Little Mermaid Bakery

營業中

休息中

20050106 9pm晚餐(一).先行Citysuper 買Saba(醋鯖魚) sashimi, $25/8塊,係香港最好o既Saba!~勁juicy, 一o的都唔腥, 超靚, 永無失手.openrice 無citysuper 比我寫, 唯有搭單寫響度. 勁推!~北海道牛奶方包($14/4塊), 厚切, 我放入微波爐叮熱再搽蜜糖. 一流.不過奶味其實係無, 齋軟滑, 純覺得做厚切多士口感好o的先買呢款,otherwise 可買薄切6塊一袋果隻. 我今朝趕時間整o左做蛋治就嫌厚得滯.食o左兩塊, 已經半飽.

尋日收工時肚餓到震, 雖知道媽咪o係屋企已經煮好晒飯等我, 但係為免昏倒街頭, 經過mermaid 時買左個炸紅豆冬甩暫時頂住先. 以前食親都係朱古力冬甩, 今次第一次食佢個姊妹(紅豆味), 我覺得呢個味道稍遜. 紅豆餡係佳品, 但係因為佢熱左都唔會變成流心, 所以同個炸冬甩起唔到化學作用.

Cream Cheese Danish - 係有一pat 芝士,但係唔係好覺點cream cheese. 配danish... 都係生好味d.朱古力忌廉唔知咩o野包, 要成$15,size只係手心大少少. 係好鬆軟,但係好似冇咩質感. 怪怪的.始終覺得都係鬼佬做麵包好味d,日本出產,得個gimmicks. 但呢個價錢,真係好似係日本買麵包咁貴law!

呢幾日已經試過晒Little Mermaid o既聖誕麵包系列, 包括:1)聖誕老人包($16) -- 其實係普通o既朱古力忌廉麵包, 做成聖誕老人模樣. 略嫌包乾左d, 朱古力忌廉又太少.2)聖誕之星($13) -- 本以為佢係一個造型特別o既scone. (星型圈圈) 我呢個scone狂熱就梗係要試啦! 點知食落似放左o係抽濕機前面幾個鐘o既"牛奶卷",牛奶同蛋味好濃,但係超乾.3)Panettone ($18) -- 不嬲食開o既panettone 都好香乾果味同酒香味, 但係呢個包只係得雞蛋味同牛奶味, 味道同2)差唔多, 只係呢個較濕, 略略較2)討好. 3個包o既size都同一般個裝麵包差唔多, 甚至更細, 味道亦只係不過不失, 但係價錢卻係double甚至triple. 非常唔值!

去開IFC 吃飯，之前就來買包做早餐。買了提子包($12) 同甜薯包($13)。第二日烘番熱吃，兩款都幾好味，包軟熟，尤其提子包，好香香料味，相信落了肉桂粉。不過價錢實在太貴了。只會試試便算了。

第一次黎呢間麵包店, 款式都幾多, 但價錢幾貴, size唔係好大個, 見到一款芝士包, just baked, 就買個試下! 呢個包英文叫Heathly bread with camembert, 中文叫camembert芝士法包, $16, 一個長形既法包, 話just baked, 但我覺得唔係, 因為個包既外皮已經唔係好脆, 好少少韌, 不過入面就幾軟, 包入面有半溶既芝士,d芝士份量只佔麵包既三分一左右, 味道同車打芝士冇分別, 但對於我甚愛芝士既人黎講, 芝士份量太少喇! 整體黎講, 都好味既, 但又唔係好特別, $16太貴, 唔係好值! 另外, 仲買左一袋有六小片既北海道牛奶包, $14, 佢話係用日本北海道牛奶做既, 有好香既牛奶味喎! 打開個袋, 聞唔到有任何味道, 食落口都係一樣, 完全唔覺有牛奶味, 連牛油味都食唔到, 只係有少少好少好少既甜甜地, 但可以話冇味, 不過麵包就好軟熟, 連麵包邊都唔硬既! 又係個句, 太貴, 唔值! 我寧願買返美心既麵包, 又平又好味!

