Kyung Yang Katsu

營業中

休息中

終於有機會可以品嚐到中環呢間韓式炸豬扒店 KYUNG YANG KATSU（輕洋豬扒），呢次一口氣食咗佢哋兩款嘅人氣套餐 - 特級吉列豬扒定食和芝士&吉列豬柳套餐。💥 特級吉列豬扒定食這道特級吉列豬扒定食採用了來自韓國中部的優質豬肉，而且仲加入較珍貴嘅豬面肉。外層炸至金黃酥脆，切開後可見豬肉內裡粉嫩多汁，肉質鮮嫩可口。🧀 芝士&吉列豬柳套餐另一款芝士&吉列豬柳套餐同樣令人驚喜。豬柳部位較少油脂，但仍保持柔軟多汁的口感。廚師將豬柳包裹上水牛芝士後油炸，切開後流出濃郁的芝士拉絲，與軟嫩多汁的豬肉形成絕妙搭配。套餐附有多款自家製醬料，如松露鹽、豬扒醬、芥末等，為整體口味增添層次。套餐仲有柚子醋沙律、飯和冷麵，可以無限量添加，讓人吃得飽足又健康。🍽️ 用心呈現的韓式風味KYUNG YANG KATSU的用心可見一斑。從食材到醬料,無一不是由韓國直送或自家製作。店內裝潢簡約清新,營造出舒適的用餐氛圍。服務人員也十分親切周到。

早排知道呢間人氣韓國過江龍嚟咗中環插旗🚩就一直都好想嚟試啦😍店員都有同我哋講呢度最出名就係拉絲芝士，可以拉到好高添架！所以一上菜佢就叫我地準備好手機，唔洗咩技巧輕輕一拉就可以拉到好高，非常igable🤩我嗌咗最經典既芝士吉列豬扒，朋友就嗌咗芝士&吉列豬柳套餐。本身諗住會好油膩，但點知食落口一啲都唔油，炸得好乾脆，豬柳仲啖啖肉好好食添！值得一提既係佢個餐除咗有碗冷麵，仲有白飯任添，男仔嚟食都一定夠飽👍🏻

[ Kyung Yang Katsu ]呢間韓式芝士炸豬扒🇰🇷🔥🧀🐷餐廳係韓國首爾有幾十間分店😳，最近發現原來香港中環有海外分店，由食材到廚師都係來自韓國！香港店有近十款吉列豬扒定食🍱，豬扒可以選擇有芝士或無芝士。定食嘅飯、冷麵或沙律更可以免費🆓任添。定食有兩款韓式前菜、幾款醬料配吉列豬扒，例如有酸甜嘅日式豬扒醬、黑松露鹽、帶酸嘅蝦醬等。 ✿ 芝士吉列豬扒定食 $188餐廳招牌人氣款式！廚師將韓國產豬肉🇰🇷🐷包住水牛芝士🧀再油炸🔥，豬扒外層香脆，切開豬扒內裡粉嫩多肉汁，熱辣辣嘅芝士有流心拉絲效果，邪惡又打卡🤣。✿ 吉列豬柳&炸蝦套餐 $188呢款定食嘅吉列豬柳無芝士，無咁油膩，豬肉同樣外層香脆內裡粉嫩。而且可以一次過試到兩款炸物，炸蝦🔥🍤肉質彈牙結實。總結🫦 餐廳裝潢簡潔清新，吉列豬扒加埋拉絲芝士真係好邪惡🙈，係中環地段嚟講定食價錢可以接受👍。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Kyung Yang Katsu地址：中環伊利近街59號地舖✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

南韓首爾超人氣炸豬排店輕洋豬扒來到香港已經一年，人氣依然旺盛，主打各式炸豬扒，最受歡迎係超拉絲芝士吉列豬扒及番薯吉列豬扒!!🔥- 芝士&吉列豬柳套餐 HK$198 🧀🐷🧀香脆鬆軟炸豬扒!!芝士吉列豬外皮炸得香脆不油膩，肉質非常鬆軟有微微肉汁，再包裹住香氣超濃郁水牛芝士，咸香得黎微微煙韌，非常韓式芝士風味!!🐷吉列豬柳同樣出色，雖然非常有厚度，但肉質非常嫩滑有肉汁，完全冇豬臭味，處理得非常好!!🍯醬汁都有好多款可以不繼轉口味，酸甜韓式炸豬扒醬、提鮮芥末、鹹蝦、松露鹽、甜芥末及檸檬。最推薦豬扒醬，可為豬扒添加酸甜風味更開胃!!🥗套餐包含可任食沙律、飯及麵。沙律椰菜絲加入柚子汁非常解膩。素麵加入紫菜有微微鮮味。

