Mansons Lot (汕頭街)

喺香港會做朝啡夕酒，即係day time serve啡，夜晚serve酒嘅餐廳越黎越多，之前就去咗灣仔一間以黑膠唱片為主題嘅朝啡夕酒餐廳。講明係朝啡夕酒，一黎梗係講咗兩杯cocktail先：🍸Irish Coffee🌟 - 我會形容呢杯愛爾蘭咖啡係今日嘅MVP。杯Irish Coffee 一到，除咗靚，最surprise我嘅係調酒師有喺杯邊掃一層糖，細節滿滿。喺香港有得飲Irish Coffee嘅地方唔多，咁有心機嘅，真係好難得。然後，一飲係有驚艷嘅感覺。表層有綿滑奶泡，入口溫暖順滑。朝啡夕酒亦唔係浪得虛名，感受到調酒師係有好好選用咖啡豆，之後再搵相對應嘅威士忌黎調配。呢杯絕對係一杯飲得順滑舒服，會令人keep住想咁飲落去嘅cocktail 。細個時沉迷睇痞子蔡，睇完佢嘅《愛爾蘭咖啡》，就入咗心，然後每次去到有愛爾蘭咖啡點嘅餐廳，都會點。歷年試盡唔同餐廳嘅愛爾蘭咖啡，做得好嘅有，做得求其嘅亦大有所在，而好似呢杯能夠做到聲色藝都有嘅，更係少之又少。為咗呢杯Irish Coffee，我諗我會返黎呢間餐廳好幾次。🥃Old Fashioned - 呢杯cocktail，除咗主角威士忌，仲有淡淡嘅橙香，好聞又好飲😙除咗cocktail, 食物仲叫咗：🥗Seared Tuna Salad - 吞拿魚有輕輕炙過，比生食嘅多咗一層口感。個沙律仲有牛油果、蕃茄仔同三文魚。如果減緊脂，呢個高蛋白質沙律真係必叫！🦀Crispy Crab Cake - 勁足料嘅crab cake，啖啖蟹肉，食得好滿足🤤🧀Four Cheese Omelette - 雖然夜晚揀奄列食係少見啲，但as一個芝士控，見到呢個集4款芝士於一身嘅奄列，真係覺得唔叫唔得呀！個奄列啖啖芝士，仲有足料厚蛋，係每個細節都做得好好嘅一個奄列😋🐷Pan Fired Pork Lion with Roasted New Potato - 呢個豬里肌肉鮮嫩多汁有肉味，加埋煎香咗嘅薯仔香甜又爽脆，兩樣配搭得勁好！ 🍎Apple Crumble - 啱啱焗好嘅Apple crumble熱辣辣上枱，連埋雲呢拿雪糕一齊擺入口真係冇得輸！成個甜品仲要唔太甜，大推！灣仔美食多，但呢間一定已經入咗我個返啅list入面，絕對會再去！！☕️Mansons Lot (灣仔)🥃📍灣仔汕頭街1-3號地舖#mansonslot #精品咖啡 #灣仔美食 #coffee #手工啤 #黑膠唱片 #朝啡夕酒 #灣仔coffeeshop #灣仔cafe #愛爾蘭咖啡 #IrishCoffee …查看更多

諗咗好耐其實要揀咩奄列佢個蟹肉菠菜望落去好吸引本身諗住叫呢個再加芝士但係發現原來冇得加芝士好彩我哋最後揀嗰個芝士雜菌都好好味個芝士真係識拉絲㗎之後我哋仲嗌咗risotto好少見紅咖喱味嘅意大利飯食落去有少少似蕃茄味，但係再加番咖喱嘅辣味個味道都幾過癮甜品就叫咗個French Toast就咁食嘅話係有啲普通但係加咗楓糖漿，再點埋呢個雪糕一齊食嘅話成件事會好好多雖然係夜晚，但係點都要杯咖啡先滿足。其實我有啲唔滿意㗎，佢個心心太細囉不過好彩佢係一杯有內涵嘅咖啡Flat white比我想像中好飲…查看更多

灣仔的汕頭街是一條掘𡰪路，有少少似銅鑼灣嘅希雲街。入邊都有很多各適其適的小品餐飲店。今日就去咗呢間以全日早餐咖啡店為主題的 Mansons Lot Coffee House食個晚飯。叫咗佢哋招牌奄列中嘅牛油果蝦粒奄列$108，再加左$24配上幾雞胸肉。佢果兩塊sour dough麵包十分之脆口，另外奄列嘅雞蛋都好實淨，又唔會過熟。飲品方面嗌左佢杯玫瑰拿鐵$57，咖啡帶可口的花香，玫瑰的甜味淡淡而且優雅的由杯底的糖漿散發到整杯咖啡入面。呢度有面向街頭的吧枱座位亦都有凳同卡位可選。縱觀周邊的食客都是懂得慢活和熱愛飲食的人，洋溢着一股輕鬆而且歡樂的vibe。抬頭一望會見到bar枱上面有好多有年代感嘅黑膠唱片，牆上面嘅架上都放有好多陳年，但係經典嘅煮食用具。睇得出店主係有特別收藏呢啲器皿去營造一股vintage的氛圍。#alldaybreakfast #黑膠唱片 #全日早餐 #cafe #慢活 …查看更多

被呢間餐廳"朝啡夕酒"嘅概念吸引到，所以先去試。由於今次係夜晚嚟，所以就淨係知道佢哋嘅"酒"~ 睇完個cocktail menu, "Irish Coffee" 一吓就吸引左我眼球！ 佢係由威士忌作為主打，配上espresso 同埋whipped cream, 一次滿足我又想飲酒又想飲啡嘅慾望！ 製成品原來係熱飲！外表好似一杯熱朱古力咁，有厚厚嘅cream係面頭，我第一次飲熱嘅cocktail, 熱嘅威士忌原來都咁好飲。酒味同咖啡味比例啱啱好，兩者相得益彰，我個人好鐘意～朋友叫左杯Margarita, 就係Tequila 同檸檬汁製成，味道比較清楚，都唔錯～野食方面就叫左一個菠菜蟹肉奄列同埋海鮮意大利飯。兩者個分量同味道都唔錯，整體都滿意的～…查看更多

作為一個任何蟹嘅嘢食都鍾意嘅人前幾日係灣仔食飯 求其入咗一間唔使等位嘅餐廳 估唔到幾有驚喜 本身冇為意 點知嗌完之後先發現 連續嗌咗三個蟹嘅dishes😂（crab cake, soft shell crab risotto, crab omelette )重點係三個蟹肉嘅份量都超多 🥹🙏🏻高質小店 值得一個貼文 第一次飲irish coffee 暖cocktails ho jengg🤭…查看更多