Meowtini Cat cafe & Bar

營業中

休息中

呢度裝修超級chill又舒服晏晝朋友帶我黎到呢間有貓貓既餐廳一齊chill住食lunch本身都冇咩期望因為去親貓cafe啲貓都好高傲好小彩人，但呢度唔算大貓貓都有十幾二十隻你一行入黎就好歡迎你任摸而且好嗲真係咩壓力都冇哂，而且餐廳好貓friendly好多位置比貓貓爬高同休息當然佢哋休息梗就唔好騷擾佢哋聽店員講呢度隻隻貓有名而且唔同品種即使我冇養貓都比呢度熱情貓貓融化左講左咁耐，呢度有lunch set都即叫即做，新鮮熱辣好味鮮茄蓉大蝦意大利粉大蝦爽口彈牙，意大利粉剛剛好香煎西冷牛扒/黑椒燒汁西冷牛扒都算大份而且肉味濃又林兩杯野飲比你一路chill住飲

近年去過大大小小 不同的貓Cafe今次朋友搜羅到旺角呢間新開嘅餐廳除咗有貓咪之外，仲可以飲下酒Chill下餐廳裝潢好有特式．以酒桶作餐桌牆上仲有比貓貓休息嘅地方店員好Nice, 都係愛貓之人店內可以買自家製嘅餅餅餵佢地，$20/支就可以令佢地同自己都好開心喇隻隻貓都好乖好痴人，我地食完野都唔捨得咁快走估唔到食物有驚喜，即叫即製去過咁多間，呢間食物最有質數✨卡邦尼意大利粉加入煙肉嘅卡邦尼，Creamy嘅口感趁熱食好正✨香炸軟殼蟹青醬意大利飯呢度嘅青醬係廚師用新鮮配料製作帶出啖啖羅勒．香葉嘅味道原隻軟殼蟹．好香脆飯嘅軟硬度恰好✨柚子蜜糖雞翼大大隻雞翼，肉汁豐富好Juicy添上柚子汁同柚皮，又香又甜✨炸魷魚圈熱辣辣嘅魷魚圈沾少少沙律醬更好味香脆之餘又唔會太油膩✨星野製茶園 星峰向店員查問過3款抺茶嘅分別之後揀咗呢杯質數最高嘅一款味道濃郁得嚟又唔會有苦澀嘅感覺喜愛日本抺茶一定要試✨熱情果梳打✨西柚梳打試咗兩款唔同口味嘅梳打味道清新唔會太甜，夠汽又夠凍

呢間貓Cafe 係有Cocktail 飲㗎！所以佢唔只係Cafe 仲係酒吧🙆🏻‍♀️🔸2人套餐 ($398)(包2 個Main Course，2個餐湯，2 杯飲品）▫️鮮蟹肉蟹肉忌廉意大利粉👉🏻蟹肉份量超多同鮮味十足，已經平均咁撈勻咗喺意粉度，配料仲有蘑菇同蟹籽，意粉硬度適中，好掛汁，食落一啲都唔會乾🫢⭐️⭐️⭐️⭐️.▫️香草蜜糖燒春雞（半隻）配幼滑薯蓉👉🏻燒春雞外皮焦脆，但又唔會燒得太乾，蜜糖味好出好惹味，雞肉都幾嫩滑👉🏻 薯蓉🥔好Creamy同幼滑，亦都有少少薯仔粒增加口感⭐️⭐️⭐️⭐️.▫️南瓜忌廉湯🎃👉🏻 忌廉湯好Creamy 唔會太稀，南瓜味香濃，面頭仲有脆麵包啦索哂啲湯🧡⭐️⭐️⭐️⭐️.▫️Hot Earl Grey Tea ⭐️⭐️⭐️⭐️——————環境：餐廳以深色木傢俬為主，仲有木酒桶嘅枱，水泥地同紅磚牆非常型格，感覺好Raw 同好有工業風味道😚餐廳有大約20 隻主子，全部都好Cute 真係有排玩🤪.評分：9/10.平圴消費：$220

