KOK KOK

雖煞今次冇帶狗狗嚟，但呢度可以話係寵物友餐廳，狗狗每次經過，都會喺店員姨姨手上得到零食。以前點的食物大同小異，今次諗住特別啲，點未試過的菜式。鐵板香菇煎薄餅：$98；必食！落單時以為係餅類，問店員個餅有幾大，佢話唔係餅，而係加咗雞蛋，類似蛋餅咁；上檯時，覺得佢好大份，金黃色，賣相吸引；佢似素食版的煎蠔餅，外面炸得香脆，有酥脆質感，入面的菇軟身，食落同蠔餅口感相似；加埋泰式甜辣醬，非常美味；另外，佢有芽菜墊底，有蔬菜平衡下，唔會覺得油膩香葉辣肉碎炒飯：店員姨姨推介，不過，餐牌上果個係炒飯，會兜埋一碟，所以要人手點餐；白飯上的炸蛋好吸引，蛋漿多，辣肉碎的辣度溫和，連埋辣椒食都唔辣，仲有豆角；味道似家常小菜烤雞軟骨、烤雞卷：$2x；狗狗爸爸話雞軟骨燒得香脆，但軟骨位有啲硬，要咬開；雞卷就冇乜特別椰青：$38，唔算大個，但價格合理，椰青上仲有店名的烙印添椰汁冰：$42；要求少甜，入口濃濃椰子味，又夠凍，好清新，好飲鍾意環境舒適，室內又有啲突顯店舖特色的藝術創作，好特別。下次想試埋焗飯同香菇生菜包。…查看更多

朋友最近搬到元朗錦田，機緣巧合下，有機會試到這間錦田隱世泰菜餐廳。餐廳面積不是很大，可以一眼望哂，餐枱也只有4-5張。餐牌簡單，只有一張 A3 size 雙面硬卡紙，但設計清晰分明。今晚一行3人，朋友看到較有特色的泰菜（竹炭燒雞扒配糯米雞、鐵板香菇煎薄餅），但都已經售罄。最後叫了以下4款泰式食物：泰式魷魚粉絲沙律：魷魚爽口彈牙，沙律味道酸酸辣辣，辣的程度算是小辣，對於我吃不到辣的人來說，都可以接受。吃這個沙律，感覺越吃越開胃。半打沙嗲串燒：串燒沒有牛，只有雞和豬，每款點了各3串。串燒好大串，味道醃得好入味，味道好濃，適合喜歡重口味既人。半隻路邊燒雞：燒雞一送到上枱面，即時有一種「嘩！」的感覺，即時講左句：「半隻雞都咁多既！」餐廳侍應即時笑著回覆：「隻雞真係咁大隻，咪咁多囉！」燒雞大隻，感覺好抵食，雞皮香脆。路邊燒雞的靈魂是在於它的醬汁，食燒雞前必定要點這個醬汁，可以令燒雞味道昇華。泰式炒金邊粉：色香味俱全！都算大碟，配料好多。炒得好有鑊氣！…查看更多

去元朗做半日農婦，出市區搵食，食乜好？又係呢個問題。遇到年青人問：想係鄰近搵餐廳有冇好介紹？年青人二話不說就打開OpenRice apps今日遇到有心人見到有間泰菜好近，又多like，咁就呢間啦Kok Kok唔知食乜好，請教鄰座食客，佢哋話 「濕炒雞/豬河粉」好食，咁就落單午餐「濕炒雞肉河粉」，包飲品一杯，仲可以廿幾蚊追加小食。濕炒雞河 真係熱騰騰不油多菜，冇介紹錯泰式奶茶，老闆娘提我會偏甜，可以叫少甜，幸好叫少甜😌青木瓜沙律 … 酸咗啲，食唔多。炸蝦餅好味見餐牌仲有好多小食，問老闆娘：我想試多啲野食，可以俾我再追加嗎？老闆娘好好人，平時唔得架，見呢個時間人少都俾啦！我老實不客氣，就繼續叫。炸春卷掂 呀！酸辣鳳爪 真係辣咗啲炸雲吞青木瓜沙律、泰式鳳爪 呢兩個就食唔到，要打包俾人。 想起甜品 又問老闆娘，佢介紹「椰青大菜糕」，咁要埋做結尾啦椰青大菜糕好有椰青味…查看更多

突然好想食泰菜 上網睇到有好多人推介呢一間餐廳 於是今日去試下 結果系一定有下次😋😋😋我哋今日中午去到 所以叫左兩個午餐 泰式豬手飯+船麵 另外再追加咗三款小食 蝦餅 泰式炸雲吞同豬頸肉串燒 每款$28 仲可以無限追加 分量足夠兩個人食 套餐仲有飲品 埋單$220 超抵！講返食物嘅質素 豬手好淋好入味 加上嗰個辣汁真係冇得輸 船麵係我喺香港食過最似係泰國食嘅味道 我個人就非常之鍾意 小食都好有驚喜 蝦餅鬆脆彈牙 雲吞入口脆卜卜 串燒豬頸肉好juicy 好好味 呢間餐廳性價比好高 工作人員又好有禮貌 今時今日真係好難有 👍👍👍…查看更多

充滿泰國風味的餐廳，聽著泰文歌，食著海南雞泰河，是非常享受的假日！ 河粉是泰國闊身河粉，在一般店舖比較少見，海南雞會配有薑蓉及泰式醬汁！ 好味！餐牌有泰式乾炒炒河或濕炒，乾炒夠鑊氣，可選配豬/牛/雞炒。再加一杯泰式奶茶🥤滿足😌…查看更多