Lamlam脷

營業中

休息中

搬咗舖後店面大咗唔少，可以有埋堂食。以前蛋糕好早就會賣曬，依家供應量應該都有增加，今日7點前去到仲有幾款揀。千層蛋糕嘅口味會寫係小黑板上，定時都會更新。本身係想食開心果口味，可惜已經賣曬。唯有揀咗另外兩款熱賣口味，都係剩返一件。朱古力流心千層蛋糕 $35千層蛋糕餅皮好薄，忌廉都好滑。流心朱古力醬主要集中係餅尖位置，味道都偏甜。而蛋糕表面嘅可可粉有少少苦味，一齊食就啱啱好。培茶千層蛋糕 $38培茶味好香濃，仲帶有啲苦澀味。味道唔會好甜，食完都唔會覺得好膩。總括嚟講，新舖位置比以前方便，食物一直都保持到水準。但下次要早啲去買，可以試多幾款口味。

今天和朋友到LamLamLi朝聖。一直都很想試這間鋪的流心千層蛋糕。我們叫了兩個流心千層蛋糕。第一個是宇治抹茶流心千層蛋糕，抹茶味香濃，口有餘香，流心十分特別，千層十分薄，煎得剛好，麵粉味香。第二個是香芋味的千層蛋糕。香芋不是假香芋味，是用真材實料整的，香芋味濃，不會太甜，有牛乳的味，千層同樣煎得很好，也很薄，整體感覺十分好。由於很受歡迎的關係，在開門前排隊也很長龍，但大家為了一嘗美味可口的千層蛋糕也是在所不惜。

見到lamlamli嘅千層蛋糕層次分明， 都有～20層，但餅皮偏淋較濕，奶味重冇咩蛋香cream都係比較稀，估計係為左要層次分明，所以好易融，拎到返屋企大概45分鐘已經融融地，建議雪返一陣先好食。而味道嚟講有多種口味間，$3x食到千層蛋糕，性價比幾高，值得一試🤑✨綠茶流心 綠茶控必試‼️最熱賣嘅款式，味道十足十茶味，流心cream都好好食，但面頭嘅綠茶粉有影響到口感✨伯爵茶比起其他口味更易融亦淡，入口較淡伯爵茶味，但幾好食✨朱古力流心流心賣相好靚，有唔同質感嘅朱古力味係個口度好食， 但同樣啲粉有影響✨焙茶Least favorite favor，食到焙茶味但好明顯嘅澀味、苦味

依家越黎越hit既千層蛋糕店🍰 佢地既千層蛋糕有好多味可以揀，包你花多眼亂，唔知食咩味好🙈🙈 佢地個個味道都好吸引，仲會定期有新味出。好彩一早去，開門唔駛10分鐘堂食位就無曬😵‍💫-哈蜜瓜千層蛋糕 （新口味） 食落唔係得個甜字，反而係慢慢淡出哈密瓜既香同甜味，而且會食到有少少果肉係啲cream度，好正😍-抹茶流心千層蛋糕🍵 好濃既抹茶味，尤其係流心既抹茶醬，食到抹茶既回甘👍🏻👍🏻-焦糖燉蛋千層蛋糕 呢件蛋糕既重點係蛋糕面，千層蛋糕既cream有微微既奶味，唔會太甜，反而上面有一層燉蛋同燒左個蛋糕面，聞落已經好重焦糖燉蛋味，會比較甜，不過連埋蛋糕食就岩岩好☺️

今日係細妹生日，妹夫訂左個生日蛋糕俾佢，一睇個盒咩包裝都無都唔止仲要連刀都無把就諗住唔會係好野，一定有伏。點知一打開竟然係抹茶千層蛋糕，即刻變得充滿期待，唱完生日歌影完相就即刻切蛋糕，一切就有抹茶流心，而且切起黎仲好堅固，完全唔會散，見到都知一定好好食，果然不出我所料，一放入口，就有特濃抹茶香味，對於抹茶控黎講就算要減肥都無法抗拒，呢間嘅抹茶味比LadyM做得更出色，可能我飲慣濃茶所以我平時嫌LadyM啲抹茶味唔夠濃，呢間對我黎講啱啱好，食完都仲好掛住陣味，一定會再幫襯！

