Mango Tree

營業中

休息中

呢間餐廳有一個大大嘅落地玻璃，最適合喺黃昏時間過嚟，睇住日落品嘗泰國菜，餐廳環境舒適，朋友聚會、情侶約會都非常適合青咖喱西冷扒咖喱好香椰奶味，另外點咗一份蒜茸包，配上咖喱好好食，西冷扒略嫌太韌馬拉盞豬頸肉捲心河粉馬拉盞醬好惹味，河粉好煙韌燒白鱔配青芒果沙律及糯米飯白鱔好大好厚肉，肉質好結實，外皮好香的香茅味，仲有好香嘅炭烤味，非常好食，配上糯米飯同酸辣汁，好惹味，青芒果沙律酸酸辣辣，好清新，必推之選❤️

📍Mango Tree (尖沙咀)尖沙咀柯士甸道西1號ELEMENTS圓方金區2樓2032-33號舖==============================餐廳空間好大，而且有落地玻璃，景觀非常開陽，環境裝修好有泰國風情，喺度食lunch有種飛咗去泰國食飯嘅感覺🤣🤣==============================柚子大蝦沙律🥗柚子大蝦沙律嘅柚子好新鮮大蝦🍤都夠大隻，而且數量唔少好爽口醬汁唔算太辣好開胃🤤菠蘿海鮮炒飯🍚菠蘿海鮮炒飯有好多粒菠蘿🍍，炒飯味道好鮮味，而且飯粒唔會偏硬，海鮮數量好多，而且種類唔少👍🏻👍🏻

呢間Mango tree係位於九龍站Elements. 我一直都幾鍾意Mango tree嘅食物。但今次嘅體驗，令我下次都未必會再去呢間餐廳。未講係咩事之前，讚一讚D食物先😉今次我叫左個下午茶tea set. 食物整體上都好好味👍特別係鮑魚配上泰式辣汁，好好味！仲有炭燒豬頸肉沙嗲，同埋其他所有泰式甜品都好味👍食物好味，但可惜餐廳的某一位男員工的服務態度真係好差。嗰日我去到餐廳後，在櫃枱嘅女員工有禮貌地帶我入去近窗嘅位置坐，當時有個男員工企喺度準備serve我哋。女員工問我哋會唔會覺得曬，可以坐隔離冇咁曬嗰張。我同朋友都覺得有D曬，我見好多枱冇人坐，當時好少客，我指住另一張枱，問佢哋我可唔可以坐嗰邊，點知嗰位男員工即刻黑面，面有難色，好勉強咁話。。好，可以。😰佢嗰一刻黑面嘅表情真係好明顯，完全表露無遺。我同我朋友都O哂咀😧真係好誇張！好似要受佢氣咁😥。我冇諗過一間泰菜高級食府嘅員工服務態度會係咁。我覺得如果我係坐低咗食緊野，無端端話𨍭枱，你黑我面都可以話係情有可原。但嗰陣我係未坐低的。🙈餐廳員工嘅服務態度真係好緊要。因為一位員工嘅服務態度差，就會影響左食客唔想再嚟光顧。希望嗰位男員工嘅服

-𝙈𝙖𝙣𝙜𝙤 𝙏𝙧𝙚𝙚 🌴 英式下午茶就食得多 不外乎就係Scone + 伯爵茶估唔到而家連泰式下午茶都有得食 夠晒消暑開胃位於圓方既Mango Tree 推出 - 泰味盛典下午茶✨精緻地用三層架擺放泰式小食同甜品 配2杯夏日特飲🥰再加埋可以窗邊位睇住街景同大海景食 真正Chill 住食下午茶🙌🏻 ~✨泰味盛典下午茶 ($468/2pp)(睇落好似每樣都係小小的 但係其實好夠飽!)鹹點✨ 泰式魚丸 + 蝦丸 + 雞肉卷串3款都各有香氣 口感柔韧 又彈牙個人幾中意雞肉卷串 配埋甜酸辣醬一齊好惹味! ✨ 香蒜辣汁鮮鮑魚鮑魚新鮮大大隻 又爽口 配上香蒜辣汁都幾惹味開胃!不過個辣汁係幾偏辣 之後用黎同沙律一齊食都好夾✨ 青木瓜青芒果沙律大量既木瓜絲同芒果絲 味道較為清淡爽脆配埋鮑魚既香蒜辣汁就更為香辣開胃!✨ 花生醬龍蝦肉配脆米餅建議可以一開始就先食脆米餅因為影完相又放左一陣後 變得淋左DD花生醬都幾香口 加埋龍蝦肉既鮮甜 都幾唔錯如果個龍蝦肉再多D就更加正啦 🤣✨ 安格斯牛肉串中間有青椒 / 紅椒 / 洋蔥間隔住加埋一齊食 會係甜甜地有啲似蜜糖咁牛肉食落唔會好韌 牛肉香味都好濃~✨ 軟殼蟹米

