Landau's

和友人去左試呢間仙后同位置既landaus 今次安排左對門口位因為個呢度有cheese wheel pasta 食仲會面前整，所以好期待😚勁多small plate 可以點，而且都有唔同類（seafood/ meat / veggie )朋友揀左excuse my french 做配酒偏酸，有點木味Appetiser 點左Crostini Di Manzo- 係beef tartare toast ,topping 加左芝士同咸蛋碎，我未試過加咸蛋既beef tartare , 多士好脆，咸蛋碎同芝士為軟軟既生牛肉加左份咸香，個人覺必點第二款-Octopus Spiedino本身以為只係一個燒左既八爪魚加蔥但意想不到佢底加左一個tomato herb sauce , 酸甜味同八爪魚好夾，而且佢display 仲好靚之後到main - 本身想點牛排但staff 推薦我地試呢個圓形既pork bully佢整到好似中式燒肉咁皮脆多汁但汁醬就路係黃芥辣，係酸酸地既蕃茄蔬菜醬在底部面再灑上香草牛油，職員呢個介紹很不錯而且佢地介會為路同客人推薦唔同食物，大家太三心兩意是都可以問下佢地，非常之好既提議呢配菜就點左French fries and spinach都清埋碟是日重點來了，我見每枱都點了的cheese wheel ,會即場推過黎表演比你睇，而且都唔係hea hea 下，點火前會先提提客人小心，佢地加熱完cheese wheel 再交fresh FETTUCCINE 去撈均勻，最後再刨新鮮黑松露上去，FETTUCCINE是寬條麫，新鮮製比較彈牙同厚身平時食cheese wheel 感覺都比較咸同濃比較「漏」但呢度唔會太咸同埋令條麫都比芝士包住再配埋黑松露，我已經想去下一次了甜品點左tiramisu,最後職員講送比我地因為佢地本身是一碗比較大的，但隔離枱客人慶生日，所以攞左一個比較大既比例既tiramisu,為表歉意佢除左送呢件比較細既蛋糕比我地之外另外送我地試下佢地另一個甜品- chocolate gelato 雖然佢講到非常唔好意思，但我地覺得二樣都好好食，（後來我睇返其他人既相先明，原來平時的確更大碗既）而朱古力gelato 就好濃朱古力味配埋杏仁食好滿足，都多謝餐廳咁誠懇同為客人交代返我就已經決定要再book 下一次慶祝時候食Highly recommend 大家都去下…查看更多

​這間人氣西餐廳歷史悠久，位於灣仔的胡忠大廈，主打精緻當代歐陸菜，融合地道及現代元素，嚴選每日新鮮優質的食材，所有食物及飲品均即叫即製。店內環境寬敞舒適，一邊是意大利餐廳裝潢華麗典雅且氣派十足，有標誌性的彩繪玻璃天花，有提供畫碟及即影即有服務充滿儀式感，適合慶祝生日或特別節日，另一邊則是宴會廳專為派對和特別活動而設。週末的早午餐牌價錢性價比較高，有多款前菜、主食、沙律、三文治及蛋料理等，亦有兩小時自由暢飲。Chef's Cold Cuts - $198Fellino Salami有濃郁的肉香及蒜香；Pistacchio Mortadella加入開心果風味；24個月熟成的聖丹尼爾火腿柔軟濕潤，有較低的鹹度和濃郁的甜味餘韻；還有香脆的茴香塔拉利鹹餅及多汁的酸瓜。Uni/King Crab Scrambled Egg - $228豐腴的海膽入口即化，有豐富的鮮甜味；帝王蟹飽滿鮮甜且有彈性；滑蛋軟滑細緻；自家製意式鬆餅外脆內鬆軟，還有焦糖香的棕色奶油及清新的檸檬汁。Steak Al Pepe Verde - $298250g的澳洲黑安格斯腹脅牛排煎得外焦內粉嫩，細膩的大理石花紋鮮嫩多汁，有濃鬱的牛肉風味，可蘸上青椒醬香辣鮮甜，還有金黃酥脆的薯條撒上調味粉，可蘸上茄汁。Fettuccine Cheese Wheel - $318席前料理的車輪芝士意大利麵，意大利寬條麵彈牙有嚼勁且有麥香，半溶化的芝士濃郁鹹香，更有拉絲效果，有陣陣黑松露醬的飄香，還有新鮮刨的黑松露片慢慢釋出香氣。Broken Cannolo - $88幼滑細膩的開心果意大利雪糕有濃郁的堅果香氣，蓬鬆的乳清芝士軟嫩輕盈 ，又有朱古力脆片及薄脆餅酥脆增添口感，再撒上果皮碎碎。Panna Cotta - $88意式奶凍滑順柔滑，充滿濃郁的奶香，時令水果粒以Moscato葡萄酒浸漬甜美清爽，還有細緻柔軟的意式蛋白霜帶點酸爽。Rose Apple Fizz - $78玫瑰蘋果氣泡飲以梳打水為基底，有酸甜的青蘋果、蘋果汁及檸檬汁，又有玫瑰糖漿增添淡淡花香。Scarlet Buck - $78以薑汁汽水為基底，有酸甜的士多啤梨、菠蘿及檸檬汁，又有椰子糖漿帶有淡淡焦糖香氣，薄荷增添清爽感。…查看更多

