Knockbox Coffee Company

營業中

休息中

原本星期日想輕鬆下，飲杯咖啡，室內無位，所以坐室外。買完coffee，職員無比單只係叫我出面坐低會拎比我。點知個男職員定咖啡師拎左兩杯野出黎，叫外賣單號！咁我冇單又唔知單號我梗係唔知嗰兩杯野係我，佢叫左兩次，然後入邊個女職員先話係我哋！個男咖啡就串串地咁話我地叫佢咗咁耐都唔應！大佬，你無比單我又無話我咩單號，我點知兩杯野係我！呢態度好差！再加上咖啡我唔覺得好飲，可能我已經成肚氣！本來想輕鬆下，但心情比佢破壞曬！

旺角飲杯咖啡呢度絕對係個好選擇😋一入門口就聞到好香嘅咖啡味🤤雖然位置唔算多 但座位之間都有啲距離 都坐得舒服！🔸 COMBO SET ☕️ $60(Single espresso + Piccolo)揀左ESPRESSO "MOUTHFEEL" 咖啡飲落Nutty & Full-bodied，Piccolo比Latte更加濃郁，口感更加醇厚🤤鍾意飲Nutty咖啡嘅朋友仔一定要試！🔸 Latte ☕️ $45🔸 Homemade Basque Cheesecake 🍰 $55軟心嘅效果做得好好，芝士味亦都好出，配住佢嘅Expresso可以中和到唔會覺得膩。有時間想再試吓佢哋個Lunch😋

職員態度惡劣，咖啡比三合一的還要差，完全沒有必要再去一次，點了一杯Ice Americano 一份包同沙律。如果不想去星**坐的話，而又唔介意飲一杯極難飲咖啡，可以考慮去坐一日。但小心職員冷言冷語

今日上堂放午飯，有成兩個鐘，立即放空一下。十一時半的餐廳未有人龍，感覺舒適安靜。All day breakfast $125這個全日早餐份量十足，雖然用料只係大啡茹、煙三文魚，沙律、車厘茄、煙肉、炒旦和茄汁豆等，但用料的質量不錯。大啡茄juicy 軟滑；煙三文魚柔嫩唔鹹有光澤，唔係茶餐廳貨式；沙律菜很新鮮，用醋汁，口感輕盈；而煙肉脆而唔乾身，亦唔太肥，再加上大量炒旦和茄汁豆，十分飽足。Flat white oat milk $50這燕麥奶咖啡味道濃厚，又醇香厚滑，有nutty的風味，口感順滑，是比較有味道層次的咖啡，不錯。

這間店人龍不絕，試一下咖啡。餐廳的裝修採英倫風格裝修，座位唔太壓迫亦都坐得舒適，即是週末都有午餐供應。Flat white oat milk $50有別於一般嘅咖啡，這咖啡味道更加醇厚芳香，口感圓潤順滑，呷了一口，有油潤的咖啡油口感，帶些堅果風味，口感順滑，仲有少少after taste, 對一般人而言，味道或許有啲濃郁，但個人喜歡這咖啡的味道，幾有特色。

以前過左飯市 二點半都仲要等好幾張枱。今日去11:45 坐到1:30 只有三份一 入坐。炸魚薯條， 脆皮入口苦澀，食完碟底一攤油 。😰我杯ice coffee 個顏色淡到 ，我以自己叫錯左凍檸茶。店舖的5個員工 得閒到人人手揸一杯啡 ，圍埋吹水。好 chill ! 又Chill 又 high （我講佢哋），佢哋嘈到我連音樂都聽唔到。想去 cafe 坐 既mood 無曬 ！

