LAB ZERÕ

被招牌刨冰吸引而嚟嘅雲朵主題Cafe，夏天食刨冰真係好爽🧊😙🔸多芒小丸子 $108甜甜芒果夏天食好正！氣球咁大個芒果牛奶冰🍧啱晒二人share食～冰刨得好細緻，基本上入口即溶。芒果醬配牛奶冰加埋甜度啱啱好。入面仲有粒粒芒果肉同小丸子，感覺似食緊以前許留山嘅芒芒小丸子嘅放大刨冰版💛🔸慢煮封門柳玫瑰醬意粉 $138封門柳睇落幾靚，食落有牛香不過可能凍咗有啲韌。玫瑰醬似係韓式辣醬加忌廉，微辣有奶香幾好食😋🔸櫻花蝦帶子明太子忌廉意粉 $128擺盤幾精緻，櫻花蝦味幾香～ 可惜明太子味唔係太出😶雖然只得兩粒帶子，勝在都幾大粒，彈牙煎得唔會過熟。加埋木魚片滿滿日式風味～🔸芝士黑松露薯條 $68薯條外脆內軟，入面薯肉滿滿果款～厚厚一層芝士拉晒絲好邪惡🧀️ 加埋黑松露勁香🩶🔸凍朱古力 $46男友嘅凍朱古力幾香濃。🔸凍焦糖鮮奶咖啡 $46唔記得影嘅凍焦糖鮮奶咖啡，甜甜焦糖香配咖啡幾好飲。Cafe樓底夠高空間感大，配合雲朵主題適合不過，座位都幾闊落。一早訂咗枱準時到唔洗排隊，我哋食完離開出面已經排晒隊～🫢咁啱撞正G-Dragon生日月，佈置都以GD為主題，如果我係佢嘅fans會希望餐廳播返GD嘅歌會更切合主題🤫員工服務都好好，當日係我男友生日，多謝店員配合幫我放蠟燭響刨冰上️🎂☺️整體食物環境服務都唔錯，會為咗刨冰再嚟💛🐾貓奴足跡🐾🌐LAB ZERÕ (尖沙咀)📍尖沙咀金巴利道68號地下B號舖…查看更多

朋友生日飯我地一行6人去咗Lab Zero晚飯慶生。店內光鮮亮麗，掛响天花上嘅雲係會自動郁。我地點咗幾款菜式，各有特色。芝士忌廉耳朵粉 $108唔常見耳朵粉，煮得夠淋，芝士味亦好香濃，帶有些微嘅辣味，一款唔錯嘅開胃菜式。大閘蟹意粉 $158一個幾特別嘅配搭，大量嘅蟹子擺盆，反而令人忽略咗大閘蟹嘅味道。慢煮封門柳玫瑰醬扁意粉 $138又一款帶有微辣嘅意粉，「玫瑰醬」個味道幾特別，上網睇番原來係韓式嘅醬汁，韓式辣醬、茄汁、蒜蓉嘅味道令到個菜式好豐富。封門柳嘅熟度剛好，冇出血水，同肉質夠淋，鍾意食牛嘅我覺得值得一試。芝士黑松露薯條 $68大量嘅芝士加上黑松露嘅香氣，薯條炸得夠脆。如果可以用較粗身嘅薯條，相信口感會更上一層樓。蒜香牛油單骨雞翼 $68蒜香味夠突出，雞翼炸得夠脆，小食嚟講算正常水平。開心果鮮奶咖啡 $68略嫌有啲細杯，同埋佢用個杯似即棄杯，成件事誠意欠奉。味道上亦比較淡，開心果嘅味道唔算太特出，咖啡味亦偏淡，同我想像中應該帶甜味有所出入。晴天雨天 $53好特別嘅飲品，杯上加上一舊雲，淋上咖啡後就好似「暴雨」咁溶哂。味道亦唔算太濃，但比開心果鮮奶咖啡好啲。同樣係用上即棄膠杯，視覺上大打折扣。開心果杜拜朱古力刨冰 $138响Lab Zero甜品先至係主角，香濃嘅開心果加上杜拜朱古力，好有滿足感，而且佢個刨冰好軟綿綿，入口即溶，唔似一般刨冰咁太凍，即使有敏感牙齒嘅我都唔覺得有問題。提拉米蘇法式吐司 $88店員好用心响碟度寫上生日祝福字句，佢個吐司嘅質感同丹麥麵包好似，我好喜歡呢個口感，加上香濃嘅流心朱古力一齊食，完全係刺激味蕾。店內嘅裝飾好特別，雲係活動式上下移動。好光鮮嘅門面至於服務方面，係半自助式，好似薩利亞咁自己去斟水，所以服務方面扣咗啲分。各款菜式各有特色，尤其係將唔同國家嘅調味加上西菜上，味道更見驚喜。佢嘅份量明較少，可能希望食客留肚食佢個主角。主角嘅甜品冇令人失望，刨冰更加有驚喜，大大杯，六個人食啱啱好。…查看更多

