Kay Restaurant (已結業)

前菜：即焗即整香趣蒜蓉法包，再配一配上一碗足料到din 嘅黑松露蘑菇忌廉湯沙律每啖都"索索聲"配埋啲咩名堂但酸may may 嘅汁，開胃嘅Main course紐西蘭草字肉眼扒5成熟，肉香爆棚，嫩滑多汁焦香，牛味濃到震，再配埋個你估唔到嘅番薯薯容，原來咁夾，啱尖佬黑松露意大利飯：好creamy,濃郁松露香，奶滑米心韌，邪惡但會不斷追食食得出廚師注重每一道餸嘅細節，連配菜都冇hea 你，人均平百零，仲要有攞盤，仲要係西餐wor，元朗真係一個好神奇嘅地方🥴環境清幽乾淨企理，用餐體驗舒服，啱情侶節日慶祝or 假日食個靚lunch ~Lunch真心抵deal~ 會返啅😗

最近聽人講元朗雞地有好多西餐廳,今日特登走去試吓,諗住隨機抽一間餐廳試一試,行行吓比呢一間餐廳嘅特價午餐所吸引而且環境又唔錯，所以走入去試吓我選擇坐喺門口位,就算日頭都見到佢好多嘅星星,有播住柔和嘅音樂,心情都感覺幾舒服就係俾呢個周年午餐優惠所吸引有一點值得一提,就喺呢度嘅侍應姐姐,好好服務,好好笑容佢哋會就住你嘅食嘢速度去上菜初初我以為呢個係羅宋湯,原來呢個係好濃郁嘅蔬菜蕃茄湯主菜就係呢個黑椒豬扒飯,一啲都冇嬉埸，因為份量超級足夠👍🏻👍🏻👍🏻👍🏻味道的確唔錯，可以再返check🧚🏻‍♀️🧚🏻‍♀️🧚🏻‍♀️

情人節翌日，想去食西餐，哩間之前網上睇到咁多好評，所以今日第一次到訪。星期六中午去食晏，兩個人都一齊點咗西冷牛扒五成熟。先嚟湯或沙律就幾好嘅，賣相同味道都OK，一心仲以為有食神，點知……！！到塊牛扒嚟到，擺盤都OK，點知第一啖食落去已經feel到出事。唔好話無煎香或炭燒味哩啲奢侈嘢，塊扒本身就係完完全全無肉味，食得出係超平價冰咗好耐果種肉，而且調味得個死咸嘅味道，又韌又多渣。食到我哋兩個黑晒面…西冷牛扒五個差老實講哩塊牛扒嘅唔好食程度連平價港式扒房、茶記甚至連鎖快餐店都好過佢，喂你夠膽賣 $178蚊，星期六日仲要加一，唔係俾份咁嘅嘢我食呀？我本身好想同佢講份扒好唔掂，我老婆叫我算啦講少句，無下次，當買個教訓。最後我同老婆要猜包剪揼睇下邊個埋單，唔係因為孤寒，係根本兩個都唔願意俾成四舊水食啲咁嘅劣食。絕對絕對唔會再幫襯。我實在唔知其他食評話好食果啲人嘅味覺出咗咩問題。

今日去了元朗工作，就係附近搵間餐廳食早餐。見到個門面以溫暖啡色為主，餐牌寫好晒早餐款式就入去搵位坐低。全日早餐選了雞扒，蒜蓉包夠脆，沙律菜新鮮，有我最愛的三角薯餅，咖啡正常發揮。如果茄汁豆係熱就好啦

星期五臨時喺OpenRice上面訂位，咩時段都有得揀。七點左右去到，餐廳地方不大，已經有兩三枱客食緊。見到晚餐套餐有沙律有湯有主食，抵過散叫，一於就試吓。本身想試吓二人餐（$7xx)，但主食都係肉類，想試一個飯或者意粉所以就冇叫到。每台都有星星或者月亮嘅枱燈，增加氣氛，但就幾阻埞，最後店員都要將兩張枱拍埋俾我哋先夠放嘢食。沙律唔係齋落醋，有酸酸甜甜嘅芒果汁幾新鮮開胃。蘑菇湯正常發揮，但一讚蒜蓉包烤得香脆。豬仔髀煮得幾腍入味，墨魚汁飯亦有啲蜜糖芥末嘅甜甜地味都幾特別。個扒明顯同二人餐或者散點嘅有分別，雖然佢話頂級西冷，落單時亦都有問我想要幾多成熟，但以咁薄嘅厚度其實都冇咩分別，食落亦冇乜肉味，只係好普通好似超市買到一般嘅牛扒。我哋兩個各叫咗一個花茶，用透明茶壺裝住，店員見我哋飲晒仲會幫我哋加水。雖然餐廳訂枱本身有限時100分鐘，餐廳店員亦都話當晚Booking好full，但最後餐廳最多人都只係得半滿，夠鐘店員亦都冇趕我哋走俾我哋傾吓偈。所以我哋兩個人都決定叫多個甜品試吓。店員推介佢哋嘅自家製心太軟，製作需時。嚟到見到個樣係有啲細，但係一切落去都非常流心，好期待咁試吓。心太軟食到有啲杏仁味

