La Rosabelle Bar & Grill (MONTEREY Place)

營業中

休息中

今次同朋友嚟到將軍澳呢邊行完Donki，見附近海旁有幾間靚嘅西餐廳，其中依間入面既裝修好靚好有歐美風格就入黎試試，食物方面叫左兩款，辣肉腸pizza：薄餅上好多芝士同辣肉腸份量十足，三四個人食都得，配埋茄汁開胃唔膩，另外叫左美國安格斯肉眼牛扒12安士：牛扒5成熟，牛味濃郁煎得好香口感豐富，唔會痴牙，另外叫咗一份甜番薯條大大份，炸得香脆可口，食食吓唔經唔覺食晒，整體方面環境一流，員工態度有善，下次會再回訪

好少寫負評但今次真係唔寫對唔住自己和家人一間裝修靚靚嘅餐廳價錢都貴貴地但食物不新鮮而且煮得唔好食特別想講西班牙海鮮飯 $498 二人份量飯又鹹又油 好像落了兩倍鹽和油咁海鮮唔新鮮 尤其是青口 另外黑毛豬配薯菜 黑毛豬肉十分韌 一點都不嫩未食過咁韌的黑毛豬😅其實靚的黑毛豬就咁煎都已經好好食所以食完我唔知自己食了甚麼最後我同了侍應講 個海鮮飯實在太鹹 她完全無反應。回家之後我和家人個肚都唔舒服證明衛生都有問題下次都係唔好亂入🙈

平時成日經過呢間餐廳佢個裝修好吸引我去試，但係覺得平時食又有啲奢侈👉🏻👈🏻趁生日，終於有藉口獎勵自己去食餐好野啦🥹🫶🏻🛎 $198 牛肉他他配烤法包呢個價錢黎講份量好細但得一塊仔法包😅唔知點分享個包仲要腍腍地😂以Appetizer黎講，食完冇太開胃既感覺～🛎 $248 法式青口鍋配炸薯條味道唔錯👍🏻好大鍋之外，每隻青口都幾飽滿😈忌廉汁香濃而且有少少酒味，同青口好夾用黎點薯條都好食🛎 $268 炭燒豬仔骨配炸薯條豬仔骨係幾大份但味道麻麻😵‍💫肉質較鞋，唔易咬開雖然加左啲杏仁簿片係面有令個口感好少少但個醬汁咸左啲😓整體食落有啲似平時平價急凍豬仔骨🌐 環境/服務呢到個環境係幾有英倫風味幾靚📸雖然呢到地方算大，有室內同室外既位但可能因為我星期六晚去係全場滿座，有種好逼既感覺😂加上人手不足應付咁多客人，出餐係有啲慢🥲因為係黎慶祝生日，所以想餐廳幫手係甜品碟上寫”happy birthday”，但竟然仲要+　$20😱呢到價位已經偏貴，冇諗過野食一般之餘，冇咩服務，仲要加錢寫字🙈應該試一次就夠了🙏🏻

嗰日想同friend食飯，就random喺澳南揀咗一間餐廳黎試（話說將軍澳喺冇澳南之前係一個美食荒漠😂自從有咗澳南之後，有好多又chill 又好食嘅餐廳選擇～講返呢間餐廳先，主要會揀出現係因為佢實在係太靚啦🥹🥹🥹各位鍾意打卡（或者男女朋友鍾意打卡嘅，真係可以bookmark呢間)幫襯嗰陣時大約11月尾，但係舖頭已經裝滿晒聖誕裝飾，非常之有聖誕氣氛！加上佢本身嘅宮廷風，華麗得黎，又有一種溫馨嘅感覺。食物嚟講就不過不失啦～雖然有啲衰，但係個青口鍋係差過隔籬嗰間Frites😂😂(不過咁講，人哋又真係專門做青口㗎嘛）牛扒唔太入味同埋有少少老，但個雞翼係幾好食嘅，Juicy得黎幾嫰滑。價錢如果你以將軍澳街坊價黎睇就一定係Overpriced 㗎喇，不過如果你咁諗，以咁樣嘅價錢食到中環高級餐廳嗰種裝修，都幾抵嘅🤣🤣🤣🤣🤣幾適合幫人慶生或者周年紀念～最後戴返個頭盔先，因為佢個裝修實在係太靚喇，所以都瘋狂地影相影咗一段時間，可能因為咁樣影響咗食物嘅質素既😅😅🙈🙈燒烤醬雞翼 $108青口鍋配炸薯條 $248安格斯肉眼牛扒 $398👩🏻‍💻5/10 (for food) 8.5/10 (for envir