📍地址: 旺角黑布街23號地舖✿😋味道😋：3/5✿🏙️環境🏙️：3/5✿🤵🏻服務🤵🏻‍♂️：2/5✿👀賣相👀：2/5✿💰價位💰：2/5↠⏰時段：Tea 16:00 ↞ ✦✧ 根據國際旅遊網站Big 7 Travel曾經2019年公布過由網民揀出嘅「亞洲50間最佳咖啡店」，其中由呢間Knockbox Coffee Company入選第34位，佢已經由舊舖搬咗去一個新舖位，店舖size大咗，不過水準稍為下降咗。—————————————————————🧊☕️🥛❝ Iced Latte ❞ $50☞ 有Fruity 或者 Nutty 兩款豆揀，呢杯nutty嚟講佢寫明會比較full bodied，但喺我就覺得麻麻地。—————————————————————🥪🧀❝PARMA HAM·HONEY BAKED HAM AND CHEESE PANINI❞ $75☞ 呢個panini不過不失，側邊有少少沙律菜。

來兩次都失望😩真係卑啲誠意好😓話晒都享負盛名，，，今日來第二次！真心對呢度嘅咖啡係有期待的。第一次我當失準，只係奶泡打得差，唔至於我來卑負評。今日呢杯，真係較離譜，體諒唔到🥲完全不熱的latte，幾乎常溫🙂都係是第一次遇到呢種情況。溫度掌控非常之差，摸上去杯係暖的，只係因為有暖杯。可能呢度都是手沖咖啡較穩定！（我估）奈何胃被判刑，只能飲有奶的。Brunch選擇beyond Breakfast 🥗就一般，炒蛋係一啲味道都無，需自行落鹽/黑椒！多士不錯，小蕃茄都可以。

Returning customer, came here couple of times since they haven’t done the renovation. The last visit and today visit was not a happy one. 叫cappuccino 來latte!叫avocado chicken toast 完全食唔到avocado! 塊雞排薄到…I know it’s only $78, but still 可唔可以俾啲誠意？

嚟開呢邊做嘢搵個朋友，聽佢講knockbox嘅咖啡好正，雖然價錢偏貴五十蚊左右一杯，但一杯decent嘅咖啡間唔中飲下當獎勵下自己都開心嘅！有時間順便坐下，啱啱過咗最peak嘅Lunchhour所以都唔洗等位，但座位大概得十個左右，早少少嚟就一定要排隊喇。坐得見唔太餓就冇叫意粉叫左個yogurt bowl，朋友叫左意粉。兩份食物份量都真係幾少，bowl大概係大隻過平時飯碗少少未去到湯碗甚至沙律碗嘅size，意粉都係女仔食都未必夠飽嘅份量。所以呢方面就感覺比較貴咗啲。不過bowl最重要嘅係新鮮佢都做到，食落清爽嘅意粉質地靚用料一樣係鮮料，係心思野嚟，呢度加番曬分但最值得嘅始終係杯啡，轉燕麥奶都唔會鞋口，一樣咁滑，好值得飲！下午茶時間冇人等位又未滿座，所以我哋幾乎坐左三個鐘都完全冇壓力，當然有人等位就記得要即閃唔牀霸住喇！

上星期日下午經過黑布街，看到這間店面漂亮的咖啡店，店內滿座但可能時間較晏，很快便可以入座。☕️Yirgacheffe, Idido G1, Honey Lot 1店員超用心的講解，可以了解到咖啡豆的製作過程。味道帶姜花、芒果和桃味，清新不刺激。☕️Mocha味道偏酸，奶打得太過，喝了一口便起滿泡泡。這個價會期望更好，下次會試其他🍝Creamy mushroom and spinach linguine Linguine軟硬適中，cream 和芝士十分夾，味道濃而不膩，忌廉帶有濃濃的蘑菇香，菠菜也很香口，不錯。🍝Linguine Bolognese本身想試 chicken & avocado panini, 但已售完😢 所以試試這個用 impossible meat 做的素食意粉，原本還因為吃不用panini 而傷心，這Linguine Bolognese 給到驚喜。Linguine 自身已很好吃，肉醬的impossible meat 很入味，不像以前試過的素肉味和口感。番茄和芝士令味道好豐富，會想一直吃

