La Moo Moo' s Steak and Fries

營業中

休息中

朋友生日，特意揀選了一間樓上扒房，餐廳格調高雅，在暗暗的燈光下慶祝別有一番風味。和友人各自點了一個晚市套餐，套餐都好豐富。首先上桌的是蘑菇忌廉湯。這道湯濃郁滑順，蘑菇份量多，好足料。加上奶油的細膩感讓整體味道更加提升。每一口都充滿了濃厚的香氣，讓人感受到廚師對食材的用心。餐湯付上自家製百里香蒜蓉牛油餐包。鬆軟的麵包外皮金黃酥脆，內部則超級柔軟。百里香和蒜蓉牛濕的香氣交織，令人一口接一口，根本停不下來。原來店主另有工場製作麵包，難怪品質咁好。凱撒沙律是這頓晚餐的清新開端。新鮮的生菜搭配脆脆的麵包丁加流心蛋，淋上特製的凱撒醬，讓整體味道更加層次分明。沙律中的芝士增添了鹹香，恰到好處，讓人感到清爽又滿足。之後便是今晚的主菜上場：美國德州秘製醬豬肋骨主菜的美國德州秘製醬豬肋骨則展現了廚師的高超技藝。肋骨經過慢燉，肉質嫩滑，醬汁的味道濃郁，帶有微微的甜味和煙燻香氣，讓人一試成主顧。每一口都令人陶醉，配上新鮮沙律菜和炸薯條，完美平衡了味道。美國平鐵牛扒（阿根廷青醬）美國平鐵牛扒，搭配阿根廷風味的青醬。牛扒外焦內嫩，咬下去肉汁四溢，青醬的香氣則為這道菜增添了獨特的異國風情。青醬酸酸辣辣，好有特式。這

朋友介紹呢間，即本試下；入到去，餐廳係18樓，裝修都幾乾淨型格，同埋可以高空望落去，冇咁壓迫感！一坐低，店員都好有禮貌咁招呼我哋，感覺唔錯。餐牌主打牛扒配粗薯條，款式選擇有SET MENU同散叫小食，最後我地叫左兩個set dinner。個 set 包沙律、餐包同湯；沙律菜好新鮮，羅馬生菜脆卜卜，食落去仲有菜本身嘅甜味；蘑菇湯令我驚喜，真係足料，飲落去有啖啖既菇，又夠濃郁，好味。評分：👍🏻👍🏻👍🏻/5平時食既餐包冇乜特別，但佢地個包話係自家製，佢地仲有心咁烘左表面，但入面質地鬆軟，配熱辣辣既湯一流，我哋都忍唔住食晒成個。評分：👍🏻👍🏻👍🏻👍🏻/5本來我地想加錢食安格斯牛扒，但店員了解左我同朋友既生熟喜好之後，就倒轉介紹佢地既平鐵牛扒，唔洗加錢TIM，食落似牛柳🍽️。上到枱時，我認為牛扒煎得剛剛好，切開入面係粉紅色(雖然我朋友鍾意食熟啲，但佢可以食頭尾兩側既肉，果啲煎得熟，佢啱食)，但中間唔會過熟，肉質仲保持住嫩滑多汁，配埋佢自家特製嘅醬汁，幾夾幾香。佢既餐刀好得意，係一把迷你既肉刀。評分：👍🏻👍🏻👍🏻👍🏻/5平時我就唔食薯條，因為怕肥，但佢既薯條係粗身薯條，炸得好乾身又脆，點咩醬都好食，

