LIFETASTIC (海港城)

營業中

休息中

尋日同個朋友去左尖沙咀海港城行下街食下tea咁，呢間「LIFETASTIC」成日同朋友經過都見到佢地啲Cake好吸引！而且係Light Meal, 又想食又想減肥嘅我就岩哂啦😂之前都想試好耐啦😬今次終於都有機會，試一試佢先😋慢煮雞胸三文治套餐(黑竹炭麵包🥯+意式泡沫咖啡☕️) $78見佢地即叫就即整，而且份量都唔細架！我同朋友Share一齊食，份量岩岩好😊個慢煮雞胸都唔錯！唔會好「鞋」😝煙三文魚沙律套餐+有機英式早餐茶 $88呢個沙律餐🥗夠哂健康，最適合我呢啲減肥 同埋 唔想食得咁heavy嘅人士食啦😬招牌草莓西瓜蛋糕🍰 $78呢個蛋糕除咗好味之外，用嚟影相打卡都係一流😂真係色香味俱全😋日本富士蘋果伯爵茶蛋糕🍰 $85好特別嘅味道！蘋果+伯爵茶味😋好清新😊

買完嘢經過呢間無麩質蛋糕聞名既餐廳，見到有light meal menu，同樣主打健康，可以揀三文治($78)或沙律($88)，套餐仲包括飲品，幾抵食咁喎！裝修用返品牌既主題藍色，但就加入左好多唔同質感既元素，譬如牆身啞色磚有圓形凸出既部份、頭頂既水波紋燈箱令人感覺置身水底餐廳，更顯高級感。食物方面-煙三文魚三文治酸種黑麥包鬆軟得嚟有嚼口，另亦可選擇黑竹炭麵包，煙三文魚有好香煙燻味，牛油果熟度啱啱好，呢個配搭無得輸！-慢煮雞胸沙律慢煮雞胸肉好滑身，用左黑椒、胡椒同鹽提鮮，雜菜好新鮮，車厘茄切開左咬落去仍然有爆汁既感覺，可以揀配柚子檸檬汁或胡麻沙律汁飲品方面呢道既cappuccino絕對比得上好多coffe shop；新推出既桂花釀鮮奶口感豐盈，每啖都有好香既桂花香味

海港城越來越多蛋糕甜品店選擇 而家開埋呢間係千両對面 非常方便1-3人飯局又心大心細的人 買個細size蛋糕慶祝當日五點幾去到舖頭仍然有好多細蛋糕可以選擇 人流都多 都要等一陣 之前試過幾次呢個品牌佢啲蛋糕普遍都係好清新加上cream比例較小 唔容易食滯第一次食可以是但揀味道都唔容易中伏另外 題外話 當日去到咁岩見到職員幫緊另一位客人即場寫朱古力生日牌 此店職員手寫英文字又寫得幾靚喎

去海港城做嘢，同同事行行吓過咗去最邊嘅港威，經過間西瓜蛋糕店見到佢哋有輕食套餐，有三文治同埋沙律嘅選擇，$70-$80嘅價錢仲要包latte，又啱晒正在減緊肥嘅我，所以決定一試！一上沙律嘅時候，太肚餓，一下子就食完唔記得影相，但真心覺得呢個套餐極具誠意，份量一定大過好多西餐廳。眼見佢哋即叫即整，慢煮雞胸亦都唔”邂”口，但個人覺得醬汁可以加多少少。平時買杯latte都要$40 啦，食晒之後同事話不如加件蛋糕，就叫咗一件新出嘅蘋果earl grey蛋糕share，真係覺得好好食好夾，可以encore但亦都係唔記得影相🤭整體嚟講1. 食物可以，份量夠大，食物也非常新鮮2. 咖啡好飲3. 蛋糕最好食

第一次食呢間餐廳，原來佢嘅賣點係無麩質嘅，而家仲有下午茶set，$328兩位，包兩件蛋糕，三文治同Scones，仲有兩杯嘢飲，性價比都幾高之前一路都好想食佢個西瓜蛋糕，但係一路都冇食過，今次tea set可以任揀蛋糕，見到款款都想食😋我就揀咗而家最新出嘅伯爵茶白桃同青森蘋果焦糖蛋糕可能真係食唔慣無麩質嘅食物，因為連三文治同scones都係無麩質嘅，所以質地比較乾同實，冇乜牛油香味，蛋糕算唔錯，唔甜，個人口味鐘意食比較甜嘅😁所以唔太適合我

終於試到招牌西瓜蛋糕啦！因為有海港城coupon 幫補下再試多三款，其實全部都好出色，但最好始終都係Signature ，又靚又好味😋本來以為好juicy 既西瓜會影響到蛋糕既質感，但出奇地夾，令原本以為蛋糕會飽滯既感覺完全消失👍 Watermelon Strawberry Layer Cake ⭐️⭐️⭐️⭐️⭐️Watermelon Lychee Layer Cake ⭐️⭐️⭐️⭐️Organic Hojicha & Banana Layer Cake⭐️⭐️⭐️⭐️Pineapple Compote Layer Cheesecake⭐️⭐️⭐️

💓之前都試過佢另一款蛋糕，成日都經過都心思思想試下招牌款🍓招牌草莓西瓜蛋糕層次口感好豐富，除左有靚靚既外表，味道都唔錯，唔鐘意食甜既人都好岩，無諗過用西瓜做蛋糕，原來都幾夾🤭忌廉係玫瑰味，一邊切一邊聞到啖啖玫瑰香，整體成個蛋糕唔會覺得好膩，而係好清新🌟設堂食，另外有多款切餅

今日要上朋友屋企慶祝生日，經過海港城想買蛋糕，知道Lifetastic最近喺海港城開咗舖頭，所以都順便幫襯下。因為Lifetastic有得即時手寫朱古力生日牌，所以都係一個幾好嘅選擇，入伙又好，生日或者喜慶節日都好，睇得又食得。包裝盒都做得幾高貴。叫左 Watermelon Strawberry Layer Cake呢一個口味其實都做得幾出色，講真除左Lifestatic之外，我好似真係未見過有其他Bakery 用西瓜來做主要食材，因為應該好容易出水，所以佢大部份嘅生果蛋糕應該都係好新鮮，估計都唔會擺超過一兩日。

位置有點難找，在千两附近，如欲想省時不行冤枉路，找商場客服問路就最好不過。一貫作風，店鋪是以深藍色為主色，空間感適中，有數張餐枱，可供堂食呢。最新推出了季節限定 - 日本白桃伯爵茶蛋糕，不禁即時買了來試。屬於清淡的茶香，如欲想追求濃茶味的你，就未必適合了。