KTM Bar and Kitchen

喜歡色彩繽紛又有酒吧風情小店約左西環友介紹小店設計舒适坐得自在采光也好重要是中等價錢食物美味！尼泊爾没印度味濃比较適合港人而且餃子和醬汁也較清淡有蔬菜香味！試了菠菜芝士牛油鷄都出色！蒜蓉餅和牛油一流！兩位都吃不完抵食！加上小店談心悠閒之後可以到海旁散步！小店交通方便近MTR不錯！老闆也非常友善！…查看更多

Had lunch here over the weekend. Place was comfortable with friendly staff. Portions were decently big and very tasty. It would be good to go in bigger groups to order more dishes to share. Overall a very good experience at reasonable prices…查看更多

Samosa新鮮炸出黎🤩🤩一啲都唔油👍👍皮都幾薄餡係打成蓉嘅所以唔會話會有好多口感，同埋無大部分samosa 咁重口味Lamb biryani一樣係行清淡路線🧐唔係無味嘅，只係我食開同prefer 再spiced 啲嘅但值得一讚嘅係佢羊味好重🤩就咁食啲飯都有，同埋啲羊肉好嫩完全唔乾！💯💯飯超級粒粒分明，甚至去到似couscous 嘅地步🧐但我覺得可以再乾身啲同埋我第一次見biryani有腰果🤣Waitress 好friendly 成個vibe 好chill👍加上deco 夠哂nepalese🤣都會想試吓其他菜式，不過可能都係比較適合淡口之人？🤔…查看更多

起Ktown C出口一出 轉左直行到街尾就見到依間印尼／尼伯爾菜平日都比較少食呢款菜 不過近期興咗momos 所以今日試吓Momos 有三款餡料- 素菜 雞肉 豬肉可以揀炸/蒸/湯另外有串燒 咖喱 炒飯食每個有前菜同飲品前菜可選salad/ samosa 炸咖喱角/ 薯仔沙律▶️沙律🥗佢唔係一般salad 因為佢食落冇咁生比較多洋蔥 瓜 咬落脆口 仲好惹味香口有趣係佢個醬汁酸酸地 好開胃▶️蒸雞肉momos ($78)一碟10隻 估唔到咁大份 每隻都有返咁上下size外貌似日式餃子🥟但係味道上好唔同佢個皮好好食 比較硬身啲 但係唔厚 而且咬落煙韌👍🏻餡料比例啱啱好 雖然唔太食到雞味 但係肉好淋 仲超級多肉汁 唔會乾爭爭 加上佢非常之濃味 比較難形容味道 因為我都唔知佢係咩香料整 但係有少少咖喱味咁 好特別嘅風味 完全同日式餃子唔同之後面仲有少少芫茜香草 🌿令佢香啲 不過唔重味其實中間仲有個辣醬 只係因為我唔食辣 同埋覺得佢已經好夠味 所以冇用到🌶成個momos超好食 食完已經飽 好滿足😌▶️Iced lemon tea🍋只有 茶/咖啡/檸茶揀味道正常 糖槳另上嘅 所以可以自己調味-味道好特別 感覺好正宗 亦係平日比較少食到🤤好好食嘅momos另外試咗佢個naan bread 都好食似pizza底 不過軟身啲服務ok 個waitress幾chill環境舒服嘅 唔多人 少少洒吧feel 夜晚好似可以shisha🤭裝修好有feelCP值高！超級抵食 加埋一 都係$85 唔過$100/人 但係佢全部野都好大份 食到超飽 ktown啲餐廳都較貴 所以呢間真係平靚正👍🏻推介！…查看更多

