影片
營業時間
今日營業
11:00 - 22:00
星期一至四
12:00 - 20:30
星期五至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
相關文章
我以為每一間分店一樣，都只係買蛋糕，原來呢間都有堂食，仲有set lunch，唔知星期六日有冇呢？不過今日係平日。一共嗌咗兩個set，每個set都有送一件蛋糕，所以覺得性價比都幾高如果鍾意忌廉湯嘅朋友，呢個忌廉都幾濃，唔係啲Hea湯，黑松露意粉幾好食，佢嘅意粉質素都還好，唔係腍嘅意粉。另外叫咗個溫泉蛋蟹肉意粉，可能食咗黑松露意粉先，覺得呢個意粉相對下就冇咁吸引同埋濃味。最後每人$110埋單，包一個湯，意粉，咖啡，蛋糕，連埋+1 ，喺銅鑼灣食飯，我覺得還好嘅。不過佢真係唔夠人手，服務員喺午飯時間，都真係好忙，有啲唔係好應付得來。
繼續閱讀
是日牛一，行經此店又發現有其餅咭，所以為自己慶祝一番，餅卷$80，只可換西餅，所以加多5蚊換了稀有糖西瓜蛋糕，$85 －件餅，真係貴，如果冇卷係唔會買。店員包好，拿著盒子到商場外公園開餐，打開餅盒，稍為欣賞一下件蛋糕後便開始啓動，蛋糕富有層次：有花，有果仁，有西瓜，有忌廉，有蛋糕，有餅底；不但看得出有層次，同樣食得出又層次，蛋糕面上的花甜甜的，又有花香，夾雜著果仁的咬口，配搭合宜。最滿意係蛋糕及件西瓜。真係貴得有道理。
繼續閱讀
跳入呢間喺時尚步行街嘅蛋糕鋪，最先引吓我目嘅係佢哋嘅草莓西瓜蛋糕，望落真係靚到冇朋友啊！👀 每一塊蛋糕都係好似藝術品咁，層層疊嘅細節處理得非常細膩。講開蛋糕，我揀咗佢哋招牌款，真係一啖下去，脆脆嘅杏仁蛋白霜底層加上草莓嘅鮮甜，再遇上清清嘅西瓜汁液，一啖嘅感覺真係齋呀～層次分明得嚟又唔太甜膩。第一咬落去嘅時候，突然感受到喺喉嚨盡頭，有股微妙嘅玫瑰花香，咋啱晒要夏日清新嘅感覺。玫瑰花瓣同開心果碎嘅配搭，唔止賞心悅目，仲提升咗整體嘅味道層次感。食玩嗰刻，鼓掌都要拍幾下，呢款蛋糕教人一試難忘！👏係噏啲啦，呢個價錢在貴嘅范圍，但味道同視覺享受真係一試難忘。無論你係喺邊個角落唔期而遇佢，都識得佢零嗱嗱嘅質素！下次同屋企人或朋友聚舊時，都會諗起佢嘅。呢款蛋糕，真係食得出心機同匠心！是但搵個理由，都得嘅，試吓咪知有幾嘢喇！🍰
繼續閱讀
餅店：LIFETASTIC Patisserie 地點：銅鑼灣記利佐治街Fashion Walk黑芝麻麻糬蛋糕 $58黑芝麻麻糬蛋糕賣相黑蚊蚊。面頭有三粒日本丹波蜜餞黑豆，下底就係日本九鬼黑芝麻忌廉，主體係黑芝麻忌廉夾竹炭海綿蛋糕，中間有少少麻糬。黑芝麻味係算濃，可惜麻糬都唔煙韌，係流出黎好似蓉左，而竹炭海綿蛋糕完全無特別，口感唔特別，呢個價錢真係偏貴，名大於實。鬆餅 $25另外買左個鬆餅，係frozen，可以放到大半個月之後先食都得。有instructions教可以點樣返熱。解凍後用焗爐焗9分鐘，聞到好香牛油味。鬆餅外皮香脆，入面都算鬆，不過好易散開。面頭加上薄片粟米片，少見。我自己加私伙clotted cream同食就非常正！總括而言，一貫都覺得LIFETASTIC出品既蛋糕唔好食，但係又賣到貴一貴。鬆餅反而比之前試過好左。
繼續閱讀
去過咁多間分店裏邊，自己最鍾意嘅一間分店就係呢一間喺名店坊入邊嘅分店，因為名店坊嘅話人流唔會太多，而且位置亦都好寬敞，設計亦都好優雅有氣質，好適合同朋友嚟傾吓計食件蛋糕，食完嘢又可以去附近名店坊或者其他商場譬如名店坊，或者希慎廣場可以行陣街，所以個人都好鍾意你呢一間分店。講返蛋糕來講嘅話，今次就試咗佢哋一個標誌性嘅西瓜蛋糕，但係表面嗰層我就揀咗荔枝，主要因為個人都好鍾意食荔枝。之前食過佢哋最標誌性嘅草莓西瓜蛋糕，今次揀咗荔枝西瓜蛋糕，但係都完全冇令到我失望，有淡淡的荔枝香味，同事之間亦都食到蛋糕嘅Creamy感覺。之後都會再嚟
繼續閱讀