成日都見身邊嘅朋友嚟呢間 The Prime House 食飯 😌😌 今日到我嚟試吓啦 ~ 食店氣氛好好 , 好舒服 , 窗邊擺放咗好多大酒瓶同紅玫瑰 ❤️❤️ 充滿西式浪漫 ~晚市有套餐供應 , 每位 $388 起 ~ 套餐包左餐湯 , 麵包 , 沙律 , 主菜同飲品 ~ 價錢喺灣仔嚟講都幾抵食 👍👍凱撒沙律好大份 , 沙律菜新鮮 , 整體口感豐富 ~ 今日餐湯係甘筍湯 , 飲得出係真材實料 😋😋 係純純嘅甘筍甜味 ! 湯嘅質地都做得好好 , 冇麵粉感 , 飲落好舒服 ~ 烤雞配阿根廷青醬有 3 大塊雞髀肉咁多 !! 每塊大大塊超級抵食 ! 雞肉彈牙又夠滑 , 配埋青醬味道濃郁 ! 另外紅色個醬係辣辣地 , 食落好惹味 🤤🤤 食到停唔到 ! 薯條炸到外脆內軟 😆😆 正 !230 g 美國平鐵牛扒牛扒外層煎封 , 裏面仍然保持嫩滑 , 唔錯唔錯 !整體嚟講 , 呢度嘅晚市套餐份量比一般西餐廳大份 , 女仔應該會食唔晒 , 男仔食完會覺得好飽 , 抵食 ! 👍👍

Set Dinner 
🎃每份set dinner都有一碗南瓜湯，暖笠笠又夠濃稠，甜甜地好creamy，飲完暖胃又舒服～🍞餐前麵包面頭加咗少量百里香同蒜蓉牛油，烤得香噴噴，咬落好鬆軟😍單食或點湯都一流👍🏻🥗Caesar Salad新鮮爽脆，醬汁creamy得嚟唔會太重，份量啱啱好做開胃前菜☺️🐂Flat Iron Steak (配阿根廷醬同黑胡椒醬)
Flat Iron Steak揀咗Medium，煎得啱啱好，保持到肉嘅嫩同juicy，切開仲見到粉嫩嘅肉色🤩肉味濃而不柴☺️配咗阿根廷醬酸酸地幾開胃；黑胡椒醬就濃郁得嚟帶微辣，兩款醬都同牛扒好夾😍🐖BBQ Baby Back Pork Ribs
BBQ豬肋骨份量多到嚇親🤣切開晒有成11件😂2個人食1份都夠晒🙈肉質好嫩，用叉輕輕一撕就散開，骨邊嘅肉仲帶點咬口，唔會太乾☺️BBQ醬甜中帶微辣，塗得均勻，食落好juicy又夠味，啖啖肉🥰🍰開心果芝士蛋糕
最後加咗$68試開心果芝士蛋糕，蛋糕表面落左開心果醬，質地好滑身，開心果醬香濃，甜度剛好☺️底部有少少似nutella嘅朱古力餅底，感覺幾特別！

有個儀式感重嘅老婆就係咁煩！520同老公出去鋸下扒慶祝，咁啱餐廳有個(假)火爐會噴心心，都算應景啦，Happy 520^^呢間餐廳食牛扒為主，喺網上面見到質素都唔錯，就決定放咗工同老公去試吓，去到餐廳都幾有氣氛，有少少驚喜係價錢竟然只係三百幾蚊有個dinner set，我哋加咗少少錢升級做肉眼扒，首先來沙律，餐包，餐湯係蘑菇湯，好香濃，食到蘑菇嘅口感。主菜肉眼扒真的超級大塊，煎到外皮香脆，而且入邊有肉汁，自己屋企真係好難燒到咁，肉味好濃而且juicy，塊扒真心高質，如果在酒店食肯定過千的質素，加上即炸薯條，好香口好好味，本身只係包咗餐飲，但最後餐廳送上雪條甜品，成餐飯超級滿足，埋單一千多少少我覺得以呢個質數，真係算抵食。

