影片
以上資料只供參考, 請與餐廳確認詳情
相關文章
復活節最後一日公假同狗狗出外，天熱當然想搵間可以俾狗狗坐低嘆冷氣的餐廳，於是揀咗呢度。靚位係近門口、有落地玻璃窗的幾張檯，而帶寵物就冇得坐，會被安排坐餐廳最入的檯。除送餐外，其他都係自助，免加一。南蠻炸雞定食：$105；包2款前菜（泡菜、玉子燒）、麵豉湯、5-6件炸雞、紫菜白飯同生果（蜜瓜）；除炸雞外，其他項目較的骰，但食曬絕對夠飽；狗狗爸爸讚炸雞有肉汁，配沙律醬、洋蔥絲幾好味；白飯正常，紫菜似韓式即食紫菜，略鹹；泡菜的鹹、辣度適中，微甜，好食；麵豉湯可能係即沖，入面有少量海帶同腐皮絲，2-3啖飲完，唔鹹，幾好味；玉子燒冇好香蛋味或好嫰，但不過不失；蜜瓜唔夠熟、甜度低，因為一小件上，冇去皮、切粒，喺唔夠熟的情況下自己切有啲呢hea；整體上，呢個餐的水準唔低，唯一缺點係要等，由落單俾錢到上菜，等咗>45分鐘，肚餓要三思鯛魚刺身紫蘇汁冷闊條麵：$120；對比南蠻炸雞定食，呢個餐的款式變化少，只有3個項目：標配麵豉湯、蔬菜天婦羅同鯛魚冷麵；份量一般，飽足感因人而異；蔬菜天婦羅有2款（蕃薯、淮山？），各2件，非常迷你，炸得唔夠香脆，上餐時已經淋咗，蕃薯唔甜，另外果款爽脆、好食啲；鯛魚刺身經火炙，有6-7片；冷麵的擺盤好清新，鯛魚上放有一小束紫色食用花，幾有心思；紫蘇汁味道清爽，酸梅味非常適合夏日，開胃；闊條麵份量少，唔知係咪fettuccine？麵條煮得啱啱好，軟硬度適中，口感唔錯，麵本身冇味，要靠紫蘇汁帶起味道；雖然幾好食，但考慮到份量小，覺得呢個餐偏貴餐廳的木系設計感覺小確幸，地方寛敝，冷氣溫度啱啱好，清爽又唔會太大風、太凍，坐得好舒服；座位基本上係任坐（雖然滿座），好似我哋2人1狗可以坐1張4-6人圓檯，好適合帶寵物而一抽二掕的主人。上餐需時，第1個餐等咗30分鐘，之後等多>15分鐘先送上第2個餐，好難等埋一齊開餐。狗狗食評🐕📝：食物🍽️：因為市集有出售寵物食品，所以我點都有盒狗狗壽司食，不過，餐廳亦有啱我的食物，媽媽點的鯛魚刺身調味少，火炙過，佢俾咗我食，仲有闊條麵同冷麵入面的青瓜片、車厘茄，去汁後我都食得；而爸爸個餐有唔算甜的蜜瓜，啱曬我環境🌳🪑：我可以坐入餐廳，有冷氣，仲可坐上有軟座墊的木櫈，全程唔使落地等食，最緊要係可以坐近爸爸、媽媽同張檯寵物友善度💖：餐廳係pet-friendly，不過侍應哥哥、姐姐可能忙，只係送餐先見到；餐廳有寵物餐盤、消毒噴霧，都幾關顧我哋的需要
繼續閱讀
今日去咗南豐紗廠嘅koBaNe by minimal，呢間日式餐廳主打簡約風，環境舒適，好啱靜靜地享受美食。我嗌咗份甜品「蜜柑芝士撻配山椒柚子雪芭」，真係好有驚喜！**甜品賣相：**造型真係好精緻，用咗紫薯味嘅材料做咗個紙鶴，擺喺甜品旁邊，好有心思。蜜柑芝士撻上面仲有啲金箔點綴，成個甜品睇落好高貴。**味道方面：*** **蜜柑芝士撻：** 芝士撻口感幼滑，芝士味濃郁，但唔會太膩，蜜柑嘅酸甜味平衡得啱啱好，令人食完一啖又想食第二啖。* **山椒柚子雪芭：** 雪芭口感清爽，柚子味好突出，帶有少少山椒嘅辛辣，味道層次豐富，令人耳目一新。* **紫薯紙鶴：** 紙鶴唔單止係裝飾，仲可以食㗎！紫薯味香濃，口感煙韌，為成個甜品增添咗一份趣味。**整體評價：**koBaNe by minimal 嘅甜品無論係賣相定味道都令人印象深刻，好啱鍾意打卡同埋追求精緻美食嘅朋友。絕對值得一試！
繼續閱讀
Chef Ecy’s Dining Experience:🥰 Ambience | Service | Price | Restroom Cleanliness | Corkage Fee | Wheelchair | Easy Parking | Cake Cutting Fee | Pet Friendly🙂 Food | Easy Access😠 This restaurant is located in The Mills at Tsuen Wan. As you may know, this complex is pet friendly, so this restaurant is also pet friendly. There is parking lots available and it‘s free parking for a certain spending. Other than by car, you can take taxi there with pets. The Mills has both escalators and lifts, it is easy to go up and down for different storeys. Many shops around selling little cutie stuff. You can spend a whole day there with your lovely pets. This restaurant is on the 1st floor at the corner. Ambience is cozy and comfortable, with high ceiling. Price is not expensive at all. They don’t charge corkage fees while they don‘t have alcohol licence too. They don’t charge cake cutting. No restroom inside the restaurant, you can take the mall‘s restroom which is big and clean. Talking about the drinks, they have many selections and special. Good presentation and tasty. They provide dog menu for your lovely pets and the portion is big. I like their appetizers - the parma ham salad and crab cake. The rib eye steak is soso… not that impressive. The seafood risotto is relatively ok, they serve hot & tasty. Lastly, the dessert is an ice cream sandwich, which I like the most.
繼續閱讀
南豐紗廠入面有間日系cafe 「KoBaNe by Minimal」都幾高質但唔算平。由decor 到食物都係一個清新嘅用餐體驗！🍜🍝醬油漬吞拿魚茶泡飯🍲吞拿魚肉質鮮嫩，都幾多片又厚切！醬油醃製完半熟入口有溶化感，加入茶泡飯一齊食，味道真係好夾好香！！仲有一隻好靚嘅唐心蛋😍壽喜燒牛肉燴飯好有驚喜！啲牛肉煮得恰到好處，肉質軟嫩，再加埋啲壽喜燒嘅醬汁，口感豐富，加埋流心蛋 一絕！整體嚟講，呢間cafe嘅食物唔單止好味，仲係用心經營。如果你鍾意日式嘅清新風，呢間cafe絕對係一個值得一試嘅地方！
繼續閱讀
因為有養狗狗，平時都會搵唔同嘅寵物友善餐廳去食，上網見到呢間食物好似唔錯，狗狗又可以入室內坐，所以就嚟咗呢度食。叫咗吞拿魚茶漬飯，黎到賣相超靚超吸引，味道都好好味，糖心蛋超入味，整體質素非常好，而且狗狗可以有梳化坐，環境舒服，下次會再嚟食！
繼續閱讀