本身已經覺得呢間餐廳好特別，佢以雲cafe做主題，好吸精，所以一直都好想試朋友都有試過呢間餐廳， 推薦左幾樣菜時式試試🥰🫶🏻1. 慢煮封門柳玫瑰扁意粉🍝其中一道最出色既菜！ 玫瑰醬汁好特別又野味，封門柳五成熟，啲肉質好嫩滑🥰2. 櫻花蝦帶子明太子忌廉意粉份量好夠， 味道正常， 但無話好特別🤣3. 芝士黑松露薯條薯條又大又脆！ 黑松露味好出！4. 避風塘單骨雞翼香口好吃！ 5. 牛油果雞胸配酸種包同salad酸種包上面有好特別既醬， 配牛油果雞胸， 好食！ 最後就係蜂蜜海鹽焦糖脆脆刨冰， 都非常好食， 唔會太甜， 仲間好似仲有芝士味！ …查看更多

排隊等左1個鐘等到一枱又一枱食完走人，每次都唸住入得啦，點知每次都唔入客，個staff每走一枱都係棟個留位牌⋯吉左好耐d枱都唔比人入！！！但係我發現d吉枱唔係有人預約因為等等下終於到我地果陣冇啦啦又突然一次過入成條隊既人爆場唔比入都好正常，但大把位又唔比人入唔明咩操作明明落單又好，拎餐具又好，斟水都好，都係自助，要自己出去拎，都唔知啲員工忙緊乜野究竟呢個係乜野玩法？睇唔透d 野食係ok 既，但浪費晒d時間…查看更多

🌼GD 應援Cafe 日式刨冰店🌼買不到G-Dragon演唱會門票，唯有到靚靚應援Cafe打卡😚G-Dragon佈置，整個八月份都有喔🔥❤️一入Cafe已經看到有兩個美美的打卡位置，放滿了小菊花及有權志龍director 的椅子，可以在等候食物期間打卡拍照🦋食物方面，最印象深刻的是開心果軟雪糕，有濃濃的開心果味，十分有驚喜！咖啡和刨冰味道都不錯，下次有機會的話都想試試其他口味的刨冰😍點了兩款GD set，結算後可以取files及環保袋。如果打卡post IG story，更可以獲得漂亮的手幅一張，喜歡G-Dragon的朋友不要錯過喔！🩷平日晚上到訪亦有很多人在店外排隊，建議在OpenRice預先訂位，就可以直入用膳，不用等候🌷-What we ordered🎈1. GD Set $370- 自選前菜一款- 自選主菜一款- 自選刨冰一款- 兩杯飲品2. GD 甜品 Set $75- 一杯軟雪糕- 一杯飲品#footage_hongkong #hongkongcafe #hkcafe #hkcoffee #香港 #hkrestuarant #香港cafe #GDHK2025 #gd_übermensch #gdragonworldtourübermensch #gdragonworldtourübermensch2025 #gd #gdragon #權志龍✨권지용✨kwonjiyong❣️…查看更多