今日同朋友黎灣仔覓食呢間西餐廳真係坐得舒服服務態度又好，最緊要食物高質好味我地叫左兩個晚市套餐💚是日餐湯今日嘅餐湯係南瓜湯係超濃郁嘅南瓜湯，每一啖都有南瓜蓉，正💚自家製百里香蒜蓉牛油色餐包我想話食完佢嘅麵包真係會念念不忘因為佢哋自己有廠房整麵包，所以外脆內軟無論就咁食，定係點埋湯食都一樣咁好味💚凱撒沙律好fresh嘅沙律，麵包糠又好脆仲有流心蛋喺上面添💚280g 美國安格斯肉眼扒佢好多款牛都好吸引，最後揀咗肉眼扒都係煎得非常好，外面嘅肉脆脆地入面又好軟熟，好有牛味跟餐嘅薯條都炸得非常好，好香薯仔味💚烤雞配阿根廷青醬佢嘅份量真係好大碟，足足有三件雞啲雞烤過，但係入面都好Juicy第一次食阿根廷青醬，原來同烤雞好夾💚心太軟配雲尼拿雪糕有好大球雲呢拿雪糕放咗喺心太軟上面雪糕加心太軟一齊食，真係好正💚free flow原來$88就可以有free flow紅酒白酒啤酒都飲得今次就揀咗提子味啤酒同埋普通啤酒仲話下次會有清酒添

朋友之前嚟過食，唔係佢嘅話都未必留意到呢間餐廳。坐得相當之舒服，而且成個環境都好有氣氛，都幾適合情侶同埋朋友聚會。雖然每道菜都係啲常見嘅嘢，但係感受到餐廳好有心機製作，連個餐包都零舍香。冇諗過最後仲有雪糕送，超滿意。‣ Dinner Set $388· 南瓜湯南瓜湯係餐廳自己整，味道好溫潤又濃郁，飲得出唔係罐頭湯，飲落去喉嚨都覺得好舒服。· 自家製百里香蒜蓉牛油餐包雖然外表睇落同其他餐包冇乜分別，但係咬落去嘅時候會有一浸百里香蒜蓉嘅味道滲出嚟，香味唔會搶咗餐包嘅甜，作為一個超鍾意餐包嘅人覺得好好食。· 凱撒沙律沙律都係咁，啲菜都好新鮮。不過我幾鍾意佢嘅蛋，半流心嘅口感好正。· 美國德州秘製醬豬肋骨豬肋骨係好多餐廳都有，但係平時會覺得嗰條味好重手，食完又會好口渴，呢到嘅豬肋骨我覺得處理得好好。秘製醬香得嚟鹹甜比例啱啱好，而豬肋骨啲肉煮得相當稔，但又不失口感，我覺得係幾有驚喜。· 230 g 美國平鐵牛扒牛扒就一定冇得輸，外皮帶有微微嘅炭香味，而且煎得相當之靚，口感絕對冇得輸。雖然本身有搭配阿根廷青醬，但係其實個牛扒好食到你根本唔需要任何醬料，甚至唔想點醬汁。· 餐飲餐飲就嗌咗個凍茉莉花茶

估唔到係港島區到搵到間性價比高既西餐廳，環境同服務都好好。餐廳坐位唔多，好有情調，以為專做情侶客，點知有兒童餐供應😱 晚巿套餐 $388，有齊餐湯、餐包、沙律、主菜同飲品，仲可以 $69 加配甜品。叫左美國平鐵牛扒同挪威三文魚配奶油大蒜醬，好有驚喜。三文魚魚皮煎到超脆，肉好厚，但一D都唔鞋。好嫩，好juicy，薯蓉質感有少少粒粒，配上奶油大蒜醬好香，好好食。美國平鐵牛扒煎得好靚，有咬口得黎唔會韌。牛扒好厚身，切開中間微紅，好Juicy。配上香脆薯條同沙律。份量雖然唔算多，但食物質素同環境，絕對值呢個價錢。

