Lawry’s The Prime Rib

城中最著名吃Prime Rib的餐廳非Lawry's莫屬。美國的元祖店已有超過80年歷史。早就想一試呢間餐廳，所以趁生日前預訂了HSBC Premier Dinner Set，$1388兩位。餐廳位於中環，內部裝潢典雅，但有點舊。侍應服務很好，入座時要了支still water，索價$95一瓶。餐前有杯柚子清酒泡沫作開胃小品。麵包有水準，暖身且外脆內軟，牛油亦好香。頭盤為海鮮三重奏，有魚子醬藍蝦他他、帶子撻和蟹肉牛油果卷。當中以藍蝦他他最好食，生蝦爽滑，份量足，配上魚子醬和豉油汁更顯鮮味。冰旋翡翠沙律為Lawry's其中一道招牌菜，十分講究溫度。侍應先派冰叉，然後即席把沙律菜放入不鏽鋼碗，並於碎冰上旋轉拌勻食材。沙律菜爽脆，並有車厘茄和紅菜頭絲，佐以些利酒沙律醬。如果以煙肉代替紅菜頭絲就更合我心水。經典大蜆周打忌廉湯 - 大蜆有4大隻，十分鮮甜。湯也充滿大蜆和洋蔥的甜味，十分好飲。上主菜前先來個青檸雪芭清新味蕾。主菜燒牛肉選了medium rare，由廚師推出招牌不鏽鋼餐車，並即席切出美味的燒牛肉，並配有yorkshire pudding和薯蓉作配菜。燒牛肉嫩滑，肉味豐富，但沒有想像中juicy，可能點rare會比較好。Yorkshire pudding偏鹹和乾，唔太好食。另一道主菜為香煎石斑魚及燒八爪魚。燒八爪魚有碳燒味，軟滑不韌。石斑肉質就比較嚡。甜品為椰香鮮蜜瓜，像蜜瓜肉糖水加上椰子雪糕。味道普通，個人不太喜歡。由於是生日的關係，侍應邊唱生日歌邊送上蛋糕，蠻有儀式感。生日蛋糕都好食，甜度適中且忌廉不多。…查看更多

來到中環Lawry’s The Prime Rib，享受一頓高質午餐，環境優雅，有一個中庭天窗，靜謐寬敞，令人可以慢慢細味每一道菜，感受片刻寧靜。中午時間呢度會提供Lunch Set，⁠今次仲多左選擇，加左一個 Grilled Steak Menu ，每日扒款都唔同，令人有驚喜。首先登場的是Foie Gras Terrine鵝肝凍批，質感極致細滑，入口即溶，creamy之中帶點酒香，層次豐富。配上新鮮無花果、青蘋果、合桃和脆多士，果香與堅果味道完美中和鵝肝的濃郁，令整體味道更有層次，食落唔會膩。主菜方面，Lawry’s 主打Roasted Beef，所以一定要叫Steak Platter，一次過集合三款牛扒，絕對係牛魔王的至愛。法國夏洛萊草飼牛柳肉質嫩滑，入口即化，輕輕一咬已經感受到細緻的纖維，適合喜歡柔嫩口感的人。蘇格蘭阿伯丁草飼肉眼則油花分布平均，牛味最濃郁，咬落去多汁有彈性，每一口都充滿牛香，配上牛肉醬汁更提升味道層次。最後，西班牙加利西亞紅牛草飼西冷經過dry-aged處理。由於西冷部位，肉質相對較嫩，有明顯煙燻香氣，味道層次更深，帶點堅果及熟成香，餘韻悠長。配菜的薯仔外脆內軟，帶微微香草味。另外建議配上Himalayan岩鹽，簡單突顯牛肉原味，每一啖都令人回味。另一道主菜諾曼第豬扒同樣令人驚喜，煎至金黃，鬆軟多汁，肉香四溢，咬下去juicy到不得了。醬汁以蘋果、法國Calvados蘋果酒調製，微酸微甜，完美平衡豬肉油香，令味道更有層次，為整體味道帶來清新感。Lawry’s The Prime Rib無論係食材選擇、烹調手法定環境氛圍都非常出色。牛扒三重奏各有特色，無論你鍾意嫩滑定濃郁牛味都可以滿足，偶爾Weekday想黎放鬆一下不失為一個好選擇!。諾曼第豬扒則Juicy得黎又有層次，配搭蘋果醬汁令人一試難忘，最後享受一杯意式Cappuccino 為呢一餐劃上完美句號! …查看更多