友人知我係貓奴，故今晚約我到呢間在朗豪坊隔離的朗晴坊，位於7樓的#meowtini。進餐廳前要先套上鞋套，進場後就見到可愛的貓咪，佢地都很乖巧親人，真的令我心情為之愉快🥳。鮮蟹膏蟹肉忌廉意大利粉，這個一上枱便吸引了貓貓黎捧場，可想而知有幾香☺️。蟹🦀️膏蟹肉蟹籽，跟忌廉醬汁拌勻，入口鮮咸香，啖啖都食到蟹籽嘅脆卜卜，確係滋味。炸軟殼蟹青醬意大利飯，原隻軟殼蟹很吸引，炸得微脆不油膩，也並不會腥。拌煮的青醬燉飯，調味煮到恰到好處，飯煙韌有嚼口，好快便清晒佢了。西柚梳打🍷，西柚的味道酸溜溜的，加上梳打的口感，清新開胃呀。

網上搵到呢間啱啱新開嘅貓貓Cafe佢喺朗豪坊隔離嘅朗晴坊7樓呢度有十幾隻貓貓有四五隻係三四個月大比起大貓細貓特別活潑同鍾意玩而且仲好得意我諗係啱啱新開，冇人識嘅關係我哋晏晝都接近包場好開心，可以同啲貓貓有好多互動又唔使同人爭貓仔們都好黐身仲會主動上埋張枱度甚至霸咗你本身坐嗰張凳佢哋一啲都唔驚人有啲仲好鍾意俾我哋摸食物方便我嗌咗二人晚餐set有湯有主菜，同一杯飲品今日嘅湯係南瓜湯主菜係卡邦尼意粉同燒春雞飲品就嗌咗伯爵茶同熱情果梳打南瓜湯質地幼滑幾香甜意粉卷得好靚佢唔係話有好多醬汁果種忌廉同芝士俾意粉索哂汁意粉係有口感燒春雞用咗薯蓉同唔同顏色嘅翠玉瓜做擺盤非常之靚雞焗得嫩滑有肉汁，唔會鞋口

鍾意貓嘅朋友一定成日去貓cafe同貓貓玩，喺旺角朗豪坊附近開咗間好大嘅貓cafe，而且非繁忙時段仲可以無限時任坐添！每隻貓貓都好乖任摸唔嬲，有啲仲好識望鏡頭㗎，一路同貓貓互動一路食嘢真係好療癒好放鬆😋 明太子意大利粉 $128每啖都可以食到粒粒分明嘅明太子，而且撈埋明太子醬汁非常濃郁，好有口感！ 鮮蟹肉蟹肉忌廉意大利粉 $138呢款嘅意粉好重忌廉香味，而且蟹肉好足料！意粉上面舖滿咗啖啖蟹肉，蟹肉好鮮甜都大嚿，食得出係真材實料～ 招牌朱古力 $55朱古力好濃郁，同埋飲落好香滑，甜甜哋又不失朱古力嘅味道 山政小山園 式部の昔 $68呢款抹茶飲落有好濃厚嘅茶香味，而且口感都好獨特，粉末質地細膩，令抹茶嘅味道同口感都配合得好好。

