Kyung Yang Katsu

營業中

休息中

今日專程同朋友黎到呢間由首爾開過黎既超人氣吉列豬扒店Kyung Yang Katsu！！我地閒日6點半左右入座，7點未到鋪頭已經差唔多坐滿～勁高人氣~ 鋪頭既氣氛亦都唔錯，環境舒適，有把檯位置或者Table位可以選擇！我地兩個人就叫左兩份套餐，分別係特級吉列豬扒定食（Premium Pork Loin）同埋 蕃薯芝士吉列豬扒套餐（Sweet Potato & Cheese Katsu）。特級吉列豬扒定食（Premium Pork Loin）既特級豬扒係會係豬扒上面加上豬面肉，豬面肉係一隻豬黎講只會有大約450克至500克既限量部位！！所以係十分珍貴既，加上豬面肉會令特級豬扒食落更加滑～豬扒食落好Juicy，同朋友都好意外既係，無諗到食吉列豬扒係一D油膩既感覺都無！！而且又唔會好乾身，配料方面，會有由wasabi﹑salted shrimps同埋Truffle sale組成既笑哈哈圖案碟組成～醬料方面，都有甜芥末﹑檸檬﹑Tonkatsu Sauce。 我自己就比較鍾意蘸鹽食～蕃薯芝士吉列豬扒套餐（Sweet Potato & Cheese Katsu）亦都好推介。韓國嘢食嘅芝士拉絲都幾出

中環近年開咗間韓式吉列炸豬扒店，今次特登book咗枱嚟試一試，星期一晚都全場full House ❤️▫️ 芝士&吉列豬柳套餐 🐷 $188大家一定要試一試佢哋嘅招牌芝士吉列豬扒！滿滿嘅芝士一咬就如瀑布般流出，強烈嘅拉絲感，芝士味超濃郁🧀，加埋底下香脆嘅炸豬扒簡直食唔停口！▫️ 吉列豬柳&炸蝦套餐 🍤 $188另外吉列豬柳同埋炸蝦，亦都係唔錯嘅選擇！特別係炸蝦超級巨型！肉質仲要係超濃郁鮮蝦味！平時出邊的確少見如此高質嘅炸蝦😋 怕油膩嘅話則可選擇吉列豬柳，油脂分布較少，口感比較健康👍🏻值得一提，佢哋嘅飯、麵及沙律都係無限refill，我自己就最鍾意佢哋嘅湯麵，有鮮味之餘仲有紫菜🤭▫️ 𝐌𝐚𝐧𝐠𝐨 𝐇𝐢𝐠𝐡𝐛𝐚𝐥𝐥 & 𝐆𝐫𝐚𝐩𝐞 𝐇𝐢𝐠𝐡𝐛𝐚𝐥𝐥 🍺 $98除咗炸物出色之外，佢哋嘅highball亦不容錯過！highball配搭新鮮果肉令整體更易入口，最近仲做緊happy hour買一送一真係超級抵飲！💬 好開心喺香港都可以食到咁出色嘅炸豬扒，所有嘢食都十分出色，十分值得大家來試一試！A Korean-style fried pork cutlet restaurant recently ope

之前朋友推介呢間吉列豬扒，由韓國過江，質素都有返咁上下，就約埋男朋友一齊試！特級吉列豬扒定食 $198因為見到呢個係bestseller，諗到費事諗直接就叫呢個啦！同埋佢呢個豬扒好似係比較稀有部位，唔係度度都食到。.豬扒一上到嚟嗰陣我話咗一聲，佢都幾大嚿同幾厚切。同平時出面唔同嘅係佢個粉唔厚，反而係豬扒最多最大大嚿，呢個份量都真係好均真，仲要其實喺上環區食嘢平時都唔平，估唔到佢會咁大件夾抵食。.同埋佢啲豬扒食落，一啲都唔嚡口，反而有少少Juicy嘅感覺。同埋佢哋都配咗黑松露鹽同其他特製醬料，每次點唔同醬料都可以食到唔同味道。.同埋見到佢哋個Menu都有寫到，啲飯同埋麵都可以refill，但平時食得比較多嘅朋友都可以嚟，唔使驚唔夠飽😂吉列豬柳&炸蝦套餐 $188另外仲叫咗個吉列豬柳同埋炸蝦，個吉列豬柳對比吉列豬扒比較瘦，識落有種大大啖肉嘅感覺。

