kikusan

營業中

休息中

約人食早餐傾計真係好難搵到一個好嘅地方，不過沙田新城市廣場竟然搵到呢一間日本餐廳，野食唔錯，價錢略高少少，輕盈早餐$58 ，豐盛早餐$98，當然要加一啦，但勝在好坐又夠寧靜。佢個輕盈早餐份量其實都好夠，一條腸一份炒蛋一塊多士一份沙律菜再加一杯咖啡，就好開心咁傾一個早上。

一人前套餐包一款小食，餐飲同主食豚肉小籠包～本來對玩fusion嘅食肆整嘅小籠包都無特別期望，但有出乎意料嘅驚喜。小籠包質素比我預期中出色，好多食肆嘅小籠包都敗喺塊皮度。張相望落好似好厚皮，但實際唔係真係咁厚，雖則未算係好薄嗰隻。皮係偏向煙靭，食落唔會好糊好黏，加分千層豬扒擔擔拉麵~湯底爭啲香味，同埋可以再辣多少少，不過而家都唔差嘅，但有進步空間千層豬扒～開頭諗點樣千層法😂，原來係好多塊薄切豬扒卷埋一齊炸。不過吉列皮唔夠鬆脆，肉質唔係好嫩滑。好彩上openrice望過下，見到塊豬扒係放落湯度，落單時同店員講豬扒分開放。切記：如果唔想豬扒浸到淋晒，記得同店員提出分開上咖啡～呢度咖啡一般，不過唔算係特別好飲。不過唔想飲茶嘅話，又有多個選擇為左個小籠包，過左幾日又黎食多次不過今次質素同上次比，差左啲🥲今次個包底食落濕+淋左啲，有少少糊口唔知係咪蒸得太耐

N年前食過一次都無執過，食沙田食到唔知食乜，星期日想食啲點心，經過見得佢又唔洗等位好肚餓就衝入去。一坐底pat左張QR code 自己落單就預左，waiter就企左幾位，客就全場5檯左右。點左炭叉燒包$52/2件，兩分鐘就到快過樓上老麥叫魚柳包。一咬，室溫嘅！點心室溫即係番蒸都仲要唔識。請位服務員換，佢應該都慣左，無出聲攞左，30秒換第二籠比你。😂😂😂個一刻覺得算啦，再咬，微溫！都唔想再出聲 唔想麻煩佢用多30秒來回廚房換一籠常溫嘅比你，去到呢度都唔好有要求，唔肚痛都當贏。點左麻辣燒賣$52/2件，純粹唔好食。點左千層豬扒擔擔麵好似$88，純粹豬扒常溫，加麵唔好食。仲有煎餃 最正常！咖啡 正常。下午茶兩個人大約330$仲話加一，唔會話係貴，但浪費時間同個肚。唔好judge佢整得難唔難食禁複雜，點心嘅溫度都未做到，唔怪得得幾台客。講起收加一，我諗來諗去都唔知個服務係邊？見到位女士名係叠字疑似係經理，企係度同一檯客人吹水吹到天黑都未吹完，又主動加水。我由坐低食到走，個五檯客都走晒禁滯，員工幾位，一直捱住無晒水無人會加🤷🏻‍♀️🤷🏻‍♀️好難得位女士眼尾望到一眼，電光火石間請佢加水先成功到，呢個

知道這餐廳營運了好一陣子,  一直都沒有去食一回的意欲,  一月二日約了家人一起去試食, 沒想過的驚喜!!! 之後便與家人每星期都去食一次  希望可以保持水準, 又希望可以在尖沙咀開店!!

今次話你知嚟到一間fusion餐廳嘅滋味暢遊！開始我就撈咗兩件餐前小食嚟打個底——牛油果凍豆腐跟菠菜皮蝦餃。豆腐塊口感滑嘟嘟，搭埋埋微酸鮮香嘅汁令我一秒清新啦；咬落嗰碗薄皮蝦餃，蝦肉咬落劲彈牙，好過癮！跟住我地就開始狂吸西班牙極黑豚肉叉燒，個叉燒甜中帶鹹，肉質超級嫩滑，啖啖肉嘅滋味真係惹味過癮至極！絲毫不得悶！🍚蒜蓉炒西蘭花，簡簡單單，上菜閃閃發亮嘅青翠一覽無遺，食落爽口又唔油膩，好補身！綠茶配埋個迷你驢打滾，鬆軟中帶沙沙口感，點綴下午茶時光。呢位fusion菜嘅擺盤體面上檔次，味道又得！真係大飽眼福叉燒飯過後再嚟碟驢打滾，啱哂响嘴裡搖擺！🍵✨哎喲，我啲文字可能唔夠形容出嚟嘅豐富，但你去一試，準保你唔會失望！👌