最近👧🏻同同事收工後就去咗中環蘇豪區搵食，見到有韓國過江龍🇰🇷炸豬排店🥩，原來喺韓國有超過80家分店，仲要有超吸引嘅芝士豬排🥰，緊係要試下！🌟特級吉列豬扒定食每個套餐都有柚子汁椰菜絲🥬、冷麵同煎鵪鶉蛋飯，椰菜仲可以Refill，有唔少澱粉質填肚之外仲要都幾好味，冷麵夠曬清爽。小食就有醃韭菜、醋醃黃芽白。入返正題講下呢個特級吉列豬扒定食，係用咗豬排加豬面肉，質感上係滑嫩唔鞋口，厚度適中幾有咬口。邊位有少量脂肪，滿滿油香加曬分👍🏻。吉列炸衣幾薄身，再點埋炸豬排醬/松露鹽/韓式蝦醬/芥末/芥末籽醬，都係相當匹配！🌟番薯芝士吉列豬扒一客六件嘅芝士吉列豬扒，其中三件面層再吱上香甜番薯蓉🍠，絕對係邪惡之選😈！豬肉先槌到薄身，再包裹著水牛芝士🧀，味道唔需要討論就知道係好味！芝士豬排會相對滯膩，建議大家Share食！

我以為中環區食野會好貴，但原來呢度好抵食，豬扒都唔錯芝士及吉列豬柳套餐豬柳的脂肪比例算小，不過食起來肉味香濃，吉列豬柳酥脆，芝士真係可以做到長長的拉絲效果，唔少人都會叫呢個餐。吉列豬扒及炸蝦套餐好似我甘唔想全部都係肉肉，其實叫隻虎蝦都唔錯，有魚有肉都唔錯。虎蝦大隻鮮甜，炸完都唔會話太老，爽口的，豬扒脂肪比例多少少，但不會到好肥膩。擺盤很有趣，是個哈哈笑，醬料有黑松露鹽，芥末同埋鹽漬櫻花蝦。仲有韓國冷麵，鵪鶉蛋飯，柚子汁沙律，韓式前菜。白飯，麵食，沙律可以免費refill。

下班後登上蘇豪半山試試上年進駐香港的韓國超人氣炸豬扒店來自首爾，擁八十間分店，開業後即成為人氣品牌走輕洋食風，主打韓式新派炸豬扒，提供多款口味及不同部位的套餐以招牌瀑布芝士流心吉列韓國產豬肉豬扒聞名韓式多蜜醬汁芝士吉列豬扒鋪滿半溶芝士，豬扒鬆軟吉列豬扒&炸蝦套餐的炸皮炸得鬆脆，口感一流附上多款調味料 ，芥末、韓國蝦醬、松露鹽、刀魚醬、檸檬角、輕洋豬扒醬、泡菜等三款小食：椰菜絲沙律、細太陽蛋飯及冷麵精緻解膩

過江龍韓式炸豬扒 最吸引嘅就係有半溶芝士🧀 真係夠晒邪惡😍 仲有多款部位組合可以選擇🫶🏼 定食配前菜、飯、麵及沙律，真係幾豐富 食完真係好飽😌 飯、麵、沙律仲可以任加😆😆🌟韓式多蜜醬汁芝士吉列豬扒 $188: 手掌咁大嘅吉列豬扒✋🏻 醬汁用咗甜蜜醬 仲芝士係表面灸燒🧀 超級無敵邪惡🤤 🌟芝士&吉列豬柳套餐: 吉列豬排中間加咗芝士 超級溶🧀 吉列豬柳肉質比較軟嫩🥹 可以配不同調味粉食!!#KyungYangKatsu#吉列豬扒#芝士#香港探店#香港美食#中環美食

