Luna Kaffe

呢間Luna Kaffe真係旺角女人街附近嘅 hidden gem呀！環境又靚又舒服，好啱我哋呢啲鐘意悠閒食嘢嘅女生。今日我叫咗幾樣招牌，先講呢份黑椒雞扒漢堡伴薯條，漢堡超大份，雞扒炸得香脆，入面多汁又唔油膩，黑椒醬香味濃郁，咬落好滿足！配搭嘅薯條炸得金黃酥脆，好完美嘅搭配，真係一試就愛上。另外我仲試咗特濃蟹醬軟殼蟹蝴蝶粉，蝴蝶粉拌滿濃郁蟹醬，軟殼蟹炸得酥脆，味道又香又鮮，層次好多，好味到唔想停口。芝士煙肉焗薯皮就係我嘅心頭好，兩件裝，薯皮外酥內軟，芝士同煙肉配搭好香，好邪惡但又忍唔住再點一次。今次仲叫咗個餐湯，忌廉粟米湯，好滑好香，完美暖胃！飲完仲點咗檸檬茶，清新解膩，整個餐都好滿足。呢度嘅食物用料實在，味道又正，價錢仲好親民，完全係旺角區嘅平價西餐天堂！每次嚟都覺得新鮮又好味，好期待下次再嚟探索更多美味呀！…Read More

我們點左以下食物：✨威靈頓牛柳酥皮焗得好脆，牛柳🐂5成熟。切開時，仲見到粉紅色嘅，食落肉質鮮嫩多汁😋✨特濃蟹醬炸軟殼蟹蝴蝶粉蟹醬蟹黃味濃郁， 炸軟殼蟹🦀十分鬆脆， 蝴蝶粉好彈牙，加埋一齊就係完美配搭💖✨芝士煙肉西蘭花芝士🧀白汁焗完仲好香濃，再加上煙肉🥓既鹹香味，令簡單既蔬菜🥦變成美食。✨芝士煙肉焗薯皮原隻新鮮薯仔🥔，配上茄醬煙肉🥓， 邪惡得嚟又好食❗✨焦糖燉蛋賣相輕輕呈現橙色， 脆卜卜嘅焦糖🍬食落完全唔比坊間嘅法式甜品專門店輸蝕，而且抵食好多💖跟餐仲有忌廉湯同餐飲🍹，小食就可以優惠價加配，非常抵食🥰…Read More

今日同朋友去行波鞋街，想搵間西餐廳食飯，要地點方便又好味嘅，就上網搵咗呢間Luna Kaffe。首先入到去店員親切，環境舒服又靚，我哋兩個人叫咗紐西蘭穀飼西冷七成熟既，特濃蟹醬軟殼蟹蝴蝶粉，芝士煙肉西蘭花，焦糖燉蛋。先上個西冷扒，係鐵板上熱辣辣的，配上佢哋自家製嘅燒汁淋上去，已經勁香噴噴，好吸引，七成熟啱啱好切落去淋淋地軟身嘅而且西冷既牛味好濃郁非常好味，第一次食軟殼蟹燴蝴蝶粉，先食個蝴蝶粉味道非常好，果然真係特濃，軟殼蟹炸到好脆口夠乾身，又係一個非常之好味嘅配搭勁夾，再試埋個芝士煙肉西蘭花，本人都好鍾意多芝士，呢度就滿足到我哋嘅要求，個焦糖燉蛋味道都係啱啱好脆脆燒蕉既焦糖面配下面非常滑嘅燉蛋超正，回味，下次要再嚟食！…Read More

女人街一間西餐小店，簡潔裝修，晚餐餐牌食物都唔少，main有意粉，漢堡,pizza 等等，main仲包左餐湯同飲品，價錢都係親民價。一入黎，侍應都很親切招待。是日餐湯，忌廉粟米湯，正常發揮。主菜揀左白布烏冬配香烤油封鴨髀，白布烏冬好滑，點上麻醬，真係好夾。鴨髀估唔到咁嫰滑，外脆內嫰，仲要keep到肉汁，好出色，有驚喜。另一個主菜係特濃蟹醬軟殼蟹蝴蝶粉 ，軟殼蟹都幾大隻，有成隻手掌咁大，入口脆卜卜，唔會油淋淋。蝴蝶粉軟硬適中，醬汁唔算好濃，掛汁做得唔錯，每粒粉嘅醬汁都很平均，雖然係蟹醬，但蟹味唔算濃。飲品加錢order 左Lychee Lemon 同Fruit Punch 。Lychee Lemon清爽解膩， 仲有荔枝肉嘅果甜，唔錯唔錯。焦糖燉蛋薄薄嘅焦糖脆片，滑嘟嘟燉蛋，果然係最佳配搭。用餐過程發生了一段小插曲，我食左一啖鴨髀後，隻髀就飛左落地，但侍應迅速處理左，仲要補番隻熱辣辣嘅髀俾我，真係好感動呀。服務態度真誠，食物出色，值得再去。…Read More

