影片
電話號碼
27912998
開飯介紹
英美主題西餐廳，樓上包廂為英式精緻餐飲、樓下則以美式休閒餐飲為主。提供多款西餐、特色咖啡以及酒品。
繼續閱讀
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
-
網上訂座服務暫停
周末約埋閨密去西貢 hea，見到個環境即刻覺得「呢度打卡一流啊！」🤩 ，對食物亦充滿期待！🐷 德國香辣豬手上枱已經聞到陣陣香料味，豬手外皮烤到金啡色，一刀切落去「喀擦」一聲超級療癒！咬落去外皮脆，裡面肉質軟嫩多汁，帶少少辣椒香同蒜香，完全打破傳統德國豬手嘅油膩感～呢度嘅豬手仲要大大舊，兩個人分夠晒喉💥🦞 原隻新鮮澳洲龍蝦意粉成隻手掌咁長嘅龍蝦擺喺意粉上面，蝦殼已經剪開咗好方便食，龍蝦肉超級爽脆彈牙呀！意粉醬汁調配得剛剛好， 記得一定要撈埋龍蝦頭嘅膏，香到爆啊！😍🐔 薰衣草焗法國黃油春雞未開蓋已經聞到陣陣薰衣草香，揭蓋見到雞皮金黃油潤，薰衣草味隱隱約約帶出一陣高雅嘅香氣，完全唔會覺得兀突，反而襯托出雞肉嘅鮮甜～成個組合好有春日氣息！🌿呢餐咁正，同朋友食吓傾下計，真係成個週末都治癒曬～ #西貢美食 #龍蝦控必食
繼續閱讀
昨晚一行3人，阿媽話要食西餐，於是行去果條「西餐街」，我地行來行去，諗緊邊間會好啲。呢間門口有位幾nice嘅姐姐拉客話主菜買一送一，我地細看應該係「買」$388嘅主菜，然後送下列一款二百幾蚊嘅主菜，我地都ok嘅，唔再行黎行去了。但入去坐低，個疑似老闆娘無俾到「買一送一」個餐牌我哋，佢一直介紹其他菜式，要我哋提及返門外拉客果位姐姐話有「買一送一」嘅主菜，先搵返第二個waiter攞到張餐牌。我地叫左1. 慢煮美國牛柳份量估唔到咁少，得果5小舊，張單落咗要5成熟，點知嚟到好硬，又唔夠熱，我話不如換左佢，但阿媽話算。2. 豬仔骨份量又好少，味道普通，唔夠肉汁，如果唔係買一送一，呢個豬仔骨要$268，配菜得幾舊薯角，少少菜，連茄汁都俾好少，就當麥記一包茄汁咁多，實在太唔抵了。3. 「星期一至日晚市套餐」揀左半邊龍蝦意粉，包粟米湯，蟹肉凱撒沙律，飲品。先講個湯，完全係罐頭湯加水直出，飲第一啖心諗：有冇搞錯啊，個疑似事頭婆幫我哋落單嗰陣時話係「粟米濃湯」，真係離晒譜了！然後個蟹肉凱撒沙律，啲蟹肉原來係一支支嗰啲假蟹柳，然後切幾粒出嚟，真係好嘢，咁都攞得出嚟俾客食，話係蟹肉。收緊啲高中價餐廳嘅價錢，但俾啲低劣快餐店嘅料俾我。至於個「半邊龍蝦意粉」又係細碟到不得了，龍蝦底部又唔夠熱，不過肚餓得滯，食埋！而家市道咁差，經濟唔好，好多人北上食嘢消費或者去海外旅行食嘢消費，我哋支持本地消費，間嘢居然俾啲咁嘅質素我哋，價錢貴，入得到嚟都預咗，但唔好俾啲咁嘅質素同份量我哋啦！阿媽杯餐飲凍檸水唔夠甜，叫佢哋加糖，點知佢哋成杯攞走左又唔攞返返嚟，阿媽忍唔住行過去水bar嗰度攞返杯凍檸水，然後杯凍飲最後要加$2。勁搞笑，茶餐廳咩，凍飲加$2。但你哋收緊人成$300一個餐㗎！有時都好明白點解咁多人走晒去第二啲地方消費，食嘢，好似呢啲咁嘅餐廳服務又差消費又高，正一酒店價錢，快餐店嘅服務！全程食到無乜癮，所以相都無影到。同行友人食完行過幾條街買麥當勞再食過，話食唔飽喎！其實食唔飽可以喺餐廳度繼續加菜，但食物質素，份量及服務又太唔抵了，所以唔再加菜，埋單走人，絕無下次！
繼續閱讀
每次入西貢之前都會好興奮，因為又有機會食呢間西餐廳，佢係一間細細地嘅餐廳，但係超有人情味，呢度裝修俾人一種好cozy嘅感覺，而且食物全部都真係堅好食！三文魚taco係我今次第一次食嘅，覺得不論擺盤定味道都好好食好好睇！三文魚加咗少少paprika，加埋超甜嘅cherry tomatoes，相當開胃！日本馬糞海膽豆腐凍本店必點之一，豆腐滑口，加埋creamy嘅日本馬糞海膽，完全係入口即溶！而且日本馬糞海膽夠鮮甜，完全冇苦味！呢度嘅手工意粉都好正，今日就叫咗手工麵團龍蝦意粉，gnocci 嘅口感好好，十分煙靭，龍蝦汁亦都夠濃郁，但係又唔會太heavy，食完到第二朝都好懷念！
繼續閱讀
今日心血來潮，走去西貢行下，順便搵間好野食晏。就行到灣景街16號地舖呢間Lobster Une，見門口個餐牌就已經忍唔住流曬口水🤤，即刻入去試試！一入到去，環境好唔錯，裝修有種簡約又有格調嘅感覺，舒舒服服，坐得好自在😌。先叫咗個牛肝菌牛仔柳長通粉🥘。哇，個碟一上檯，已經香到我頭暈。牛肝菌炒得香噴噴，同嫩滑嘅牛仔柳簡直係天作之合。牛仔柳煎得啱啱好，中間粉紅色，咬落去肉汁爆晒出嚟，嫩到好似會融係口入面咁😍。長通粉嘅口感好有彈性，每條都掛滿咗牛肝菌同牛仔柳嘅精華，每啖都超級飽滿，我食到根本停唔到口🤣。跟住試嘅炸魚薯條🍟，真係有畀到我驚喜！炸魚嘅外皮炸到金黃酥脆，一咬落去「卡滋」一聲，好過癮。入面嘅魚肉好新鮮，又厚又嫩，完全冇腥味。薯條粗粗條，外脆內軟，鹹淡又調得好啱，唔使點茄汁都已經好好味。我同朋友一邊食一邊讚，呢個炸魚薯條真係有返咁上下水準👏！最後重點出場，就係新鮮法國生蠔🦪！個個都大過我隻手掌，生蠔肉肥嘟嘟，好似在向我招手。我一啖咬落去，海水嘅鹹鮮同生蠔本身嘅清甜一齊湧出嚟，口感爽滑到難以形容，新鮮到冇朋友！再擠上少少檸檬汁🍋，簡直鮮上加鮮，正到痹！
繼續閱讀