Le Salon De Thé de Joël Robuchon (裝修中)

昨日買了5件回家當下午茶點,於是試埋想食的:1)croissant-沒有翻熱,好軟,足牛油味,相信熱食更佳2)la creme-上次食過,今次encore,不過個vanilla cream有種輕微咳藥水味,所以普通3)tart au citron-ie lemon tart,檸檬filling是軟身的,幾酸,過甜,個皮仍脆身4)chocolate cappucino-好軟滑,2隻味都出到,但甜咗d5)l'extoique-是白朱古力+熱情果mousse,幾酸吓,但1樣咁滑,不錯

下午原本約了朋友打網球, 但天雨取消, 忽然無所事事, 閒蕩至中環, 想起朋友推介過這間cafe, 便來試一試.環境相當不錯, 格調高但感覺Casual, 很配合這間店的路線. 餐牌上都有不少選擇, 但只看一眼便已有決定, 因目標一早鎖定為原味牛角酥及mocha 咖啡.牛角酥先到. 拿在手上(對不起, 我實在不慣用刀叉吃牛角酥) 熱辣辣的, 未吃已聞到牛油香, 相當討好, 一口咬下, 啊, 是無敵的口感, 酥皮外層搓得極薄, 鬆脆無比, 咬下去甚至聽到酥皮碎裂開來的聲音, 精彩! 而牛角酥裡面則軟熟帶點韌, 是另一種口感, 但牛油香不減, 每一口咬下都是享受. 這個牛角酥可算是我近年吃過最好的, 無論從地點或質素計, 這個只賣十元實在是不合理的便宜. 咖啡則夠香夠濃, 朱古力香十足, 不過咖啡味則相對地低調了, 如果是真正咖啡迷, 可能未必滿意, 不過對我來說仍是對口味的. 服務亦相當恰當有禮, 埋單連加一五十有找, 還有甚麼可挑剔?

近排好多野煩,心情唔多靚,返公司前去Robuchon來個Sweet Escape。去到4樓見到有檯擺出黎open area,原來2日前先開始有,幾好,o岩晒我。坐出面要先入去order&比$,好nice既姐姐會帶返你出去坐。我要左個原味Croissant($10),Red Fruits Tarte($30),Caramel Latte($35),Macaroon-Chocolate,Raspberry($7x3)。牛角包外脆內軟非常好味,Tarte是raspberry+栗蓉的,ok。杯Latte我發緊夢落左包糖﹐好彩coffee夠濃&我又食得甜。坐下坐下一睇錶已3pm,oh my god。買多一個Croissant即走。

真係滿意~ 係十分滿分. 無論係b/f 既selections 以至真係好食到震既bakery, food presentation, restaurant atmosphere + sevice, 真係6 星既級數.Will visit again for sure !

母親節替媽媽在Robuchon安排了一個surprise下午茶，內應爸爸無聲無色地將她帶來Robuchon，大頭蝦的她要爸爸提示才見到我和男友，真搞笑！侍應非常合作地預留了一件Blueberry Cheese Cake，在碟邊寫上母親節message，並替我將體物和蛋糕一併奉上。Blueberry Cheese Cake如常賣相精緻，口感細膩，媽媽說是真正的百吃不厭。我另外點了$40元有6件及三種味道的finger sandwich，最特別要數帶些少刺激性的咖哩蛋餡，頗有心思。老土都要講：Thank you Mum for all your love, you know I’ll always love you

使錢三大原則：使自己錢；應使得使；使得其所。乍聽Market's Selection 全線來貨，慳番（個肚）。Le Petit Dejeuner L'Atelier（唔打法文啦，費事變怪獸字）有六味，只highlight 兩樣：（一）Museli 帶草香，提子乾圓渾如珠；（二）埋單時問小姐：「可唔可以代我問兩樣野：fruit salad 係咪加咗橙花做個syrup？杯咖啡mix 咗其他乜野豆？」即答：「個syrup 用咗梨酒，其他就唔係太清楚，因為係Robuchon 既secret recipe，就連我地做tasting 都唔會講，但主要用既食材有…而個咖啡係用咗 X、Y 同Robuchon 自己品牌既咖啡豆來混，特登調到咁strong…」好就好，差就差。廚房未warm up？味唔同就係唔同- 水唔同就係唔同，就算俾你用恆溫室，就算俾你叫gaz de france 泵埋煤氣過來都係咁話。大相slideshow + 詳細又煩氣的食評在此：http://q2kill.blogspot.com/2007/05/high-breakfast-latelier-de-jol-robuchon.h