穩穩陣陣Book定枱收工後二人世界撐枱腳❤️餐廳唔只有聖誕氣氛仲幾有情調🥗前菜༯ 鮮果雜菜沙律比個自家製醬汁深深吸引🤤用水蜜桃/菠蘿加少許果醋製成果香甜帶微酸 既開胃又食唔停且內有新鮮生果同蕃茄仔༯ 每日精選餐湯配蒜蓉包是日雜菜湯 料足味道濃郁蒜蓉包香口鬆軟帶脆🍽️主菜༯ 紅酒燉牛頰肉燴牛肝菌汁意大利飯 $𝟏𝟗𝟖有驚喜好滿足👍🏻牛肉非常軟嫩 完全無須用力就切到味濃帶有彈性膠質筋位（腍且易咬）飯質奶油感重而不膩又煙韌內有菇 蘆筍 芝士片༯ 燒加拿大穀飼無骨豬扒配金巴利櫻桃醬 $𝟐𝟏𝟖 表面燒至焦香內裏粉嫩厚切肉質柔軟亦不失肉汁 無膻味配微微酸甜櫻桃或芥末醬都各有千秋伴碟有粒粒翠玉瓜同奶香感南瓜蓉🍹飲品༯ 百香果紅茶（熱） $𝟑𝟎༯ 百香果乳酸三色Q果 $𝟒𝟐百香果愛好者 味道剛好清香不過濃兩者都酸酸甜甜 後者QQ果凍有咬口◡̈ 以上食評乃個人意見僅供參考◡̈ 價錢僅供參考一切以餐廳為準

由Yoho Mall行大約十分鐘就會去到好多餐廳小店嘅集中地，今次去嘅Kay Restaurant由五星級酒店主廚主理，出品有一定保證今次試吓佢嘅lunch set, 星期二至日都會供應，每款都會配蒜蓉包、是日餐湯同餐飲，今日嘅餐湯係蘑菇湯，啖啖都充滿蘑菇蓉，好足料，蒜茸包烤得好香脆，蒜蓉牛油蒜香撲鼻✦慢烤加拿大保濕豬肉眼配水蜜桃芥末籽醬保濕豬肉眼好厚肉，經過慢烤烹調，將肉汁鎖緊，一切開就見到好juicy ，食落同樣juicy，配上特別調製嘅水蜜桃芥末籽醬，即刻成個感覺好清新，而薯菜係用上蕃薯蓉，味道好raw質感香滑，幾特別✦香煎紐西蘭P.S西冷牛扒（8安士）配薯菜西冷牛扒一切開就見到中間透出粉紅色，火候拿捏得好好，牛扒食落牛味幾濃，口感柔軟，本身已經帶調味，整體都幾滿意，薯菜同樣用上蕃薯蓉，感覺上無薯條咁邪惡估唔到今次搵到一間高質小店，值得再訪，見佢晚餐有更多選擇，下次會再試試𓄢Kay Restaurant元朗鳳攸南街9號好順利大廈地下60號舖

前幾晚去左呢間kay嘅餐廳食生日飯，一入門口見到得一枱客，心諗唔係中左伏嘛，話晒大人正日生日，一失手就破。地獄架喇！但唔黎都黎左，試試佢囉，睇完menu落單，先黎個餐前沙律醒醒個胃，又幾好喎，新鮮蔬菜同生果，食落口幾清新醒胃，再上餐湯同脆包，個湯好飲嘅，但我本人唔鍾意似麥皮嘅質感，主菜到，兩塊扒都係5成熟，火喉準確無比，外脆內軟之餘，肉汁非常鮮美，呢啲都唔太重要，最重要係我同大人講嘢食時，大廚同侍應以為出問題，即時埋黎問，今時今日咪就係要呢啲服務態度囉，食物味道重要，待客態度更加重要，下次可以再翻食！

