KoBaNe by Minimal

營業中

休息中

復活節最後一日公假同狗狗出外，天熱當然想搵間可以俾狗狗坐低嘆冷氣的餐廳，於是揀咗呢度。靚位係近門口、有落地玻璃窗的幾張檯，而帶寵物就冇得坐，會被安排坐餐廳最入的檯。除送餐外，其他都係自助，免加一。南蠻炸雞定食：$105；包2款前菜（泡菜、玉子燒）、麵豉湯、5-6件炸雞、紫菜白飯同生果（蜜瓜）；除炸雞外，其他項目較的骰，但食曬絕對夠飽；狗狗爸爸讚炸雞有肉汁，配沙律醬、洋蔥絲幾好味；白飯正常，紫菜似韓式即食紫菜，略鹹；泡菜的鹹、辣度適中，微甜，好食；麵豉湯可能係即沖，入面有少量海帶同腐皮絲，2-3啖飲完，唔鹹，幾好味；玉子燒冇好香蛋味或好嫰，但不過不失；蜜瓜唔夠熟、甜度低，因為一小件上，冇去皮、切粒，喺唔夠熟的情況下自己切有啲呢hea；整體上，呢個餐的水準唔低，唯一缺點係要等，由落單俾錢到上菜，等咗>45分鐘，肚餓要三思鯛魚刺身紫蘇汁冷闊條麵：$120；對比南蠻炸雞定食，呢個餐的款式變化少，只有3個項目：標配麵豉湯、蔬菜天婦羅同鯛魚冷麵；份量一般，飽足感因人而異；蔬菜天婦羅有2款（蕃薯、淮山？），各2件，非常迷你，炸得唔夠香脆，上餐時已經淋咗，蕃薯唔甜，另外果款爽脆、好食啲；鯛魚刺

今日去咗南豐紗廠嘅koBaNe by minimal，呢間日式餐廳主打簡約風，環境舒適，好啱靜靜地享受美食。我嗌咗份甜品「蜜柑芝士撻配山椒柚子雪芭」，真係好有驚喜！**甜品賣相：**造型真係好精緻，用咗紫薯味嘅材料做咗個紙鶴，擺喺甜品旁邊，好有心思。蜜柑芝士撻上面仲有啲金箔點綴，成個甜品睇落好高貴。**味道方面：*** **蜜柑芝士撻：** 芝士撻口感幼滑，芝士味濃郁，但唔會太膩，蜜柑嘅酸甜味平衡得啱啱好，令人食完一啖又想食第二啖。* **山椒柚子雪芭：** 雪芭口感清爽，柚子味好突出，帶有少少山椒嘅辛辣，味道層次豐富，令人耳目一新。* **紫薯紙鶴：** 紙鶴唔單止係裝飾，仲可以食㗎！紫薯味香濃，口感煙韌，為成個甜品增添咗一份趣味。**整體評價：**koBaNe by minimal 嘅甜品無論係賣相定味道都令人印象深刻，好啱鍾意打卡同埋追求精緻美食嘅朋友。絕對值得一試！

Chef Ecy’s Dining Experience:🥰 Ambience | Service | Price | Restroom Cleanliness | Corkage Fee | Wheelchair | Easy Parking | Cake Cutting Fee | Pet Friendly🙂 Food | Easy Access😠 This restaurant is located in The Mills at Tsuen Wan. As you may know, this complex is pet friendly, so this restaurant is also pet friendly. There is parking lots available and it‘s free parking for a certain spending. Other than by car, you can take taxi there with pets. The Mills has both escalators and lifts, it

南豐紗廠入面有間日系cafe 「KoBaNe by Minimal」都幾高質但唔算平。由decor 到食物都係一個清新嘅用餐體驗！🍜🍝醬油漬吞拿魚茶泡飯🍲吞拿魚肉質鮮嫩，都幾多片又厚切！醬油醃製完半熟入口有溶化感，加入茶泡飯一齊食，味道真係好夾好香！！仲有一隻好靚嘅唐心蛋😍壽喜燒牛肉燴飯好有驚喜！啲牛肉煮得恰到好處，肉質軟嫩，再加埋啲壽喜燒嘅醬汁，口感豐富，加埋流心蛋 一絕！整體嚟講，呢間cafe嘅食物唔單止好味，仲係用心經營。如果你鍾意日式嘅清新風，呢間cafe絕對係一個值得一試嘅地方！

