LAYER’S Cafe & Pancakes

營業中

休息中

已經一段時間沒有來到這間餐廳光顧，還記得以前他的食物質素不錯的，意粉的軟硬度和味道也令人滿意，跟餐還有兩塊疏乎厘pancake，令小朋友也十分喜愛。意粉味道尚算可以接受，但賣相可以修飾一下應該會更好。他的疏乎厘pancake沒有以往這般好，味道一般。最重要的是，這個餐還收$130其實在這經濟環境下，很多餐廳已減價吸引顧客，他的食物質素變差之餘，價格反而上升了，故此我們下次都嘗試其他新的餐廳好了！🌟日式明太子雞肉意粉意粉份量十足，味道不算太差，但是相比JSfoodie，這個明太子意粉就遜色得很。🌟香辣蒜片牛脷義大利麵這個牛脷意大利粉不算太差，蒜片也夠香，但是說不上香辣，略嫌辣椒的數目真的太少了，而且牛脷應該沒有煮熟，不適合小朋友進食。焦糖牛奶咖啡及朱古力就保持水準，不過不失，拉花普普通通吧。另外，廁所的水龍頭真的太舊了，完全是生鏽也不維修，這樣的衛生環境實在令人不安。不怪得網上這麼多人說服務態度差，價錢又貴，因為質素真的每況愈下。

LAYER’s Cafe & Pancakes..📍 九龍城福佬村道19號地舖📞2791 0633💰人均消費：$100-$150⭐️推薦：⭐️⭐️⭐️⭐️（4/5)📸打卡指數：📸 📸(2/5).一講九龍城美食，大家一定會諗到泰國菜🇹🇭同埋沙嗲火鍋🍲。不過其實九龍城都好多cafe架，今日中午我就係去咗食一間有主菜有嘢飲有甜品嘅一間cafe - LAYER’s Cafe & Pancakes..依間cafe就唔似平時文青、有格調嘅cafe，反而係一間充滿人情味嘅街坊cafe❤️。.佢哋嘅Lunch Set都幾多選擇架，而且Lunch Set仲要包迷你班戟🥞同嘢飲，性價比勁高💰。今次我就叫咗香煎西班牙的黑毛豬梅扒配薯蓉同沙律菜🥗。豬梅扒肉質柔軟，味道濃郁，咬落去嘅時候感受到滿滿嘅肉汁😋，不過食完見到隻碟都比較多油，建議下次煎嘅時候落番少啲油會比較好👍。值得一提嘅係薯蓉嘅質感並非用粉調制，而係有明顯嘅薯粒，口感豐富，非常抵讚👏。.食完之後其實都好夠飽，但甜品係第二個胃嚟架嘛，所以一定要食！！迷你班戟雖然話係迷你，不過都有成兩塊，分量十足🍽️。班戟嘅甜度適中，充滿蛋香味🥚，口感比一般的空氣感班戟更厚實，真材實

🐷香煎西班牙黑毛豬梅扒配薯菜塊豬扒驟眼睇好似有啲乾，但食落幾香口，唔算乾。豬扒肉質嫩滑唔韌。薯蓉食落係真材實料嘅薯蓉，唔係用薯粉溝出嚟。☕️熱薄荷朱古力所有午餐都包一杯餐牌上面嘅嘢飲，選擇有好多，例如鮮奶抹茶/玫瑰咖啡等等。薄荷同朱古力味好平衡，唔會話飲唔出薄荷味/似食緊牙膏😂🥞招牌pancake主菜食到一半嘅時候，店員就提出幫我哋整甜品，到食完午餐嘅時候就啱啱好可以上甜品。班戟鬆軟，蛋香味濃郁，我鍾意將伴碟嘅cream搽落個pancake ，半溶嘅cream最正埋單$185，雖然以返工放飯黎講呢個價錢有🤏🏻🤏🏻奢侈，但係包埋嘢飲同甜品，係平凡生活之中嘅小確幸❤️

九龍城有好多美食，而我每次入去九龍城，都會諗起呢間Pancake店。隱藏在橫街小巷的隱世咖啡店，以小清新格調為主，亦有打卡位，環境舒適，叫杯咖啡和pancake食，滿足又Relax~ 🌟#招牌班班戟+#芒果班戟全部即叫即製，厚度尚可，Pancakes分外鬆軟，好好食，入口即化，蛋味濃郁！加上糖漿，甜而不膩！只需簡單配以奶油及新鮮芒果已經係美味的甜品。大滿足~🌟#焦糖鮮奶咖啡望住咖啡師拉花，真係好視覺享受，甘醇的特濃咖啡注入香甜的焦糖糖漿，再倒入新鮮香濃的奶泡，甜而不膩的焦糖鮮奶咖啡讓您一試傾心，打卡一流~