Kay Restaurant (元朗)元朗鳳攸南街9號好順利大廈地下60號舖呢間餐廳無論日與夜經過都覺得好有情調🙈終於試一試佢🙈就咁睇個餐廳環境👍🏻 情調好給力👍🏻好岩同曖昧對象 /情侶🙈去食 我就同朋友 點左 2個 晚餐系列煙三文魚菠蘿干島醬薄餅配脆炸薯條紅酒燉牛頰肉配牛肝菌汁意大利飯佢個晚餐系列好吸力又餐湯 又飽又沙律 但佢唔係hea嫁 沙律個量 頗多 重要有水果 紅酒燉牛頰肉配牛肝菌汁意大利飯牛頰好淋 又入味 意大利飯 軟硬適中👍🏻飯後甜品 雲呢拿梳乎厘空氣感👍🏻輕身👍🏻甜度剛剛好 #karlee90s #元朗 #元朗美食 #西餐 #hkig #ighk #foodie #foodiehk #情侶好去處 #kayrestaurant

元朗雞地越來越多餐廳，呢度嘅餐飲業競爭都幾激烈。喺食肆林立嘅鳳攸南街，最近就去左其中一間食西餐嘅Kay Restaurant。去嗰日臨近萬聖節，餐廳入面仲有萬聖節嘅佈置添。晚餐時段有Dinner set menu選擇。每份晚餐有鮮果雜菜沙律、餐湯配蒜蓉包同埋自選主菜。鮮果雜菜沙律。份量都幾大而且唔馬虎，新鮮水果配沙律菜，再淋上水果蓉同醬汁，充滿果香清甜，好refreshing。是日餐湯係蘑菇湯。菇味好重，配蒜蓉包絕配！主菜揀左蒜香檸檬牛油烤焗盲曹魚。即叫即焗嘅盲曹魚上檯熱辣辣，已經聞到好香蒜蓉味！盲曹魚焗到外皮微脆，魚肉滑溜有魚味，配蒜蓉牛油好香口惹味！伴菜嘅蕃薯蓉好甜！另一份主菜揀左香蒜辣椒伏特加海鮮扁意粉。意粉好滑，軟硬度適中，個汁有海鮮嘅鮮甜味同淡淡蒜蓉香氣。伏特加嘅味道唔算好突出，但係佢更加帶出海鮮本身嘅鮮味。成個配搭唔會好油膩，食完成份都無咩負擔！最後叫多份甜品作結。呢度有唔同口味嘅梳乎厘選擇！點左香橙，即叫即製製作需時，所以都等左一段時間。梳乎厘有淡淡嘅香橙清香，不過入口反而比較接近柑橘味，梳乎厘口感唔夠fluffy，比較似蛋糕嘅口感，同埋中間空心所以同想像中有啲落差。

朋友介紹話元朗有間西餐好氣氛又好食，於是今次就去試吓～😃果然裝修係好精緻，而家每張檯都有星星/月亮🤣因為近萬聖節，仲有啲節日佈置添！🕸️🕷️Dinner set平均百零蚊就有沙律有湯，都幾抵食咁！想散叫都仲有好多選擇，不過唔想諗太多就叫set算數😜Dinner set沙律份量好多！🫨配上酸甜芒果醬好開胃，仲有啲水果咁好fresh☺️餐湯係青豆煙肉忌廉湯，對於唔食青豆嘅我嚟講係有啲怕怕，好彩飲落原來無個種討厭嘅味道🤪😋蒜香檸檬牛油烤焗盲曹魚柳配番薯燒蔬菜魚皮煎得好香脆，魚柳無腥味，蒜香牛油同魚真係好夾～，食落又唔會太油膩！蕃薯蓉淡淡清甜，味道好天然😙烤紐西蘭頂級西冷牛扒配紅酒燒汁 + 鵝肝牛扒嘅熟成度掌握得好好，真係做到5成🥰牛扒係有少少筋但尚可接受，店員介紹加鵝肝係無介紹錯！鵝肝個油脂同牛扒中和得好快，有種食和牛嘅錯覺添呀😏😏飲品方面叫咗杯香蕉朱古力奶昔，唔會過份甜。香蕉仲保留咗啲粒粒果肉口感好正！朋友真係無介紹錯！元朗想食西餐建議大家黎Kay Restaurant 😚😚

最近系YOHO附近發現一間性價比不錯既西餐廳！環境暗暗地，幾有氣氛，仲見到有幾枱人拎埋蛋糕慶祝。炸魚配薯條 $78無諗過呢個價錢有大大塊炸魚柳，平時食都至少$100，炸魚炸得夠脆，炸粉薄，魚肉厚身，薯條連皮炸，調味不錯！紫蘇青醬忌廉汁海鮮意大利飯 $138海鮮幾足料，有2隻大蝦、蟹柳、帆立貝、青口等，risotto 好重芝士忌廉味，呢個飯可以加$38轉做晚餐！烤紐西蘭頂級西冷牛扒（8oz）配紅酒汁 晚餐 $228呢度有晚餐提供，我地叫左一份，晚餐跟餐湯、蒜蓉包同沙律。蒜蓉包搽左好多蒜蓉同牛油系面，一食落去好濃味，而且好脆，會想encore既程度！南瓜忌廉湯質感幾濃，味道不錯。蘋果柚子醬汁沙律，有幾多蘋果，柚子味清甜。西冷牛扒5成熟，連帶左少少脂肪，原本覺得太多脂肪想切走佢，點知配埋肉一齊食，牛脂肪既油脂散發左出嚟，令牛肉味變得更香濃，牛肉肉質本身都好軟腍。薯菜跟甜薯蓉同牛油炒過既翠肉瓜粒，甜薯味幾甜，分開單獨食系ok，但配咸味既紅酒汁有啲吾太夾。店員仲話宜家10月做緊啤酒優惠，不過我地要揸車就無叫。