跟朋友沙田午餐，新城市廣場有間Kikusan 吉谷舍係上海fusion菜，開業不久食過一次，今次再訪。素菜雲吞蔥油豆乾拌麵素菜雲吞清香甜美，餡料包得滿滿，蔬菜仍然很翠綠，拌麵有蔥油香麵條質感不錯，又有五香豆乾伴吃，足味。配上一個點心小籠，豚肉小籠包多汁鮮味，菠菜皮蝦餃 蝦肉爽脆彈牙，菠菜皮Q彈，兩款點心都讚。另外配上一杯白咖啡，濃香有種日式味道。千層豬扒擔擔拉麵 豬扒肉質不太好，粉粉的而且不太入味，反而擔擔麵的味道和質感都相當。配了涼拌小碟是蓮藕粒粒，清香脆口，飲品選了柚子檸檬蜜 暖胃清香。

平日下午時間，商場人煙不算多，自行入內找了個位子坐下。環境空間大，職員有禮貌，手腳快，上菜速度也快。掃QR code落單後，好快就有得食。剛跑完步，路經沙田，想搵食得飽又精緻既茶餐。咁啱見到呢間中日港fusion餐廳，order咗個食得飽、賣相又吸引既炒出前一丁超超有鑊氣、好入味的港式炒出前一丁！日式薄燒豚肉不生不焦，火侯把握得好好。加上蔥花，色香味俱全。配上飲品先係得$68，係商場內抵食茶餐之選👍🏻

午市繁忙時間12:30，大致不用排隊，餐廳內座位舒適，唯獨午市套餐食物選擇比較少。午市有一系列的套餐可供選擇，價錢尚算合理。有前菜+主食+飲品（由$88至$148 ）前菜方面，我們選擇了點心小籠，包括豚肉小籠包一件和菠菜皮蝦餃一件。點心即叫即蒸，現場有廚師即場揉皮。菠菜皮質煙韌，蝦餃餡料十足，小籠包有很多湯汁，整體點心非常出色😋我哋點了一份千層豬扒擔擔面，辣度可以選擇，小朋友選了走辣，花生味會更出一些，麵質硬度適中，豬扒由一層一層的豬肉疊製而成，外層是吉列脆皮，建議食嘅時候可以用另一隻碟分開放，否則脆皮吸取湯汁後會變得淋身。另外，我們點了一個豚肉生薑燒拉麵，最出色的是薑汁充斥整碗麵嘅湯汁，豚肉用薑和洋蔥一併炒起再加上蔥花鋪面，配搭一流，湯底濃郁，令人有意外驚喜🤩最後飲品方面，可選擇一般檸茶、檸水或咖啡、奶茶，值得留意白咖啡也是免費選項，另加$5可以選擇熱柚子檸檬蜜，或加$8轉配柑橘熱情果茉莉冰茶另餐牌上有多款食物可供選擇

來到新城市廣場找餐廳食晚飯，見到吉谷舍的餐牌幾有趣，驟眼看以為是日式餐廳提供一人前套餐，認真細看又見到有點心之類，原來是中日fusion菜！點了份一人前套餐，有熱飲、一款點心及一款主食。選了豚肉生薑燒拉麵的套餐 ($128)，配菠菜皮蝦餃 (3件)及凍柚子檸檬蜜 (+$5)。豚肉生薑燒拉麵，豚肉生薑燒為和風菜式，拉麵用的並非日本拉麵而是上海拉麵！豚肉軟嫩帶淡淡薑汁香，拉麵麵質細滑，與豚肉生薑燒的味道很配！菠菜皮蝦餃，菠菜皮只得顏色，而沒有菠菜香味，皮略厚。蝦餃飽滿，內有原隻蝦仁🍤，大粒又爽口！西班牙極黑豚肉叉燒，叉燒連爐一起送上桌，令叉燒得以保持溫熱狀態。半肥瘦的叉燒燒得微微焦香，肉質軟稔得來有咬口，帶蜜汁香甜而且肉汁豐沛，好吃！滑蛋吉列廣島蠔丼，雖然滑蛋看似不夠嫩滑，但仍帶點蛋液，都算可以。最令我感到驚豔之處是那三大隻吉列廣島蠔！！廣島蠔的脆漿厚薄恰好，蠔肉大隻又飽滿，入口充滿蠔的鮮香，加上外脆內嫩的口感，很好吃！！凍柚子檸檬蜜，味道稍為偏甜，即使冰溶化了，也沒怎能減低甜度。這頓晚飯點的幾道菜，味道都不錯～～～最令我感受到中日fusion的菜式實屬豚肉生薑燒拉麵，在一般上海菜餐廳都不