假日同友人係中環整Lunch，今次揀左去韓國過江龍人氣店Kyung Yang Katsu，主打吉列豬扒，當中的芝士吉列豬扒極具人氣，兩個芝士控二人組一於去試下，大約下午1:00食飯時段到達，竟然唔太多人!餐廳裝潢以木系為主調，感覺柔和溫暖，樓底高有空間感，感覺舒適。餐牌，必點芝士系列，同友人點了兩個定食開心Share。奉上凍茶。番薯芝士吉列豬扒，$198。定食附上飯、麵、柚子沙律菜、伴菜及醬料，份量十足，飯上的鵪鶉煎蛋好可愛，醬料有炸豬排醬、甜芥末及檸檬伴食，而鹹蝦、芥末及松露鹽的擺盤係一個笑臉來，好得意呀。芝士吉列豬扒入口酥脆軟嫩，內餡水牛芝士澎湃，又做個招牌動作拉絲~仿如瀑布的芝士，質感柔軟有淡淡的芝士味，好味!番薯芝士吉列豬扒，芝士吉列豬扒上多了一層番薯蓉，賣相好吸引，有點似甜唔品，豐富的番薯蓉口感幼滑，味道香甜濃郁，口感豐富好味，但同時又有點膩。韓式多蜜醬汁芝士吉列豬扒，$188。好大件吉列豬扒，多蜜醬汁芝份量十足蓋過面層，吉列豬扒外脆內軟多肉汁好juicy，相對芝士吉列豬扒口感更實在，伴多蜜醬汁芝士，味道酸甜芝士味淡香，不俗。有coupon送。食物味道不俗，滿足左我地芝士控w

韓國過江龍炸豬扒店Kyung Yang Katsu開左接近一年到而家依然人氣不減‼️位於中環蘇豪區，旺中帶靜，由中環街市一路搭扶手電梯上黎大約10分鐘路程，晚飯時間人潮不斷，人氣勁高🤩▪️特級吉列豬扒定食 $198吉列豬扒外層酥脆，一咬落去聽丁喀滋喀滋嘅聲音，入面嘅豬扒用上豬面肉，軟嫩多汁，豬扒唔會炸到乾晒但又唔會食到油膩口感。另配甜芥末、檸檬汁、豬扒醬、wasabi同鹽漬櫻花蝦，可按個人口味配搭豬扒食。個人喜歡蘸豬扒醬食，甜甜酸酸▪️芝士&吉列豬柳套餐 $198我主要係俾佢地嘅芝士吉列豬扒吸引左黎😆超長芝士拉絲好有彈性，豬扒肉中間夾住芝士，口感豐富滋味，就算唔蘸調味都好正！套餐包左飯、麵同沙律，可以免費refill😋

呢間韓式豬扒上年開業嘅時候已經覺得好吸引，主打芝士吉列豬扒，今日終於嚟試吓，位於SOHO伊利近街，出咗地鐵站之後可以沿住電梯上嚟～今日叫咗兩個套餐試吓，佢哋每個套餐都包飯、麵同埋沙律🥗仲可以無限refill，醬料有豬扒醬同埋芝麻醬，另外仲配埋黑松露鹽、鹹蝦、wasabi同埋檸檬🍋🐷芝士吉列豬扒定食 $188呢個係佢哋最signature嘅芝士豬扒，流心芝士超級拉絲，可以拉到好高，豬扒炸得超級香脆，配埋芝士一齊食真係好邪惡🧀🍤吉列豬柳&炸蝦套餐 $188另外一個套餐就叫咗吉列豬柳，豬柳嘅肉好厚，食落口感軟腍，肉汁好多，一啲都唔鞋兩隻吉列炸蝦超級大隻多肉，炸得香脆，蝦味濃郁🦐

日式吉列豬扒就食得多. 韓式吉列豬扒就真係第一次食今日就嚟到位於蘇豪區嘅Kyung Yang Katsu. 係一間以韓國新鮮豬肉製造嘅韓國炸豬扒專門店😍喺韓國大約有80間分店營業中香港分店亦有韓國師傅親自駐場製作使用韓國新鮮豬肉製成嘅香脆多汁炸豬扒🐷特級吉列豬扒定食特級豬扒係豬扒加上豬面肉. 每隻豬只有450-500克嘅稀有部位中咬落去充滿肉汁. 而且肉質鬆軟配上黑松露鹽、芥末、蝦醬、刀魚醬可以先點下松露鹽. 試吓豬肉本身嘅滋味蝦醬同刀魚醬係製作韓國泡菜嘅材料. 同豬肉嘅味道好夾食食吓覺得有啲膩嘅時候. 可以用青芥末去解膩🐷芝士&吉列豬扒套餐芝士吉列豬扒係水牛芝士包裹着豬肉嘅炸物拉絲嘅芝士真係相當邪惡. 外皮鬆脆爽口. 唔會油膩吉列豬扒肥瘦得宜. 肉質比特級豬扒結實每個定食都會配飯、麵、沙律同前菜米飯上面會配上飯素同埋可愛嘅鵪鶉煎蛋麵嘅味道亦都唔錯. 而且重可以refill!! 一定食得飽