呢間簡直係平民恩物，加$20就有得飲嘅酥皮湯，個皮勁香噴噴。主菜叫左紐西蘭西冷牛扒，仲可以要五成熟，肉質軟嫩算唔錯，搭配的燒汁都不會過鹹。焗芝士蟹醬軟殼蟹意粉個軟殼蟹超大隻，小食香辣魷魚都香氣足。而芝士煙肉焗蠔雖然只有一件，但都算大隻既。套餐仲包飲品檸檬菜蜜，整體而言，分量足夠，味道方面表現平穩，呢個價錢絕對算抵食。環境方面，正常餐廳格局，屬於快食選擇。如果平時食lunch嘅話我都會再嚟😝😝😝…Read More

西洋菜街不嬲都多嘢食今次想介紹吓喺我嘅平民飯堂清單入邊嘅一間西餐平時冇咩主意嘅時候就會去食晚飯因為好多選擇 日式白布烏冬又有西式焗飯又有 仲有威靈頓牛柳 真係好抵食威靈頓牛柳 5成熟第一次食果陣係有意外驚喜 小店做到真·五成熟好有誠意 肉質幾好有咬口唔係普通鬆肉粉牛扒 酥皮薄薄地夠脆又唔太膩芝士焗軟殼蟹意粉軟殼蟹，原隻上 ，份量絕對夠兩個人share芝士意粉焗得夠乾身 唔會太多醬食到好漏我自己就鍾意再加黑椒辣辣地仲好味小食芝士焗西蘭花🥦細細碟份量夠多 兩個人share都OK芝士味道唔算太鹹 啱啱好.芝士煙肉焗薯皮好耐冇食過 味道ok兩件份量啱啱好 過下口癮.香辣魷魚魷魚酸酸辣辣好開胃 好好咬 餐前小食唔錯.整體而言 勝在價錢親民嘢食ok 夠熱辣辣 件頭又大 所以輕輕幫小店推一推🙌🏻🙌🏻…Read More

上星期去旺角行街，搵到呢間西餐，於是就嚟試試佢～店面唔大，我6點去到就冇乜人，但去到7點就坐滿了喺openrice搵到呢間餐廳個陣，最吸引到我就係$98嘅威靈頓😲一定要試一試啦晚餐跟餐都有白湯，就正正常常啦我地叫左一杯凍檸茶一杯凍奶茶主菜首先叫左個焗芝士蟹醬軟殼蟹飯，個飯係炒飯底，好香口👍🏻每啖都有好香濃嘅蟹味😋軟殼蟹都超大隻啖啖肉威靈頓牛柳我就叫左5成熟，肉質好軟熟，以$98咁平嘅價錢食到真係冇得頂我地仲叫左好多小食，軟殼蟹都係同個焗飯個隻一樣大隻芝士煙肉焗西蘭花好味我地仲叫左焗蠔同芝士煙肉焗薯皮，都好香口好惹味最後埋單兩個人$378，我地食得超飽😂呢個份量3個人食都得，所以性價比真係非常高呀…Read More

這間Cafe晚飯時段也非常滿場，今次香朋友嘗試了也不錯。重量級安格斯牛肉漢堡伴薯條賣相精緻，而且份量非常大的漢堡。漢堡包經加熱後非常之熱辣辣，內面更在烘熱時加上牛肉，香味更什。牛肉漢堡厚度十足，口感有彈性，配上芝士味道香濃。薯條亦很香口厚身。紐西蘭穀飼西冷伴燒汁一上菜聲音非繁，加上燒汁油香滿溢。西冷牛扒份量足夠，咬落有彈性亦不會太韌，非常香口。配有粟米粒很是清新亦不會太過熱氣。份量亦足夠使人感到很滿足。酥皮湯加了$20轉了酥皮湯，酥皮很香及脆口，點配內面忌廉味非常香濃的忌廉湯，熱辣辣很香口，味道也十分之夾。Fruit Punch充滿甜甜水果香味的fruit punch，能在濃郁的口味上加上一點清新。…Read More