有時想簡單快捷又比較經濟，仲可以食到松子魚🐟經典菜式，可以試吓呢一度。晚市套餐二人前有多款餸菜可以選擇，真係有得揀，質素仲幾不錯👍🏻.———————————————————————————.🥢松子魚🐠💬雖然唔係原條上碟，但同樣炸到好香脆，而肉質仍然鮮嫩，酸甜汁非常醒胃，可以伴飯食😋.🥢素鵝💬最重要係夠香脆可口，而且餡料豐富又美味，絕對做得到😋.🥢清酒雞🐔💬清酒浸雞少咗花雕酒嘅濃烈味道，但又多咗份清香，雞肉仍然嫩滑有驚喜😋.🥢小籠包🥟💬小籠包能夠爆汁💦就已足夠，當然皮夠薄同夠飽滿就係基本原則🤓

兩個人叫左個二人餐，十分抵食又夠飽。 揀左春卷 （兩條）， 大條又足料，裏面有蝦同紅蘿蔔，脆卜卜。前菜揀左個口水雞 （ 要加$38），將雞肉撕成絲，配埋佢個辣汁，十分惹味，仲有皮蛋作配菜。主食揀左京蔥爆牛肉，牛肉腍，唔會過硬咬唔到個啲，送飯一流。 干鍋花菜係我每次黎呢間必點嘅一款，望落簡單一款，只得辣椒同埋花菜，但係！好好食，應該落左花椒油，不過今次有少少鹹。 野飲揀左檸檬玄米梳打 （無酒精個款）， 好好飲！每次去都必點。

炸雞親子飯外面夠酥脆，內裏就正常啦，唔算好乾身，反而個蛋冇乜味，冇乜汁，好似好多白飯咁豚肉生薑燒拉麵 呢個真係日式既港味拉麵，有驚喜，豚肉夠嫩，拉麵都好掛汁炸蝦春卷呢個春卷真係會番焯，唔好睇佢得2條，真係好飽肚，好足料，個皮脆卜卜得黎一d都唔油，啖啖都係蝦肉

首先講吓佢外觀裝修得好靚都好有懷舊嘅感覺燈光一流仲要唔多人排隊坐咗成晚但其實座無虛席可以俾我哋好好傾吓計侍應服務態度禮貌都好好咁就講吓啲食物啦樣樣都好好味菠蘿咕嚕肉👍🏻👍🏻👍🏻👍🏻👍🏻大讚啲肉好入味菠蘿又醒胃水煮魚👍🏻👍🏻👍🏻👍🏻辣度控制都可以擔擔麵👍🏻👍🏻👍🏻👍🏻👍🏻會令人想食完一碗又一碗😊😊😊😊小籠包👍🏻👍🏻👍🏻正常水平

早上和媽媽去沙田吃早餐，出閘後行過去一樓的食肆樓層，好多選擇～我地見吉谷舍坐得比較舒服，而且食物種類好多，價錢適中用手機二維碼落單，方便快捷。我叫了一個燒雞扒滑蛋沙律配豆漿，賣相十分唔錯，雞扒好嫩滑，滑蛋好香奶味，沙律新鮮，豆漿係即磨的唔太甜～而媽媽叫了煙三文魚沙律配黑咖啡，大大份，最特別的是煎釀牛油果大啡菇，口感特別仲配有滑蛋，香腸等等，好豐富的早餐⋯⋯食完唔覺得太油膩，啱啱好，埋單$167總的來說非常滿意！

今日食lunch 呢間都好多人，諗住試下。用餐時間只有75分鐘，感覺尚可，一打開餐牌，看到「西班牙極黑豚肉叉燒天婦羅蛋飯」，心中大喜，因為除非真係去食日式天婦羅店，否則好少舖頭做「天婦羅蛋」。個飯都唔平$178，但ok la 試下.....一上檯見到「天婦羅碎」+「蛋」，即時嬲左。好質疑咁是否符合商品說明條例，試下去google search 「天婦羅蛋」，根本無可能出到呢張圖，完全癲覆一般人對「天婦羅蛋」的認知。叉燒唔錯 但隻油蛋好油，又貴，整體又一般，無下次，完。