🍴KTM Bar and Kitchen異國風情的色彩 🎪在堅尼地城有許多西餐廳，這天來到一間充滿異國風情的小店吃午餐，餐廳主打尼泊爾和印度菜，極富特色。午市套餐由$68起，頭盤中，是日餐湯、小食或沙律任意選一，另跟餐飲。📍印式薯仔沙律（辣）這是一道帶微辣的夏日涼菜，有薯仔、番茄、紫洋蔥，配合一點莞茜，十分開胃。📍尼泊爾小籠包 Momos (豬肉） $78尼泊爾小籠包有點像我們吃慣的中式小籠包，尼泊爾式的小籠包個頭比較大。小籠包一客有十隻，烹調方法可選蒸或煎。小籠包外皮較厚身及煙靱，咬開來有少許肉汁，蘸一點富香料味的醬汁，即使是蒸餃也相當惹味。📍特色香料雞 $98香料雞就是Butter Chicken ，如翻譯成牛油雞會嚇怕不少女生吧！但這道菜式其實並不油膩，且極富香料味。香料雞不帶辣，配搭饢餅來吃，最適合不過。📍薯仔燴椰菜花 $68有點像中式炒椰菜花的感覺，椰菜花下了薑黃粉，所以變成黃色，配合均衡飲食，這道清新的菜式值得一試。📍串燒雞肉$98想像中是一串一串的雞肉全串燒，原來菜式以鐵板形式上，雞肉啖啖肉、熱辣辣，肉質鮮嫩多汁。📍饢餅（Naan)套餐跟飯或饢餅，饢餅烤得香軟煙靭，配搭帶汁醬的小菜來吃一流。👅 味道：4.3/5💰CP值：4.5/5🕴🏻服務：4.5/5🔰餐廳環境：4/5👀回頭率：4.5/5🍽 餐廳：KTM Bar and Kitchen🌐地址: 堅尼地城加多近街樓地舖#foodie #hkfoodie #hongkongfoodie #852food #852foodie #foodstagram #hkfood #foodhk #hkfoodblogger #foodbloggerhk #foodblogger #hkfoodlover #foodig #hkigfood #igfood #globaleats #globalfood #follow #followme #likeforlike #foodiesinternationalchat #globaleats #followme #相機食先 #吃貨 #食好西 #ktmbarandkitchen…查看更多

今次同朋友去發掘下堅尼地城有咩嘢食朋友介紹咗我去食咖哩佢話食過幾次都唔錯去到餐廳 食客唔多 重有好多位.Set Lunch原汁咖喱雞 chicken curry $98.Set lunch 包括一個main dish有餃子 咖喱 炒飯嗰啲重有前菜同一杯飲品.前菜我揀咗咖喱角(跟set係一舊)好好味呀👍🏻👍🏻👍🏻上枱個時 熱辣辣 似係即刻炸外層睇落好硬實 但咬落去好鬆化餡料係咖喱薯仔青色個醬有啲似沙律醬加啲酸青瓜嘅味好開胃！😋😋😋主菜Chicken curry可以揀配飯或naan （印度薄餅）我揀咗naan Naan好軟身但又好煙銀好有咬口 好鍾意食依啲薄餅👍🏻👍🏻😋🤭Chicken curry大約有4-5舊雞我依款咖喱唔算太辣好香 係正宗嘅印度咖喱🍛…查看更多

