KAPRAO

營業中

休息中

星期六同朋友去左佐敦食間新開嘅泰國菜。位置喺上海街，餐廳星期六都仲有set lunch，我同朋友就喺main menu叫左幾樣share。鮮蝦炒金邊粉炒起好香，好足料，上枱都感受到新鮮炒氣嘅鑊氣。鳳尾蝦大大隻，食落爽口新鮮。配料足，芽菜，蔥，蛋，花生粒撈起好好食。金邊粉煙韌有咬口，食落清新，酸甜好味。炸皮蛋蝦餅份量比想像中多，一睇就知係相當講功夫嘅一道菜式，皮蛋新鮮，唔會有d放得耐嘅味。蝦餅厚實而彈牙，外皮薄脆炸得啱啱好！建議先原味試一件再點泰式辣醬，就咁食都好好食！推薦~泰式牛肉沙嗲串燒串燒三串起叫，牛肉串燒調味啱啱好，肉質都幾嫰，食落唔會有羶味。沙嗲醬好香濃，喜歡重口味味少少嘅就可以了點埋醬食。飲品 朋友叫左 泰式青檸茶 少冰少甜我飲左啖，飲落似有加左話梅，少少鹹味，茶底香濃，凍飲飲落好清新消暑。我就叫左泰式奶茶 少冰少甜，靚靚嘅杯加埋一層厚奶泡勁啱打卡，仲好好味，奶味香濃，但唔會搶左茶底嘅香味。芒果糯米飯，糯米飯暖熱，質感軟熟，芒果新鮮，賣相仲好靚~餐廳店員有禮，座位闊落舒服，聽到廚房都用泰文溝通，睇黎廚師都係泰國人。

店子格局平實，但見星期天午市價格相宜，一於入店試試。我們點了三個主食：青咖喱雞飯：大大碗青咖喱汁，那種鮮青的顏色是第一次見，味道唔錯，不太辣，只欠少許咖哩香，雞肉中規中矩，青咖喱汁內還有一些茄子等小配菜。香煎鱸魚配紅咖喱汁飯鱸魚連皮，但皮沒有被煎得脆脆啊，有點失望，魚肉沒有腥味，調味尚好，配紅咖喱汁一起食都夾得來，另還有秋葵和茄子等小配菜。香葉肉碎煎蛋飯香辣道唔錯，沒有過鹹，配埋隻煎蛋（沒有燶邊），送飯一流。另兩份小食（小食各加28）泰式酸辣無骨鳳爪：酸辣味道平衡得唔錯！炸蝦餅：4塊半件，油了少少少少，整體可以！飲品只叫一杯凍龍眼冰，👌🏻埋單268，算好抵食啦！

# 【食評】佐敦泰菜性價比之選 —— Kaprao Authentic Thai Cuisine 佐敦餐廳選擇一向多，但近期新開嘅呢間 **泰國小店 Kaprao** 真係有驚喜！環境舒服，裝修簡潔又帶少少泰式元素，坐得寬敞，啱晒情侶、朋友甚至一家大細。店員態度親切，上菜速度快，唔洗等好耐。 ---## 🍛 青咖喱雞（$88） - 賣相一大煲，份量十足； - 咖喱汁偏甜，唔算辣，味道濃郁兼好合胃口； - 入面雞肉滑嫩，仲有大量茄子、蔬菜，食落好有層次； - 最正係用嚟點蒜蓉包，完美配搭。 ---## 🥖 蒜蓉法包（5片 $48） - 焗到外脆內軟，蒜香足； - 點青咖喱汁一齊食，簡直係邪惡又滿足嘅組合。 ---## 🍢 串燒拼盤（6串 $88） - 六條只係八十八蚊，真係抵食； - 有雞肉同牛肉，肉質唔乾柴，帶有微微炭香； - 配埋沙嗲醬汁，幾有水準。 ---## 🍲 牛肉冬陰功湯河（$78） - 湯底酸酸辣辣，香茅同椰奶味突出，飲落清新又開胃； - 牛肉用咗肥牛，油脂香濃，味道豐富； - 河粉份量一般，但吸晒冬陰功湯精華，好惹味。 ---## 🍹

位於佐敦嘅泰式餐廳用，店員態度友好，座位舒適，光線充足。泰式菠蘿海鮮炒飯給我留下了深刻的印象。米飯粒粒分明，搭配新鮮的海鮮和菠蘿，讓整道菜散發著獨特的甜酸風味，口感豐富而不膩。每一口都能感受到菠蘿的清新和海鮮的鮮美，實在是一道完美的主食。炒飯嘅濕度偏向像在泰國吃到的。接下來的鮮蝦金邊粉的Q彈口感，加上少許的辣味和青檸，讓整道菜更加提味。蝦子的鮮嫩與金邊粉的搭配，味道不錯！飲品方面，招牌清萊綠奶茶的香甜正好中和了菜品的辛辣，喝上一口，仿佛置身於泰國的熱帶陽光下，清涼無比。估唔到綠奶茶嘅味道可以咁香，值得一試！最後，芒果糯米飯的甜蜜為這頓飯畫上了完美的句號。糯米的柔軟與芒果的香甜相得益彰，讓人心情愉悅。總體來說，這次的用餐體驗無疑是一次味蕾的享受，每一道菜品都展現了泰國料理的獨特魅力，讓人回味無窮。