📍 Meowtini Cat cafe & Bar🌍旺角砵蘭街215號朗晴坊7樓7/F, Lang Ching Place, 215 Portland Street, Mong Kok📝整體評分：９／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝早前朗晴坊試左劣食牛X，發現呢到原來有貓Cafe，想撚貓好耐架啦！酒桶做枱，酒樽做爬架，昏黃燈光，營造成酒窖。有十幾隻貓貓，有啲好親民，會同你玩，仲會跳上枱面偷食！貓貓可愛，店員漂亮～⤫ 炸魷魚圈 ⤫ ＄８８脆漿皮薄酥香，魷魚厚實～⤫ 明太子意粉 ⤫ ＄１２８明太子混合沙律醬包覆著每一根意粉，唔會好膩，非常滋味，清而不寡好突出紫菜味道。色澤粉紅，賣相好少女~～⤫ 香煎帶子牛肝菌意大利飯 ⤫ ＄１７８牛肝菌味道相當濃郁，意大利飯ｃｒｅａｍｙ，但飯就腍左啲啲。⤫ 百香果梳打 ⤫ ＄半個百香果放係面，刮出果肉拌勻，夏天特飲，非常之清新，格外暢快舒爽！⤫ 德文 ⤫ ＄８５Ｈａｎｄ　Ｐｉｃｋ　Ｗｉｌｄ　Ｐｅａｃｈｙ　Ｂｌａｃｋ　Ｔｅａ，茶具精美醇美茶香，不過價格上略為進取～

貓奴們多個好去處啦～喺正朗豪坊對面新開左呢間貓Cafe，除咗食嘢、嘆咖啡、比貓圍之外，仲可以酒精𠻹～餐廳有好多貓咪友善嘅設計，可以比貓咪跑跑跳跳，又裝有清新空氣機，一啲異味都冇～讚呀！大部份貓咪都好親人，任攬任抱，特別係兩隻緬因貓，非常嗲人Dinner Set for 2 ($398)南瓜湯又香又甜嘅南瓜湯～黑色緬因貓Guinness好想偷食～～～香炸軟殼蟹青醬意大利粉 (+$28)即點即煮，香噴噴，連三花都忍唔住聞多幾問聞，青醬味道濃郁，軟殼蟹都炸得好食，貓咪Cafe都有呢個質素，真係喜出望外香煎三文魚扒擺盤好靚、吸引，略嫌較乾身，如果煮嘅時間短啲會更好凍美式咖啡咖啡都好OK

如果你是一個貓奴，或者你只是喜歡可愛的貓咪，那麼你一定要去試試Meowtini貓咪餐廳。這是一間位於旺角的貓主題餐廳，裡面有十多隻不同品種和個性的貓咪，讓你在享用美食的同時，也可以和牠們玩耍和拍照。我和我的朋友在週末晚上去了這間餐廳，一進門就被迎接了一陣貓咪的叫聲和眼神，好像在歡迎我們一樣。是日餐湯：南瓜忌廉湯：用新鮮嘅南瓜熬製，質地幼滑，味道香甜，唔會太膩。湯上面仲有撒上啲香草麵包粒，增加香氣同層次感。清新嘅沙律：沙律係用咗多款新鮮嘅沙律菜、番茄、配上自製嘅沙律汁，味道清爽。鮮蟹肉忌廉意大利粉：呢個意大利粉係用新鮮嘅蟹肉同忌廉汁炒製，蟹肉份量十足，肉質彈牙，忌廉汁香滑濃郁，唔會太乾或太稀。意大利粉煮得剛剛好，表面仲加埋蟹籽增加口感。香煎三文魚扒配檸檬忌廉汁：三文魚扒煎至表面金黃香脆，內裡仲保持多汁嫩滑。搭配上自製嘅檸檬忌廉汁，增加鮮甜同酸甜嘅滋味。飲品：雜果MIXED FRUIT PUNCH，紫霞仙子PURPLE ANGEL。呢兩款飲品都係用新鮮嘅水果同梳打水調製，顏色鮮艷，味道清新，而後者仲有好靚嘅漸層，用嚟打卡影相一流。

