影片
電話號碼
23673333
開飯介紹
餐廳裝潢走簡約木系風格，並設有大玻璃窗可欣賞藍天景色，環境相當舒服；加上提供不同的遊戲設備，適合大人、小朋友來享用美食及玩樂一番。
繼續閱讀
營業時間
今日營業
12:00 - 22:00
星期一至五
12:00 - 22:00
星期六至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
有關獎賞計劃
相關文章
趁住天氣好入左西貢M Square食野西貢真係有一種遠離煩囂既感覺由小巴落車開始沿途都有唔少準備出海玩或者悠閒散步既人去到WM Hotel 環境更舒適 仲見到一對新人喺個靚靚教堂行禮一入餐廳就見到桌球枱 點完食物就可以邊玩邊等除左桌球仲有足球機等多款消閒遊戲食物種類豐富 有PIZZA 漢堡 飯 意粉 甜品一家大細或者同朋友相聚都好適合Pulled Pork & Pineapple Pizza Handmade pizza 外脆內軟有嚼勁 呢度仲可以整到超薄Pizza 有手撕豬肉 菠蘿 紅洋蔥 芝士勁香安格斯牛肉肉醬闊麵包&溫泉蛋肉醬好香 將溫泉蛋同肉醬意粉攪拌再食好胃見到唔少人都有叫甜品 我地都叫左兩款Honeycomb Pancake 厚班戟蛋香味濃 鬆軟可口 加上香甜楓葉糖漿擺盤精美好啱打卡Cast Iron French Toast 兩件厚厚既法式多士淋上拖肥醬連熱辣辣既鍋上 雲尼嗱雪糕一冷一熱飲品揀左Chocolate Milkshake 同Mint Chocolate Milkshake奶昔香滑 朱古力味香甜
繼續閱讀
Weekend同Friend 入左西貢chill。強烈推薦位於WM Hotel的M Square餐廳。裡面空間寛敝，樓底好高，給人悠閑好chill的感覺。食物質素同樣唔錯，選擇亦好多。**Cajun Prawn Aioli Chips ($68) 蝦肉爽口彈牙，薯條外脆內軟，加上香濃香蒜蛋黃醬，令人一口接一口停不下來。**Burrata Chorizo Pizza ($228) 餅底屬於偏薄脆款，邊位微微焦香，帶有煙韌口感。西班牙香腸碎帶有微微辣味，與Burrata Cheese 完美融合，配埋蕃茄醬底，奶香濃厚卻不膩口。火箭菜與燈籠椒增添了辛香與爽脆感。**Hazelnut French Toast Box ($142) 甜品外型100分！外脆內軟的多士裡釀了滿滿榛子脆米，搭配香蕉、士多啤梨、朱古力片與雲尼拿雪糕，甜而不膩，特別適合甜點控。足夠3-4人用。**Mint Chocolate Milkshake ($68) 濃郁的朱古力和清新的薄荷完美融合，不會過甜，口感絲滑順口，好fresh ，夏日解暑一流**☕️Ice Latte ($54) 牛奶與咖啡比例恰當，整體口感順滑。
繼續閱讀
想同媽咪同埋朋友慶祝母親節，但又想揀啲休閒少少又坐得舒服既餐廳，就諗到西貢間WM酒店有間餐廳唔錯🏖️。去到既時候發現樓底好高，而且枱同枱之間唔會太過迫～好舒服🧘🏻♀️Beetroot Salmon Sashimi Salad 🥗🐟✨紅菜頭汁三文魚配魚子醬三文魚被紅菜頭汁染色之後好鮮豔，好新鮮～配左魚子醬更加提高個鮮味，有好多塊三文魚Black Truffle Portobello Mushroom Linguine 🍄🟫🍝黑松露忌廉汁大蘑菇意粉呢個意粉超級creamy，蘑菇肥厚多汁，吸哂啲忌廉汁，意粉既硬度剛剛好😋Margherita 🍕小蕃茄，羅勒葉 ＆ mozzarella芝士一間餐廳整pizza整得好唔好食揀Margherita就岩啦～外皮香脆中間軟熟煙韌，蕃茄醬鮮味又唔過酸～Cast Iron French Toast 🍓法式多士，士多啤梨，拖肥醬，雲尼拿雪糕呢個份量足夠三人分享，個多士煎到有焦糖面～同埋吸哂啲雲尼拿雪糕～呢到真係好舒服～又適合同啲朋友傾計～唔會太過嘈吵
