食的黑蒜油豚骨，叉燒好食，但湯底一般整體一般，不過不失這次食的辣番茄蟹肉混面蟹肉無咩味，份量還夠，面的味道很夠 有炸蒜 番茄仲有黑色的粉係魚介粉？反正我一開始撈混哂香辣但不過辣到舌頭痛，幾好食紫菜炸墨魚須也好食，不過份量稍少兩款面要推薦我會推蟹肉混面埋單88+35間店改成日式機買票 加一人座位買完票自己選位 票放台上就有人收走票送面進食環境舒適 唔洗排隊 食完可以即走環境比以前一風堂進步很大

今日收左工之後要到九龍灣買d嘢，買完原本想快快手搵間嘢食就算，但係咁啱見到呢間過江龍既拉麵🍜原來係Tokyo豚肉Base既姐妹店，見到即刻心心眼😍咁啱佢又有位～呢間佢係門口點左餐先入去食既～而且係可以睇到師傅直接俾碗麵你，充滿日式風格呢🤪我叫左：💟【黑豚骨拉麵 $82】上到黎，真係成碗都黑黑地，但係味道絕對係一流～豬骨湯底好濃好濃，但係就幾鹹，要不時飲水🤣麵條軟稔得嚟又爽口，正👍🏻👍🏻而且豬腩肉真係邪惡滿分，滿滿既油脂🥺流心蛋都恰到好處，浸落湯食或者單食都好味😋但係，份量真係好少⋯⋯我自己本身已經唔係胃口大既人，但係食完都仲可以翻屋企食多個包😅😅而且感覺俾多舊肉都唔過份，因為本身麵都唔係平。我見在場既人都有叫多份小食，但係小食就唔係好抵。

有讚有彈啦，首先系麵質有改善，無成口粉，無鹼水味。唐心蛋都幾好。但最失敗系湯底，太淡味，食唔到豚骨香。角煮直頭唔食得，雖然半肥瘦，但瘦嗰部分食唔到。特別一提，啲職員送食物中意撞我。結論系不合格，不會再嚟

係九龍灣行完街，係德福見到新餐廳食拉麵，原來係來自東京嘅過江龍拉麵，入去試下先～餐廳座位數目唔多，食客需要在門外嘅自助點餐機落單及付款，再由店員安排座位，似足日本啲拉麵店！◼️煮干豚骨 $78拉麵上枱聞到好香，先試一啖湯都覺得唔錯，幾香濃而且湯好熱。有一塊好大好長嘅豚肉，燒到有焦香味，肉質偏腍，味道唔錯；而其他配料有一隻溫泉蛋、荀、紫菜！拉麵偏粗身，唔會煮到好腍，保持口感，如果店家可以俾食客自己揀麵嘅硬度會更加好！◼️辣蕃茄蟹肉混麵 $88呢個係撈麵嚟，連埋香料同配料撈埋一齊食味道都唔錯，幾濃味。車厘茄有兩三粒，佢話辣但完全食唔到辣！而蟹肉份量都比想象中多，除左有兩隻細蟹腳，仲有一堆蟹肉，仲有半隻溫泉蛋食添！麵質同樣係偏粗身，煮完都保持口感！▶️額外加麵只係要$5，男士都唔怕唔夠飽。