📢 號外❗號外❗各位貓痴貓迷人仕請注意, 這間貓咪咖啡店邊食邊與貓互動感覺都幾正😉。 尤其辛苦完一天工作見到一班可愛的貓咪們圍住你又會走向你身邊黏你會有種忘憂的感覺。唯一擔心只是怕佢地會唔小心食了食客的食物。因為有部份食物貓咪們係唔可以食的。進店前店員會安排食客穿上鞋套及消毒雙手先可以進店用膳。 當進入店後目測已看到十隻貓咪左右牠們在店內跑跑跳跳十分活躍。尤其貓店長Tini佢係全部貓入面年紀及身型最細的, 當小編跟友人傾計時佢會時不時走過來引大家注意, 十分可愛😍。餐廳裝潢大部分主要是為貓咪們而設, 當中有簡單設計的木板架裝在窗戶不同位置及有幾個酒桶切開型成一個九宮格牆供貓咪攀爬。而餐桌及椅子設計主要是木，當中還有部分枱是酒桶設計的枱都幾特別。食物方面小編點了兩份意粉及一個小食分別是： 🦀鮮蟹肉蟹肉忌廉意大利粉建議大家趁熱食, 唔好掛住同貓咪玩到遲左食而影響食物質素, 因為蟹肉如果凍左食會偏腥。 我覺得整碟意粉味道好香蟹味, 主要係唔會好咸, 加上蟹肉同意粉份量比例都平均如果多番少少醬汁會更正。🍄輕煎北海道帶子牛肝菌意大利飯大大粒帶子配上牛肝菌一齊食味道估唔到甘夾, 牛肝菌味道好出,

話說都好耐冇去過cafe，今次去左貓cafe到食野，cafe裝修得好精緻，而且都好多貓貓，仲好乖添！今次我地叫左2個 2人嘅dinner set,有湯／沙律、肉類、主菜同飲品1. 洋蔥薯仔忌廉湯入口就有洋蔥的味道，仲有薯仔同忌廉的香滑口感，真係好好味。湯的質地好滑，不會太杰，飲落好舒服😋😋2. 雜菜沙律沙律菜非常新鮮同爽脆，而且醬汁岩岩好，不會太酸或太甜，令整個沙律都好平衡😋3. 輕煎北海道帶子牛肝菌意大利飯帶子和牛肝菌的味道很濃郁，帶子煎得岩岩好好，口感很嫩滑，每一啖飯都食牛肝菌的鮮味。意大利飯的煮得岩岩好，冇煮過龍，整體味道非常平衡😋4. 鮮蟹肉蟹肉忌廉意大利粉蟹肉的味道很濃郁，配上忌廉醬的香滑口感，令成個意粉都好正。意粉同蟹肉份量很足夠，每一啖都可以食到蟹肉，真是非常滿足。意粉煮得岩岩好，正😋5. 香草蜜糖燒春雞(半隻)配幼滑薯蓉香草同蜜糖的味道好夾，令成隻春雞都好香口。雞肉滑嫩，非常好食。薯蓉的口感很滑身，同燒春雞好夾😋6. 香煎紐西蘭西冷牛扒 8安士牛扒岩岩好唔成熟，外面煎得香口，肉質仍然很juicy。牛肉的味道很濃郁，份量都好足，配上薯角，真係食唔停口😋😋7. 凍咖啡奶同啡

知道旺角新開了一間貓貓cafe，特意約貓奴朋友去吸貓。店內約有十多隻不同品種的可愛小貓坐陣，讓客人可以一邊與貓貓玩耍，一邊打卡，一邊用餐，更不設最低消費。蟹肉牛油果他他伴脆多士 ($108)顏色吸引，酸酸甜甜，伴以香烤多士同食，是開胃清新之選，絕對令人停不了口。明太子意大利粉 ($128)意粉充分吸收了明太子鹹香，微辣又惹味，令人胃口大增。西柚梳打 ($58)味道酸酸甜甜，飲落清新涼爽，絕對是夏日消暑之選。

