KURI Cafe

營業中

休息中

母親節搵食嚟到呢間寵物友善餐廳，嚟嘅時候因為之前嗰枱自己遲咗所以要等多五到十分鐘，咁我冇所謂嘅，喺外邊等嘅時候職員都好細心拎幾杯茶畀我哋飲住等呢方面唔係間間都做到。嘢食方面ok啦，因為屋企人唔太肚餓，所以淨係叫咗一個韓式辣醬蟹肉意粉一個帶子千島醬pizza同兩件蛋糕，最緊要有我鍾意嘅薄荷朱古力巴斯克，不過如果薄荷味重啲仲好，因為叫得呢件蛋糕嘅都唔怕牙膏味😂都有好多人帶狗狗嚟，都睇得出員工都好鍾意小動物，大愛

今日食早餐試咗呢一間寵物友善餐廳，味道唔錯。韓式牛肉配酸種多士，其實可以揀牛角包嘅不過好似酸種多士特別啲，所以就揀酸種多士。韓式牛肉少少辣，唔韌，多士上面嘅生菜同埋蕃茄都好新鮮，旁邊嘅沙律盆菜亦都係新鮮爽口。另一份早餐就揀咗香煎大蝦牛油果酸種多士，雖然叫大蝦但係其實啲蝦又唔係好大隻嘅，蝦嘅肉質幾爽口，牛油果只係搽咗薄薄一層，味道都ok嘅，配菜韓式牛肉酸種多士一樣都係好新鮮。因為孤寒所以冇加錢飲咖啡，呢度揀茉莉花茶或者伯爵茶就唔使加錢。整體味道唔錯，環境都幾舒適。

Pizza好味,意粉及南瓜飯正常。甜品都可以。炸蠔炸得金黃色好靚,但食落係蠔BB冇肉的~出去櫃檯埋單,冇扣openrice9折優惠但已簽咭,同女店員(冇著制服女子)講返,佢以為叫2人餐但我哋係散叫的,佢咪話退返cash比我,可以呀~但態度可唔可以好啲呀？拍啲錢喺櫃檯！唔該/多謝都冇聲。之前都未試過咁呀,其他店員都比較友善囉。

食物裏便係凍嘅，服務員仲攞支溫度計插落個鵝肝裏面話係35度，極度冇禮貌，鵝肝凍龍蝦湯湯都係唔熱，勁難食，仲聽到隔籬枱話隻燒雞裏面都係凍嘅😤😤真係貼錢買難受🥲🥲

食物質素好好，食過好多cafe，好多間環境都OK但係嘢食唔係好好味，呢間真係有驚喜又可以帶狗狗入去食，而且啲嘢食好好味，嗰個漢堡扒好大嚿好香配埋芝士一流，甜品都一流！整體叫咗四樣嘢 樣樣都ok，野飲都係。同埋餐牌係好多嘢食，價錢真心唔貴，比起其他Cafe，而且更重要嘅係可以帶毛孩入去。而且餐牌仲有狗狗野食可以叫俾佢地食，而且餐廳光猛裝修好溫暖，仲有啲打卡位可以同埋狗狗一齊影相，但staff就唔係好熱情😆冇乜表情嘅。但都推介如果帶埋狗狗黎食係好開心，希望keep住喺度。

用餐体驗良好的一次經驗！希望老闆俾心機继续keep住保持水准啊！值得表扬！本周六下午茶时段二人光顾 真心推荐 高品质食物水准 值得回顾 食物味道好吃高质 价格合理 （不是廉价） 我们点了一份带子沙拉 一份明太子忌廉蟹肉意粉 连两杯热茶 賣單一共172 食物分量足够 味道好好！地方也算干净整洁 座位都夠舒適 不會太逼夾！希望老闆保持水准尽量不要涨价啊！可以带宠物来吃 餐厅通风OK無異味 冷气不会太大 一切都舒适 实属沧海遗珠的优质餐厅

放假梗係要出街食好嘢，KURI cafe其實想試好耐架啦！不過太多地方想去，本人既假期太小，所以等到而家先去到，食過2次，上次係食早餐，今次同媽媽就食午餐，食物質素都幾好，杯咖啡堅正，個甜甜圈咖啡係有奶蓋係上面，好特別好好飲，牛角飽好香脆好好食，沙律菜非常新鮮，腸仔就正常啦，唔係好平果d麵粉腸，係真係肉果種，個明太子意粉就略嫌明太子小左d，媽媽話唔夠多無甘香喎，如果多d就正啦！！今次試佢跟餐既茉莉花茶同伯爵茶，正常茶包無特別，下次都係要飲咖啡，真係好正😋😋