☘️上星期四同friend 響旺角Wingman 食wings 後，行咗一陣間就想飲返杯咖啡解解膩，因為剛剛挑戰咗佢哋個Carolina reaper 超辣，條脷仲有啲麻😜 ☘️朋友就介紹咗呢間話咖啡好掂，間coffee shop 響黑布街，就響兩草附近，我哋去到時大概三點幾，人唔係太多所以唔駛等即刻有位。呢度相比響prime location 嘅客流明顯少啲，所以唔會好busy, 感覺lay back 啲，比較舒服！☘️我同朋友都叫flat white, 不過揀豆都係一個nutty ，一個要fruity 😜 個拉花都拉得唔錯。果然杯咖啡好香好滑，即刻醒神哂。朋友話呢度係新店裝修，地方擴大咗坐位比以前多，除咗bar 枱之外多了靠牆一排座位，如果一個人嚟可以考慮坐吧枱，望住barrister 沖咖啡仲可以交流吓咖啡經😜 ☘️本來想食佢個waffle, 但因為lunch食得太飽，所以都係放棄，唯有留返下次至食 ☘️呢度門口兩邊仲有兩張bench 可以俾你坐，鍾意outdoor抖抖氣嘅可以選擇坐响度，因為係橫街唔會車來車往太多廢氣都ok 嘅！

Well~~🌝平日放假都要搞屋企裝修，係旺角訂完材料當然要飲杯咖啡慰勞吓自己。記得同事推薦過呢一間墨綠色店面好搶眼嘅咖精品啡店🫒。餐單除咗多款咖啡，都有唔同嘅輕食同餐點。淺呷一口咖啡後，feel到佢哋真係有質素要求嘅精品咖啡☕️⋯要留意營業時間係11:00-18:00，限時一小時🕰，低消一杯飲品，所以想飲啡嘅朋友仔就早啲嚟~————————————————👅 Iced Latte（$50）👅 Iced Americano（$38）👍🏻無Iced Flat White，唯有飲Iced Latte啦！咖啡豆可以揀fruity & floral嘅Espresso AROMATIC🌸，或者nutty & full-bodied嘅Espresso MOUTHFEEL🥜。叫咗兩杯啡試晒兩款豆，前者感覺比較甜美清香，後者酸質比較高，相信大家各有所愛👅 Apple turnover（+$18）👉🏻平日放假嘅好處係食嘢多啲優惠，平日下午3-6點買任何飲品可以$18加購任何Pastry。當然叫個價值最貴嘅蘋果酥🍎，酥皮包覆住酸甜蘋果蓉餡，上檯時微溫不至於失去口感————————————————🚩總結：One

等食飯前行入左knockbox 旺角分店 門面好靚 但係都要等十幾分鐘先入得😅 叫左杯Ice long black ($38)同craft coffee 叫 Brazil guariroba natural ($65) 都幾好飲

記得第一次見到Knockbox這店舖，應該還在太平山街吧，當時舖面很細，只有老闆及老闆娘在，因沒有什麼客人，便和腹大便便的老闆娘談了很久，得知她的預產期已快到。不知什麼原因，再到太平山街時，店舖已搬走了；在偶然機會下才得知，他們已搬到旺角黑布街，而且店子也大了很多，還有很多店員，但就見不到倆公婆了，不知是否留在家帶小朋友呢？看過餐牌後叫了Creamy Mushroom and Spinach Linquine、Parma Ham & Cheese Panini、Latte 和Cappuccino 。Creamy Mushroom and Spinach Linquine～意粉煙韌有咬口，忌廉香滑中帶有濃濃的磨菇香味，很不錯。Parma Ham & Cheese Panini～外層焗得微脆，中間的巴馬火腿肉質軟嫩，加上濕潤柔軟的芝士，都幾好食。反而咖啡顯得普普通通，奶泡打得唔夠好，放下不久表面已出現很多氣泡，口感明顯因此而降低；好在味道還算幾好，要求唔高也可一試。印象中咖啡以前幾好的，現在竟然比食物差，實在有啲意外！Knockbox Coffee Company地址: 旺角黑布街23號地