因為有養狗狗，平時都會搵唔同嘅寵物友善餐廳去食，上網見到呢間食物好似唔錯，狗狗又可以入室內坐，所以就嚟咗呢度食。叫咗吞拿魚茶漬飯，黎到賣相超靚超吸引，味道都好好味，糖心蛋超入味，整體質素非常好，而且狗狗可以有梳化坐，環境舒服，下次會再嚟食！

位於南豐紗廠的 KobaNe by Minimal 是一間充滿日式簡約風格的小店，用餐環境舒適又放鬆。洛神花柚子梳打($46)清爽解渴，洛神花的微酸配上柚子的清香，汽水泡泡帶來輕快的口感，是炎炎夏日的好選擇。冰美式($42)咖啡香濃而不苦澀，冰鎮後更加順口，是咖啡愛好者的不二之選。🍹☕️醬油漬吞拿魚茶泡飯($120)口感豐富，吞拿魚醃製入味，茶湯清香而不搶味，配上米飯非常滋味，吃起來溫暖又滿足。這道菜既有日本家庭料理的溫馨感，又不失精緻。🍵雜菌三文魚定食($115)則以新鮮的三文魚和香煎雜菌為主，三文魚柔嫩鮮美，菌菇香濃可口，整體份量剛好，是一頓健康而美味的選擇。每道菜都散發著簡單而不平凡的美味，非常適合閒暇時光來細細品味。🍣

星期日晏晝呢到唔算好多人，即刻就可以入去，主食嘅選擇唔算好多，我哋叫咗雜菌燒三文魚定食同埋壽喜燒牛肉燴飯。雜菌燒三文魚定食（$115）定食配搭好豐富，有茶碗蒸、蔬菜餅、醃茄子同埋蜜瓜。三文魚🐟煎得好香，外脆內軟，醬汁配埋白飯非常好食。蔬菜餅🥕香脆唔油膩，幾有驚喜。茶碗蒸🥚都好滑有蛋香👍🏻而醃茄子🍆相對就普通咗啲，冇咩特別。🍈跟餐嘅蜜瓜比想像中有誠意，係清甜又多汁😋 成個定食嘅配搭好滿足👍🏻壽喜燒牛肉燴飯（$125）呢個即叫整等候時間比較耐，食完個定食都仲未嚟到。本來對佢期望幾高，但係有啲失望😔忌廉汁煮嘅燴飯食多幾啖會有少少膩，配搭埋壽喜燒汁牛肉同埋溫泉蛋都好食嘅，但就係想像到嘅味道冇咩特別。比較推薦呢度嘅定食，整體嚟講都幾好味，見到佢哋呢度嘅甜品賣相都好靚，下次會想嚟試吓。

Kobane by Minimal 位於荃灣南豐紗廠,係深水埗迷你無的分店。走新派日式路線,與迷你無的風格有所不同。餐廳環境清新優雅,打卡位置多,特別是窗邊可以飽覽外景。午餐選擇不多,不過仍有幾款精緻的日式料理可供選擇。我哋三個人叫咗三個set lunch：照燒汁牛扒定食、壽喜燒牛肉燴飯和醬油漬吞拿魚茶泡飯，三款都好睇又好食。其實所謂set係唔包飲品，飲品要加錢，所以唔明白點解叫做set，不過啲咖啡都係好飲嘅，特別係rose latte非常唔錯。