今次嚟到呢間位於Elements嘅Mango Tree🥭🌴，一入到餐廳已經感受到很有格調，環境好舒適。每次食泰菜必點嘅泰式炒金邊粉，但呢度嘅就味道普通，太淡味唔夠濃，只係得甜味，上面啲蛋網亦無蛋味。見到枱枱都叫咗🦀咖哩蟹肉農夫包，我地當然都嗌嚟試下啦。蟹肉都幾多，但咖哩味唔算濃唔突出，包皮一開始外脆內軟好好味，可惜可能因為唔算厚，所以食咗陣已經淋晒。冬蔭公海鮮湯好多料但味道唔濃郁，普普通通。而個小食拼盤就不過不失。食物賣相同餐廳裝修都好好，但可惜菜式味道都偏淡唔夠濃郁，個人嚟講就覺得好普通，價錢唔平，整體性價比偏低。

今日係平日放假，所以晏晝就落咗去圓方下便嘅Mango Tree食下午茶兩位埋單連埋加一大約五百幾蚊呢個下午茶嘅特點就係啲鹹點比甜點多啱晒我哋唔鍾意食甜嘢嘅人即使佢嘅甜點都唔算好甜有芒果糯米飯，椰汁西米糕，班蘭椰汁糕等等鹹點就更加豐富最鍾意就係食佢個鮑魚，配上酸辣汁春卷入邊都啖啖蝦肉串燒都算香口餐飲方面有好多選擇可以選擇西瓜汁橙汁Cocktail/mock tail 等等我就選擇咗泰式奶茶，糖水另上，可以自己選擇落幾多

最近車車真係好中意約埋朋友仔一齊去食tea, 因為外面天氣太熱, 室外可以嘆住冷氣食下野, 打下卡同朋友傾下計咁渡過一個週末, 確實係不錯嘅選擇嚟, 今次試嘅E間就係位於圓方嘅Mango Tree, 環境十分大, 而且一邊係落地玻璃窗, 所以採光度十足! 車車同朋友點左泰味盛典下午茶, 望落好似樣樣都係細細件咁, 但其實食哂都幾飽! 鹹點✨️泰式魚丸 +蝦丸+雞肉卷串三款小串串口感清新彈牙, 沾上甜酸辣醬一齊食更惹味! ✨️香蒜辣汁鮮鮑魚鮑魚新鮮爽口啖啖肉, 配上香蒜辣汁惹味開胃, 辣汁有少許偏辣, 岩哂嗜辣嘅朋友仔!✨️青木瓜青芒果沙律爽脆嘅青木瓜絲同甜甜嘅芒果絲, 味道相當清新! ✨️花生醬龍蝦肉配脆米餅脆卜卜嘅米餅上面裝住味道濃郁花生醬混合爽彈鮮甜嘅龍蝦肉, 食落口感豐富!✨️安格斯牛肉串牛肉味道濃郁多汁, 串串用左牛肉粒, 青椒, 紅椒, 洋蔥間隔住, 食落無咁膩 ✨️軟殼蟹米紙卷軟殼蟹炸得香脆可口, 配上菜/青瓜/蘿蔔絲, 口感豐富滋味 ✨️脆炸蝦春卷春卷炸得好酥脆, 入面有爽彈嘅蝦肉同紫蘇葉, 食落好香幾好食 甜品✨️芒果黑糯米飯泰或野點少得芒果糯米飯, 黑糯米口感黏黏的好軟糯, 每啖都充

和好朋友補祝生日，我們選了2人午市套餐，有2個頭盤、主菜、甜品及茶。这柚子頭盤很清新，我把整碗都吃清。另外點了椰汁黃咖哩牛肉及菠蘿炒飯，味道都不太咸。朋友餐茶要青寧梳打，極力推薦。

提前預約，周日11點半就到餐廳，95%座位都是空的，想坐窗邊，服務員一直在翻白眼，非要安排在門口位，我們自己找了四位台，領班特別不情願的把餐單扔下就走！三位就餐，服務員過來收盤子，竟然收走兩個餐盤，導致朋友沒盤子吃飯，繼續叫服務員，又是白眼，三人消費1100多元，感覺性價比不高

剛打電話去留閒日幾日後嘅枱，我只要求坐圓枱，聽電話嘅陳小姐服務態度十分有問題，什麼叫只能寫低要求，不能選擇坐什麼枱？如果你末有客排隊坐圓枱，而我是第一個訂坐圓抬也不能安排到，香港餐廳冇哂客，港人北上消費原因是什麼你還不明白嗎？