呢間係以剌猬作主題的pet friendly 餐廳🦔呢間野食質素唔錯，價錢仲非常抵👍🏻娘娘同兵仔住係大埔都經常幫襯！💂🏻‍♀️《香草蕃茄燴青口配多士》$68呢個份量的青口只係$68，係出面真係好少食到，每粒青口都好大隻好新鮮，配上清新解膩的蕃茄香草醬🥫非常開胃！多士焗得好脆，沾上蕃茄醬食好正！評分: 89/100💂🏻‍♀️《意式辣肉腸黑水欖手工薄餅》$118呢個係十寸大的手工薄餅，另外仲有幾款口味選擇，今次試呢個意式辣肉腸，每塊都鋪滿辣肉腸及芝士！🍕焗到好熱上碟，做到拉絲效果，味道唔錯！評分: 87/100💂🏻‍♀️《明太子忌廉蟹肉扁意粉》$78要再次強調呢間食物的cp值好高，$78可以食到明太子意粉🍝仲要做到好creamy每條都掛汁，蟹肉都一啲唔吝嗇，份量好足夠🥰調味都調得好好。評分: 85/100💂🏻‍♀️《KURI牛肉漢堡配橙油醋沙律伴薯條》$108呢個burger都不能睇少，佢係雙層漢堡嚟🍔個包皮焗到好香脆，又有牛油的香甜甜地！2塊漢堡煎得好juicy，一咬啲肉汁已經滴哂出嚟！用橙油醋整個沙律🥗好fresh好解膩！個薯條作小食都好出色。評分: 90/100💂🏻‍♀️《椰子咖啡》$35個拉

今日放假，碌左去大埔搵食，之前經過大元街市都已經好想來依間Kuri Cafe，但次次都見好多人，所以今日一早過去，想食個休閒早餐🍳早餐選擇唔算好多，但cafe來講都好足夠；早餐本身配左杯茶，但有需要可以額外加其他野飲最後我叫左一份煙三文魚碎蛋酸種多士配熱Latte，多士略顯乾左少少，但份量好足！碎蛋沙律唔算好濃味，我自己口味清淡D，所以覺得剛剛好！仲要杯Latte拉花靚到呢😻唔係普通心心，係玫瑰啊🌹真係好意外🫶🏻另外舖頭係寵物友善，會見到好多主人帶狗狗來食野，又係另一個風景線🫰🏻推薦住大埔又有養寵物既朋友仔來，同寵物一齊撐台腳！

朋友住在大埔，相約在KURI Cafe，這間寵物友善的餐廳吃晚餐。這餐廳的主題吉祥物為刺蝟，相當可愛。餐廳的感覺溫暖而舒適。菜式的價錢也頗為親民，筆者和朋友共點了一份前菜、兩份主食、兩杯咖啡，人均消費約$140。。當晚，有食客帶同乖巧的毛小孩來用餐，場面頗為有趣。📌前菜：蒜香牛柳粒 - $58Fried Garlic Beef Cubes筆者白天在繁忙的工作中渡過。下班時，肚子餓得咕咕作響。吃一件香口的牛柳粒，一樂也。牛柳粒與蒜粒同炒，香氣十分濃郁。牛柳粒不會炒得過熟，肉質鬆化。。📌黑松露海鮮意大利飯 - $78Mixed Seafood with Truffle Risotto意大利飯上桌時熱得燙口，晚餐吃至尾段，Risotto仍能保持微暖的狀態，頗為厲害。。黑松露忌廉汁味道濃厚，配料則有青口、蝦仁及原粒帶子。意大利飯熟度適中，而且採用了短粒米 （short-grain rice），口感更為軟糯。這款Risotto份量充足，男士也夠飽。。這款主食還會包一杯指定熱茶，也可以加錢升級至其他飲品。。📌Kuri Peri Peri 非洲雞 （辣）- $138(Kuri Peri Peri C

前兩日難得過來大埔，我就去試咗以刺猬為主題嘅寵物友善KURI cafe，佢哋嘅咖啡有刺猬拉花🌼咖～😍😍我哋點咗幾個小食share，同埋必點嘅☕😍～❤ KURI炸物拼盤好啱選擇困難症嘅大家😂呢個拼盤有齊炸蝦、洋蔥圈、薯條、雞翼、甜薯，好適合一班朋友開心share，每件炸物都係我至愛🥰格陵蘭比目魚配合芥末籽忌廉汁一齊食好惹味BBQ豬仔骨伴薯條我覺得佢嘅豬仔骨做到好入味，又唔會烤到太乾，比P字頭餐廳好食～🤭吉列炸蠔我極力推薦～佢炸得好酥脆，好juicy😍 明太子忌廉蟹肉扁意粉蟹肉份量好多，真係做到啖啖肉，醬汁做到點晴效果，夾埋一齊好好味為咗佢個拉花，我同朋友都叫咗咖啡☕，我果杯係焦糖咖啡，朋友果杯係榛子，大家都好滿意～🥰🥰作為一間寵物友善cafe，可以一邊食一邊同啲小動物玩，我好享受😚😚