天朗氣清，約咗老死踩單車遊將軍澳，下午茶時間揀咗呢度歎個 tea。價錢雖然唔算平，但環境好relax,好有外國 feel。幾個人點咗 tea set嘅雞肉串燒，手指點，仲有啱素食者嘅素春卷；加$55仲有0.5L大大杯生啤，hea足兩個鐘，超值😍

La Rosabelle Bar & Grill價錢💲: $68/ $298/ $198好味程度😋: 3.6/5服務🍴: 3.3/5環境🗾: 4.6/5性價比🥢: 3.6/5回頭率😚: 3.3/5-食過幾間將軍澳海旁的餐廳，發覺仲有啲未食！行完donki樓下已經好多選擇！今次去左間靚靚的西餐！入到去金碧輝煌，大量木的元素同唔同掛畫，仲有條樓梯打卡。座位寬闊，有氣派，好多壁畫同鏡的設計令人感覺好似入左一個歐洲古堡🤩 見平日menu好抵食，而夜晚就會多啲選擇。-🆗Chef’s soup of the day. 當日的係蘑菇湯。陣陣蘑菇味好香，入口比較稀同水，可以更creamy🤔 但食到碎碎的蘑菇粒同蒜粒，味道還可以。旁邊配的蒜蓉包雖然烘過，但已經凍同淋左🥺 面頭塗的蒜蓉醬都比較油阿… -✅✅German pork kunckle. 呢個豬手好有驚喜‼️出奇地炸得唔油，食落好乾身，而皮好脆。皮下脂肪又唔多，就好似食緊乳豬咁🤤🤤 皮做得好之餘，入面的肉都好多，唔鞋。最中意係佢地整體的肥膏都比較小，食起上來啖啖肉咁😜 沾茄汁會比佢地比的燒汁更好食！薯條係粗薯，入面好綿密☺️ -✅Scallop sp

將軍澳南一向多美食，最近發掘咗響MONTEREY Place一間充滿歐洲古典風情嘅餐廳，感覺好似去咗歐洲古堡咁。餐廳除咗室內裝修好靚，仲有戶外座位，坐出面好chill, 又係另一種感覺。 餐牌以a la carte為主，種類都唔少。兩個人揀咗一個意粉、一個青口煲、一份蒜茸包同一份甜品share。香蒜牛油白汁蜆肉意粉 （$168）- 首先一定要讚下，蜆嘅分量超多，亦好鮮甜，帶有蒜香同淡淡嘅白酒味。意粉煮到煙韌有咬口，配埋蜆肉，味道唔錯。法式青口鍋配炸薯條 ($248）- 忌廉味香濃，帶微微酒香，入口creamy。青口大大隻，份量好多，肉質鮮味。薯條炸得香脆，無論點茄汁定青口汁，都好好味。蒜茸包（$78）- 主要係用嚟點青口煲嘅sauce, 因為個sauce實在太正，太入味。蒜蓉包本身已經焗得好香脆，帶有蒜蓉味，點埋青口汁食一流。肉桂黑莓蘋果金寶配雲呢拿雪糕（$78）- 濃濃肉桂味，黑莓同蘋果酸酸甜甜，雲呢拿雪糕中和咗酸甜嘅味道，冰火交融。再加上金寶脆脆，口感多重，味道好正。 餐廳設計好精緻，亦好有情調，入面掛咗唔少油畫同好華麗嘅玻璃吊燈，另外仲有條木樓梯，感覺好復古優雅。啱晒同情侶或朋友