香港要找到一間好味的千層蛋糕好難，本人也試過自已整，但因制作時間長和麵皮厚薄問題，最後都以失敗告終... 今天經過旺角，當然要買來試下~最入︰香芋味    中間︰曲奇味   最外︰流心朱古力味如果問這3個哪一個比較好，我會強烈推薦流心朱古力味的。如果大家想知道對其他千層蛋糕的食評或店內的環境，本人推薦大家看其他食評家的，因為他們寫得很詳細和精緻。不過本人還是想溫馨分享一些要點︰1) 店主會每日在社交平台的限時動態post當天會出售哪款味道的千層蛋糕 ，大家可以在購買前上社交平台 看看。2) 黑板上的蛋糕基本上都有，請不少像我一樣，傻傻地以為只有雪櫃內展示的蛋糕。3) 如果是外賣，記得回到家後一定要雪一雪，雖然都是很好味，但口感上會有少少差別。4) 這間店可以訂蛋糕，詳細都是問店主啦。

成日想食呢間 #千層蛋糕 都摸門釘😵‍💫今次早咗幾個月定🤣終於食到喇🥺🌟佢哋好多味道都好吸引💦 ——————————————————————————————🍵抹茶流心千層蛋糕 7吋 $220超正😭💚每層嘅餅皮都厚薄適中〰️抹茶味超級濃👍🏿流心部份聚集喺蛋糕前面🤣啱啱好咁就唔會太滯🥳蛋糕亦都唔會太甜😍食完都唔會覺得好膩🌱 🤌🏻9/10+$8可以喺蛋糕面加字🍫——————————————————————————————#為食tips👻 好開心好開心☀️其實呢個係小編嘅生日蛋糕🤣(過咗兩個禮拜先post)感謝屋企人買俾我😝終於食到lamlam脷🥺💕p.s.最尾張相好有動感😂

近時巴斯克大行其道，唯覺質素參差，因期望留有好印象而未敢開齋。今尋覓得順滑軟心蛋糕一塊，一試稱心如意。《號》原味巴斯克蛋糕 + 焦糖咖啡千層蛋糕《貝》$40 + $35《品》✒️【原味巴斯克蛋糕】🟡蛋糕自凍櫃取出，耐心等待則軟心更明顯。🟡食畢另一件蛋糕後開動，半熟軟心質感絲滑，不負等待。🟡焦面色澤啡亮，細薄微韌，不帶苦味。🟡芝士味濃郁，只略遜於傳統重乳酪，優秀，而相應無後者膩重。🟡非軟心部分同樣出色，入口軟滑即溶，帶雲尼拿香。🟡有芝士中和，甜度適宜，心滿意足，值專程拜訪。✒️【焦糖咖啡千層蛋糕】🟤素不愛奶油，友人反之，食評僅供參考。🟤奶油濃苦味出色，如呷咖啡，微微焦糖回甘，其實水準之上，喜奶油與咖啡值得一試。🟤坊間蛋糕甜度，不算重甜，微膩。

果日係同朋友仔約左係旺角聚下約得晏大家都食左午餐甘但又想坐底傾下計 朋友就推介左呢間甜品 上網睇相就極吸引大概2點幾上度黎 啲款真係好多 雖然見佢擦走左黑板幾行 但仲有成8 9款簡 落完單 店員會送上枱 我地就叫左海鹽芝士味 開心果味 玫瑰味。玫瑰味夠晒經典 完全對起平民lady m既叫法味道入口夠香 回味甜而不膩 愈食愈想食開心果味夠驚喜 起初以為會係加果仁碎 味道會淡淡地甘，但食個陣發現唔係有果仁碎就叫開心果味，cream真係有果仁味 ，回味先食出，相對無甘甜，會係下次都再想點既選擇。而海鹽芝士真係好實在 ，比較厚重既奶蓋味好夠味 特別係頭幾啖 哇 正丫但食耐左呢個會口渴 ，配野飲會比較好。幾個人就坐係店內食左個零鐘，傾下食下，成個感覺好舒服。

crepe cake一向係我最愛既甜品之一既然鐘意食crepe cake有乜可能唔去試呢間lamlamli😝！今次特登去旺角買本來想堂食但決定「好味既野都係要留係屋企慢慢享受」所以就外賣咗返屋企喇～💚抹茶流心＄35☆8.5/10：好流心喔真係！用叉一吉已經漏哂啲抹茶醬出黎🤣🤣蛋糕～最上層鋪滿抹茶粉千層皮薄夾層細繳滿滿抹茶cream抹茶味濃郁甘香口感輕盈又creamy好味🍰💚！▪︎🤎焙茶＄38☆8.5/10：呢件唔係流心既～蛋糕體本質一樣唔講個人覺得雖然焙茶個忌廉口感heavy過抹茶但味道上反而又無咁甜兩者比較唔計流心個視覺效果我覺得焙茶好食啲啲🍰🤎！▪︎下次要試美綠▪︎▪︎▪︎今次去到岩岩好賣哂🥺🥺🥺～少可惜☹▪︎▪︎▪︎

