Men-ya New Old

營業中

休息中

沾麵一定係超濃魚介湯？依間麵店反行其道，主餐廳只有4款：昆布水沾麵同拉麵；醬油同鹽味！昆布水沾麵比較少見，今次就特登去試吓！—— 昆布水沾麵 $138食法有三個步驟，第一係就咁食啲麵咩都唔加，一食個口感真係好符合佢呈現嘅狀態，幼麵條條分明，煙韌彈牙，麵條真係整得好！第二就係放入沽汁食，唔算好掛汁，而個沾汁都係偏流質，唔會太濃；最後就加埋昆布水入沾汁食，鹹香就再多咗。整體啱鐘意清清哋嘅朋友食，我就覺得麵質比昆布水更出色🤣—— 醬油拉麵 $128有啲似昆布版放入沾汁食嘅熱version，醬油湯底就不過不失，但啲麵就算係放咗入咁熱嘅湯，彈牙程度同常溫食嘅一樣，真係有調整過煮嘅時間，食到差唔多清碗啲麵嘅質感先轉淋咗少少少少，依個真係有驚喜！🌟推薦指數：7/10▫️▫️▫️▫️▫️▫️▫️▫️▫️▫️▫️▫️▫️ 📍 Men-ya New Old (中環)中環歌賦街9號地舖

《Men-ya New Old》醬油拉麵🍜📍中環歌賦街9號地舖時間一轉，對上次黎呢間店已經係有半年前了。上次食嘅係《昆布水沾麵🍜》，明顯地係高質，不過偏貴，而昆布水並冇為我帶來太多餘韻，所以一路都冇再去。今日咁啱响附近收工，又諗起佢，而一路都有個念頭想試埋佢嘅《醬油拉麵🍜》，一於就gogogo啦。香味 (3/5)名店嘅拉麵🍜，一攞上枱個賣相超靚，以為好香，點知一聞又只係一般般，唔係特別香，聞到只係少少醬油味同蔥味。湯 (3/5)湯非常咁通透，油量偏多不過都算輕盈。醬油香同味，我認為就唔特別，只屬於正常好食。而鹹度偏高，頭幾啖還好，食到未有d吃力。而湯底嘅味可能因為太鹹，唔係好食得出用咩去煲，估計係以雞骨為主。麵條 (4.5/5)細麵至中細麵之間，軟糯，幾有個性。以一個咁重鹹嘅湯來講，麥味就唔多食得出，少少啦，不過呢款麵口感係好特別，同屯門《道》款麵有相似之處。配料 (4/5)豬叉燒嘅煙燻味超高，而家有用火熗燒過先上碟。肉質較扎實，唔係軟熟嗰類口感，不過都唔硬。肉味係夠，幾好食。溏心蛋本身冇，要額外加。我就覺得麻麻地，太熟左少少。筍就唔錯啦，正正常常。整體 - 如果唔介意貴少少，可一試。

I just had a rather disappointing Chicken broth Ramen the other day and I need something to fix that feeling😌…Isshin Group brand should be pretty safe right!? Zagin Soba and Maru De Sankaku are pretty decent🤔So this ramen place has been around for quite some time but I personally don’t really know what Kombu taste like and I’m not too bothering knowing, so, never had the interest but I heard that they also do pretty good Shoyu Ramen and I didn’t wanna go too far, so, I thought, why not give them

位於中環歌賦街的「Meni ya Now Old」以簡約木系裝潢營造和風氛圍，主打鹽味及醬油味拉麵與沾麵。醬油拉麵湯底清澈但醬油味道非常濃郁，豚骨香氣渾厚，搭配幼麵吸附力十足；鹽味昆布水沾麵則以清澈昆布高湯為靈魂，冷麵蘸熱湯的吃法凸顯麵條彈牙口感，海潮鮮味層層綻放，熱湯內的豚肉都非常給力，油脂分布均勻，肉質鮮嫩，完全吸附熱湯的濃郁岩鹽味道，豐富味蕾。日式清心蛋溏心流淌，醬香入味，而拉麵份量都剛剛好。人均$140價位屬中上，但湯底工藝與食材品質值得再訪。服務效率卓越，新開張一段時間暫時不用排長龍，適合追求湯頭深度的拉麵迷，建議加點小食例如和牛壽司豐富用餐體驗。