餐湯加$20可以轉酥皮湯，咁抵梗係加啦，10分鐘左右就有得飲，小心燙嘴～ 撈埋啲湯嚟食～餐湯係忌廉湯。呢一杯特飲sky blue 人如其名，成杯都係藍色，沙冰類嘅特飲，真係透心涼👍🏻 鍾意甜嘅朋友可以試吓。我見隔籬枱都有叫呢個威靈頓牛扒，咁就跟風試吓。伴碟嘅蔬菜唔係平時普通嘅椰菜，而係翠玉瓜同埋粟米，粟米好甜呀～牛扒叫咗五成熟。焗芝士醬軟殼蟹意粉上面有成隻軟殼蟹，意粉用鐵兜煲，小心手掂到會焫親～ 面頭嘅芝士焗到焦香，香噴噴 😋跟餐加咗香辣魷魚，對我嚟講唔算好辣，同埋冇食到雪藏味，食完一啖又一啖～芝士煙肉焗蠔$38有咁大隻，都係跟餐加嘅，鍾意蠔嘅朋友可以試吓 ～總結而言，餐廳位於旺角幾點非常方便，埋單三百幾蚊就可以食到兩個主菜兩種小食兩杯飲品兩個湯，性價比嚟講都OK。…Read More

旺角餐廳林立有好多不同選擇，但我最終決定食西餐。重量級安格斯牛肉漢堡伴薯條
漢堡扒牛肉汁多肉香有牛味，漢堡有微微焦香味，薯條外脆內軟！一旁仲配了蕃茄及生菜，可以讓我自由配搭。可以將蕃茄及生菜放入漢堡包中會清新一點，或者好似我食完漢堡包再食配菜，每一啖漢堡包都是充滿牛肉及芝士味道霸氣滿足。焗芝士蟹醬軟殼蟹（意粉）
芝士濃厚綿滑，蟹醬鮮甜濃郁而意粉彈牙！整個意粉都有蟹味像海邊派對，整個意粉最出色是軟殼蟹炸得酥脆無比。酥皮忌廉湯
酥皮鬆脆可口，忌廉湯香濃滑，牛油味濃郁！香辣魷魚
魷魚彈牙鮮嫩，辣醬微麻野味，XO醬濃郁撲鼻！XO醬帶出魷魚的鮮味，好味道！特飲Lychee Lemon
荔枝甜香配試檸檬酸爽清新，再加上薄荷葉令特飲冰涼順口！值得一試！甜品：焦糖燉蛋
焦糖香脆微苦，燉蛋滑嫩香甜，奶香濃郁！飯後甜品最佳選擇。…Read More

專程嚟到旺角呢間主打西餐嘅專門店，目標明確：試吓佢哋最推介嘅威靈頓牛扒。老實講，以呢道招牌菜嚟講，表現算係穩打穩紮。先講優點：必須要讚嘅係，當日試嘅兩碟牛扒（包括威靈頓），肉質都處理得相當唔錯，琳易入口，火候控制得宜。威靈頓牛扒外層嘅酥皮焗得金黃，未至於好驚艷但都算香脆。入面嘅牛柳（估計係）熟度掌握合理，呈粉嫩狀態，肉質軟腍，唔會韌或者乾柴，蘑菇醬嘅份量同味道都算平衡，唔會太鹹搶走牛味。整體嚟講，食物嘅基本質素係合格以上，可以話係穩陣、易接受嘅口味。然而，略嫌特色不足：雖然味道唔差，但食落總覺得欠咗啲令人「嘩」一聲嘅獨特風味或者記憶點。威靈頓牛扒嘅組合同烹調手法比較傳統，酥皮、蘑菇醬、牛柳嘅配搭同味道層次未見有特別創新或突出之處，同坊間唔少提供呢道菜嘅餐廳相比，辨識度未算好高。食完係滿足嘅，但未至於好有衝動想即刻再encore或者好興奮咁同朋友分享。講到最現實嘅一環——價錢。對比番同一條街其他餐廳，無論係同類西餐定係其他菜式，呢間專門店嘅定價（尤其係主打嘅威靈頓牛扒）似乎未夠吸引。食物質素OK，但未去到「超班」嘅程度，性價比喺激烈嘅旺角戰場上顯得有啲尷尬。你會覺得佢唔難食，但同一筆錢，喺隔離街可能食到更有特色、份量更足或者環境更優勝嘅選擇。如果你喺旺角行緊街，突然好想食一客穩陣、唔伏嘅威靈頓牛扒，呢間店可以係一個選擇，起碼碟牛係易入口、質素過得去。但若然係要山長水遠特登過嚟朝聖，或者追求高性價比同驚喜體驗，就可能會覺得有啲吊癮，未必會專程再訪。屬於「順路可試，但未係非食不可」嘅類型。…Read More

