影片
以上資料只供參考, 請與餐廳確認詳情
餐廳開喺深水埗無咁多人流嘅元洲街，價錢相比其他同類型嘅餐廳抵食，而且仲唔收加一服務費，加上食物質素都幾好，店員都好殷勤咁斟水又好有笑容，希望會多啲人嚟幫襯下呢間小店啦~Menu上面除咗一般尼泊爾餃子、印度咖喱薄餅，仲有其他漢堡包薯條、牛扒意粉呢啲，其實都真係幾多選擇，同埋感覺到餐廳都想多元化啲。不過試異國菜餐廳，就當然係想試一啲地道嘅菜式，於是兩個人就點咗一份Set Dinner再加兩份小食。🍄Soup of the Day (included in Set Dinner~free)餐湯係西式新鮮蘑菇湯，熱辣辣嚟到，飲落有淡淡嘅菇味，加上有隔過渣，所以係好滑。🐔🥘Chicken Tikka Masala + Naan $98 (Set Dinner)呢款烤雞咖喱好香香料味，佢嘅辣唔會太辣，幾易入口。以印度烤雞嚟講，佢啲雞粒嘅肉質唔柴。不過肉喺呢道菜入面其實唔太重要，咖喱好味就得。Naan就同平時食開嘅有啲分別，無烘到好脆口，但就好軟熟唔油膩，用嚟點咖喱一流。🧆Pani Puri + Dahi Puri (8pcs) $58每次食唔同餐廳嘅印度波波都無令人失望。因為想兩款都試唔洗食死一款咁悶，就問下店員可唔可以雙拼，聽到佢話OK~勁開心！呢間個酥脆波個脆度爭咗啲啲，有酸奶嗰款比較快淋，但兩款嘅味道仍然係好好味嘅。Pani Puri個薯仔味會幾出，而Dahi Puri酸酸甜甜幾清新幾開胃。🐔🥟Chicken Momo $78餃子好似走咗湯汁嘅小籠包。外皮有小籠包嗰種煙煙韌韌嘅感覺，係個餡由豬肉變咗雞肉，但唔會食到一絲絲嘅雞肉，應該係搞碎晒先用嚟做個餡，就係好正常嘅餃子。用嚟點餃子嘅辣醬係帶有香料味，幾特別而味道都唔錯。🥭🍹Mango Lassi (Set Dinner +$18)原本set dinner係包free soft drink，但食印度嘢梗係要飲番杯Lassi！Mango Lassi嘅芒果同酸奶比例有平衡到，濃味得嚟又唔會太甜~尤其係食咖喱嗰陣個口辣辣地嘅時候，飲番啖就最爽！📜Menu:
繼續閱讀
masala 好食！（少辣）食到多種香料既厚度！🍛香草香葉令佢有提升🌿雞肉亦都唔會太乾柴 都算滑餃子好食皮唔會太厚👌🏻酸奶波波好有趣！👍🏻香港好少有呢啲食😌by the way 侍應哥哥服務態度好好雖然我同佢兩個嘅英文都係半桶水但係佢每一次都好有禮貌 有笑容咁遞上食物又會介紹酸奶波波要點樣食留意到我哋需要手套 好快就提供執枱亦都好快手set dinner有湯有咖哩有naan仲有野飲唔使$100邊到搵？
繼續閱讀
The food was amazing and delicious plus the service was awesome. The fusion of Nepalese, Indian and western cuisine was a must to see in their menu. The Nepalese dumpling (mo:mo) was the highlight on the menu. Onion bhaji was well cooked crispy and yummy. Liked the chicken tikka and nan bread. Chatpate and samosas were mind blowing as a starter. The main course was a delight, the Nepalese thali. The Mandala Thali was awesome and well appetising. The desert Tiramisu was delicious too. Definitely trying again with friends and family.
繼續閱讀
🤤👍✨深水埗新開印度料理值得一試印度烤餅好香好味！披薩芝士拉絲拉到頭殼頂！！初次光顧😄好味滿足👍店員親切殷勤😋會再嚟食Dinner Set 晚市套餐 $89.00Soup of the Day 是日例湯:蘑菇湯Naan (Set) 印度烤餅Fish Curry 咖哩魚蘑菇湯有濃郁蘑菇味道，喜歡菇味嘅朋友值得飲，筆者非常喜歡😋 印度烤餅好香好煙韌鬆軟，唔點咖哩直接淨食都好味👍推介必點！！ 咖哩魚嘅咖哩唔辣，本人唔太食辣，覺得好食。魚有炸過，不過浸喺咖哩入面，雖然唔脆，但肉質都好滑。P2 Avocado Pizza 酪梨披薩 $98.00非常足料，披薩面鋪滿牛油果，芝士拉絲拉到頭殼頂！！好正👍D3 Rasmalai (2PCS) 奶香甜球 $38.00店員推介，order試一試，個人覺得太甜。食完同朋友坐喺度傾偈，坐咗差唔多半個鐘有多，每次店員見水杯一空，立即過來加水，態度非常友善殷勤，適逢今日係印度新年慶祝有九折優惠✨感恩店員話嚟緊復活節公眾假期嗰四日都有九折，筆者打算到時再過嚟幫襯，好用心做嘅印度料理👍👍👍
繼續閱讀
屋企樓下開了間馬來西亞餐廳，好鍾意食咖哩既我想試好耐，終於放假前買了外賣其實每次經過呢間餐廳都唔見有人，又見食評唔好，都有啲驚，但見佢重裝修，員工由開頭歡天喜地到而家扁晒咀，所以都想比個機會佢。試了羊咖哩配烤餅，熱辣辣，烤餅煙靭，咖哩濃郁，有多種香料味和蕃茄，餐湯忌廉蘑菇湯，總結是好吃的，合格的，跟以前吃過的印度咖喱很相似。這店是頂手之前的齋鋪再重裝，開了幾個月，相信都幾大壓力，希望有多啲人幫襯讓這小店繼續生存吧。
繼續閱讀