只係一個將軍澳區已經有兩間分店，都係靠海，氛圍Relax，好岩放工去Chill下。餐廳裝潢古典，一盞盞吊燈配合西洋油畫，更顯優雅。🔸法式青口鍋配炸薯條 $248青口份量十足，兩人share絕對夠飽，對得起個價錢!青口用忌廉汁煮過，粒粒新鮮飽滿，薯條點忌廉汁都好夾!🔸特級煙肉芝士牛肉漢堡配炸薯條 $188煙肉帶焦香，漢堡排厚身，切開有肉汁，麵包鬆軟，生菜同蕃茄清爽，整體入口豐富。🔸蒜蓉牛油帶子 $138一碟有6粒帶子，每粒煎至表面金黃，質地軟彈，食落牛油味道濃郁，作為重口味人士，覺得蒜香可以更重。

有一段時間冇黎將軍澳喇，近將軍澳南戈邊新樓林立，自然多咗好多新餐廳。La Rosabelle Bar & Grill環境充滿歐陸風情，彷如身處古堡，典雅並散發出藝術氣息。✿ 蒜蓉蝦 $138傳統西班牙菜🇪🇸由蒜蓉、橄欖油、新鮮蝦製成🦐橄欖油味道比蒜蓉明顯，用上橄欖油🫒令菜式高級不少，另外蝦肉爽口彈牙，做前菜系吾錯嘅選擇。✿ 法式青口鍋配炸薯條 $248青口鍋好少餐廳有，248呢個價錢差吾多。叫得青口鍋青口份量真系好驚人🤩食青口食咗半個中🤣粒粒新鮮，忌廉汁喺底部，點埋忌廉汁更滋味。✿ 香蒜牛油白酒蜆肉意粉 $168白酒本身搭配蜆肉十分不錯，香蒜牛油🧈牛氣十足，蜆肉新鮮。✿ 黑松露帶子意大利飯 $198黑松露味濃郁🖤每一啖意大利飯都食到黑松露味，帶子燒得頗香，大大粒有口感，意大利飯creamy。✿ 𝑭𝒓𝒖𝒊𝒕 𝑷𝒖𝒏𝒄𝒉 $50吾飲酒嘅對我地黎講𝑭𝒓𝒖𝒊𝒕 𝑷𝒖𝒏𝒄𝒉 實冇死🙊果香味重，比想像中大杯，賣相好得💖用黎打卡吾差呀🤭

今日帶小朋友去澳南海岸踩單車🚴🏻‍♀️踩到攰攰哋，搵咗間有得坐戶外嘅西餐廳。值得一讚嘅係，侍應哥哥姐姐都好體貼，即刻問小朋友涷唔涷，開個暖爐俾我哋！❤️...我哋一行四人，嗌咗三個lunch set。前菜蝦春卷配餐湯同餐包，小朋友好鍾意食！❤炭燒美國西冷牛扒8 安士 $238西冷牛扒嗌咗七成熟，肉質軟腍，推薦！ROASTED HAM SPAGHETTI $138塊火腿好厚身，但係一啲都唔煙韌，肉質軟腍！雞闊意粉 $158雞闊意粉個醬汁真係好正！.最後，甜品係小朋友最愛嘅朱古力蛋糕。🌴除咗有靚景之外，我哋一家大小都食得津津有味。下次去將軍澳踩單車都會返嚟呢間餐廳食‼️

朋在將軍澳天晉教人游水，夾好時間一起晚餐 ，仲介紹了跨灣大橋讓我欣賞景致夜色，別有一番風味。當然朋友要一盡地主之宜，帶我食好嘢，原來澳南海岸有一間歐洲宮廷古堡餐廳，我豈能錯過。真心佈置出色，有歐洲風味的畫作，水晶吊飾，令人仿如去了童話世界一樣。我們點選了西班牙黑毛豬柳配薯容（Spanish Iberico Pork Loin）：炭烤令肉質有多一份層次，豬柳易咬味濃，加上薯蓉怪的朋友，不一會全吃掉，而沙律新鮮減輕了豬柳肉的肥膩感覺。朋友是飯筒所以點選了黑松露鮮蝦意大利飯（Scallops Risotto）：Risotto做到Al Dente是心機菜，加上香濃creamy 的黑松露汁令意大利飯更好味，仲有6大隻彈牙新鮮大蝦，明智的選擇。（Cinnamon apple & black berries crumble with vanilla ice cream ）是我心愛之選：玉桂與蘋果金寶是神仙眷侶，，加上黑梅汁及雲呢拿雪糕，藉得一再回味。

