Luna Bar & Restaurant

fusion菜酒吧日式酒吧就見得多，泰菜酒吧都係第一次試，仲要開喺尖沙咀嘅鬧市，距離地鐵站都只不過係5-10分鐘嘅路程，但環境好好好舒服餐廳可以揀坐外邊，通風好好一啲都唔熱，內部環境都好寬敞，一般酒吧玩既dart機都有各類飲品都係$68-78，非常之抵飲！可惜今日朋友仔揸車，我都唔獨樂樂啦😌泰菜點少得炸蝦餅打頭陣，非常之熱辣！而且好彈牙，有6個半件，大大件！呢到既菜式都非常多選擇，估唔到有原條燒茄子，但味道同我哋一般食開嘅非常唔同，有驚喜！茄子用咗甜麵豉醬去燒，加埋炸蒜片，鹹甜鹹甜咁非常唔錯蠔仔蛋係用鐵板上，非常熱辣辣，店員都細心提醒我哋小心鐵板。啲蠔大粒都已經唔係蠔‘’仔‘’等級😳冇腥味，蛋非常嫩滑，重點係勁大份🤣都係$138，必點！咖喱可以揀紅黃青配豬牛羊，我哋揀咗青咖喱牛配蒜蓉包，本身以為冇咩特別，但青咖哩非常香濃！牛肉係鮮牛肉而且冇用鬆肉粉乸到死曬，仲有牛味，好食到淋啲咖哩落個蠔仔蛋一齊食，超夾！重點仲有塊蒜蓉包，金黃色真係勁脆🥹點咖喱一流！同場加映隔籬枱唔知叫咩特別菜呢，店員係枱前上演炙燒表演，全場都望曬過去，下次有機會都叫嚟試下先😛有得食仲有表演睇買單兩個人飽到差少少企唔到起身🤣都係$475食咁多嘢，真係抵到爛！…查看更多

估唔到有咁大個場同時比人食泰國菜，又可以掟飛鏢同唱k，好有氣氛呀！空間好大，另一邊同埋包房都有公司包咗部分地方員工聚餐！好熱鬧！泰式生蝦6隻 $138杯仔生蝦好有儀式感！生蝦新鮮彈牙，配上酸辣惹味嘅泰式醬汁，簡直是人間美味！🤤 蝦肉鮮甜，醬汁帶有蒜蓉、辣椒🌶️和檸檬🍋嘅香氣，令人胃口大開！💯泰式炸蝦餅 $108外脆內嫩嘅蝦餅，每一口都充滿蝦肉嘅鮮味！蝦肉彈牙有咬口🍤 沾上甜甜嘅梅子醬，滋味無窮！😋 蝦肉份量多必需同朋友分享！泰式冬蔭功湯 $138濃郁嘅冬蔭功湯，酸酸辣辣，非常開胃！🌶️ 湯底充滿香茅、南薑同埋檸檬葉嘅香氣，加上鮮蝦🦐、菇菌🍄同埋番茄🍅，味道豐富有層次！辣得好過癮👍馬拉盞炒通菜 $88鑊氣十足嘅馬拉盞炒通菜，鹹香惹味！🥬 通菜爽脆，馬拉盞香味撲鼻，令人食慾大增！🤤泰式椰汁冰 $48食住辣辣嘅泰國菜，整返杯冰涼嘅椰汁冰解辣！🥥 椰汁味香濃，甜度適中，非常解渴！🌴…查看更多

✨泰式豬頸肉 $108招牌必點！炭火香氣撲鼻，豬頸肉燒到外脆內軟，邊緣帶少少焦香超惹味🔥 配埋秘製酸辣醬汁，口感爽彈唔油膩，送酒一流～份量仲好大！✨泰式炒通菜 $88鑊氣十足！鹹香滲透每條通菜，蒜片爆香得恰到好處🥬 菜莖保持翠綠爽脆，經典泰式風味發揮穩定✨泰式豬手 $138驚喜之作！豬手滷得超級軟淋，皮肉入口即化🐷 酸辣醬汁平衡咗油脂感，底下墊嘅生菜吸收精華，份量足夠分享～✨烤薄餅 $38隱藏寶藏！薄餅烤到微焦膨脹，外脆內軟帶牛油香🧈 點埋咖喱汁或者單食都咁正，$38呢個價錢真心抵食！✨泰式芒果沙冰 $68真材實料！芒果味天然濃郁，冰沙打得綿密細膩🥭 甜度控制得啱啱好，唔會死甜，食完濃味菜式飲一啖即刻refresh～Luna Bar環境好chill，晚市坐室外位涼風習習好舒服。食物質素對得住價錢，豬頸肉同豬手都係水準之上，烤薄餅更係意外驚喜！…查看更多

上週晚餐選擇了位於尖沙咀的 Luna，主打現代泰式料理。餐廳裝潢時尚，氣氛輕鬆，服務親切，這次點了幾款主打泰菜，整體感受不錯1. 泰式燒豬頸肉這道菜香氣撲鼻，豬頸肉烤至外脆內嫩，油脂分布均勻，入口彈牙不膩。配上特製泰式辣醬，微辣帶酸，十分開胃。2. 泰式青咖喱配赫蓉包青咖喱味道濃郁，椰香與香草味平衡得剛剛好，辣度適中，非常下飯。赫蓉包外皮酥脆，內裡柔軟，沾著咖喱一同入口，層次豐富。這個配搭新穎，令人驚喜。3. 泰式冬蔭功湯作為泰菜經典，這裡的冬蔭功湯同樣出色。湯底鮮辣酸香，蝦隻新鮮大隻，配料足料。濃郁的香茅、南薑和檸檬葉香氣明顯，喝下去暖胃又醒神。4. 烤薄餅薄餅烤得金黃酥脆，有淡淡麥香，可以點著咖喱或冬蔭功湯吃，味道更升級。薄餅本身調味簡單，不會搶去主菜風頭，是很好的配角。Luna 的泰式菜式有誠意，食材新鮮、調味正宗又有創新。服務殷勤，環境舒適。以尖沙咀的地段來說，價格合理，適合朋友聚會或小型慶祝。下次會想再試其他泰國菜式！…查看更多

尖沙咀呢一間係以泰國菜既酒吧餐廳！非常有特式，因為酒吧入面食到泰國菜，相當特別！內在環境又大又寬躺，而且仲可掟鏢！或者同朋友靜靜地坐另一邊食下野傾下計又得！酒吧靜又得，動又得！仲要呢度既泰國菜又抵食又大份又好味！推介！泰式炒通菜！熱辣辣相當夠鑊氣！泰式炒帶點點微辣，相當惹味！通菜葉又嫩又滑又入味！通葉莖就爽口爽脆，好好咬口！泰式豬頸肉，份量足！豬頸肉燒得又香又惹味，肉質彈牙，口感又好，啖啖肉，配埋獨特醬汁，非常惹味！令人食指大動！正！泰式海鮮炒粉絲，非常惹味，而且配料都很多！大蝦爽身好彈牙！仲有好多唔同既蔬菜，吃起來超清新美味！粉絲晶凝通透，彈牙，而且好入味！熱辣辣的炒粉絲配埋蛋絲不單賣相美麗，而且相當美味！又飽肚又美味！泰式椰汁冰，鮮甜美味既椰汁，椰汁味飽滿又解渴！甜而不膩！飲品都非常美味！食飽飽仲同朋友傾左好耐計，環境很好！不錯！…查看更多