昨晚同小編爸去佐敦試新嘢揀咗呢間泰國菜食因早去到關係所以不用等枱店舖光猛泰式裝修枱都闊落菠蘿海鮮炒飯小編爸揀咗呢個因為佢唔食得辣嚟到賣相好靚份量好多仲要帶子粒都好多菠蘿燒過所以份外香甜配埋肉鬆口感一流鮮蝦炒金邊粉小編揀咗呢個泰式經典如炒飯一樣 賣相好靚有三隻大蝦起頂份量一樣勁大碟甜酸味適中開胃如果多少少配菜會更出色蒜蓉炒通菜原本好想叫馬拉盞炒的但小編爸較愛蒜茸味呢個好有鑊氣好似起芭提亞食過果個味呢碟今晚跑出😆青檬梳打超大杯好抵飲招牌清萊綠奶茶小編爸好滿意 佢話甜度啱佢口味好香醇整體來講幾好適合三四位知己開心share食而家新張優惠晚市仲有八五折真係好抵食

佐敦一帶一向不乏泰國菜🇹🇭應該系除咗九龍城以外最多泰國菜嘅集中地。食物價錢十分相宜，有部分主菜$100都吾洗，有多款特色小食同飲品。炸蝦餅真系去到泰國餐廳必食，蝦餅蝦膠打得結實，炸得金黃香脆🧡沙爹串燒拼盤🍢牛肉同雞肉各有3串，牛肉肉質相對結實🐮雞肉嫩滑易咬🐔串燒沾上沙嗲醬更滋味。冬陰功海鮮炒飯，每一口炒飯當中亦嚐到滋味冬陰功辣味🔥海鮮有蝦肉🦐帶子 魷魚🦑全部食材都好新鮮，炒飯有鑊氣又粒粒分明。朋友叫咗泰式青檸茶🍋‍🟩我就叫咗招牌清萊綠奶茶。青檸茶酸味較明顯，綠奶茶淡奶同綠茶比例均勻，茶味濃郁🍵奶茶控的我表示愛了💚

行過佐敦發現呢間新開泰菜，裝修簡約得嚟坐得舒服，燈光光猛，晚市全場爆滿！一試竟然搵到高質泰國味道🤗🐷 豬肉生菜包炒肉碎用咗大量洋蔥、辣椒🌶️ 酸辣勁道超足，包埋新鮮爽脆生菜食，減低油膩感，食快少少會feel到辣，額頭微微出汗好過癮！🍜 清邁地道咖哩雞金麵全場MVP💛 金麵係泰北特色，蛋麵炸過再浸咖喱，雙重口感！咖喱杰身椰香濃郁帶薑黃香，雞髀肉勁嫩滑，配料仲有酸菜，撈勻食層次爆燈。好食到湯底都飲埋！🌶️ 泰北辣椒膏腰果炒雞球唔會好辣，雞球勁嫩滑超入味，腰果炒過保持脆口，加咗甜椒同洋蔥平衡辣味，一流🍢 泰式沙嗲串燒即叫即燒超香口！雞肉軟嫩多汁，牛肉有嚼勁唔韌，沙嗲醬花生味濃稠帶微甜，食得出有粒粒花紅碎，幾有誠意另外值得一提係呢個青檸梳打，加入左青檸汁成杯野成有「檸」味，飲落氣泡入口勁refreshing!

行過佐敦呢一間泰國菜，見到Menu上面的價錢幾平，職員介紹話係新開的餐廳，就入去食下。餐廳牆上裝飾好有泰國元素，又播放住泰國的歌曲。炸蝦餅（4個）$68每件切開咗兩邊，入口熱辣辣，幾夠爽口彈牙，點埋個泰式甜酸醬食好夾。泰式雞肉沙嗲串燒 $18串雞肉夠滑，好欣賞個沙嗲醬，花生味好濃郁。泰式牛肉沙嗲串燒 $18串呢個幾有驚喜牛肉嫩滑無筋。蟹肉炒飯 $108炒得夠鑊氣，飯粒粒分明。泰式青檸茶 $28茶的甘澀味同埋青檸嘅酸爽相互交織，入口茶味濃郁，好清新嘅口感。芒果沙冰 $38入口有點咸香的芒果味，幾特別，芒果味好濃，面頭仲有幾片芒果肉，解暑一流。呢間餐廳冷氣好足夠，而且座位都坐得幾舒服，職員服務態度都好好，我覺得性價比幾高。