Lunch Time 嚟食Lawrys嘅午餐，前菜叫咗冰旋翡翠沙律，主菜叫咗佢嘅特級燒牛肉香港薄切，成個體驗好有儀式感，主廚會推住銀色餐車去你面前，根據你選擇嘅厚度即場切俾你，用肉眼判斷需要非常精準，而且牛肉非常之嫩，好好食。另外仲會配上薯蓉同埋yorkshire pudding. 兩樣都好好食。…查看更多

Lawry’s The Prime Rib｜中環嘉軒廣場📍香港中環皇后大道中9號嘉軒廣場3樓第一次試 Lawry’s，整個用餐體驗像一場經典美式儀式。銀色餐車推到你面前，侍者即席切肉，厚薄自選，配上馬鈴薯泥、約克夏布丁、忌廉菠菜，每一口都像在吃歷史。前陣子造訪 Lawry’s，品嚐了四道菜套餐，整體節奏流暢，從前菜到主菜，每一道皆見心思與誠意：・帶子椰菜花忌廉湯湯品質地細膩，入口如雲般柔滑，椰菜花香氣淡雅，帶子煎至恰到好處，鮮嫩不過熟，整體清爽宜人，為整餐揭開清新序幕。・Spinning Bowl Salad侍者推著銀碗登場，於冰盤上旋轉拌沙律，儀式感十足。沙律新鮮爽脆，醬汁調味恰當，是一道視覺與味覺兼具的開胃前菜。・特級燒牛肉（加州薄切）主菜由銀餐車即席分切，三片精緻牛肉薄切，肉質鮮嫩、肉汁豐盈，搭配香滑薯蓉與濃郁燒汁，風味層次分明。英式烘薄酥餅（Yorkshire pudding）外脆內空，吸附肉汁後口感更為豐富，令人回味。整體而言，餐廳環境高雅而不拘謹，既適合慶祝特別日子，也適合靜靜享受一頓高質晚餐。食物精緻，服務貼心，銀餐車分切儀式更為整體體驗添上獨特魅力。
📞電話：2907 2218
🕰️營業時間：
週一至五｜11:30–15:00、18:00–23:00
週六至日｜11:00–15:00、18:00–23:00
💰人均消費：約 $400–800#LawrysHK #燒牛肉 #銀餐車儀式感 #中環扒房 #香港高級餐廳 #SpinningBowlSalad #牛肉控 #打卡美食…查看更多

位於中環皇后大道中，環境優雅，充滿高檔餐廳的氛圍。餐廳內部裝潢典雅，柔和的燈光和舒適的座椅，讓人感到放鬆。窗外的城市景觀亦增添了用餐的情調，非常適合商務宴請或慶祝特別的日子。餐廳地處中環的核心地帶，交通非常便利。無論是搭乘地鐵或巴士，都能輕鬆抵達。服務員熱情友善，隨時準備滿足顧客的需求。他們對菜單的了解非常透徹，能夠給予專業建議，令整個用餐體驗更為愉快。今日食咗午餐餐前的熱辣餐包是必試之選，外脆內軟，搭配上特製的奶油，香氣四溢。我選擇了，蟹肉忌廉湯，湯底濃郁，裡面還有大量新鮮的蟹肉，口感鮮美，讓人意猶未盡。主菜是特級牛肉，香港式薄切的牛肉肉質鮮嫩，入口即化，搭配上自製的醬汁，更添風味。最後，甜品朱古力蛋糕配雲呢拿雪糕，巧克力味濃郁，雪糕的清新口感和蛋糕相得益彰，完美結束了這頓美味的午餐。總結Lawry’s The Prime Rib 是一個值得推薦的高級餐廳，無論是環境、服務還是菜品都令人滿意，非常適合各類型的聚會。…查看更多

I tried Lawry's HSBC's credit card one-for-one menu and loved it! The blue prawn tartare with caviar was fresh and luxurious, while the scallop tartlet and crabmeat avocado roll were delicious starters. The spinning bowl salad was fun to watch and crisp. The clam chowder was creamy and rich. The star—California cut prime rib—was tender, juicy, and perfectly roasted. Ending with the coconut honeydew dessert was refreshing. Also added lobster tail which is flavorsome. Service was attentive, making the experience even better. For a high-quality meal with great value (thanks to the promo!), Lawry's is a must-try for steak lovers! …查看更多

