Match2 麻吉哩厚

麻薯芋泥肉鬆豬排係我最中意，外皮炸得脆身，豬扒厚肉汁都鎖到住，入面有軟糯麻薯同香芋泥，再加啲肉鬆提味，甜鹹啱啱好，一啖幾過癮，食完唔會太杰太油。墨魚滑玉米燒分量十足，墨魚滑彈牙有墨魚味，炸得外脆內軟，掃咗層蛋黃醬同芝士粉，微辣帶香，幾開胃。牛肉麵湯底偏濃，香料味夠而不搶，牛肉燜得軟入，麵夠煙韌有口感，冬日食一碗暖笠笠，幾舒服。呢間餐廳啲嘢創意多又好食，唔會太甜太鹹，啱晒香港人口味，價錢都OK，之後想再試其他。…查看更多

係海港城行街，睇到呢間臺灣菜就諗住試下。入去之前都先睇咗openrice嘅食記，有人話份量少同埋價錢貴，因爲肚餓所以唔想再搵其他餐廳。食咗之後先知睇過嘅食記完全冇講錯。一份三杯雞128$，冇跟飯，米飯15$一份，有加一，服務都唔錯嘅。就係份量真係唔多同埋味道一般般，三杯雞食唔出酒香味，雞肉唔夠嫩，性價比一般，之後唔會再來…查看更多

嚟咗海港城嘅麻吉，環境幾乾淨舒服。今次同同事試咗佢地既三杯雞配白飯套餐、古早牛肋麵同鹽酥雞，味道都幾ok。三杯雞用個小鐵鍋上枱，熱辣辣，雞件焗得入味，醬汁夠濃，帶酒香同蒜香，九層塔都幾香。雞肉嫩滑，配白飯食幾夾意，份量啱啱好。古早牛肋麵湯底清淡但有味，牛肋骨炆到軟腍，肉容易離骨。加咗紅蘿蔔、蟲草花同蔥花，賣相唔錯。麵條彈牙，吸湯好，食完暖胃。鹽酥雞炸得金黃酥脆，粉唔厚，咬落去唔算油。九層塔炸過香口，配蛋黃醬，鹹甜啱口。一碟分量多，兩個人分都夠。每樣野既台式味道都做得幾正宗，價錢合理，服務都ok。如果喺海港城搵野食，呢度係唔錯既選擇。…查看更多

今次同事話試一間新既台灣菜 以前一年去4次台灣 依家少左時間去唔到 難得公司附近有台灣菜食 一於試下佢雙色台灣腸皮蛋青椒拌麵- 青椒皮蛋個味道幾香口惹味 麵質唔錯 台灣腸好薄3前菜- 估唔到佢全部前菜都好食 好岩我口味脆皮蘿蔔糕- 佢個口感幾特別，外脆內軟，加埋面頭個汁其實幾好味蝦扯蛋蓋飯-個名幾特別 滷肉偏肥 蝦同埋小柱普通 明顯急凍野 味道一般寧夏鹽酥魷魚- 好香口惹味 呢個味道唔錯 值得試麻辣臭豆腐- 又麻又辣 味道唔錯 鹽酥雞配麻婆豆腐蓋飯- 雞唔算大粒 但味道唔錯 麻婆豆腐就一般般 總括來講 調味都幾濃味 但係又唔算太好食咁 應該唔會再食…查看更多

食物質素不過不失，正常台灣野，較重口味🫡不過服務質素就認真麻麻🥱入去餐廳之前，店員同我講2115 last order，2200閂門。入去個陣大約2100，咁見仲有成個鐘先閂門就照入去食。落完單，10分鐘後就陸續上餐。大概食咗半個鐘，2140左右就有個女staff好似見堆manager走晒就趕住收工兼趕人走🙄。我杯野飲仲有大半杯係到，未飲完就問我仲要唔要🤥，過多2分鐘仲過嚟同我講差唔多閂門😨。個陣係2142，仲要講完企係我哋隔離望住我地，隔離枱對情侶個臭臭鍋仲有一半先食完，個staff照樣過去同佢講差唔多閂門🫠，跟住又係繼續企係隔離，驚死人唔知佢要執嘢走咁。最後，我都廢事講2142就起身走。我明白，我都做過餐飲，做餐廳d客走晒，收晒尾，收好水bar，洗晒野係可以早啲收工早啲休息。但個前題係個客未食完未飲完，佢需要坐到21:59:59你係唔可以趕佢走。阻住你早收工，唔好意思。但你都阻住咗我食飯！🫤…查看更多