呢間係中環 近SOHO區嘅韓國過江龍人氣炸芝士豬扒 我都係專登山長水遠嚟食佢嘅芝士豬扒，但係食落估唔到其他嘢都有驚喜！我哋兩個人每人叫咗一個餐，分別係芝士豬扒+炸蝦同埋特選吉列豬扒。特選吉列豬扒比較特別 每一份除左豬扒仲有豬面肉 質地會比較腍冇咁嚡口，而且有少少油脂 食落就比較香口。另外芝士豬扒拼炸蝦🍤 芝士豬扒中間嘅芝士好香 雖然冇話好拉絲 但係連埋豬扒一齊食都好夾，炸蝦超級有驚喜 好彈牙爽口，肉質一啲都唔梅 推介！雖然全部都係炸嘢，但係都唔會好油膩，炸粉漿做得唔錯👍🏻每一份都有無限refill嘅飯同埋韓式冷麵 另外仲有份超清新嘅柚子沙律 配炸嘢食100分

Kyung Yang Katsu係韓國過江龍炸豬扒店，係韓國有八十間分店，香港分店就位於大館附近，最出名就係邪惡芝士吉列豬扒😍😍😍<芝士&吉列豬柳套餐> $198<番薯芝士吉列豬扒> $198 芝士吉列豬扒外皮炸到金黃酥脆，內餡就軟嫩，有淡淡水牛芝士，好邪惡但好味，食落唔算油膩!👍👍👍建議上菜後唔好打太耐卡，芝士凍左就無咁好食🤣番薯芝士吉列豬扒就係芝士吉列豬扒上加多層番薯蓉番薯蓉甜甜的，口感軟糯，同芝士豬扒幾夾👍👍吉列豬柳對比吉列豬扒就比較瘦同乾身，個人中意豬扒多d除左主角豬扒，每個定食附上飯、冷麵、柚子沙律菜、小伴菜和醬料，份量十足，仲可以無限添飯、麵同沙律菜飯上嘅鵪鶉煎蛋同笑臉擺盤嘅醬料都好可愛☺️☺️☺️我都幾中意個冷麵，好清新，可以解膩配搭嘅醬料有足足6款；炸豬排醬、甜芥末、檸檬、芥末、wasabi、松露鹽同鹹蝦醬，可以試下唔同嘅調味👍👍👍個人最鍾意松露鹽，簡簡單單襯托芝士豬扒😆

位於中環伊利近街，來自韓國品牌的炸豬扒店，於2018年首爾初開幕，現時在韓國有八十鋪正營運當中！絕對係大勢！店內以韓國店長主理，採用開放式廚房，品質衛生有保證。有卡位同吧枱選擇。套餐附有三款主食，包括：白飯，冷麵，柚子汁椰菜絲。有碳水又有菜，滿足晒所有願望！仲有多款配料醬汁配搭，包括：韓式豬扒醬、蜜糖芥茉，檸檬，笑臉係由wasabi，醃製過嘅小蝦 ，鹽花組成。大家可以根據個人喜好，配搭唔同嘅醬料，帶出豬扒嘅不同風味！芝士，炸蝦套餐 ＄188流心芝士豬扒，拉絲效果一流，每咬一啖都有濃厚嘅芝士味。炸蝦🍤分量十足，充滿鮮味！特級豬扒定食（$198）以罕有的豬面肉製成的豬扒，肥瘦均勻，外層薄薄的炸衣，香脆可口，肉汁鮮嫩juicy。

今次呢到呢間韓國過江龍人氣Kyung Yang Katsu😗😗呢間吉列豬扒店係韓國都有數十間分店～而家唔洗飛去韓國都食到咁好食既吉列豬扒😻😻豬扒套餐主要分左有芝士同冇芝士嘅版本、或者可以拼炸蝦或者豬柳🥹定食一般都配左面條同埋飯，仲有各種小菜同埋醬汁😙😙芝士&吉列豬柳套餐 $198芝士相當澎湃🥹🥹🥹帶來豐富嘅口感😻😻豬扒經過吉列烤或炸金黃酥脆😆😆仲保持列豬肉嫩滑嘅口感。融化左既芝士有超香濃嘅奶香味😍😍每一啖都可以品嚐到豬柳肉汁同芝士嘅濃郁😗太邪惡啦😝😝韓式多蜜醬汁芝士吉列豬扒 $188我地仲叫左呢個韓式多蜜醬汁芝士吉列豬扒😙😙豬扒都經過烤炸，所以十分香脆😝😝再係上面淋上韓式多蜜醬汁，同鋪上一層融化左既芝士，一夾起就可以見到瘋狂既拉絲效果🤤🤤真係一個令人垂涎欲滴嘅組合，豬扒仲要大過成塊面😳😳食完真係飽到透唔到氣😜😜