Meow Meow😻 好多種類😍可以好親近同佢地玩，一齊食野好開心呀⋯⋯個到地方寬敞、乾淨，環境非常之舒服，又有野食野飲提供👍🏻柚子蜜糖雞翼🍯用左柚子酸酸甜甜好開胃，雞翼炸到脆卜卜，做小食真係好鬼正。香脆炸薯條🍟明太子醬重點更係個明太子醬啦⋯⋯點左即時提升左薯條個味道。香炸軟殼蟹青醬意大利飯🦀好惹味嘅一個飯，軟殼蟹好香口，好鍾意d飯大大粒嘅感覺。熱情果梳打🍹西柚梳打🍹兩杯都好清新解渴。

早幾人疫情大家都時刻好注重衞生都少左好多寵物Cafe😩今年放寬返都開返好多貓貓🐱Cafe 🥹一路邊食野或者飲野又可以望住d可愛貓貓真係好療癒 🤤🤤旺角又新開左一間貓貓Cafe 🫣又方便我地黎到親近摸貓貓 😇環境衛生乾淨 😍 入去前店員會好細心咁係門口提供鞋套以保持乾淨同唔好帶埋啲菌踩污糟地下 🙂因為啲貓貓係通地行🥹🥹🌟Dinner Set For 2 💰$398🌟卡邦尼意大利粉意大利粉🍝好冧、個汁都好夠味 😚🌟香煎三文魚扒配檸檬忌廉汁好大一塊三文魚扒 😌煎得好香脆，加埋個檸檬🍋忌廉汁酸甜感好開胃🫰🏻🌟Mango Yogurt 楊枝係一杯有氣既楊枝甘露味飲品 ☺️好適合夏天既天氣 🌞🌟Purple Angel 紫霞仙子做左layer有漸層效果 🤓夏日最岩飲Soda既飲品🥤裝飾仲有一粒好甜既荔枝 😚啤啤推介指數：🐻🐻🐻🐻/4粒Meowtini Cat cafe & Bar (旺角)📍地址：旺角砵蘭街215號朗晴坊7樓☎️ 電話： 59326929#香港美食 #油尖旺美食 #旺角美食 #啤啤遊食團 #美食推介 #旺角美食推介 #假日好去處 #相機食先 #港人推介美食 #平民遊 #意大利菜#甜品

Dinnet set for 2 🐱❤️🐱卡邦尼意大利粉賣相：🐧🐧🐧🐧🐧味道：🐧🐧🐧🐧意粉火喉恰到好處，煙韌有嚼口，不會過於腍身。醬汁有濃郁的芝士味，帶有粒粒芝士碎，入口有獨特的流沙感。另兼具嫩溜溜的蛋汁，令整體多添一絲幼滑質感。意式煙肉份量極多，煮得不過鹹又不太淡，味道剛剛好，伴意粉一起吃，滋味絕佳。香草蜜糖燒春雞配幼滑薯蓉賣相：🐧🐧🐧🐧🐧味道：🐧🐧🐧🐧🐧燒春雞新鮮燒起，入口時依然熱騰騰🤩咬下去外皮薄脆香口，內裡雞肉嫩滑又多汁，加上香草的陣陣芬芳，以及蜜糖的甘甜香味，令整體更加惹味可口。Orange Americano西柚梳打賣相：🐧🐧🐧🐧🐧味道：🐧🐧🐧🐧🐧橙啡咖啡味道濃厚香醇，帶有咖啡獨有的淡淡苦味，再以酸香新鮮的橙汁作調味，入口冰涼又醒神，夏日推薦。西柚梳打中西柚的味道非常出眾，酸溜溜的滋味，加上碳酸的口感，非常開胃又清爽。🐧❣️跟餐附送餐湯2客🍲環境：🐧🐧🐧🐧🐧🐱🐱🐱🐱🐱餐廳內有大量🐱主子陪坐❤️溫順乖巧又任影唔嬲🤤治癒度爆分💞貓奴們務必前來朝聖🫡💓餐廳設計務求切合🐱主子的需要，有大量壁框窗架方便主子們穿梭行走，更設有小型休憩區讓🐱主子能放寬心情，非常理想👍🐧❤️結語：🐱奴們必到聖地❤️