今次嚟到呢一間行英倫宮廷風嘅西餐廳，好多打卡地方🥰 嘢食方便價錢都算貼地，午市套餐，更加係$150左右就有交易！除咗坐得舒服之外，食物質素都唔錯👍🏻忌廉青口好creamy, 點埋薯條一齊食都仲得呀😋 點埋薯條🍟一齊食都仲得呀！黑松露帶子意大利飯，一上枱已經好香嘅黑松露味，每一匙都可食到帶子，大滿足🤗相對小食酥炸魷魚圈可能炸得比較耐，所以外皮冇咁鬆脆꧁☬小編食左咩☬꧂⭕️ 酥炸魷魚圈✅ 忌廉青口配薯條✅ 黑松露帶子意大利飯(◔◡◔) ♥ 人均傷害💰： $300♥

同男朋友過嘅第一個情人節 見裝潢幾靚就book咗呢間西餐廳冇諗過咁掃興叫咗個情人節set $1288 加一$14xx 包兩個頭盤兩個主菜飲品同甜品 食物質素一般 尤其係肉眼扒好齦 但係投訴嘅主因係上菜速度實在太慢太慢太慢我哋20:30入座 其中一碟主菜龍蝦意粉22:30先到 (本來餐廳仲有限用餐時間90分鐘😅)期間分別向三位staff催咗三次 第一次話會check下 第二次話廚房準備緊 第三次我哋都唔耐煩了話我哋已經等咗個幾鐘 好嚴肅咁請佢催廚房 廚房好似得一個人咁 一碟龍蝦意粉可以煮幾耐？（附近檯都係同樣情況）唔止出菜慢 仲係咁出錯單 staff同廚房溝通混亂 冇系統性 冇責任感 攞住碟菜白撞咁逐檯逐檯問「係咪你哋叫嘅？」完全唔打算double check 誇張到一碟錯嘅菜式出咗三次俾同一檯客 在場客人都面露難色 甚至表示「not again」臨走前仲要俾staff倒瀉糖漿落我條裙度 踩住一腳糖漿返屋企 灰到極致。(員工唔小心 唔追究)體諒特別節日人多手腳亂 但係呢啲只係餐飲業嘅基本服務 既然唔夠人手不如唔好接咁多booking唔好serve咁多客！好好地一個情人節連食都食唔飽真係好

La Rosabelle Bar & Grill 餐廳有室內室外位置，室內既裝修好有歐洲古典氣息，有樓梯、吊燈同藝術畫作，食物味道亦不錯。*Margherita Pizza $158有大量芝士，溶得非常好。第一啖會覺得茄醬略咸，但之後發現卷起黎食，每一啖都食到薄餅邊既話，就會中和到，愈食愈滋味！薄餅底係薄+軟身既，薄餅邊係煙韌得黎少少脆。😋😋*21 Day Dry-aged Prime Beef: 美國安格斯肉眼牛扒12安士 $398叫左5成熟。牛扒好香炭燒味，肉汁豐富，肉質亦粉嫩易咬，一d都唔會痴牙，牛肉味又濃。😋😋

弟弟生日，搵左呢間餐廳同佢慶祝🫶。因為他住喺附近，我地就book左平日晚上。 私心揀左呢間靚裝修嘅餐廳，走宮廷風路線，置身其中有喺皇宮食飯嘅即視感。食物很美味，我地點嘅食物都很不錯。蟹肉牛油果沙律中間加番茄粒粒，蟹肉鮮味有番茄嘅酸味襯托更好食。牛油果熟度啱啱好，好滑😋香蒜牛油白酒蜆肉意粉好香，蒜油味香濃、juicy嘅蜆肉，配合生熟程度剛好嘅意粉，美味！炭燒紐西蘭牛柳炭烤味重，揀左Medium well，肉味濃郁，沙律同烤雜菜份量多🫶整個體驗都好好，好適合慶祝特別日子🫶