餐湯蒜茸包 and 餐湯滿滿蒜茸味既包 脆卜卜💫香煎紐西蘭P.S西冷牛扒（8安士）配薯菜擇左7成熟既牛扒 好厚身 肉質勁juicy😍點埋芥末醬同本身既燒汁 一流 仲有薯菜、翠肉瓜 做配菜🤭💫挪威煙三文魚忌廉牛油果醬汁扁意粉擺盤勁靚 有花狀既三文魚 啖啖意粉都有滿滿既忌廉牛油果醬 好開胃😍😍🥤凍抹茶鮮奶最鍾意飲抹茶鮮奶, 好有奶香味既抹茶, 不帶苦澀, 抹茶有抗老功效💚🥤百香果乳酪三色Q果打卡一流, 勁多果肉, 有咬勁👍

📍Kay Restaurant ⭐️ 前五星級酒店主廚👨🏻‍🍳 炮製嘅西餐呢間餐廳係由前五星級酒店主廚👨🏻‍🍳Kay 主理，提供高CP值嘅西餐 🍽️ 。餐廳地方唔大，但裝修簡潔，配搭柔和特色嘅枱燈，令人感到好放鬆。店內設有半露天座位，吸煙嘅朋友就可以坐呢啲位置。店員親切有禮，服務貼❤️✨ 🥗 煙三文魚鮮果火箭菜沙律蜜桃醋汁沙律 $98 👍🏻👍🏻👍🏻👍🏻火箭菜份量很多，亦都好新鮮爽口，配上蜜桃醋汁，口感好層次✨ Kay招牌脆炸德國咸豬手 🐷 $198 👍🏻👍🏻👍🏻👍🏻👍🏻餐廳招牌菜💯 ，豬手外皮超級香脆，但肉質好鮮嫩，唔會太肥膩，又唔會過鹹，💰200呢個價錢真係超值❗️✨ 欖油紅椒蒜片海鮮炒扁意粉🍝 $128 👍🏻👍🏻👍🏻👍🏻意粉好creamy，海鮮好多，有蝦 🦐🦑魷魚等，口感豐富，每一啖都好有層次✨凍檸茶 $30 👍🏻👍🏻👍🏻🍹 味道酸甜，非常解油脂👍🏻👍🏻👍🏻👍🏻👍🏻（最推薦）- 👎🏻（可以唔使試）

男友話上網見到元朗雞地有間西餐睇落幾唔錯，話要帶我去食番餐好，咁當然唔會say no la～間餐廳嘅佈置係幾有格調，而且坐得都舒服，食物都好高質，而且價錢唔貴，值得再去！ 🧡西班牙蒜油蝦（$78）蒜片配上蝦，入口蒜油嘅香氣滿滿，蝦亦新鮮，肉質彈牙，作為前菜一流！ 🧡烤紐西蘭頂級西冷牛扒配紅酒燒汁晚市套餐 （$228）🔸鮮果雜菜沙律&每日精選餐湯配蒜蓉包沙律賣相靚仔，用料新鮮，而且份量都幾多。個汁酸酸甜甜，好開胃！蒜蓉包就夠哂鬆脆，滿滿蒜蓉係個包面到，蒜味香濃！是日餐湯係紫薯忌廉湯，味道好重紫薯本身嘅天然甜，口感順滑，唔錯！ 🔸烤紐西蘭頂級西冷牛扒配紅酒燒汁西冷牛扒我哋揀咗五成熟，廚師處理得恰到好處，表面係微焦，內裡肉質粉嫩多汁，完全唔會韌！紅酒燒汁個味亦做得好平衡，唔會搶哂牛扒個味。配菜係甜番薯蓉，味道甜得黎唔漏，正！ 🧡菠蘿薄荷梳打（$48）唔會過甜，入口感覺清新，解膩舒服，啱晒夏天飲！ 🧡朱古力心太軟配雪糕（$88）熱辣辣嘅流心朱古力心太軟配埋香甜冰凍嘅芒果雪糕，冰火二重天確實係一餐完美嘅句號！