味道和賣相一樣出色的泰國餐廳🫶🏻午飯時段有一人餐或多人套餐選擇適合大伙兒去lunch gathering亦可以試多些不同款式~.最喜歡吃它的豬頸肉味道, 厚薄, 肥瘦都剛好~ 啖啖肉~😗肉片炒河都是有驚喜的雖然它的賣相是最不討好的🙈但它甜咸適中又多餸粉面飯方面來說它是我的最愛♥︎椰汁糕不算太出色但飯後甜品來說還可以啦~要注意的是有些菜式偏辣例如柚子蝦沙律🥗點菜時可以問清楚哦~$200多在Element吃好味的吃到飽有主菜飲品和甜品CP值算是不錯吧~偶爾可以和一班同事吃好一點🙊

6月狂食團其中都有light dinner, 地點係圓方好方便，餐廳好有泰feel, 當然一定要飲泰國奶茶先夠爽，可惜今晚坐唔到近窗邊睇海景，不過整體環境都適合聚餐傾偈，美中不足係侍應比較少，想搵人嘅時間就要等耐啲。*PS後記：掛住傾偈，連杯泰國奶茶嚟咗都唔記得影相奶茶到咗都唔記得影相🤪

係Element 呢個咁靚既商場搵野食，咁岩見到呢間泰國菜，諗起好耐都無食過泰菜喇，諗住就試下你啦入到餐廳環境幾靚，泰式裝飾仲有Element 既自然靚風景我哋兩個人簡簡單單叫咗一個泰式炒金邊同埋一個咖喱軟殼蟹。 仲叫左個泰青，chill, 幾正

今日一行八人黎到西九，出去玩前最好起冷氣房食返個午餐，食飽先出去🤣位置很方便，就起圓方去西九條橋旁邊，所以我地今次坐既位置都睇到西九嘅景🐷炭燒豬頸肉師傅切到薄薄一片，食落去唔韌又甜甜地，配飯一流🤭🤭🤭🦐泰式炸蝦餅呢個炸蝦餅真係推薦，師傅好細心預先每個剪開一半方便Share, 而且每個都係勁厚肉，炸得又酥脆，又彈牙，好味🤤🤤🤤🍍菠蘿海鮮炒飯呢個炒飯既配料例如腰果，肉鬆，蛋絲都係放起一邊，大家食既時候再撈埋😎我幾鐘意呢種安排，因為同枱真係有人唔食腰果，咁樣就可以避免左要慢慢揀返出黎🤣飯都炒得夠乾身，配菠蘿酸酸甜甜咁，好食🥰🥘椰汁青咖哩呢個我覺得算係正常水準發揮，同大家食開既都差不多🥬泰式飛天通菜呢個反而又幾好食，爽口，配飯一流🤭坐得好舒服，對住個落地大玻璃，望住西九個景😙下次可以考慮再黎

《酸辣鮮鮑魚沙律》足足有四隻鮑魚 肉質爽嫩彈牙辣度都幾高 酸酸甜甜好開胃.《燒白鱔配青芒果沙律及糯米飯》上碟時排場好正 兩大塊白鱔放係燒烤網上面又厚又大 沾滿泰式香草 味道香濃外皮帶微微焦香 肉質結實帶彈性配上煙煙韌韌糯米飯🍚 好惹味青芒果沙律好清甜🥭唔會太辣.《龍蝦海鮮泰北咖喱撈麵🦞🍝》超級豐富啊 個龍蝦勁大隻 啲肉都好彈牙本身聽個名以為係嗰啲雜錦海鮮粒點知全部海鮮都勁大隻 有扇貝、青口、魷魚🦑魷魚係整條魷魚筒切開 又夾脆又鮮甜個咖哩汁甜甜地 估唔到咖哩撈粗麵又幾好食呢個大力推介!!.《青咖喱美國西冷扒🥘🥩》有驚喜 一入口已經食得到個炭燒味 西冷扒燒到剛剛好 粉嫩粉嫩一啲都唔韌 加埋惹味青咖喱想叫個白飯一齊撈🤣.《泰式辣汁燒原隻扇貝》三隻原隻扇貝 燒完都仲好juicy泰式辣汁唔會好辣 蒜蓉香 好惹味.《紫蘇葉椒鹽魷魚🦑》炸魷魚有d似避風塘個種炸法炸完都保持鮮甜爽彈炸咗嘅紫蘇葉好似薯片咁脆.《粟米椰子新地🍨》好欣賞上面個d新鮮椰子肉🥥有d有火炙過 有啲無 燒過既就多陣焦香 無燒過既就爽嫩d兩種口感我都喜歡 配上椰子味新地雪糕 再度突顯椰子香一排排粟米粒🌽爆汁甜美 仲有花生🥜呢個甜品好正