🔸蟹肉炒飯（$108）炒飯米粒分明有鑊氣蟹肉鮮甜搭配香蔥、蛋花同胡椒口感豐富大推❤️🔸冬陰湯牛河（$78）湯頭酸辣惹味牛肉鮮嫩兼肉味濃每啖都充滿泰式風味呢🔸泰式燒豬頸肉（$88）豬頸肉外焦內嫩搭配特製的醬汁充滿泰式風味🔸泰式奶茶（$28）泰式奶茶口感醇厚茶香同奶香恰到好處甜度適中賣相亦討好身為奶茶迷非常鍾意呀❤️🔸芒果沙冰（$38）芒果沙冰口感細膩果味濃郁香甜同時伴有新鮮芒果夏日清涼解暑呀😋

今日朋友約我去佐敦吃晚餐，朋友提議去Kaprao食美味泰國菜，這間餐廳位於佐敦上海街86號地舖，港鐵佐敦站A出口，行幾分鐘就到，非常方便，入到餐廳見到不少顧客，餐廳地方寬敞整潔，裝修得溫馨 ，枱凳擺放得整齊，令人坐得舒服。餐廳餐牌食物款式都不少，有前菜、湯、蔬菜、主食、咖喱、主菜、燒烤、甜品、飲品，真係有多美味食物來選擇，我哋就選擇咗主食醉貓海鮮炒河、香葉青豆角肉碎飯，前菜炸蝦餅，甜品香蕉朱古力烤餅及飲品菊花冰，仲有晚市優惠全單八五折，真係好抵食。🦑醉貓海鮮炒河鮮蝦、魷魚和帶子提供了豐富的海鮮風味，口感鮮嫩，河粉吸收了海鮮的鮮美湯汁，口感滑順，輕柔，青椒、紅椒、洋蔥等蔬菜增添了清脆的口感，並帶來色彩的視覺享受，辣椒和香葉的加入，不僅提升了味道的層次，還帶來了香氣。🫘香葉青豆角肉碎飯肉碎經過炒製後，味道鮮美，口感柔和，青豆角保持了脆口感，增添了菜餚的層次感，雞蛋的加入提供了滑順的口感，與其他食材相得益彰，青瓜片和生菜的搭配，帶來清新的口感，平衡了整道菜的味道。🦐炸蝦餅炸蝦餅外層金黃酥脆，咬下去有著令人愉悅的脆感，內餡的鮮蝦肉質緊實，鮮香可口，與外皮形成鮮明對比，加入香味醬汁，增加了風味的

呢間餐廳係新開嘅，環境闊落舒服，坐得幾自在。下午茶餐大約五十蚊左右，價錢親民，晚市仲有 八五折優惠，真係幾吸引。🦐 海鮮醉貓炒河雖然價錢唔算貴，但可以話係我喺香港食過 最好食又大份 嘅醉貓炒河！海鮮份量非常足，青口、帶子同蝦都大粒飽滿，數量亦多。河粉炒得鑊氣十足，帶微辣，令人回味。🍤 炸蝦餅份量出奇地大，入面好多蝦肉，仲要大粒有彈性。外層炸得金黃酥脆，啱晒幾個人一齊 share。🥩 泰式燒豬頸肉厚度適中，肉質嫩滑，帶油脂香，燒得外層微焦，配埋酸辣醬食更加惹味。🍓 粉紅佳人色彩鮮艷，士多啤梨味香甜，奶茶底順滑。甜度偏高，但好啱鍾意飲甜飲嘅朋友。🍵 招牌清萊綠奶茶份量好大杯，茶香突出，配合奶味清新，甜度剛剛好。炎熱天氣飲一杯，特別解渴。今次我哋散叫咗幾款小食同主食，人均大約 $165，份量非常豐富，而且 唔收加一，以香港嚟講真係好抵。整體食物水準高，份量足，環境又舒服，價錢仲親民。趁住餐廳新開未算太多人，打算之後一定會再嚟多幾次。

佐敦新開左1間泰國餐廳小店，並由泰北主廚🧑‍🍳親自烹調，而且做緊85折優惠，當然要入嚟試吓.泰式雞肉沙嗲串燒（最少3串）雞🐓髀肉很嫩滑，配上沙嗲醬一起吃，微微的辣味，更加開胃！惹味牛肋條馬沙文咖喱牛肋條肉質軟淋juicy，但筋位稍為韌左少少🤏仲有青椒🫑紅椒🌶️黃椒做配菜，吃下去口感很爽口配上creamy的馬沙文一起吃，非常惹味！封門牛柳泰船麵封門牛柳肉的肉汁很濃郁，而牛丸亦很彈牙每條麵條都掛上湯汁精華～馬拉盞炒通菜前面吃得比較重口味，當然要食返啲蔬菜🥬中和一下口腔我肥膩感～通菜翠綠新鮮，帶有香濃的蝦乾醬味，也很惹味！原個新鮮椰青椰青清甜，記得要食埋入面啲椰肉！可以當作飯後甜品～因為食落去好清甜，椰肉也很容易刮出嚟～