以刺蝟🦔主題的咖啡店，位於大埔市中心，走木質文青風，空間寬敞舒適，可以帶寵物🐶🐱一齊悠閒地享受美食。用Storellet app，還有升級優惠及現金券！最吸引是他們招牌可愛的～刺蝟咖啡拉花，精緻的刺蝟造型無疑是打卡點，而咖啡本身也很濃郁香醇。除了特色飲品，主打菜色也頗有睇頭。那道香煎虎蝦香草蕃茄醬扁意粉，用料十足，大大隻的虎蝦，煎得恰到好處，配上自家製的香草蕃茄醬汁，酸甜適中，仲幾開胃還煙三文魚明太子海鮮薄餅，10吋大，餅底脆薄而不膩，三文魚鋪得很實在，好有口感。小食也別有一番風味，比如玫瑰蜜糖雞翼，外脆內嫩，帶有淡淡的玫瑰花香

🍗最愛「真正」PET Friendly Cafe放假想揾一間好食又帶得寵物嘅餐廳坐低Chill下但係唔係每一間寵物友餐廳都以🐶為先好多都有要求同限制KURI Cafe就好唔同❤️店員除左會主動提供小風扇俾寵物，仲會推介特色寵物食品俾客人添🦴絕對值得推介畀各位主子們試下😋🍕 北海道帶子千島醬海鮮手工薄餅估唔到可以係cafe食到咁出色嘅手工Pizza,  餐廳一啲都唔吝嗇，每一塊🍕都有一粒大size帶子，而且佈滿不同海鮮同芝士，配千島醬真係最perfect配搭，🍗 都流曬口水🤤 🍳 KURI 精選早餐All Day Breakfast係小妹假日必點之選，炒蛋、煙肉、意式腸、薯餅、沙律菜，非常豐富😍最出色係佢地嘅牛角包🥐，好酥脆！！！絕對對得住個價錢👏🏻🌟餐牌嘅輕食之選，入面嘅牛角包/酸種多士都係小妹嘅最愛，一定要試！ 🐶 狗狗小食 - 麥樂🐤🍯餐廳不時會推出唔同的寵物小食，睇到雞髀食得咁滋味嘅表情，就知道有幾推介啦👅      🍹 凍荔枝梳打🍹 凍蜜桃梳打🌟飲品有咖啡、花茶、果茶、梳打等，咖啡系列有唔同嘅刺蝟拉花， 而且餐廳選用的咖啡豆焦香味濃，都係小妹另一推介👍🏻

成日都想試～今日終於試到了☺️☺️☺️☺️☺️☺️☺️下晝三點幾冇乜人 環境好舒服😊😊😊餐廳都幾大 枱與枱之間都好闊落食物都唔錯😊😊😊😊個黑松露海鮮意大利飯 蝦同帶子係有燒過 好味道但個飯味道比較淡 同埋冇黑松露味😥🥲🥲🥲我另外加咗個煙三文魚都唔錯 全部食物份量都相當足夠😎😎😎😎另外個鬆餅都好香～不過我點比小朋友食 所以我冇試到味道如何😊員工每位都好友善同有禮貌 下次會再黎幫襯😊

話說今日入到去坐低叫餐時，見到有午餐menu，點知落order時系統話過時落唔到，問個店員咩情況，睇下可唔可以幫手落單，佢話「咁冇啦」我話咁你又放個午餐餐牌喺枱面，然後佢就收咗個午餐餐走🙄其實如果係我太遲入黎，店員可以同我講會叫唔切，叫我叫其他野食！就算冇講，其實禮貌地同我講聲唔好意思，我係會叫返其他野食的！而家我叫唔到餐好似係我錯咁，真係一肚氣😢 剛才同負責人反映時，佢地話唔會提早收餐牌走，咁其實1點59分入黎嘅客又可唔可以叫午餐呢😓 同埋望住負責人個態度，就知佢都係當聽我發脾氣呻下，係唔會做改善😢我近呢幾個月每逢放假都會黎飯，平時都係叫主食，開頭覺得幾高質，都帶過我屋企人同朋友黎食，今日早啲黎見有午餐咪試下囉，結果係咁嘅待遇😓 呢排食物質素其實差咗，青醬意粉冇味，南瓜忌廉湯開咗水咁仲要好甜😓 但我諗住係廚師失手，所以今日諗住再黎食吓，點知個店員咁冇禮貌😓真係好失望，以後都唔會再黎了😢