今日突然間好掛住北印度嘅嘢食，好想食momo，上網搵到呢間餐廳話佢嘅Momo好好食，而且唔似一般香港嘅尼泊爾餐廳比較簡單嘅裝修，所以就算有少少遠，都過嚟搵吓嘢食。星期日晚上人都唔算好多，起碼都揀到自己喜歡嘅位置，餐廳裝修根本就像加德滿都嘅小咖啡室，門外掛住風馬旗，好有異域風情嘅感覺。正如好多印度尼泊爾餐廳，佢哋通常都會送上一碟薄脆開胃小食加埋羅望子汁薄荷汁同埋醃菜。味道冇乜特別，但佢嘅醃菜相對淡口，我唔係好識醃菜都覺得幾好。我叫咗一個momo拼盤，有雞肉、蔬菜及豬肉三款，我覺得momo嘅味道每一間都差唔多，分別最大係個醬汁，呢度嘅醬汁唔算太辣，大致上應該適合香港人嘅胃口。仲有呢個我最鍾意食嘅小食pani puri，一個脆卜卜嘅外殼入面有薯蓉同豆蓉，再淋一個凍湯喺面，唔多印度餐廳或者尼泊爾餐廳有得食，但食得嗰幾粒其實唔係好夠喉。天多利烤雞比起其他嘢食就唔係太特別，一碟有兩件上髀、兩件下髀，算大大份，兩個人分享剛剛好，而且天氣開始涼，枱面上有熱辣辣嘅嘢食而且仲有焦香嘅味道，令人感覺幸福。蒜蓉naan好香口，但感覺略嫌乾淨咗啲，如果多番少少炭香味就好啦。大蝦masala都幾好食，味道比正宗masala淡，用嘅香料相對適合香港人或者西方人嘅口味。呢個街區都幾特別，氣氛環境好舒適好chill，雖然附近都有唔少連鎖店，但好似呢間咁富有特色嘅餐廳都有好幾間，想體驗下異國風情同氣氛，呢度都係一個好好嘅選擇。…查看更多

好耐無用過訂枱平台App訂座食飯，最近又突然對印度菜好有興趣，加上星期日行遠少少去開堅尼地城嗰頭，喺各樣因素嘅驅使下，我就Book咗呢間「KTM Bar and Kitchen」試下。中午12:30有半價優惠👍，早啲起身都值🙈，折扣後每人大約$85左右。我哋準時去到，餐廳無乜員工，等咗陣都無人招呼我哋，所以自己坐低😅。第一個感覺係好熱，第二個感覺都係好熱，大約坐咗半個鐘先好啲，第三係因為大玻璃窗嘅關係，所以比較曬☀️。餐廳裡裡外外環境都幾色彩繽紛，富有民族風味。不過夜晚可能係酒吧嘅關係，加上又有得食水煙，冷氣唔夠，浸Shisha味揮之不去...，有啲趕客。餐廳主打印度菜同尼泊爾菜，餐牌大大張，翻譯哂做中文同英文，清晰易睇👍。平日應該有做午市套餐，週末就好似無。印式薯仔沙律Aloo Chat($42)，依個係辣味嘅蕃茄薯仔🥔，薯仔偏淋身，味道幾重香料味，都辣辣哋，仲要有好多我唔鐘意嘅蔥同青豆。整體無乜特別，一般般。青瓜乳酪Raita($52)，由於我係🥒青瓜控，所以一喺Menu上見到就嗌咗...。出到嚟同我想像中唔同，應該係我少食印度菜唔識啫。啲乳酪酸到盲都識開眼呢，醒胃嘅，但對我嚟講幾啖已經乜都夠哂。至於青瓜，就係好碎好細粒，味道唔出。接下來就係食印度餐必備嘅咖哩同薄餅喇🇮🇳 👳🏿‍♂️。原汁咖哩雞Chicken Curry($98)，印度咖哩普遍都不會太辣(好似有得揀辣度，但佢無問我...)，依個亦然，有少許椰香。🥘咖哩雞份量都足，雞肉大約有四件，肉質幾嫩，唔好睇個兜細細，啲汁夠哂點有餘。甜烤餅Kashmiri Naan($35)，其實Naan🥙有好多種，我都唔係好識分，係上網見人哋話甜薄餅幾正，先試下。估唔到出到嚟都唔錯喎，薄餅中間夾咗好多橙色一粒粒，估計係椰絲嚟，甜甜的，都幾特別，可以一試🤤。其實食完上述幾樣菜式都飽飽地，但一早嗌咗餃子又想試埋佢。點知餐廳漏咗單...，好彩唔使再等好耐就有得食。🥟尼泊爾小籠包Momos($48/5隻)，餡料可揀豬、雞或者蔬菜，我哋要咗豬肉Pork🐷。烹調方法可揀湯底(Soup-base (Jhol))、蒸或炸，我認為如果唔食炸嘅，可以試湯，因為係蒸完放落湯到。個湯有啲花生醬味，不過唔太夠熱，但餃子本身絕對有驚喜，因為係皮滑同爆餡的，鹹咗少少，但仍然係好食的😋。餃子大大隻，造型真係好似小籠包，所以依個中文菜名改得非常貼切！總括嚟講，呢餐印度午餐都OK嘅，但食物味道唔算太突出，同行中應該有唔少比佢優秀。不過MOMOS小籠包就真心唔錯，係尼泊爾菜式，唔知係咪咁多地方有得食呢？如果嚟開依間餐廳，就不妨試試吧！店員其實都幾友善嘅，但始終感覺服務唔夠細心，有改善嘅空間🙏🏻。…查看更多