韓國過江龍炸豬扒店 Kyung Yang Katsu位於中環蘇豪區。今日早咗收工趕過嚟，好好彩成功入座!遲多15分鐘，已經要排隊啦，人氣冇減過~佢哋豬扒都係由韓國盛產~除咗豬扒係主角，其他醬汁都係靈魂，多達6種:芥末籽醬少少刺鼻，令到豬扒微辣卻香甜檸檬🍋清新，減少油膩感松露鹽簡單的調味，最能食到豬扒的原汁原味Wasabi最後食到有啲膩，可以試下點，有驚喜～鹽漬櫻花蝦個人覺得偏咸，朋友就覺得似本地蝦醬嘅味道，幾新奇蜜糖豬扒醬男女老幼都喜歡，比普通的豬扒醬再甜d🐖特級吉列豬扒定食 吉列豬扒外層酥脆，大過我隻手掌。入面嘅豬扒加入咗豬面肉，好矜貴，因為每隻豬只有兩塊豬肉。油花分布均衡，而且入口特別軟嫩，比一般豬扒冇咁韌同會juicy啲，”特級”嘅質素。芝士&吉列豬柳套餐豬扒內的芝士做到最強的拉絲效果，有流心的口感，外層酥脆、鬆化，一口咬下，整口滿足！吉列豬柳粉紅色，豬味濃啲，肉中無筋。每個set仲包括迷你版的飯和麵，唔好睇佢細細碗，食完好飽肚~

Kyung Yang Katsu (中環)星期六中午時間去到Kyung Yang Katsu 意外地人不太多餐廳座位多但闊落亦因為人不多相對寧靜是個用餐舒服的餐廳價錢略貴但每份都非常足料男士也絕對夠飽！另外沙律，麵及飯是無限添食韓式多蜜醬汁吉列豬扒 $178-吉列豬扒差不多兩隻手掌般大 韓式多蜜醬汁甜甜酸酸 加上鋪在面層的拉絲芝士 做到開胃作用又不會太膩 另有沙律菜，醃菜，麵，飯，鵪鶉蛋番薯芝士吉列豬扒 $198-芝士及番薯吉列豬扒各3件 吉列豬扒外脆內嫩 芝士當然同樣做到拉絲 而吉列豬扒上面加上番薯就較少見 感覺似食甜品 附有豬扒醬汁，檸檬，甜芥末，鹹蝦，松露鹽，Wasabi調味料給客人轉換不同口味 另再有沙律菜，醃菜，麵，飯，鵪鶉蛋Kyung Yang Katsu (中環)中環蘇豪伊利近街59號地舖

酥脆嘅炸豬扒🍖同埋拉絲嘅芝士🧀對我嚟講都有一種不能抗拒嘅魅力🤤喺韓國有八十間分店嘅「Kyung Yang Katsu」炸豬扒專門店嚟咗香港，點樣唔可以去朝聖一下呢？餐廳位於中環蘇豪段扶手梯附近，地點方便。店內樓底夠高又開揚，色調柔和而且不停播放住K-pop，感覺好似置身首爾🇰🇷眾多套餐之中，我試咗「芝士&炸蝦套餐」$188及「芝士&吉列豬扒套餐」$198。套餐入面嘅豬扒由韓國出產，炸得表面鬆脆，唔油膩，肉質扎實又帶有豬肉嘅鮮味，外皮就算食到尾都唔會變腍。內裡有爆餡半融芝士流心，一咬仲有拉絲效果，就係呢個口感同味道，讓人垂涎欲滴！炸物除咗可蘸原味醬汁外，還可試試加鮮檸檬汁、蜜糖芥末、wasabi 、松露鹽同好特別嘅韓國蝦醬，鹹鹹香香，鮮味提升不少！（芥辣、鹽同蝦醬係放置成smiley face，好有心思🙂）炸蝦套餐有兩大隻吉列蝦，薄薄嘅炸粉包住大蝦，蝦肉彈牙鮮味；吉列豬扒套餐嘅豬扒肉質嫩滑，酥脆香口，令人食唔停口。套餐仲包括可愛嘅鵪鶉蛋調味飯、韓國紫菜冷麵、柚子汁椰菜絲沙律及兩款泡菜，份量驚人，男仔都會食到攬住個肚走！我仲叫一杯係士多啤梨梳打🍓$48及青提子梳打💚$48，兩杯飲品都用上新