好耐冇去南豐紗廠，見到呢間日式cafe好吸引！即刻去下，但味道就…🍴醬油漬吞拿魚茶泡飯 $120有吞拿魚，三文魚籽，油甘魚，有青檸同烏龍茶，整體嚟講唔係好夾，烏龍茶太重味，蓋過咗魚同飯，好似倒瀉咗杯茶咁勁怪，加埋青檸嘅酸，難以入口，魚生正常但浪費左。🍴壽喜燒牛肉燴飯 $120冇諗過唔好食，牛肉係最平嗰隻肥牛，識落比較嚡口，係有壽喜燒汁嘅甜味，比較偏硬，食唔到落咗忌廉，唔好食。🍴自家製海鹽焦糖咖啡 $45咖啡係OK嘅，焦糖香唔會好甜。推薦指數: 3/10小店好似好有心機整，但味道就真係唔得，咖啡係OK嘅😂

星期六嘅2:30嚟到，等咗成35分鐘先至出到餐。仲要係甜品先上，其實我哋都幾肚餓，冇諗過係要食甜品先。然後過多20分鐘，主食先至嚟到，以出餐順序同等嘅時間計真係唔合格。豆乳蜂蜜紅茶蕨餅配玄米茶雪糕🍧賣相好精緻，吸睛嘅，打卡一流。不過就食唔到豆乳味，蕨餅都幾好味嘅，而玄米茶雪糕佢唔講我以為係雲呢拿雪糕。😂😂😂日本花魚一夜干定食🐟一上枱已經覺得條魚唔夠乾身，照計一夜乾唔應該面頭仲咁濕潤。條魚好多好多好多好多骨，食落去好唔方便，要不斷嘍骨，而且啲肉比較散，真係好一般般。😬其他配菜都麻麻哋，唔係精細用心嘅出品。🫣呢間係深水埗迷你毛嘅分支，以為質素會有保證，誰知係相反，侍應唔熟手，經常有砰砰棒棒嘅聲，而且唔會主動執枱。😑以今次嘅質素計就真係好唔OK，希望店家見到佢留意吓。😶

今日去咗南豐紗廠裡的一間日系餐廳食lunch，呢間餐廳用咗簡約和式風格，而且旁邊有塊落地大玻璃，採光度充足。壽喜燒牛肩肉鹿茸菇燴飯呢個飯賣相好吸睛，牛肩肉的嫩滑和鹿茸菇的爽滑配合埋creamy的risotto, 飯中間的一隻流心蘭王蛋更是整個飯的靈魂，而濃郁的壽喜燒汁為這道菜品增添了無限魅力。醬油漬吞拿魚茶泡飯茶泡飯份量尚算大，而飯面上鋪了多塊吞拿魚片和油甘魚片，再加埋三文魚籽，並且灑滿木魚絲，賣相好靚，這個飯重配上一隻流心蘭王蛋和紫菜絲，還有一樽熱辣辣的醬油高湯給客人親自倒入飯裡，儀式感十足。Mint Mocha在濃郁的咖啡中感受到薄荷的清涼在口中散開，呢兩個組合純對係perfect match。Macha Latte焙茶具有獨特的香氣和口感，能為咖啡增添一絲茶香，夠晒特別。

之前食過minimal，幾有驚喜，今次黎到minimal嘅分店Kobane一試，環境同食物都一樣高質～Cafe採用簡約和風設計，落地玻璃可以讓自然光透入，採光度高，好舒適寫意餐廳好寵物友善，狗狗都可以坐室內梳化🐶聽講餐廳嘅甜品比主食更出色，遲啲再訪試一試吧😛-—————————壽喜燒牛肩肉鹿茸菇燴飯 $125Risotto雖然creamy，充滿牛油香，但唔會太膩。牛肉唔韌，加上壽喜燒同埋蘭王蛋呢個經典配搭真係冇得輸！燴飯份量啱啱好，但係好惹味，食完想再食！-—————————醬油漬吞拿魚茶泡飯 $120泡飯有五大塊經過微微火炙嘅吞拿魚，有啲筋但係好新鮮。除咗醬漬吞拿魚之外，仲有鯛魚同三文魚籽。整體唔算好飽肚但係調味啱啱好同埋好暖胃🥰-—————————焙茶鮮奶（熱） $45焙茶味幾濃郁☕️