自從堅尼地城通了地鐵後，整個社區被世界各地各式各樣的餐廳進駐，為西環這個老舊的社區增添了不少活力，令香港中西交流，新舊交融的一面充分展現於居民和遊客的眼前。 最近科士街新開了一家印度餐廳，不但食物令人一試難忘，店內外的裝潢更是遊客打卡必到之處。而且這裡交通便利，距離堅尼地城地鐵站B出口就只需要5分鐘路程，沿途更可以與特色的西環科士街石牆樹合照。這是全香港最大的石牆樹群，全長過百米，有120年歷史。 細談後了解到老闆是一位熱愛藝術的尼泊爾人，我們從店內裝修便可一探老闆心中的藝術世界。原來整個餐廳的裝修均是出自老闆的手筆，店舖內外的壁畫更是全部由老闆一筆一筆地刻畫上去，其細緻程度可以看出老闆的用心和誠意。 身為一家餐廳，除了裝修吸人眼球外，當然需要以美味的食物為手段來留住食客們的心。這是一家正宗的尼泊爾和印度咖喱餐廳（我認為味道跟重慶大廈的咖喱相差無幾的）。如果你是一位對咖喱有要求的食客，那這是你必須一試的地方，我敢保證這裡是不會令你失望的。 CHICKEN MOMOS（steam，soup or fried）尼泊爾小籠包，配以微微酸甜的咖喱醬，是你從來沒有嘗試過的新味道。一口咬下去，雖然沒有噴汁的效果，但是還是能感覺到肉汁從肉餡湧出，外皮chewy有嚼勁，會刷新你對餃子的認識。 NAAN 說到咖喱，就不能不提它的靈魂伴侶NAAN了。而我這次叫了CHEESE NAAN和BUTTER NAAN。因為是新鮮製作的關係，每一塊NAAN都非常柔軟，CHEESE NAAN撕開時更有拉絲效果，芝士控必叫！！而BUTTER NAAN更是先味奪人，一上桌大家就被它撲鼻而來的香氣勾了魂，鬆軟的口感更是讓你一口接一口，停不下來。 到了咖喱專賣店，當然不能不試試他們家的咖喱啦。我這次嘗試了3種（Aloo Gobi Curry，Paneer Makhani Curry和我忘記名字的腰果雞）。 Aloo Gobi Curry是一種蔬菜咖喱，很適合素食者，裡面主要是薯仔燴椰菜花，薯仔燴得十分軟爛和入味，椰香慢慢，讓食客在每一口都能感覺到尼泊爾咖喱的溫柔。 Paneer Makhani Curry其實是一種很傳統的印度咖喱。這咖喱的主角是裡面一塊塊方磚型的乳酪瑪莎拉。這乳酪的味道其實不會太重，配合咖喱可以說是剛剛好，在咖喱的微辣裡感覺到絲絲乳酪的香濃。 三個咖喱中我最喜歡的要數腰果咖喱雞了，因為我是一個不折不扣的堅果怪，對堅果可以說是無一不歡。這個雞非常嫩滑，咬下去還會有微微雞汁湧出，伴以有腰果碎粒的咖喱一同食用，腰果粒的脆硬和雞塊的滑嫩的口感，讓人覺得一試難忘，一吃再吃，完全停不下來。 總體來說，他們家的咖喱不會很spicy，不太能吃辣的朋友更可以讓老闆建議，order椰奶更多或更適合自己口味的咖喱。他們咖喱的調味也不會過鹹，吃完不會有平時外吃後口渴的感覺，值的一讚。所以大家快來試試吧，了解一下好吃好看的尼泊爾咖喱吧～ …查看更多