趁經過中環，一於拜訪這家名字響噹噹的店子，來這裡買macaron吃，看過報導這店由日本六本木分店的師傅坐陣，咸甜點心都十分高水準，所以要到此一遊，買一盒回家，令自己開心一點。包裝盒十分精美！$7 一個小圓餅，size是十分細小的，Macaron有8種口味：朱古力、開心果、熱情果、雲哩拿、紅莓、咸焦糖、檸檬及栗子，每分開一件，先聽到脆的外層聲破開，入面是充滿香甜味的餡料。以朱古力及紅莓最好味！

(20/4/07)同幾個同事切切切,試左好多款。基本上佢好多件都是以薄脆撻成一件餅,不會太滯,而且真是很脆。Chocolate tart:超濃的朱古力mousse槳,加埋面頭的朱古力脆片,很有口感Cream puff:雲妮拿吉士,仍可見雲妮拿籽,cream做得幼嫩得很,puff又很香口。Salted carmel tart:最唔掂,甜得如樂家杏仁糖Cheese cake:有點"爽",好似食蛋咁,cheese淡dChestnut tart:栗子蓉正不止,內裡有藍梅果醬,少少酒味,不二之選。Chocolate orange cake:一個球狀,mousse口感浮浮,唔得p.s.大致每件餅$30

睇左呢間cake shop 0既食評好耐, 終於今日可以試下啦~~~ 真係幾隠敝咖! 我地一行三人入到去, 0的Waiter都幾好招呼, 嫂嫂order 左個黑加倫子茶+ Chocolate Noisette, 而我就叫左Peach Tea + Lemon Tart, 哥哥就叫左杯MochaChocolate Noisette 味道唔太甜, 但嫂嫂食到一半發現旦糕入面有0的野(唔知係咩0黎), 同個Waiter 講, 佢地就好有禮貌say sorry同換過件比我地, 跟住哥哥仲見到佢地全部人研究"個樣野"究竟係咩0黎~ 而我就好喜歡我個Lemon Tart, 個檸檬醬造得幾好, 餅亦夠脆~ (外賣左一件Mango Tart 同雜莓Tart 比媽子, 佢都覺得造得好好)我同嫂嫂都覺得呢度0既水果茶味道比Zoe 好, 而Waiter 亦會好好咁問你駛唔駛再加水係0的果茶度. 如果要同朋友傾下計或者hea下0既話, 呢度真係幾好0既選擇. 不過呢度0的cake 唔係太多選擇, 今日都係得8款左右, 可能呢度人流唔係太多啦, 反而哥哥就覺得呢度凍飲唔係太多選擇, 咖啡類亦只得熱飲. 如果佢地再

沒想到landmark內有間屬於robuchon group的cake shop,位於比較少人上的樓層。昨日來買cake當lunch,試:1)macaroons(@$7)-買3個味:raspberry,pistachio,passion fruit-size每個好細,只是比$5硬幣大小小,1口足以食2-3個。有好多隻味,eg chocolate,lemon.....-原來最無期望的raspberry最impressive,因有濃raspberry的香甜,反而另外2個味唔咁outstanding-但全部d皮都好鬆化,大力1點個皮都已經crack-又唔想像中咁甜,acceptable2)la creme-即puff的物體,圓形,開頂,filled with vanilla cream-面頭洒d icing sugar-個皮1d都唔硬,好鬆軟,有蛋香,喜歡這個質感-個cream滑,唔甜-個人喜好puff類似的東西,所以十分欣賞3)la paris-brest(sth like that因d法文名好難記)-即類似eclair的物體-幼長條形-面有小小碎nuts+icing sugar-中間是n

早前辣椒女，看到這裡的食評幾好，但因沒有時間晚飯，只好下午來試試這裡的甜品和飲品。環境很靚，紅色加上黑色，給人的感覺很pro。我們叫了一個La tarte au fromage、Chocolat noisette、Brioche、Darjeeling Tea and Coffee。La tarte au fromage - cream 幾好味，但藍莓味道只是好一般，完全沒有鮮味，好在餅底幾鬆脆，又香牛油味，補回不少分數。Chocolat noisette - 外形很像我們在日本食過的朱古力蛋糕，當然立刻要試試，外表的朱古力，濃度幾高，加上內涵的朱古力蛋糕，味道的確唔錯，但可惜加入了一些唔多新鮮的nuts，令整體效果變得很差，還有點點失望添。Brioche - 細細件的奶油蛋捲，奶油味香濃又鬆軟，不用其它果醬或牛油，已經很好味了。Darjeeling Tea - 紅色的茶壺，外形很pro，可惜內涵只是普通的茶包一個，味道真係可想而知，價錢又唔算平，唔多值得。Coffee - 味道帶有很濃的碳火味，咖啡味就唔多出，可以說是唔好飲。很高的期望，可惜失望而回；晚餐會否好點，真係唔多敢試了。