好耐無出街行，原來海港城開咗啲新食店晏晝四點幾都未食第一餐，行到有啲暈俾我見到呢間食店店鋪當時冇乜人，心諗都未必會好食！坐低睇佢哋餐牌，見到套餐都有好多選擇，但就無我想食嘅牛肉麵，所以我就散叫咗個半根牛肉麵同珍珠奶茶，珍珠奶茶正常沒有乜嘢特別，但係個牛肉麵就真係有驚喜個湯底十分濃郁，牛根同牛肉都好入味，但牛肉就唔太淋但令我最驚喜反而係個麵底，估唔到咁煙靭彈牙可能我鍾意食煙韌嘅嘢，所以我覺得好好食整體嚟講唔錯，環境坐得舒服，唯一就係不便宜，一碗牛肉麵要$122 ，再加埋珍珠奶茶埋單一個人食咗171😅唔係成日去食都唔係一個問題，最緊要好食…查看更多

今日適逢假期嚟咗海港城搵好嘢食，經過見到一間好新淨嘅台灣菜所以就諗住行入去試吓，裝修好靚，座位亦都坐得好闊落，整體店面唔算太嘈，呢間舖係咪新式台灣菜，嗌咗最經典嘅溫泉蛋肉燥飯，不過不失，不過嫌肉燥有啲鞋😵‍💫，都幾入味，溫泉蛋都煮得啱啱好，但係呢個價錢就唔算太抵，小食就嗌咗墨魚汁鹽酥雞，老實講就唔係好食到墨魚汁嘅味，都係好似普通鹽酥雞，不過幾有肉汁👍🏻，外皮脆卜卜，都幾好食！整體嚟講性價比唔算太高，喺尖沙咀呢度應該有更加好嘅選擇🤔…查看更多

今日去了海港城， 經過一間餐廳，是台灣菜，便進入嘗試。紅燒麻吉吉早牛肋麵湯底是台灣的紅燒味道，但牛肋有點乾，燉得太久而失去水份的感覺。台灣沙茶海鮮麵湯底有濃濃的花生香味，海鮮可以，魷魚及青口不錯，但蝦煮得太久有點過熟。甘梅粉地瓜條新鮮炸，香脆而且熱，味道不錯。墨汁鹽酥雞配三文魚子及辣味蛋黃醬（加$8）吃到鹽酥雞的味及三文魚子的鹹配搭蛋黃醬的辣味，不同的味道在口中混合，不錯的選擇。追加大甲芋泥芝士肉鬆蛋餅沙律醬的味道太突出，蓋過了香芋及肉鬆的味道及不夠熱送上餐桌。蜂蜜柚子茶（熱）鮮鳳梨綠茶（凍）飲品不過不失。…查看更多

麻吉古早牛肋麵 (紅燒) $108面質有彈性 牛肋肉味濃有咬口 湯底香濃 女士嚟講 份量岩岩好蒜香鐵板沙白 $98欣賞沙白無沙 鐵板燒到熱辣辣上菜 可惜太油 加上熱力令蒜蓉有少少overcook 有少少苦澀味 基隆廟口酥炸杏鮑菇(鹽酥) $56正當發揮 再濕潤少少會更好 份量比想像中多 幾抵食大甲芋泥芝士肉鬆蛋餅 $78沙律醬太搶戲 餡料份量太少 蛋皮冇蛋香 芋泥少兼無味道 食落似食沙律醬生菜餅 有啲失望墨魚滑玉米燒 $72粟米仔好香 墨魚滑爽滑 面頭仲有啲咸蛋碎 幾特別 可以多兩件會更好凍愛玉手打檸檬茶 $43檸檬愛玉冬瓜茶 $39飲品正常發揮 少甜滿意⛺️Match2 麻吉哩厚📍香港尖沙咀廣東道3-27號海港城港威商場3樓3208號舖…查看更多

經過見到呢間台式餐廳 裝修得幾靚 就入咗去食🍴主打台灣地道匠心手作小食, 甜品同手搖飲品 估唔到有驚喜❤️‍🔥.📌三文魚明太子蛋餅 $108是日MVP🌟蛋餅皮手工製 薄身柔軟🫓搭配鹹鮮煙三文魚同明太子醬 好特別🍣加埋香甜肉鬆同沙律醬 味道出奇地夾🐷另有少量生菜絲 降低膩感🥬.📌起司芋泥肉鬆豬排 $82外層炸得金黃酥脆🧡但豬扒太薄 食到肉鮮味 口感就冇乜🥩捲住多重內餡：微微拉絲鹹香芝士🧀香甜肉鬆🐷綿滑芋泥🍠仲有蔬菜絲 層次超豐富🥬.📌麻薯肉鬆蛋烘餅(4件) $52Pancake鬆軟富蛋香🥞麻糬軟糯拉絲🍡配埋香甜肉鬆 真係好夾🐷.〰️LUNCH SET〰️配精選前菜(醃白蘿蔔, 酸菜同蘿蔔乾)及清新果茶一杯✨.📌酥炸軟殼蟹 配麻婆豆腐拌麵 $118麻婆豆腐份量十足 濃郁麻香中帶點辛辣🌶️麵條拌勻豆腐 口感滑捋捋🤍但略嫌麵質太軟腍🍜軟殼蟹幾酥脆 不過偏細隻 唔夠厚肉飽滿🦀.📌紫米珍珠芋圓配椰汁(小份) $freeLike同share IG就有得送 細份都咁足料大碗‼️紫糯米軟糯香甜💜珍珠好Q彈🖤雙色芋圓煙韌有咬口 但味道唔出🍡檸檬寒天做底 爽滑清新🍋淋滿香濃椰汁 都甜而不膩🥥配料仲有綿密紅豆🫘香脆花生同granola 超豐富🥜🌾.📌手打西柚檸檬茶 $33 (午市套餐飲品正價減$10)以新鮮西柚同檸檬打成 果香十足 但應該加咗糖漿 唔夠清爽開胃🍹…查看更多