位於中環嘅過江龍高級餐廳，環境服務都反映到佢既級數。 由上樓嘅電梯或者旋轉樓梯，門口接待，到安排坐既位置，都恰如其分。招牌 prime ribs 可按喜好選擇厚薄同生熟情度。 推介 medium，至於厚薄，就揀最厚切 （咁當然以食得晒為前提啦）。 因為越厚切，越能有效鎖住肉汁。 而且最厚既 diamond cut 所帶嚟嘅視覺震撼，同薄薄一片燒牛肉完全冇得比。 據聞美國仲有 double diamond，咁就真係唔知咩人先食得晒喇。 牛肉鮮嫩多汁，中心剛剛好粉嫩，對於喜好牛嘅真係冇得頂。至於前菜嘅旋轉沙律，用料新鮮不在講，溝沙律同轉果下，都真係好有趣嘅表演。…查看更多

Went to this American steakhouse in Central with colleagues for lunch. .We all ordered the Three-Course Lunch Set. Following are some of our selections for the Appetisers & Soup, Entrees and Dessert: -Appetisers & Soup:-Butter Poached Lobster & Slow-cooked Abalone The lobster was soft and buttery, while the abalone was pleasantly chewy. Covered in lobster tomato sauce, they were both savoury, and the avocado purée elevated their freshness. -Lobster Bisque (+HKD60)The soup had an aromatic smell, but some found it quite salty. -Entrees:-Roasted Prime Rib of Beef au jus - Hong Kong CutCooked to medium-rare, the steak was prettily presented with its pinkish meat and perfect cut. Well-seasoned, tender and succulent, it paired nicely with the smooth mashed potatoes and crunchy Yorkshire pudding, esp when soaked in the gravy sauce. Some colleagues added HKD60 for Creamed Corn/Creamed Spinach, both of which were incredibly creamy. The corn was sweet while the spinach was savoury. -Dessert:-Warm Chocolate Fantasy CakeServed with vanilla ice cream, the cake had a thick and rich chocolate cream at its core, and it was not too heavy. -Crème Brulé Topped with strawberry and blueberries, the dessert had a caramelised sugar coat. It tasted pretty standard and was quite milky. As it was some of our colleagues' bday, they offered bday cake to us as well. The cake was a Soufflé Cheesecake, light and airy with a subtle sweetness. Its presentation was delicate too. .The steakhouse has a red and gold colour tone, creating a grand, classical and elegant ambiance. The waiters were attentive and professional. If you celebrate your bday there, they will offer a small bday cake and an instant picture, and even sing bday song to you🤣~…查看更多

非常值得嚟食嘅餐廳！ 牛扒係銀色餐車上面，侍應會問你要幾成熟同幾大塊，再淋上gravy，可以加錢for薯蓉同菠菜。肉眼扒食得出真係高質靚牛，肉味濃郁得嚟輕輕一切就切得開，冇咩筋，同gravy味道好夾，亦可以落啲胡椒粉同點芥末醬調味，塊牛嘅肉質同味道完勝出面啲普通cafe。另外餐湯都有驚喜，入面落左好多嘅蟹肉，都幾足料。佢仲有個招牌沙律，侍應會將沙律碗放喺冰盤上面，將沙律碗大力旋轉，利用離心力再起勢咁撈。咁樣係咪真係好食啲就唔知，但真係充滿娛樂性…查看更多

最近係中環Lawry's高級扒房慶祝了生日，果到環境超級優雅，燈光柔和，讓人感覺很舒服。大廳水晶燈和木質裝飾, 高級感滿滿🤭特別適合慶祝特別的日子。服務超級好，服務員都很友善，一入門就熱情接待佢地對菜單也非常了解, 可以根據我們既口味給出建議，非常貼心。我地點了幾道招牌菜，簡直好吃到不行Prime Rib 肉質鮮嫩, 搭配特製醬汁,超好吃, 配馬鈴薯泥，口感滑順，真讓人回味無窮龍蝦 鮑魚都非常好食🤤 吃了還想再來一份仲特別準備左蛋糕 好有心意，勁驚喜Lawry's 真係慶祝生日既好地方！食物、服務同環境都好滿意…查看更多