上次行過合和中心呢間意大利餐廳已經心思思想試，今次趁老公去灣仔買嘢，即刻扑鎚book定位去食！Landau's Trattoria主打威尼斯小碟Ciccheti，最啱我哋呢啲咩都想試嘅為食鬼～😆🥩牛肉他他多士 $128
手切牛肉他他口感超滑，牛味好出！加咗芥末沙律醬、細香蔥同醃蛋黃，鹹鹹鮮鮮辣辣，味道平衡得啱啱好～襯埋香脆多士一齊食，真係正！👍🐚焗帶子 $178
北海道帶子鮮甜到不得了！食落彈牙又一絲絲，肯定係新鮮貨～面頭鋪咗香草麵包碎同蒜蓉醬，鹹香滋味更加帶出帶子嘅鮮味✨🧀芝士輪黑松露寬條麵 $318
每枱必叫嘅招牌菜！店員會喺你面前將熱辣辣嘅寬條麵放入成個芝士輪度炒，睇住芝士慢慢溶化沾滿每條麵，仲要即場刨新鮮黑松露～儀式感爆燈！😚 手工麵勁有咬口，蛋香十足，配埋濃郁芝士同黑松露香，真係食完會掛住㗎～🥩澳洲和牛 $428
叫咗medium rare，廚師火候掌握得超好～外面煎脆，裡面保持住粉嫩，油脂同肉味平衡得啱啱好～點埋香草牛油同海鹽，更加突出咗牛嘅香味💖🐖烤豬腩肉 $228
豬皮烤到脆卜卜，豬肉軟淋淋，中間啲肥膏香口到不得了～而且豬油非常健康，咁好味更係要食晒成件啦！旁邊烤西西里卡波納塔蔬菜可以解解膩，幾貼心～🌿🍰提拉米蘇 $98
我係Tiramisu忠實fans，食過咁多間，呢度絕對排我心目中頭兩位！芝士軟滑香濃，手指餅浸咗咖啡同酒，味道濃得嚚又唔會太濕，面頭灑滿可可粉～係正宗意大利風味！份量仲要好大件，性價比超高～🤤🍹Mockingbird $78
用咗小鳥造型杯，超適合打卡！味道酸酸甜甜，同肉類好夾，可以解吓膩～🍎Rose Apple Fizz $78
好啱女仔飲～香甜蘋果汁加檸檬同梳打，清新又爽口！📍 Landau's灣仔皇后大道東213號胡忠大廈2樓…查看更多

位於灣仔的意大利菜小館。這間曾經是仙后餐廳華麗蛻變的身影。初次造訪時，那份對食物質素及貼心服務的印象，至今仍然鮮明深刻。近日，得悉餐廳再度蛻變，重新定位成意式小館，而那扇具有標誌性，通透而色彩斑斕的玻璃畫圓拱天花，依然悉心保存。.轉型後，格調依舊，反而多了一抹輕鬆與隨意。難得週日不用上班，便相約好友於此，細細品味一頓意大利風味的ʙʀᴜɴᴄʜ，如同坐進陽光灑落的歐洲小巷，微醺於生活的恬淡之中。⋆_____ᴛᴏᴛᴀʟ ᴏʀᴅᴇʀ______⋆✿ ᴜɴɪ ꜱᴄʀᴀᴍʙʟᴇᴅ ᴇɢɢ質地柔滑的炒蛋介乎半凝固與流心之間，口感滑溜細膩。上層舖滿了新鮮海膽，鹹香濃郁，與蛋香融為一體。底層是自家製的意式鬆軟英式鬆餅，吸收了蛋液與牛油的奶香，香氣十足。.✿ ʙʟᴜᴇꜰɪɴ ᴛᴜɴᴀ ᴛᴀʀᴛᴀʀᴇ藍鰭吞拿魚他他切工精細，魚肉鮮紅帶亮澤。加入辣椒帶出微酸與辛香的香氣，令魚脂的甘甜更突出；而且混有檸檬與初榨橄欖油的酸度與滑順油香，口感更是平衡，更突顯出魚肉的鮮潤。.✿ ᴛᴀɢʟɪᴀᴛᴇʟʟᴇ ʙᴏʟᴏɢɴᴇꜱᴇ手工寬扁麵質地彈牙，麵香濃郁且能完美掛汁。肉醬結合番茄的微酸與牛肉的肉香，煮得恰到好處，絲毫沒有油膩感。加入大量的芝士更是帶出淡淡堅果香與鹹香層次，令口感更圓潤。✿ ꜱᴛᴇᴀᴋ ᴀʟ ᴘᴇᴘᴇ ᴠᴇʀᴅᴇ⧐ ꜱɪᴅᴇꜱ: ꜱᴘɪɴᴀᴄʜ選用250克澳洲牛腹肉，肉質結實帶微筋，肉味濃厚；煎製後外層焦香、內裡柔嫩多汁。搭配青胡椒醬香氣濃郁，辛香中帶少許奶香，既提味又不搶味。配上脆卜卜的薯條，簡單卻極具滿足感。而配菜選了嫩滑菠菜，以牛油和蒜香輕炒，香氣誘人，入口柔軟但仍保留微微纖維感，讓整體多了一份均衡與細膩。.✿ ᴅᴇꜱꜱᴇʀᴛ: ʙʀᴏᴋᴇɴ ᴄᴀɴɴᴏʟᴏ┆ᴛɪʀᴀᴍɪꜱᴜ經典的西西里甜點ʙʀᴏᴋᴇɴ ᴄᴀɴɴᴏʟᴏ，以酥脆的脆筒碎片與香滑的意大利芝士慕斯為主，再配上細碎朱古力粒，口感層次豐富；再加入開心果ɢᴇʟᴀᴛᴏ, 細膩冰涼，堅果香氣濃郁。另外一款選了ᴛɪʀᴀᴍɪꜱᴜ，質感柔滑且香氣深邃，每一口都滲出咖啡的苦香和酒香的圓潤，香甜不膩，而且超大份，吃完絕對會飽足。兩款甜品一柔一濃，一現代一傳統，本人選得真好 (笑~.✿ ᴍᴏᴄᴋᴛᴀɪʟ: ᴍᴏᴄᴋɪɴɢʙɪʀᴅ┆ꜱᴄᴀʀʟᴇᴛ ʙᴜᴄᴋ兩杯ᴍᴏᴄᴋᴛᴀɪʟ各有特色，果味突出，容易入口，非常適合輕鬆小聚。  ᴍᴏᴄᴋɪɴɢʙɪʀᴅ以雀仔形杯盛載，以奇異果、鳳梨和檸檬為基底，口感清爽且帶輕微氣泡，既清涼又不失果味層次。而ꜱᴄᴀʀʟᴇᴛ ʙᴜᴄᴋ則以草莓搭配薄荷和薑汁汽水為主，帶出薄荷的清新與薑味的辛辣，整體甜而不膩。…查看更多