男友在Robuchon買了一個兩磅的White Chocolate Mousse Cake替我爸爸慶祝生日，這蛋糕是他有生以來買過最昂貴的pound cake，要成$560。Robuchon的pound cake暫時只供應三種味道，黑朱古力、白朱古力、芝士。我們最後決定要白朱古力，更向侍應要求紅卜卜的生果做decoration。第一眼望見這蛋糕時，確有一種眼前一亮的感覺，鋪在蛋糕面上的mix berries非常優質新鮮，生日牌上的中文字出奇幼細(Pastry Chef係日本人)，白滑無暇的Mousse簡直令人唾涎欲滴。接過蛋糕，由男友駕車至朗庭酒店，交給唐閣的Manager代為保管。吃過晚飯，房內燈光突然轉暗，數名唐閣侍應將蛋糕奉上，唱完生日歌，由侍應代勞切餅。侍應邊切邊沫汗，因為比蛋糕實在太柔滑，切時要特別小心。細嘗一口，白朱古力Mousse極creamy，極柔滑，散發着淡淡雲呢那香。夾在中間的Passion Fruit puree偏酸，和白朱古力慕司同吃，味道剛好。同枱有位剛懷孕的年輕少婦，吃到飽飽仍可清碟，可想而知這蛋糕的魅力。$560真係好貴，但我倆都認為這蛋粒，絕對值這價錢。

連白麵包都出色，真係無嘢好講。麵包皮無需烘都微脆，口感煙韌，白麵包部份極軟綿綿，帶有陣陣麵粉香。可惜一買就要買成半條，經師傅人手厚切後可切成10大塊，普通家庭無可能可在兩日內食完。而且都幾貴，要成$30蚊。優質，但份量實在太多，一點也不Customer friendly。PS：其實一直都很想試Robuchon的fine dining，但試過的朋友都說廚房末warm up，還是遲點才試吧，免得浪費金錢。

紅黑色的佈局，精緻的Salted Caramel Tart，不單忙裡偷閒，更是品味人生。在Joel Robuchon 的監製下，美點演譯得非常出色：它以鹹味為主，甜味為副；那未必人人受得起、濃濃的焦糖味，被那入侵結晶間的海鹽抑壓下去，但焦糖獨有的口感仍然保留，證明兩者配合得十分細緻。當糖漿游離於唇舌之間，當與混有榛子碎的餅底，又或是朱古力海綿蛋糕調和在一起時，那種和諧的感覺，猶如在藍天白雲下的碧波暢泳...「啪」的一聲，那一千零一粒磨得不夠碎的榛子粒，把好夢正酣的我喚醒。

上個星期試過覺得這裡的餅非常好吃﹐一次已成為我近期的最愛﹐所以去朋友的house warming party﹐就買些去和她們分享囉。我們5 個女仔就買5 件吧﹐本意是一人一件的﹐但終於因為大家都想每樣都試試﹐就由大國手操刀﹐把這些原本已經好精細的餅一開五﹐再放上長方形碟上簡直就是5 星餐廳的dessert platter﹗白朱古力熱情果慕士- 始終是我的至愛﹗愛它慕士的creamy 和滑﹗愛它熱情果的酸和白朱古力的甜之間的那份細緻的平衡﹗朱古力慕士- 同樣的creamy 和滑﹐朱古力亦好香﹐不過少了那酸甜的對比﹐總覺得是差了一點點﹗如果朱古力可以苦一點可能更好。檸檬撻- 這個是店員的推介﹐又真的幾好。我平時是不會吃檸檬撻的﹐覺得檸檬custard 的口感麻麻﹐不過見她特別介紹才試試的﹐怎知這個一試之後令我對檸檬撻完全改觀﹐原來檸檬撻都可以那麼好味的﹗Custard 的consistency 和檸檬的酸度都掌握得非常準確﹐很細心的製作﹗藍莓撻- 最愛藍莓粒粒都又甜又飽滿。栗子撻- 這個比較弱﹐栗子cream 不夠栗子味﹐不過就好creamy﹐口感非常好﹐下次要試試PJ 推介的栗子puff