繼續閱讀
黃金周刻意避開市區人流，走入西貢吹海風。上次食過呢間太好食，今次再嚟encore試其他款式。Pesto Prawn Pizza $195﹕呢款Pizza色彩繽紛，非常吸睛。餅底舖滿綠色嘅意大利香草醬同埋芝士，醬汁本身係濃郁嘅香草香氣帶蒜味，加上大量mozzarella芝士絕對做到拉絲效果，蝦肉非常鮮甜，燒過嘅燈籠椒甜甜地，非常清新嘅海鮮風味Pizza。Pulled Pork Lasagna $165﹕賣相勁吸引，芝士焗到微焦，切開後可以見到一層層分明嘅餡料，非常豐富。千層麵夾住酸甜濃郁嘅番茄醬同芝士忌廉做基底。主角係慢煮嘅手撕豬肉，肉質嫩滑，味道甜甜的。配搭上微酸嘅酸椰菜，不論味道同口感都大大加分，層次更加豐富。Triple Cheese Chips $52﹕炸薯條金黃香脆新鮮熱辣，三重芝士有濃烈咸香cheddar cheese sauce，加上奶香味濃又夠拉絲嘅mozzarella，仲有仲咸香味parmesan，三重芝士醬各有特色，大愛。Banoffee Creme Brulee Pancake $139 呢款班戟真係空氣感十足，鬆軟綿密，淋上大量雲尼拿吉士醬，味道更加香甜，蛋味更加濃郁。頂層係燒得焦脆嘅焦糖，水果配搭有香蕉同士多啤梨，同拖肥醬更係絕配。味道同口感都將梳呼厘班戟同焦糖布甸完美結合，有驚喜。
繼續閱讀
都好一段時間沒有去西貢走走，遇著天陰陰的天氣，所以選擇了位於WM酒店內的〔M Square〕去吃午餐。餐廳是一間以體育運動為主題的特色西餐廳，店內除了有大螢幕及幾個電視播放著不同的運動比賽外，室內還有不少免費娛樂設施給客人玩樂，包括：桌球、美式足球檯及彈珠機，亦有收費的模擬高爾夫球空間，餐廳座位很多而且樓底亦高，所以空間感都很大，感覺非常開揚舒適，菜式亦會不定期更換，亦有提供特別菜單，所以每隔一段時間去都會有唔同驚喜，Chill住打卡玩樂歎美食，就算天氣不好或下雨，都可以跟小朋友在室內消磨一段時間，是假日與朋友消磨時間的好去處。【Tom Yum Gong Risotto】(HK$235)〔烤大蝦冬蔭公意大利飯配魷魚＆蘑菇〕冬蔭公味道很濃郁，飯很入味粒粒分明有咬口，冬蔭公辣味很突出又不會過於辛辣刺激，不嗜辣亦覺得惹味，大蝦很大隻，烤得香口啖啖肉爽口彈牙。【Bolognese Fettuccine with Onsen Egg】(HK$159)〔安格斯牛肉肉醬闊麵 ＆ 溫泉蛋〕闊條麵上鋪滿了很多安格斯牛肉肉碎及蕃茄醬汁，配上半熟溫泉蛋，趁熱地將溫泉蛋割開撈勻，豐富的蛋汁令口感更滑，而且蕃茄醬酸酸甜甜味道很開胃。【Pistachio Pancake】(HKD$158)餐廳特別菜單，是近期人氣的開心果口味，兩層厚身的班戟，外皮煎得微微焦香，入口微熱柔軟而濕潤，蛋味十足，面層有很多餐廳自家製開心果醬，開心果味道突出不算很甜，碟邊撒了開心果朱古力脆餅、紅桑子及士多啤梨，口感十足。【Honeycomb Caramel Milkshake】(HKD$76)(左)濃厚的忌廉混入香甜的焦糖味，杯上的焦糖脆脆亦很香脆可口，入口香滑，奶昔普遍都是偏甜，這杯甜度剛剛好。【Matcha Latte】(HKD$50)(右)拉花賣相精美，抹茶味道濃郁，亦不會過甜或太淡。
繼續閱讀