Lawry's The Prime Rib 位於中環皇后大道中9號嘉軒廣場3樓，上到去廣場3樓搵咗一陣，原來有個電梯上去，感覺好懷舊。第一次嚟到都幾印象深刻餐廳原來係圍住商場上面員拱形設計，晚間投射燈光都幾靚。絲絨嘅高背凳都幾坐得幾舒服。叫咗呢度signature嘅Spinning salad，侍應姐姐推咗個車出嚟上面有個好大嘅銀色碗放喺啲冰上面不停轉不停攪拌個沙律。都幾特色同埋娛樂性小朋友睇得好開心幾有新鮮感。沙律正常發揮轉完之後都幾凍幾爽脆。仲有一個車厘茄配魚子醬嘅前菜。準備好迎接嘅主菜我哋兩個都叫咗大份啲嘅Lawry cut。但略嫌肉汁味道一般沒有特色和記憶點亦不夠濃味。勝在肉質在厚切的情況下仍然保持鮮嫩。都幾大份，身為牛扒控的我也差點吃不完，夠曬滿足。…查看更多

餐廳擁有80多年的歷史，裝修以紅色和金色為主調，充滿古典優雅的氣派，讓人一進門就感受到濃厚的老牌扒房氛圍。服務方面，店員態度專業且細心，特別是在慶祝生日時，餐廳會附送蛋糕並協助拍照，儀式感十足，非常貼心。Signature Lawry’s Steak這道招牌牛扒是餐廳的經典之作，大廚會推出一台巨型的特製銀色餐車，在客人面前現場切牛扒，儀式感滿分。牛扒烤得恰到好處，外層微焦，內裡肉質嫩滑多汁，搭配餐廳自家調配的鹽，更能帶出牛肉的原汁原味，令人回味無窮。 由於是慶祝生日，餐廳特別附送了一個蛋糕。蛋糕外觀精緻，非常適合打卡拍照。味道方面，蛋糕不會過甜，口感鬆化，作為飯後甜點非常合適，物超所值。…查看更多

今次試左晚餐HSBC Premier買一送一Menu $1388/2人（未加一）可惜2025年個menu轉左，無左龍蝦海鮮又加左$200🙈不過都係好有水準嘅牛扒西餐前菜3道都好好食，牛油果卷到咁靚真係出色👍🏻冰鎮沙律超級爽甜，麵包粒超級脆周打蜆湯嘅蜆都好大隻同鮮味，好少飲到咁好飲嘅周打蜆湯，湯底比較似清湯，冇落好多麵粉煮中間有個lime sorbet俾你清味蕾牛扒其實California cut都已經好大份，不過為左影相都叫左一份Lawry‘s cut. 2份都係medium rare好濃牛肉味但無臊味，gravy味道都好濃同牛扒好夾，薯蓉都非常好食甜品好refreshing, 蜜瓜蓉加椰汁雪糕,呢個配搭都幾特別，好食👍🏻另外仲送咗個strawberry short cake做生日甜品，呢個都好好食呀！仲好食過酒店送嗰啲mousse cake最後仲幫我哋免費影咗張即影即有相，好滿意嘅生日飯😊…查看更多

呢間餐廳係一直一直都好想試，今日我生日，女朋友帶咗我過嚟食，覺得真係食過最好食嘅牛扒（暫時）！喺香港要做到出色嘅牛扒真係唔容易，呢一間開咗咁多年一直都冇機會過嚟食，今次叫咗個dinner set ，望落都幾抵下，買單應該大概二千幾蚊，兩個人，成個set大概食到中間已經超級飽。因為掛住食同埋傾偈，冇影好多相，所以淨係影咗個餐湯同埋鮑魚，呢兩個都係高質嘅，餐湯仲可以加錢變成龍蝦湯，不過我覺得我個牛尾湯都好好飲！…查看更多

搵食艱難，係中環搵食就更難😮‍💨今日lunch time經過以特級燒牛肉出名的Lawry’s The Prime Rib，無意中發現佢推出左3款只限星期一至五供應的精選午餐，包括主食、薯條和飲品“只”盛為$148 ，依家仲做緊8折優惠😲，就決定“會一會”佢的特級牛肉三文治餐。未打開外賣盒，已經聞到薯條的香味，打開一睇，嘩，齋睇份量就已經無欺場喎！ 一片又一片的燒牛肉，配上洋蔥蘑菇汁，被外層略焦的面包環抱住，一口咬落去，蘑菇洋蔥汁的香洗滌左牛肉的膩但無帶走佢濃濃的肉味，連帶面包的甜味，三者出奇的合拍；薯條新鮮即叫即做，即使外賣都唔會“淋姐姐”，加埋用椒鹽調味，真係忍唔住一條接一條😋；餐飲可以點紅酒或白酒，番緊工的我就好乖甘點左紅莓汁😆幾時試埋其他2款好呢🤔😚…查看更多