今時今日香港，通貨膨脹、物價騰飛，食個拉麵閑閑地都過$100。其他嘢唔講，講重點：一定要食昆布水沾麵！但係唔好浸落個湯度！食完個麵先將昆布水倒落湯度飲湯！如果你唔遵守以上呢一個做法，你得到嘅係一個失望。實際上係食冷麵，飲熱湯，因為個麵已經沾咗昆布水。昆布水沾麵 - 好好食！

食物質素：相當驚喜有新意歌賦街本身就多出名高質素嘅日式拉麵鋪，包括蜆湯拉麵Ode、雞白湯拉麵座銀、米芝蓮推介沾麵周月、長滨Nagahama No.1拉麵等等，估唔到食咗咁多年全港咁多間拉麵鋪，歌賦街都仲可以開出一間咁有新意嘅拉麵鋪，主打昆布冷水沾麵、配滾熱辣嘅醬油味/鹽味湯、口感精彩豐富、冷熱交融，檯面上推介嘅“2億年鹽”味道不錯lol。呢間餐廳無論昆布水沾麵定係湯麵、無論醬油定鹽味湯底都幾好味，拉麵爽口彈牙有質地，配菜嘅肉煙燻味香濃、幾有趣。如果點昆布水沾麵，終會有冷熱交融嘅體驗、拉麵嘅爽口清爽程度會指數級飆升。環境：座位空間大，坐得都舒服，乾淨企理、有大包裝紙巾提供、衛生同服務都不錯服務：服務員好熱心，即使忙都會用心觀察你嘅需求，喺我睇緊檯面instructions嘅時候、會主動行過嚟同你講解推介食法、感受得到佢嘅關注同觀察。呢一d野喺中環lunch time高峰期期間係超出我預期嘅。觀察：餐廳有一個日本人資深拉麵大廚(有時唔喺度)同埋一個跟佢學師嘅後生日本人靚仔。我本身聽得明少少日文，佢地做野期間一直喺度用日文傾緊點樣將個拉麵整到更加完美爽口好食，對住顧客又特別禮貌、服務好好，感

座銀集團旗下 懷舊又新式的Men-ya New Old新式沾麵 - 昆布水沾麵麵條由日本直送到港，小麥香氣原汁原味再注入昆布水💦餐廳提供拉麵和沾麵～ 配兩款湯底決定一戰主打的沾麵(๑•̀‧̫•́๑)醤油湯以北海道產昆布和鷄隻做湯底，再加上三種類醬油（濃口，薄口，特製醬油）而煮成的鷄清湯🐓塩湯選用昆布，蝦乾，乾元具，冬菇乾做湯底，再配上由法國西岸布列塔尼採集得來上乘之鹽而煮成的海鮮清湯🦐昆布水味道較淡，但麵條確實幾彈牙，食落滑潺潺🤓兩款湯底個人比較喜歡帶鮮味的塩湯( ˙༥˙ )

無意中見到某媒體上有人報料，中環歌賦街開左間新拉麵店，有我一直好想試，而响香港又難會搵到嘅昆布水沾麵🍜咁仲等咩，衝啦喂！醬油昆布水沾麵🍜追加盛盒🥩🥚香味 (5/5) - 沾汁嘅醬油香同其它店聞到嘅香味差距頗大，比較優雅，而且煙燻味極濃，論香味真係冇野彈，令第一印象非常好。醬油沾汁 (4.5/5) - 先講顏色，以醬油沾汁來講，佢唔算深色，屬紅茶色，清澈，上面浮嘅油清楚見到，上面仲有蔥，賣相冇得輸。沾汁嘅味道亦相當好，濃度鹹度剛好，醬油嘅味道好特別，唔係大眾貨色，感覺高雅。加埋煙燻味嘅加持，呢個沾汁我認為近乎完美。唯一少扣分嘅係同用餐體驗有關，稍後講。昆布水 (3/5) - 我第一次試昆布水，唔太知用咩標準去比分。我比3分嘅原因係，昆布水本身近乎係冇乜味，佢一如所料咁，質地相當之黏痴痴，有d似秋葵入面d肉嘅質地。但，稠而不濃，冇乜味道嘅情況下，我認為佢存在嘅價值就只係為左提升口感，而呢件事佢係做到嘅。麵條 (3/5) - 幼面，偏白色，小曲。麵條並唔係一般拉麵店會遇到，用小麥粉造嘅麵，呢款麵本身冇乜味，有d似日式素麵。口感方面非常煙韌，似食緊韓式嘅水冷麵。無論我係就咁食，加岩鹽食，或沾落