餐廳燈光柔和，配上播放住壁爐嘅mon同輕鬆嘅音樂🎶好有情調！套餐包左餐湯，沙律🥗同餐包！餐包係熱辣辣好鬆軟！餐湯係超濃郁嘅蘑菇湯🥣飲落好濃稠，雜菌都好多❣️🥩美國平鐵牛扒配黑胡椒醬 $388平鐵牛扒肉質非常嫩! 把刀都好得意🤣輕輕一切就切開，咬落去帶少少韌性，越嚼越香！牛肉本身香氣好濃，搭配黑胡椒醬更加絕配，突顯牛肉鮮味。配菜仲有沙律🥗薯條🍟薯條剛炸起好脆口😍🍗烤雞配阿根廷青醬 $388烤雞皮酥肉嫩，外皮帶點微微焦香，肉汁飽滿！重點係阿根廷青醬，香草味非常濃郁，仲帶有燒汁甜味，味道好有層次，而且份量好足👏配菜仲有沙律🥗薯條🍟好豐富！📍La Moo Moo' s Steak and Fries (灣仔)灣仔軒尼詩道239號18樓

💖 一入到餐廳就俾成排玫瑰花盆景吸引住！燈光柔和又優雅，浪漫到暈！服務員態度好友善～絕對係約會或者紀念日嘅首選！ 🍗「烤雞配阿根廷青醬」 —— 外皮烤到紅色，再加上青色的阿根廷青醬，真是一道色香味俱全的主菜，雞肉鮮嫩無比，散發著誘人的香氣！還有香脆的薯條！這道菜不僅色彩鮮明，還能帶來豐富的口感，讓每一口都充滿驚喜！🍝「意大利黑松露蘑菇意粉」 —— 手工意粉煮得啱啱好，al dente口感！黑松露醬香氣撲鼻，每一啖都充滿濃郁菇香，高級感爆棚！ 🍞「自家製百里香蒜蓉牛油餐包」 色澤金黃帶紅，第一次吃這麼香又鬆軟的餐包，真是百里飄香，充滿了牛油香與奶香氣，食完一個忍唔住要encore！ 🥗「凱撒沙律」 蔬菜色澤翠綠，口感爽脆，加入了香脆的烤麵包丁，撒上幾片咸香的培根碎，讓沙律更加豐富！精選蘑菇湯，口感滑溜，菇味香濃，飲完成個人都暖笠笠～

最近發現灣仔有一間有浪漫情調嘅扒房，餐廳主題歐洲古典風，以深色木製家具、型格吊燈及紅酒櫃做擺設，極具歐陸特色。環境浪漫又有氣氛，好適合慢慢嚐酒，享受美食嘅客人。晚市套餐$388，包含沙律，麵包，餐湯，主食及餐飲，性價比非常高！💛是日餐湯：南瓜湯入口順滑，每一啖都飲到好濃郁嘅南瓜香甜味道，湯汁濃稠適中，唔會太杰。沾上麵包一齊享用，一流！💛自家製百里香蒜蓉牛油餐包麵包熱辣辣好新鮮，外皮焦香，入邊軟熟，帶有牛油香味，仲有好濃郁嘅自家製百里香蒜蓉醬，非常惹味，好開胃啊！💛凱撒沙律蔬菜新鮮，入口清甜脆口。撈勻芝士，煙肉碎同麵包粒，再加入蛋黃同檸檬汁，甜甜酸酸，帶有鹹香，口感豐富！💛230g 美國平鐵牛扒阿根廷青醬牛扒點咗medium，一切開已經見到肉質超粉嫩，肉汁流晒出嚟，入口juicy肉質軟滑，帶有香濃牛肉味，口感柔軟，一啲都唔韌！阿根廷青醬，入口清新香草味道，帶有微辣，平衡牛扒油膩感。💛挪威三文魚腩配奶油大蒜醬驚喜之作！魚皮香脆，但保持到魚肉肉質軟滑，沒有過熟嘅鞋口感覺！輕輕切開，魚肉肉汁已經流出嚟 ，每一啖都充滿魚油嘅香味，好有滿足感！配菜嘅奶油蒜蓉都好好食，入口香滑柔軟，好濃郁！一口接一