❝灣仔全新意大利酒館🇮🇹主打威尼斯小盤美食Ciccheti✨🤌🏻 慶祝一流!🥳❞昔日既仙后餐廳 宜家搖身一變 變成呢間全新主打威尼斯小盤美食ciccheti嘅意大利酒館 Ciccheti好似西班牙菜嘅tapas每碟細細碟 啱晒同朋友嚟一齊試多幾款🤭👍🏻環境同樣走古典復古風影相都好靚📸慶祝啱晒🥳快d bookmark ! 平日都滿座記得預早訂位呀‼️呢度嘅pasta全部都係手工製造!🍝超推介cheese wheel闊條麵🧀溶化既芝士沾滿每條麵條 刨入大量黑松露片 香氣十足 意粉口感相當爽口彈牙😍私心覺得嚟到要試多幾款意粉‼️值得一提有部份意粉款式可以叫半份/一份 咁就可以試多幾款啦!👍🏻食到幾飽都一定唔可以錯過甜品!🤰🏻Tiramisu超大碗絕對夠3-4個人食都得!😜Gelato都係自家製架!🍨🍫🍴𝙒𝙝𝙖𝙩 𝙬𝙚 𝙚𝙖𝙩?▪️𝘾𝙝𝙞𝙘𝙠𝙚𝙣 𝙇𝙞𝙫𝙚𝙧 𝙋𝙖𝙧𝙛𝙖𝙞𝙩 $108 (4.5/5)▪️𝘾𝙧𝙤𝙨𝙩𝙞𝙣𝙞 𝘿𝙞 𝙈𝙖𝙣𝙯𝙤 $128 (4/5)▪️𝘾𝙤𝙣𝙞𝙜𝙡𝙞𝙤 & 𝙏𝙖𝙧𝙩𝙪𝙛𝙤 $98 (3/5)▪️𝙁𝙚𝙩𝙩𝙪𝙘𝙘𝙞𝙣𝙚 𝘾𝙝𝙚𝙚𝙨𝙚 𝙒𝙝𝙚𝙚𝙡 $318 (4.5/5)▪️𝙈7 𝙒𝙖𝙜𝙮𝙪 𝙁𝙡𝙖𝙩𝙞𝙧𝙤𝙣 $428 (4/5)▪️𝙏𝙞𝙧𝙖𝙢𝙞𝙨𝙪 $98 (4.5/5)▪️𝙋𝙖𝙣𝙣𝙖 𝘾𝙤𝙩𝙩𝙖 $88 (4/5)▪️𝙂𝙚𝙡𝙖𝙩𝙤 (𝙘𝙝𝙤𝙘𝙤𝙡𝙖𝙩𝙚) $58 (4/5)꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍Landau‘s灣仔皇后大道東213號胡忠大廈2樓🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_灣仔🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦/𝘧𝘰𝘰𝘥…#joys_西式 #joys_意大利菜…查看更多