平時經過呢間餐廳都見到好多人喺入邊食嘢，見到幾吸引，今日有時間就過嚟試一試😊1️⃣卡邦尼意粉第一次嚟就試試水溫，卡邦尼意粉上面鋪滿咗碎芝士，仲有啲菇同埋肉，一份嚟講份量都幾大，食到好飽肚2️⃣ pancake呢個係Chan入邊包埋嘅pancake，即叫即整，送上嚟仲好熱辣辣，細細哋兩塊，已經算好有心思，食咗呢個飯後甜品好滿足3️⃣抹茶latte抹茶味好濃，仲整埋拉花，睇得出間鋪真係好花心思🫡總體嚟講，間餐廳CP值好高👍🏻

呢間舖係九龍城都已經好多年，只此1間，沒有分店佢嘅梳乎厘班㦸無論鬆軟度、厚度、香味、味道都屬於上級，咁多年都能夠保持水準，每次想食，都會專程過嚟食午餐包手沖咖啡及2件細版厚味梳乎厘班㦸，先至係$138，出面真係食唔到，推薦焦糖香蕉班戟，鮮粒粒芒果班戟(季節限定)意粉都做得唔錯，口厚Al Dente，夠晒熱 (太肚餓，唔記得影)咖啡口感又夠厚身，唔會水汪汪鍾意食梳乎厘班㦸嘅朋友，可以過嚟一試，強烈推薦！

【2023 年 12 月 25 日】聖誕假期留港消費 ~~去咗九龍城食好耐冇食嘅 pancake ~~聖誕期間有限定嘅 Merry Christmas Pancakes但都是覺得套餐較抵食最平 HK$138 就食到 ... 主菜 + 迷你 pancake + 飲品迷你班戟都幾大份一份有件帶點厚度嘅班戟入口濕潤富蛋香，就咁配忌廉已經好好食 儍爸嘅主菜。日式咖喱飯配牛舌芯 (HK$128)日式咖喱裡面有很多配料，仲有不少牛肉粒厚切牛舌芯入口啖啖肉，超滿足 ~~儍媽嘅主菜。香辣蒜片牛脷意粉 (HK$128)意粉軟硬適中，入口微辣帶點蒜香裡面仲有很多牛脷粒，開胃惹味 ~~餐飲選擇蠻多揀奶啡、水蜜桃茶、梳打等特飲都唔需額外加錢 ~~** 以上分享是以我的口味、體質和情況作出分享及感受，一試 / 合用與否請自行決定

朋友介紹我嚟呢間滿有格調嘅Layer’s Cafe & Pancakes食Lunch，食物質素同價錢比較，夠抵食！我揀嘅黑松露野菌意粉，嘩，賣相就幾得嚟！麵條啱啱好，唔會太軟，但黑松露味就淡咗啲，我係松露迷，當然希望濃郁啲啦。不過，哥哥咁靚嘅抹茶鮮奶真係要點個讚，夠香又唔會過甜，幾解渴！最後啲Mini Pancakes🥞，樣樣係心頭好呀！質地柔軟又滑，微微嘅熱度，帶出啲蛋香，食落去真係幸福滿分。Layer’s Cafe 嘅Pancake，簡直有得同啲日式嘅拼過。今次未試到其他款式，但肯定會再袋住肚仔嚟挑戰！為咗局勢，我都想提吓雞肉菠菜苗荷蘭汁意粉，啲雞肉滑溜溜，荷蘭醬味道夠香，就算黑椒味稍勝一籌，都無損我對佢嘅愛。至於香辣蒜片芝士蘑菇煙肉意粉，我拎走咗辣椒，蒜香濃郁，食落仲想喊冧，我肯定會再返嚟！喂，你地，下次逛到九龍城，真係要試下呢間Cafe，料理之餘，氣氛啱哂朝聖者或者偶然行過嘅食家，正！👌👍🥰

無論早、午或晚餐都適合的地方，這店的裝修以粉色為主題，座位雖然較擠迫，不過也算舒適，也是九龍城的熱門打卡小店之一。食物方面，除了 All Day Breakfast，這𥚃還有牛柳和彈牙的意粉，無論配以牛舌，大蝦，三文魚或白酒煮蜆、也十分合適和味美，這店的主角是Pancake ，無論配上香蕉、芒果、士多啤梨甚至雜果，加上雪糕，或者光是伴以忌廉也是不可或缺的這𥚃的飲品選擇也教人花多眼亂，冷飲和花茶等賣相吸引，而咖啡師傅的拉花技術一流，而且經常有變化，所以雖然不是第一次光顧，但每次也禁不住拍照留念⋯⋯

I recently stopped by and tried their latte that tasted really good, a casual white coffee with an interesting blend of rich espresso that makes for a pretty good coffee drink.