香港大部分食到嘅醬油拉麵, 都好鬼似自己屋企煮公仔麵！所以冇乜人識欣賞！新開嘅麵屋New Old可能會改變你嘅想法！傳統日本木系裝修, 感覺好「日本」, 仲有真正日本師傅坐鎮！拉麵底係爽口而且好彈牙, 好有實在嘅感覺, 當然同公仔麵或者出前一丁冇得畀啦！醬油雞湯底鹹味十足（醬油湯底梗係鹹㗎啦, 唔鹹都唔叫做醬油湯底啦）, 清雞湯冇咁滯, 夏天食一流！煙燻叉燒絕對係一絕, 可惜得兩片有啲唔夠喉😜碗拉麵係唔包溏心蛋, 不過就咁叫一隻都係18蚊, 蛋白嘅味道比較淡, 不過蛋黃濃鬱！服務好好, 店員會詢問你係咪第一次嚟食, 並且有簡單介紹！張濕紙巾真係靚到一個點！最犀利係佢冇加一服務費嘅！如果想尋回日本醬油拉麵, 呢度絕對一個好地方！

New ramen joint at Gough Street. The latest addition to the group behind Zagin Soba and Ode Maru De Sankaku that features a recently invented type of tsukemen known as the kombu dipping ramen, with ramen first served in a kombu dashi, before dipping into a second bowl of broth (either shoyu 醬油 or shio 塩 based). I picked the shoyu based broth, which is made from chicken and Hokkaido kombu with three types of soy sauces. The glutamine in the kombu dashi is said for enhancing the glutinous texture

聽個youtuber ‘’fishball 日本仔‘’介紹話好濃郁好有punch嘅雞清湯，中咗咒語咁走咗去試。原來係座銀group分支醬油雞$128，飲頭啖湯已覺好咸，又唔多覺有雞味，不喜歡煙燻叉燒只吃了半件，味玉$18蛋味淡，成碗努力食咗一半食唔哂，極少有地湯都飲淨好多😅 同行鹽味海鮮都係食唔哂。走時見師傅仔望住我哋個碗內吃剩嘅麵同餸，有D唔好意思，不過真係過鹹食唔落，如果tare減半可能好啲。麵就係彈嘅，不過唔知點解會唸起中華三味嘅麵底。服務不錯，有禮貌，見我揾纸巾成盒tempo放低，細心。舖面清簡乾淨，好modern feel.職員制服醒目。不過有D失望，可以講係伏咗。

歌賦街一向有不少高質拉麵店，當中我至愛Next Shikaku嘅蠔湯拉麵，呢日心血來潮去食，點知冇開門🥹唯有去隔離舖頭呢間新開嘅沾麵店嘗嘗鮮🤣原來佢都係座銀集團旗下，集團另有🍗座銀（雞白湯）、🐟Ode（鯛魚湯）同🦪Next Shikaku（蠔湯），都係湯底落足心機，好高質嘅拉麵店，質素有保證👍🏻期待值即時提高。店內有吧檯同卡位。舖頭只賣兩款沾麵，偏粗身嘅麵條會放喺昆布水，可以令麵條keep住滑身同味道多啲層次。呢個集團嘅服務一向幾好，排隊嘅時候店員會提供水，而且個日突然落大雨又冇帶遮，佢哋好好地借咗把遮比我，好暖❤️🍜昆布水沾麵－醬油粗身嘅麵條浸係昆布水之中，可以先品嚐原味麵條，然後放少少鹽一齊食。麵條煙煙韌韌，口感唔錯😙之後就可以放入醬油沾麵湯。沾麵湯入面好足料，有唔少豬肉同筍。入口會食到鹹香醒胃嘅醬油味，加埋麵條一齊食，味道剛剛好，唔會太鹹，係帶有層次嘅鹹香味😚😚食完麵最後就可以將昆布水倒入沾麵湯飲。如果鍾意食醬油拉麵嘅人都不妨一試。另外仲有鹽味沾麵湯。🥚日式糖心蛋人均消費：$160推介指數（10分為滿分）：8分