已經好耐無係旺角街鋪食飯，朋友約話有間西餐廳唔錯，試下先🙋🏻‍♀️雖然餐廳唔大，但裝修都幾骨子同都坐得幾舒服。叫左兩個餐，每個餐有餐湯，加錢小食同餐飲🙂🍽️蜆肉忌廉湯其實我唔太鐘意飲餐湯，但好鐘意酥皮，加$20 就可以轉酥皮，所以毫不猶豫就加左個試試。👍🏻睇賣相就知加得好，其實個蜆肉湯本身都ok, 一碗湯都撈到5-6粒蜆肉，酥皮香脆得黎唔粉。建議要加！🍽️焗芝士蟹醬軟殼蟹可以揀飯同意粉，我地揀左意粉。賣相好唔錯，軟殼蟹炸得好脆，最怕脆醬係硬邦邦又無味個種，呢個個脆醬係幾好味。另一樣係成個意粉鋪滿芝士同蟹醬，一d都唔馬夫，覺得有用心製作。蟹膏味都好濃郁，兩個人share食剛剛好，一個人食曬一份可能會太'漏’🍽️芝士煙肉西藍花作為芝士控，真係好欣賞佢既芝士係足料，鋪滿的感覺🥰🍽️ 威靈頓牛柳不得不講$98係性價比好高! 我地叫左7成，熟既程度剛剛好。無論係肉質，味道同份量都絕對係物有所值🍽️香辣魷魚似係韓式辣醬個種但又唔會好甜，爽口唔韌又入味，見到其他人都有讚呢個魷魚，認同係好食❤️🍽️Lychee Lemon…Read More

bookmark咗呢間餐廳好耐，終於有時間試到。小店座位唔多，平日夜晚可能都要等一陣焗芝士蟹醬軟殼蟹飯 $98飯本身跟埋餐湯，當日係白湯，味道正正常常。而個飯就好有驚喜喎，軟殼蟹大大隻，炸得金黃酥脆，飯嘅表面鋪滿芝士，望落都覺得好邪惡，最重要嘅係味道非常好，個飯帶有濃濃嘅蟹味😋威靈頓牛柳 $98威靈頓牛柳應該係呢間餐廳最出名嘅一道菜。我哋嗌咗五成熟，牛入口都算嫩滑，重點係$98就食到，主打性價比。芝士煙肉焗蠔 $38/1焗蠔都算大隻，入口飽滿，芝士味濃，冇得輸Yakult +$15加$15就可以揀特飲，呢杯係益力多味嘅沙冰，嚟到嚇咗一跳，超級大杯😋Lychee Lemon +$15同樣大大杯，入面仲有荔枝肉，味道清新，適合解膩…Read More

呢餐真係要畀個「正」字！今日同朋友去旺角食dinner。一上枱個焗芝士蟹醬軟殼蟹意粉就夠晒吸睛，橙黃色嘅蟹醬勻勻裹住每條意粉，軟殼蟹炸得金黃酥脆，咬落卜卜聲，芝士焗到溶晒成層金漆，撈埋一齊食，蟹鮮同奶香撞出個驚喜，鹹香得來帶少少海鮮甜，意粉硬度啱啱好，掛汁一流。重量級安格斯牛肉漢堡真係夠晒「重量级」，塊牛肉厚到成隻拳頭咁，煎到外層微焦，切開見到粉紅色嘅內裡，肉汁順住切口流落嚟，入口鬆軟多汁，肉香爆炸！底層個麵包烘得夠脆，夾埋成個堡夠晒飽肚，配粗薯條，外脆內綿，灑少少鹽就夠味。小食都好有驚喜，香辣魷魚夠晒惹味，辣度適中帶少少麻，魷魚彈牙唔韌；芝士煙肉焗薯皮簡直係邪惡首選，薯皮邊微焦，入面芝士溶到牽絲，煙肉香滲晒入薯肉，一口一塊停唔到口。玉米忌廉湯夠稠身，玉米味濃郁，飲落滑溜溜，開胃一流。熱檸檬水夠酸夠醒神，解膩最好。荔枝檸檬雞尾酒就清新，荔枝甜夾住檸檬酸，酒精味唔重，女士一定鍾意。…Read More

在OpenRice 度見到呢間餐廳評價不俗，就約朋友來一試。我在OpenRice 訂了4位，晚上6:30。但其中一人有事要遲少少到（大概15分鐘），我們其餘三人便諗住先行入坐，叫定嘢食。誰知侍應表示我們不齊人入坐食視之為訂坐後缺席，而餐廳亦預先通知了只會留枱10分鐘，所以我們只好照樣先行入坐。而在入坐時才發現餐廳有限時75分鐘進食，我在訂座時也沒有留意😓本人認為75分鐘就確實太趕，食得一點也不輕鬆，建議朋友聚餐就不要選擇這裡。最後，在食物質素方面就不過不失，性格比確實係高既。而待應的態度都屬正常，不太差亦無特別好。不過個人就唔太接受到餐廳既政策，進食有點壓力，自己就不會再惠顧了。…Read More