放假約咗fd 出嚟食lunch，九龍城一向比我覺得只有泰國菜，估唔到fd 帶我去一間西餐廳食，呢間餐廳佢間中都會黎，話份量大份，仲有梳乎厘pancake做甜品，聽落去都幾吸引。煎三文魚扒蒜香意粉 $198原本跟沙律菜同薯蓉，但想飽肚d轉左意粉。三文魚扒都幾大份，煎得幾香，令我印象深刻既系蒜香意粉，蒜片炒香咗，仲加左芝士碎，意粉熱辣辣，芝士好快溶咗落意粉到。跟餐有免費熱飲，matcha latte都唔洗一加錢幾好，不過味道一般般，拉花方面，都見到吓個心形既。食完後有期待以久既跟餐甜品 梳乎厘pancake，仲要有2塊，顏色偏黃，雞蛋味幾重，仲幾梳乎。價錢好似$198加一，聽落有啲貴，但有呢個質素同份量都ok！

佢放咗學之後，我哋去九龍城食lunch。無意中發現到好多小店Cafe，今日試咗呢一間叫Layer’s，佢係響福佬村道， Tiffany Blue嘅門面顏色就吸引我哋入去。睇個餐牌，原來價錢相當吸引，佢一個價錢已經包咗一碟份量頗大嘅main course，再包一杯熱嘅飲品，仲有兩件迷你pancake!! 心諗咁抵好唔好食啊？我哋點樣頭嗰兩碟價錢比較平嘅，帶水準相當唔錯，炒出嚟嘅意粉好爽身！煙燻腸意大利麵配蕃茄忌廉汁蕃茄汁香濃，仲有鋪滿碎芝士，用料唔孤寒。香煎煙鴨胸白酒汁意大利麵炒得真係好爽身但唔太油膩，四塊鴨胸食完真係好飽！想講啲嘢飲真係好大杯，我叫咗一杯Rose啦Tse，好香嘅玫瑰花，咖啡味夠濃！個女就叫咗一杯香濃朱古力，上面打滿咗泡沫好正！佢餐附送嘅兩件pancake，份量其實真係唔小，蛋香味夠，質地唔算太fluffy但都鬆軟。只係冇咗其他配料，但係配埋個cream一齊食都好好味。

路過鋪仔，見佢鋪頭細細，但傳出嚟嘅香味吸引左我入去食嘢，我叫左卡邦尼意粉$128同埋蒜香雞肉意大利粉$128兩款都好好食，但蒜香雞肉炒意粉真係炒得好香，好好食！一定要嚟食。超香蒜頭味。唯一有點要改善就係抽風系統，鋪頭內油煙太勁。 跟餐餸嘅迷你pancake竟然係有驚喜， 好鬆軟，充滿空氣感好好食👍👍👍大力推薦 💝💝💝

🍝香辣蒜片芝士牛脷意大利麵我唔食得辣味，餐廳好好幫我走辣。意粉非常有水準，十分彈牙，蒜片好香，令全碟意粉好香口。🥞迷你招牌班戟Pancake 用日本蛋，美味香濃，口感鬆軟，食完一啖好想再食第二啖，就算好飽都堅持要食完佢 ，因為真係好好味呀！個cream都好滑～☕️薄荷朱古力拉花好靚，但溫度略嫌不夠暖，可能用來拉花的Cream唔夠熱，整體不太甜。如果熱少少仲好～

點了朱古力香蕉焦糖合桃pancake的合桃碎變咗少量麥皮碎！？…？？🤨，外層overcook左焦焦地….. 如果你是朱古力控勸喻就別點這個，相信會感失望😞，事關佢哋d朱古力醬沒有朱古力味， 朱古力醬的份量並不是相中的一大”Pat”, 忌廉就係一大”Pat“ , 有點後悔, 叫個普通原味pancake差唔多. 不過， 唔試唔知有幾差，所謂嘅抵食又好味，人人唔同. 其實如果成本貴可以賣貴番啲，俾返啲正常味道同份量嘅朱古力醬.（估計叫得呢個多數喜歡朱古力味. ）另外點了杯Ice cappuccino 但係成杯奶咁冇咩咖啡. 其實抵食未必有用，可以去食雞蛋仔夾餅. 總結，實力唔多得.