餐廳樓底高好有空間感, 有吧枱位同一般餐枱位, 枱與枱之間距離比較接近。𓆹 芝士吉列豬扒定食 $𝟷𝟾𝟾𓆹 吉列豬柳 & 炸蝦套餐 $𝟷𝟾𝟾定食配有白飯, 麵, 沙律同2款漬物前菜, 白飯, 麵同沙律都可以 refill。芝士吉列豬扒上面嘅芝士半溶, 豬扒幾鬆軟, 食落唔會覺得漏。豬柳粉嫩嫩, 肉質結實但軟腍, 上面有少少黑椒點綴。炸蝦外層好酥脆, 裡面蝦肉厚身而且彈牙。每款定食配有幾款調味料, 包括甜醬汁, 蜜糖芥末醬, Wasabi, 檸檬, 鹽同漬物蝦仔, 可以自行調配鐘意嘅口味。

6️⃣芝士&吉列豬柳套餐 $1989️⃣芝士&吉列豬扒套餐 $198餐廳選用背脊既大里肌肉，豬扒肉質軟腍，本身調味唔係好濃，所以食得出豬扒本身嘅味道٩(ᐛ)و 另外流心芝士version更增加咗濃郁芝士嘅風味同口感，又唔會覺得膩；而豬柳肉質有少少半熟感，更加軟腍，豬扒同豬柳裹滿麵包糠炸到香脆金黃，非常之酥脆香口♡´･ᴗ･`♡ 餐廳仲有提供檸檬、豬扒醬、芥末籽醬，客人可以根據自己口味配搭🤤個人最鍾意芥末籽醬♡每個套餐都配有椰菜沙律、白飯配鵪鶉蛋蛋、麵線，唔夠仲可以refill (●’◡’●)ﾉ椰菜沙律配上柚子醋酸酸甜甜好開胃；麵線係類似上海麵，個湯清清淡淡；白飯用咗韓國米，口感煙靭

每次經過伊利近街都有留意呢間韓國過江龍豬扒店，因為佢嘅古銅色金屬大門和柔和燈光，從窗口望入去有dd似韓劇男女主角食飯嘅溫馨場景。不過個人感覺芝士配吉列類食物較為熱氣同肥膩所以一直無幫襯過。最近睇其他人介紹佢哋嘅新品有蕃薯喎，好似幾得意咁、最終膽粗粗去探店！較有印象係店員詳細介紹各種食材、配菜和醬料的特色Sweet Potato & Cheese Katsu番薯芝士吉列豬扒-> 如果要一次啪曬6件吉列芝士豬扒自問食唔到，但唔知點解其中3件換咗蕃薯即刻覺得無咁滯！或者咁講，啲蕃薯蓉似係加咗忌廉幾甜幾滑、有啲似食甜品嘅感覺，整體印象分就拉高咗。蕃薯面有輕炙過同豬扒味道算夾到，最重要係豬扒調味唔太鹹、肉片比較薄身所以入口唔太肥膩而口感都弱咗，炸衣係crispy果種，芝士拉絲效果好出，明顯適合用嚟打卡。個餐配有傳統韓式炸豬扒醬、檸檬片、黃芥末，另有好cute嘅笑臉調味料，如山葵、松露鹽和韓式鹹蝦，可以逐用嚟點豬扒食試下不同風味。白飯面放咗隻迷你煎鵪鶉蛋好鬼cute，我忍唔住要扒多兩啖飯！仲有清淡的素麵和沙律配柚子汁、白kimchi和辣韭菜，沙律米飯可以添食、整體份量豐富到男士都唔會唔飽

✨番薯吉列炸豬扒🐷✨購自: Kyung Yang Katsu (中環蘇豪伊利近街59號地舖)價錢:$198推薦度:8/10-番薯吉列炸豬扒set裏面有各3件番薯吉列炸豬扒同芝士炸豬扒🐷配上米飯🍚蕎麥麵🍜沙律菜🥗同伴菜-炸豬扒外脆內軟 肉質鮮嫩 唔會炸得油膩🌟上面嘅番薯蓉香甜幼滑同鹹香十足嘅芝士 鹹甜交替 味道幾夾👍🏻 半融嘅流心芝士仲可以拉絲🧀 可以點埋韓式炸豬扒醬同埋蝦醬 更有另一番風味‼️-米飯上面有1隻鵪鶉蛋🍳 仲有蕎麥麵🍜 2款韓式前菜 同柚子汁沙律🥗 酸酸甜甜好開胃🤤全部細細份可以refill‼️