kobane 的粟米焦糖酥盒是驚為天人的美味軟滑的粟米吉士餡是新奇的味覺體驗帶著質樸的鄉土風味 🌽選用這種食材很大膽 欣賞甜品師的巧思酥皮鬆化富牛油香 搭配酸咪咪的乳酪雪葩日向夏柑柔和無渣 一咬沁出清甜果汁層層遞進 繁複卻相得益彰堪稱完美的一道甜點 💛蜜柑芝士撻充斥夏日的味道 柑橘的果香與微澀與芝士蛋糕是永遠的好朋友 🍊配上山椒柚子雪葩更清爽輕盈微辛的刺激感讓味蕾在沈悶中甦醒加上本人是柚子 die hard fan hahaaa鹹食味道比賣相好哈哈哈印象中日式叉燒 Risotto 富油脂香氣 美味 des ☺️作為 Minimal Café 的姊妹店 小店讓我驚喜不斷準備去迷你毛一探究竟 期待 🫶🏻📍 KoBaNe by Minimal荃灣白田壩街45號南豐紗廠1樓103號舖

呢間寵物友善Cafe係Minimal嘅姊妹店裝修以簡約日系風為主 有自然光照射 環境舒適☺️🍚醬油漬吞拿魚茶泡飯米飯上面鋪滿木魚絲 再放上火炙吞拿魚、火炙油甘魚、三文魚籽🐟可以自己加入熱茶同紫菜去製作茶泡飯🫖不過熱茶相當熱 要隔住幾層紙巾先拎得到醬油漬魚生好香好入味 唔錯😋配菜嘅自家製麻藥蛋亦相當好味！可以單點嘅話一定會加單❤️🍮蜂蜜檸檬葩菲撻配香草雪葩呢款係新推出嘅甜品賣相超級靚！😍蜂蜜檸檬葩菲面頭有一層焦糖脆面連埋葩菲一齊食 好似食緊焦糖燉蛋咁葩菲嘅口感就似似地雪糕🍦切開中間仲有檸檬果醬🍋蜂巢造型嘅餅乾又薄又脆個撻皮都唔錯 牛油味好香☺️香草雪葩係用歐芹、香菜、羅勒、薄荷製成🌿第一啖先有薄荷嘅味道 再有其他香草嘅味道好特別 我自己就幾中意🤭但應該唔係個個都接受到呢種草青味唔好香草嘅話 亦可以加$5轉其他口味嘅雪葩

上星期帶左小朋友同狗狗去南豐紗廠食tea🍵今次揀左🇯🇵日系cafe 𝕂𝕠𝔹𝕒ℕ𝕖 𝕓𝕪 𝕄𝕚𝕟𝕚𝕞𝕒𝕝，無論環境同食物都超級高質! 大推 (⁎⁍̴̛ᴗ⁍̴̛⁎)🐠醬油漬吞拿魚茶泡飯兩款火炙吞拿魚刺身，配上滿滿嘅木魚碎，好味! 另外配上嘅麻藥糖心蛋非常高水準🥚encore之選! 🦪香煎廣島蠔鰻魚汁燴飯鮑魚汁燴飯嘅調味好惹味，意大利飯嘅硬度適中，再配上烤焦嘅鮮甜廣島蠔，超正👍🏻🐄壽喜燒牛肩肉鹿茸菇燴飯和洋式嘅配搭 - 甜甜嘅壽喜燒燴飯，配上肉咩濃郁嘅牛肩肉同好香蛋味嘅溫泉蛋，非常出色嘅配搭! 🍯蜂蜜檸檬芭菲撻配香草雪葩🆕餐廳新出嘅甜品，好有驚喜! 香草雪葩食落好清新，減輕左主食嘅油膩感。蜂蜜檸檬雪葩酸酸甜甜有咬感，兩款一齊食好夾💗🍋沖繩黑糖配薑汁青檸梳打用上沖繩黑糖同新鮮薑汁熬煮成糖漿，再加上澳洲青檸，兩者嘅結合溫和咗黑糖嘅甜味同埋薑汁嘅辣味，相得益彰! 總結黎講，今次嘅用餐體驗非常滿意🥰野食真係超水準，必定會encore !!