同同事問唔中會黎呢廳午餐貪呢度無乜人😝今日風和日麗老闆都開左店鋪嘅門黎通風感覺原本已經充滿異國風情嘅餐廳更加舒服我地點左幾款食物Pork momos(豬肉小籠包)Chicken tikka(鐵板燒雞)Chicken curry配naan(薄餅)等等配samosa(咖哩角)，salad同aloo chat(薯仔沙律)今次我地特登叫老闆預先準備一黎到就食得2款沙律都唔錯同事話aloo chat有濃濃蕃茄味，好正Samosa可以配薄荷醬香脆濃味Pork momos沾少少橙色醬汁更鮮美由於係蒸點，食落去唔會乾身，有少少肉汁，好味！Chicken tikka一上枱係好香嘅可以淋上檸檬汁提鮮無骨雞肉唔會乾澀，燒得剛好Chicken curry with naan都好正咖哩唔會辣用熱辣辣嘅naan配咖哩汁，好快就會清左碟…查看更多

位於堅尼地城加多近街的 KTM 是我常去的印度尼泊爾餐廳，咖喱種類繁多，我最愛他們的 chicken masala, 辣度適中，另外本人推介尼泊爾餃子 momo, 有炸或蒸，同樣美味，價錢十分實惠。服務周到，朋友聚會好地方。…查看更多

本人就比較少接觸印度菜，不過今次就系應朋友約黎噶，都算系比印度菜留左個好印象啦!首先呢度噶裝修好有特色，位置都幾闊落，叫左份牛油雞，香味十足啊肉質都好好，真系好唔錯，仲有Naan都好ok，總之今餐食得好開心啦！…查看更多

今天友人帶小妹來到這家肆業不久的印度菜餐廳補祝小妹生日，實在有心。碰巧我倆都很喜愛印度菜，心情很期待，因為都有一陣子沒有吃印度菜了。進店後被這裡的裝修佈置所吸引，看得出店主的心思，展現了印度的傳統及神秘一面。小妹最喜愛的印度菜之一，牛油雞($98)，這裡的牛油雞味道有點不同，除了香料的比例及用料有點不同，這道菜比一般的香濃，應該是加入了芝士，實在吃到停不到口，但如果雞肉能烤過就完美！ 友人點了腰果醬什菜($78)，小妹還是第一次吃，味道很清新，淡淡的腰果香，帶點甜味，加上椰汁，和蔬菜味道很夾。 吃印度菜怎可能沒有Naan，分點了蒜蓉味($28)及甜味($35)，一客四塊，蒜蓉味做到水準；而甜味則十分有驚喜，中間加入了甜度適中的椰絲再混入印度香料，用來點印度咖喱實在為味蕾帶來衝擊，很好味！不知不覺吃了四塊Naan，吃完很飽。 不得不讚的是店員（可能是老闆）會問我們覺得食物如何，而且離開時又為我們主動開門，服務態度很好，今次整體的用餐體驗很不錯！這家店成為了小妹今期喜愛的印度餐廳之榜首！唯一美中不足是店內有少許煙味，由於晚上是酒吧，有水煙等供客人享用，因此味道並味消散，對於一向討厭煙味的我，為一個扣分位。…查看更多