小編同另一半放工之後去咗中環嗰度食好嘢，今次就嚟到一間韓國炸豬扒嘅專門店，食咗吉列豬扒炸蝦定食和芝士吉列豬柳定食。首先是吉列豬扒炸蝦定食，厚切豬扒經過調味後炸至金黃色，保持左豬肉的嫩滑口感，增加了口感的層次感，炸蝦外皮酥脆，內裡鮮嫩多汁，定食仲包左白飯、生菜絲、冷麵，醃菜，可以比你一次品嚐到各種不同的美味。另一個係芝士吉列豬柳定食，豬柳經過特殊的處理後，外層酥脆，內裡鮮嫩多汁。豬柳包住流心芝士，芝士融化在豬柳上，相當邪惡，可以係你在享受豬柳的口感同時，仲可以品嚐到芝士嘅 味道👅

-Kyung Yang Katsu🍽️-蕃薯芝士吉列豬扒 $198呢度主打係吉列豬扒但就有唔既部位或者款式揀😍蕃薯芝士呢個係岩岩出本身諗緊蕃薯🍠咁甜芝士又咸會唔會好怪但呢個值得一試個味道好有層次！招牌吉列豬扒唔洗講係超好味脆卜卜肉質勁嫩又juicy😋推介大家都沾佢特式醬汁Sweet Mustad👍另外佢既飯/沙律/麵係可以refill😍個紫菜麵勁好味🥹-特級吉列豬扒定食 $198店員都介紹第一次可以食Premium個肉質會比豬柳有咬口😋下次都會想試埋豬柳太好味了🤣-🌟評分:🏅🏅🏅🏅🏅📍地址: 中環蘇豪伊利近街59號地舖-#foodieluveat#foodisluveat_hk#foodieluveat_中環#foodieluveat_韓國菜#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西 #韓國過江龍 #韓國菜 #韓國炸豬扒 #韓國吉列豬排 #中環 #中環蘇豪 #

大半年前首爾超人氣輕洋豬扒店Kyung Yang Katsu 登陸香港，一直都有興趣想試下。上星期終於約到朋友一齊去食。餐廳位於中環蘇豪伊利近街，沿住扶手電梯就可以上到嚟。餐廳嘅舖面係一間白色小店。店內裝潢既米黃色主調、木系家具、米黃色Bar 檯，感覺有點溫暖。今次我就試咗呢款「芝士&吉列豬扒套餐」，採用豬背脊既大里肌肉，有配左流心芝士同無芝士版本。吉列豬扒炸得香脆，但感覺唔算油膩熱氣。豬扒食落腍身，有點肉汁👍🏻。芝士版本就係加咗水牛芝士，芝士香味同juciy豬扒味道好相襯。隨套餐會附上唔同嘅醬料例如：黑松露鹽、芥末、蝦醬、刀魚醬、酸梅醬。我就最鍾意配豬扒醬，食落酸酸甜甜，幾開胃🤤。朋友就點左呢一款新推出嘅「番薯芝士吉列豬扒」。喺芝士吉列豬扒上啜上番薯蓉，番薯食落甜甜地，口感好軟糯，意外地味道同口感都幾夾。除咗主菜嘅吉列豬扒，每個套餐都有附有飯、麵、沙律同伴菜。飯同麵份量都唔算多，不過飯都煙靭。麵係湯麵，個湯味道都幾溫和。唔夠食嘅仲可以再添。伴菜唔會太過咸，做嚟當前菜或者配飯食都唔錯😌。最後就當然要介紹埋飲品啦。我哋就揀咗兩款梳打飲品。入面真係用返芒果🥭同大大粒青提子，再加埋梳打同埋果

It's a renowned Tonkatsu restaurant in Korea, but being conveniently located near my office at central, I find myself visiting frequently. They offer unlimited rice and noodles, and every dish is incredibly flavorful. The portions are generous to the point where I often have leftovers, which feels slightly regrettable. The service is excellent, and as a Korean, it's a Korean restaurant in Hong Kong that fills me with pride.這是一家在韓國也非常有名的豬排餐廳，但由於它離我辦公室很近，我經常去那裡吃飯。他們提供無限量的米飯和麵條，所有的菜品都非常美味。份量非常大，所以我