Mamaday

喺加連威老道嘉榮大廈2樓呢間Mamaday，聽個名好似好hea，但其實內有乾坤。今次試咗幾款招牌菜，同大家分享下真實食感。芝士火鍋一上枱已經聞到濃濃芝士香，個鍋底煮得啱啱好，唔會太稀又唔會黐底。配料有牛扒、蝦仁、薯仔同蔬菜，牛扒切得薄身，輕輕烚幾秒就食得，蘸滿芝士之後更加香口。蝦仁爽彈，薯仔吸汁力強，最好係佢個芝士味夠濃但唔會膩，一路食到尾都keep到水準。黑過墨汁三文魚披薩個名玩嘢，但個Pizza認真唔錯！餅底薄脆，墨汁底帶淡淡鹹香，上面鋪滿煙三文魚同少少火箭菜，口感平衡得幾好。三文魚嘅油潤同餅底嘅脆身形成對比，食落唔會太滯，一個人食兩件都唔覺負擔。蒲燒鰻魚蛋包飯老實講，個名已經提示咗「唔好抱咁大期望」，所以都係以平常心試。鰻魚燒得香口，醬汁唔會過甜，蛋包飯嘅蛋滑溜，但整體無太大驚喜。如果係為咗鰻魚飯專登嚟，可能會有更好選擇，但當作普通主食都算合格。總括嚟講，Mamaday係一間有態度嘅餐廳，食物有心思，環境輕鬆，價錢合理。尤其係芝士火鍋，值得encore！下次經過尖沙咀，想同朋友Hea下食飯，呢度唔錯。📍 Mamaday尖沙咀加連威老道27-27A號嘉榮大廈2樓…查看更多

以玩味裝潢與創意菜式聞名，店內霓虹燈牌與搞怪語錄營造IG打卡氛圍，吸引年輕食客。📸惟食物質素令人失望，顧名思義「麻麻地」，服務一般，旺時等位頻繁，體驗不佳。😞🦑 墨魚三文魚Pizza墨魚三文魚Pizza賣相吸引，橙紅色調看似高級，實則令人崩潰。🍕餅底薄脆如紙板，三文魚油脂凝成白色固體，入口油膩無鮮味。芝士結塊，上桌僅微暖，疑似預製翻熱失靈，溫度詭異，食感如嚼蠟，難以下嚥。😓🦀 蟹籽蟹肉意粉蟹肉意粉視覺吸睛，鋪滿橙紅蟹籽如山丘，IG打卡滿分，味道卻負分滾粗。🦪蟹肉絲呈暗灰啫喱狀，疑似急凍貨解凍過夜，腥味濃過海產市場。蟹籽氧化泛苦，爆出鐵鏽味，忌廉醬汁分離，麵條乾硬如隔夜貨，令人後悔萬分。😣🥩 他他脆片牛肉他他冰冷，溫度低至10°C，肉碎帶冰晶刺舌，與理想室溫處理相去甚遠。🥟脆片潮軟如受潮餅乾，蘸醬酸度過高，疑似檸檬汁超標，令人皺眉，毫無食慾。😕🏙️ 環境與性價比餐廳環境玩味十足，適合拍照，但食物質素與HK$428-500的消費極不相符，仿如買個影相權。📍服務態度敷衍，老闆未有積極處理投訴，旺時等位更添不快。Mamaday徒有IG光環，食物令人失望，性價比低，建議三思而後行。😔…查看更多

行街經過尖沙咀諗唔到食咩，就行咗去加連威老道，發現有一間唔起眼嘅餐廳，門口有個餐牌有條樓梯上去，我同朋友睇睇吓就試吓啦，點知一上去就已經好有驚喜，特別係個裝修，餐廳遇上一層，沿路都有好多唔同嘅設計，擺設，公仔，畫，總之隻眼係唔會停到去望，我六點去唔係太多人，一般慣咗早食飯，一開Menu就已經決定要食芝士火鍋！再叫咗Pizza，加一個豬肋骨，一杯嘢飲，兩個人食啱啱好，我乘機趁冇乜人參觀咗成間餐廳，原來係大到黐線，上咗一層上面仲有兩層，甚至有埋房間，live band位，我估唔到會咁大，每一層都有好多特色設計，其實好適合一班朋友約出嚟傾偈食嘢，食物方面都好特色，我最鍾意係個豬肋骨，燒得好好味❤️‍🔥❤️‍🔥極度推介如果你約一班朋友出尖沙咀想傾吓偈飲吓嘢，地方又大，仲要有好多視覺享受😎～值得一推…查看更多

假期朋友相聚，朋友話想食呢間餐廳話聽聞幾好，於是一早訂咗位，以為餐廳好多人，但原來得小貓三四隻，可能假期啲人返晒大陸或去咗其他地方玩。席間除咗點菜時叫到人， 其餘時間都好難叫到人嚟幫忙， 因為啲侍應全程都係背住啲客， 叫到佢哋嚟幫換4隻碟，佢哋都係不情不願咁攞咗4隻碟嚟就咁放喺度，朋友問係咪要我哋自己分？個侍應居然話：係！ 啲服務態度真係好到不得了！ 講真間餐廳嘅食物真係唔錯嘅！但係因為啲侍應極差嘅服務態度，我哋已經back list咗呢間餐廳！…查看更多

Mamaday-位於尖沙咀嘅打卡cafe，要行樓梯上去，外牆有大大個招牌十分醒目😗餐廳裝修別有一番怪趣味，周圍都係打卡位，鍾意試新嘢可以去試下。嗰晚去到全場滿坐，記得book位！感覺似fusion菜，個人覺得偏重口味，啱晒重口味人士👍🏼小食拼盤真係乜都有，炸蠔、芝士條、炸蝦、薯條。同朋友想去gathering是不錯的選擇，一路傾一路食。Orders🤎🤎🤎·明太子卡邦尼意粉 ·軟殼蟹菠蘿pizza · 「乜都炸啲小食拼盤」😂…查看更多