此餐只為"zip"肚, 由於2小時前剛到Starbuck食了素菜toast + latte, 2小時後又會與朋友晚飯, 所以不須要飽肚.一個素菜餡餅$18, 一個忌廉芝士條$10, 一杯凍檸茶$14, 呢個mini-tea要$40! 不過, 食完個忌廉芝士條之後, 不止物有所值, 直情要鉻記於心! Just baked的忌廉芝士條實在太酥脆, 一定要再試!

合桃包($17)口感好好，但其賣點亦只此而已。雖然味道也不錯，但不算很特別。要付出$17買一個麵包，除非真的很美味+ 特別，否則我不會再試。蕃薯包($13)落足料+很香蕃薯味，新鮮出爐的話就更好吃！值得試！

由於我在鄰近的大廈返工,所以開業以來都試咗不同款式....1.咖啡包:咁耐只係食過一次,自幾個月前已音訊全無.咖啡餡非常濃郁的咖啡味,狀creamy,包身軟熟,必食.2.紅荳&朱古力冬甩:細細粒,但咬口勁煙韌,可分二至三啖,兩款餡料都是滿滿的,yummy..yummy.3.芝士麥粒包:包身鋪滿黑芝麻粒,面頭芝士焗得金黃香口,試過買來第二朝做早餐,都仍好味(如加熱更好).4.合桃包(細&大size):又係早餐心頭好,用拑夾落好像較硬身,但經多次實驗,到第二朝包身仍然軟軟的,合桃又有咬口,不俗.5.咖喱野菜炸包:咖喱香口,野菜分量Ok,包身脆脆的尤其香口好味有嚼頭.6.早餐穀麥包:我吃的那種有half-portion買的(約$13),不是方包,是歐陸黑麥包那種,又係我的早餐best choice.7.黑莓批:店中的best buy,超好味的dessert,酥皮鬆化,果肉大粒,很滋味的.8.蕃薯包:呈扭鞭狀,面頭鋪上番薯粒,加些少黑芝麻,我諗趁熱食會好d...9.芝士捧:又係好日都唔見的"正"點,放係擺三文治的凍櫃內,睇落實的的,食落又係鬆化,細細一條,食完都蠻滿足的.

買咗依個酥嚟做早餐。早上烘番熱佢嚟食，都幾脆，但嫌包身都幾多油，在焗爐烘時有一滴滴油漏出來。講番個餡，我覺得裏面的唔係吉士，係忌廉芝士，唔夠滑。我鐘意吉士餡多Ｄ，個人認為DONQ 嘅酥好味Ｄ喇！依個藍莓酥成$13 好貴呀！

this bakery is more expensive than my favourite Mandarin Cake Shop. the bread is quite good but don't worth for money. I only love the sweet potato bread, just baked. actually, all just baked bread is delicious !

去IFC間city super 行,見到呢度d包包好吸引,買左呢個忌廉吉士包食.好好味呀....個包係麵包卷,好軟熟.裏而包住d忌廉吉士.好香滑.唔太甜.而且係凍凍地咁.好似食緊cream puff 一樣.但係一個都唔平,九元正一個.不過好似用code card有九折.下次大量入貨用code card 會抵d.

牛奶卷個樣幾靚,卷下卷下,好似一個大大個既「一同」,好香,食落有幾濃既牛油味,質感有少少似包有少少似蛋糕,甜甜的,好好味!不過我覺得幾貴,有少少唔係咁食!

5月中-食完miso,去買了2個donut食,朱古力&紅豆,我覺得朱古力味,真係好好味,再加一支city'super博多屋豆漿-正!!

唔知大家有無食過佢個columbier呢? 呢個pastry好得意, 圓餅形, 似人地o個d upside down cake o既迷你版咁. 味道呢, 幾好嫁, 唔係好甜, 但係我食唔出裡面用左咩材料. 價錢就貴左d, 好似要10蚊件.