LIFETASTIC Patisserie (The ONE)

Lifetastic嘅蛋糕大家唔會陌生，今次試吓Tea Time堂食。一件蛋糕加茶$78-$98，堂食要俾加一服務費。揀左兩款，首先當然唔少得佢嘅signature草莓西瓜蛋糕，加左玫瑰，係非常特別又清新嘅組合。另外仲試左期間限定嘅榴槤，榴槤味非常濃郁，食完好滿足。店舖好細座位唔多但都坐得舒服，可以慢慢坐嘆下茶傾下計👍🏻…查看更多

與友人一齊慶祝🪅我地既生日慶幸係佢關門前9:30入到去堂食～ 🩵心心念念既Lifetastic ga 西瓜🍉蛋糕終於食到😆 由於我地都想健康d 食甜品，就簡左稀有糖職員表示同普通蛋糕係差不多既第一啖覺得好得意，因為佢有一層係西瓜🍉整體來說都係好食🤤既～職員服務質素友好，我地夠鐘都係輕輕提醒我地！…查看更多

今次食健康餐，揀咗慢煮雞胸牛油果意大利包三文治配雜菜沙律。三文治用咗慢煮雞胸，肉質嫩滑唔鞋口，完全冇柴柴feel🐔。加埋滿滿嘅牛油果，食落好fresh🥑，整體味道很搭。…查看更多

今日好想放空下腦袋，去The One嘅Lifetastic食甜品減壓。好耐冇嚟呢度，感覺依然咁熟悉，柔和嘅燈光，舒適嘅環境，真係令人放鬆。我哋兩個點咗兩杯Cappuccino，一杯係朋友嘅，一杯係我嘅。飲住熱辣辣嘅咖啡，傾下計，交換下資訊，朋友真係要見下！今次我決定試下榴槤芝士蛋糕。呢個榴槤味真係好霸氣，一入口就感受到濃郁嘅榴槤香，同芝士完美融合，細膩滑溜，甜度啱啱好。每一啖都好似帶我去咗榴槤天堂，治愈力爆棚！朋友點咗香水檸檬烏龍茶蛋糕，呢款蛋糕好清新，一啖落口就有檸檬嘅酸甜，再加上烏龍茶嘅香氣，真係清爽到不得了！蛋糕層次分明，鬆軟濕潤，每一口都充滿驚喜。環境依然咁好，坐喺度睇住街景，聽住柔和嘅音樂，真係好放鬆。服務員都好細心，知我要影靚靚相，好俾心機幫我拉咗一朵好靚嘅花花，服務真係冇得彈。總之，呢次Lifetastic之行真係治愈咗我嘅心靈，甜品好味，環境舒服，如果你仲未試過，真係要嚟試下！…查看更多

🍰🍽️☕️層次分明，好睇又好食嘅蛋糕咁啱行過見到做緊買一送一，咁抵梗係要買嚟試啦😆紙袋要加兩蚊☑️台灣大甲香芋布甸蛋糕 -$58☑️黑芝麻麻糬蛋糕-$58呢兩款都係含麵質嘅蛋糕，層次分明，忌廉唔會好流質，而蛋糕好軟熟，夾埋一齊好好食😋芝麻麻糬分別頂上有日本丹波蜜餞黑豆，下面幾層係九鬼黑芝麻忌廉、麻糬＋黑芝麻忌廉、竹炭海綿蛋糕，整體芝麻味好香濃。而香芋布甸蛋糕面頭有紫薯麻糬，配上台灣大甲香芋忌廉，滑滑哋好似食緊芋泥咁，而海綿蛋糕係原味嘅，充滿蛋香，中間仲夾左一層薄薄的椰子布甸，散發著淡淡的椰子清香，好夾好味😋…查看更多