唔知大家鍾唔鍾意食千層蛋糕千層蛋糕來講最出名嘅應該都係Lady M 😂但係一夠已經七十幾$80來講 就未必個個負擔到🤢呢間蛋糕店有以前喺太子開店到而家搬咗嚟旺角🥳都一直幫襯開 佢唔單止口味好多選擇😍每一層嘅口感都做到層層分明 非常推薦大家食💕以前喺舊舖 一定要開舖即刻去 否則就會買唔到😔而家搬咗之後好咗好多 就算係五點幾去都仲有蛋糕賣 😝同埋可以坐低食嘅位置闊落咗好多☺️呢間舖頭超出名係朱古力流心千層同埋抹茶流心😍比起佢哋嘅signature 更加鍾意食佢哋嘅彩虹牛乳蛋糕😚試過十幾種味道之後 今次專登試吓佢嘅巴斯克蛋糕 都估唔到幾有驚喜 做到少少流心嘅效果 非常之出色🥰提提大家 店主每一日都會更新有啲乜嘢口味喺社交平台 同埋賣曬之後都會喺社交平台更新 所以去之前最好望一望先😉📌 Lamlam脷 (旺角)旺角彌敦道691-697號永如大廈3樓697室🚇 港鐵旺角站 A2出口, 步行約1分鐘等候時間🕰 0 mins📍#旺角

之前幾次驚買唔到次次都要一開門就黎排隊，次次都覺得不枉此行！真係性價比之王！今日星期六下午近四點路過，心諗好大機會賣曬，有咩味就買咩啦~點知竟然買到新出的赤肉蜜瓜味！好清新！好香甜！好有驚喜！食過呢間好多種味道，每種都各有特色，而蜜瓜味真係坊間少有，而佢真係將味道拿捏得恰到好處！唔會死甜、味假~仲買咗焦糖牛乳味~係會回頭再食的選擇~層次口感豐富，焦糖同牛乳比例剛好，尾部較少焦糖而多牛乳，唔知係咪為咗平衡甜味呢~而中間d脆脆波增添咬口，非常夾！！仲差幾款就試齊，下次再黎！😍😍

千層薄，掂！唔係死甜嘅朱古力，而係有少少苦嘅朱古力，正！朱古力流心唔係爆出黎嗰種，但係論味道佢已經冇得輸！滿分！咖啡味重，焦糖甜，但係唔會搶到咖啡嘅味道。有種焦糖latte嘅感覺，正！食千層蛋糕唔一定要食好貴好貴嘅牌子，「Lamlam脷」絕對滿足到平、靚、正嘅要求！

由太子地舖搬至旺角樓上舖開Cafe, 主打當然唔少得招牌千層蛋糕, 同時亦有提供小食、咖啡同茶飲等☺️當日星期六大約1-2點去到, 竟然出奇地避開人龍, 想食既味仲未賣曬, 即刻拿拿林落完單搵個靚位堂食, 慢慢歎🥳千層蛋糕質素高, 但價錢都只係$35-$38, 誠意推介比大家🙇🏻‍♀️🍰ᴅᴇssᴇʀᴛ· 抹茶流心千層蛋糕 $35﹟第一次黎食點都要叫個招牌流心版黎品嚐下😙每層分明濕潤又薄既班戟皮同幼滑嘅cream層層相隔, 不得不讚嘆店主既心思之作💕食落抹茶味濃厚帶微甘, 再加埋中間既流心醬, 簡直係多重滋味💚如果再澎湃啲就好🙊🍰ᴅᴇssᴇʀᴛ· 伯爵茶千層蛋糕 $35﹟依款雖然無流心, 但味道一啲都唔輸蝕😛香甜得黎茶味清香又夠突出, cream同crepe既比例恰當, 同樣出色🤤🍰ᴅᴇssᴇʀᴛ· 海鹽芝士千層蛋糕 $38﹟叫左2款甜味, 梗係要叫款咸味黎中和下🤣食落個味好新奇, 但又出奇地好夾, 似係奶蓋味既感覺, 咸咸甜甜咁🙊走果陣見到menu到已經無左依隻味, 唔通都係大熱口味黎?!😆

好食又抵食嘅千層蛋糕我絕對會揀Lamlamli🤤❤️今次屋企人生日我又訂咗六件散裝蛋糕咁樣我就可以試到唔同嘅味道😚有好多個味道可以選擇，每一層嘅餅底都煎到好薄，Cream嘅口感細滑，做到層次分明，賣相亦都好靚🤩我個人最鍾意培茶同玫瑰花茶呢兩個味道😍培茶嘅茶味香濃，食晒成件都唔會膩😋玫瑰花茶嘅茶味清香，賣相精美，非常適合打卡🌟旺角嘅新舖位置方便，位雖然唔多但係環境乾淨舒適,蛋糕整體來講性價比高,絕對值得一試~