我就已經嚟食咗兩次喇,正所謂一山不能藏二虎，海港城200米內嘅距離入面有一間check in Taipei亦都有呢間台灣嘢,我個人認為check in taipei性價比真係太低,呢間嘅價錢同埋食物水準我覺得都比較合理第一次食咗鹽酥雞配麻婆豆腐飯,其實我覺得配白飯會好味啲,我唔明點解佢套餐要配麻婆豆腐飯...可能覺得睇落抵食啲掛,如果鹽酥雞可以大舊少少會好啲，因為而家好似食緊炸雞皮咁第二次嚟食咗藤椒牛肉拌麵，因為加咗藤椒嘅關係唔覺得好台灣菜，牛肉都煮得好腍嘅海港城入面嘅午餐嚟講百零蚊有交易算係咁啦…查看更多

朋友同我行咗一陣街見到呢間餐廳有位，餐牌都幾吸引，所以入嚟試吓。見到個餐牌上面有好多新款嘅台灣菜，令我哋覺得好有新鮮感，跟住朋友試咗幾款，食到嘔。時間關係所以冇影到全部相。不過大概介紹吓所有難食嘅產品。1） 「鹹蛋黃炸茄子」真係未試過咁難食，朋友本身話炸物應該唔會差得去邊，可惜淋到好可怕，真係好鬼難食；2） 沙律菜啲菜係爛嘅，朋友不停揀走爛嘅菜，食得好辛苦。3）朋友杯薑茶好淡味，好似冇料甘4）朋友杯滷肉飯勁少餸，勁多飯撈埋一齊都唔合比例5）嗰個蛋餅太多沙律醬太滯啦不過總括嚟講，啲服務態度係OK嘅，環境都OK，不過食物實在太唔接受到，我哋仲發現周圍嘅即刻埋單嗰陣枱面都有食唔晒嘅嘢，希望呢間餐廳如果想做得好啲，就改善吓啲食物質素啦…查看更多

海港城的麻吉喱厚餐廳名字特別。古早牛肋麵，湯底醇厚，牛肋肉入味但煮得未夠淋，麵條Q彈有勁。還有蟲草花做配料，非常養生。我會因為湯底下次再試牛筋牛小排麵。❤️滷肉飯的滷汁香氣四溢，滷肉肥瘦適中，撈飯十分美味，真的是令人難以抗拒。大甲芋泥芝士肉鬆蛋餅，芋泥的綿密搭配肉鬆的鹹香，希望芝士份量增多，提升吃起來層次豐富。而大甲芋頭鮮奶飲品，芋頭香甜細膩，與鮮奶完美融合，口感絲滑，甜度適中，值得一試。🫶🏻…查看更多

女女食到清碗 🥣 Match² 麻吉哩厚今次帶女女去開尖沙咀開餐！又食台式餐廳了😍😍餐廳格局幾好，好有氣氛！座位寬敞，職員亦都好有禮貌😀就算收走餐盤，都會叫我哋慢慢坐👍🏻🔹滷水大腸麵線女女食到清碗系列🤣 好香，湯好濃，麵線不會太碎！而且滷水大腸嘅份量都唔小👍🏻🔹金沙香酥雞蛋餅雞蛋餅好厚實，不過內裏太淡味！😓幸好上面的金沙醬幾香蛋黃味！😌🔹 夜市地瓜條（紫薯粉）充滿澱粉質嘅感覺，甜甜地好好食！份量都幾大盤🤭食唔曬！📍Match² 麻吉哩厚尖沙咀廣東道3-27號海港城港威商場3樓3208號舖…查看更多

見到K11有新餐廳裝修好靚，突然想食台灣嘢，比佢哋出邊嘅臭臭鍋宣傳，嗌左晚巿二人餐$42x 。麻辣鴨血鴨血好彈牙，下邊有芽菜同腐竹，上面有青花椒，麻得好過癮。大甲芋泥芝士肉鬆蛋餅蛋餅薄身外皮煙靭，入邊超多料，入邊有芝士、沙律醬、肉鬆、芋泥、生菜，有芫荽係面，好食。麻吉臭臭鍋味道夠，就咁飲湯底偏鹹少少，但係入邊啲材料味道就剛剛好。入邊好多料，豆腐有4舊，肥牛都有好多片，豬大腸都係大大嚿的！飲品加錢嗌咗其他特飲，熱嘅桂圓紅棗茶，同比較特別嘅綠豆椰汁冰。…查看更多