前排想食西餐，發覺有間餐廳氣氛好似幾浪漫🌹餐廳環境比較暗，而且仲有個仿火爐，好似置身於外國咁。-是日餐湯｜蘑菇濃湯🍲我哋叫咗晚市套餐，今日是經典的蘑菇濃湯。入口飲到菌菇的濃郁，而且仲搭配左蒜蓉牛油餐包🍞-凱撒沙律🥗新鮮羅馬生菜脆嫩如剛摘採，好鮮甜！凱撒醬酸度明亮卻不死鹹。-230g 美國平鐵牛扒🥩主廚控制溫度啱啱好！我哋叫咗五成熟，切開後粉紅色的斷面每一塊都好平均，忍唔住一次過切開晒幫佢影張靚相🤣我哋選擇搭配黑胡椒醬黎平衡油脂。-烤雞配阿根廷青醬🐔原來係由三塊雞扒組成，擺盤好靚。肉質嫩到不需用力咀嚼，而青醬提升咗烤雞的味道～

The prime house - 高質美食式扒房今日介紹一間位於灣仔嘅西餐廳，係一間美式扒房，位於高樓層，擁有高樓底、西式建築風格。$388 pp套餐包咗蕃茄湯、凱撒沙律同埋牛油餐包。餐包仲要係自家製嘅百里香蒜蓉牛油餐包，超級鬆軟。230g美國平鐵牛扒足足八安士嘅份量，平鐵牛扒嘅肉質軟腍、肉味濃郁，唔會有太重嘅油脂感，冇咁肥膩，可以媲美牛柳嘅口感。醬汁可以選阿根廷青醬、洋蔥醬或者黑胡椒醬，配菜仲有沙律同埋粗炸薯條。挪威三文魚腩配奶油大蒜醬厚身嘅挪威三文魚腩，魚皮香脆，魚肉幼滑啖啖肉，配上奶油大蒜醬同埋軟綿綿嘅薯蓉。

朋友介紹我黎到灣仔鋸扒，呢到氣氛好好Dinner set都只係$388，包左餐湯、餐包、沙律、飲品我特別中意呢個自家製餐包 ，外脆內軟熟，百里香同蒜蓉嘅香味令人陶醉🥖主菜我揀左美國德州秘製醬豬肋骨 ，豬肉有驚喜，肉質超軟嫩🐷醬汁微酸夠惹味，食多幾條都唔覺得膩！！！另外朋友揀左美國安格斯肉眼扒，五成熟嘅牛扒係完美的✨安格斯牛味好足，配上微辣嘅阿根廷青醬，幾清新～搭配薯條食真係超級滿足！🍖🍟不得不提嘅係呢到服務態度真係好好💯臨走時聽講最近返貨嘅封門柳好靚，睇黎下星期又要再黎了😏佢係

點諗到灣仔一棟不起眼的大廈，有咁好食的牛扒！The Prime House（前身 La Moo Moo’s Steak and Fries）換新logo後有型，昏暗燈光，配復古音樂，氣氛浪漫又chill。見到有啲係熟客，尤其回流香港的朋友同舊同學短聚。一開始真有啲質疑另一半選呢度，但一試即愛上！Set dinner $388，包daily soup、沙律、主菜同任食薯條，牛肉種類多，有 US Prime、紐西蘭安格斯• 蘑菇湯同沙律：蘑菇湯濃郁順滑，奶香暖胃；凱撒沙律爽脆，醬汁酸甜，開胃一流。• 230g US Meyer Natural Prime Angus Flat Iron Steak：店員推介三至四成熟，我哋都食開 medium rare，肉質嫩滑，油脂均衡，原塊上桌，仲有把印住餐廳logo的刀俾你切，型！佢青醬真是超正！！！清新草本香配蒜香微辣，酸味解膩，突出牛肉原味• 封門柳：原塊切薄片上桌，超好食！比 Flat Iron 更出色，肉質軟腍，油花均勻，入口即化，medium rare 熟度啱啱好，係今次心頭好！人人口味唔同，但呢款強推🤡• 任食薯條：無限refil