Just Steak Premium

營業中

休息中

是次同朋友行街，因為次次經過都索到好大陣牛肉味，我個人好驚入左間舖出嚟，覺得我係一舊燒肉咁成身肉味，由其是韓燒😂今次就衝入去試下啦中午1點左右，不用等位入到店發現毎枱座位與座位中間拉上整塊透明膠分隔，唔係茶餐廳d一塊仔膠板，感覺上安全好多，切切下舊扒飛汁都唔會飛到過隔離枱，枱上面有支可噴食具既消毒噴霧，堅覺得有點安心又有安全感呢個我點既- 鰻魚櫻花蝦茶漬飯我比75分，鰻魚入味，不過不夠厚身，所以口感差少少，櫻花蝦脆口，倒埋茶漬落去連飯食，不錯不錯朋友點的澳牛，肉質鮮嫩有牛味（小妹偷食了），以百零蚊呢個份量已經很好，朋友說食過另一間百零蚊只有呢個一半，而且肉質無咁嫩骨膠原咸檸七梳打我係見到骨膠原三隻大字先點🤣，味道ok，鹹檸七梳打無疑，而骨膠原係中間有啲骨膠原啫喱😂，整體不失不過，係有點少貴，好快飲哂

今日黎到Just Steak Premium醫肚，距離上次黎都幾個月前，menu上面既食物又多左，可以比唔食牛既人有更多既選擇。今次叫左鐵版肉鬆豚肉飯。食物上到枱，份量超大！豬扒係厚切豬扒，上面有熱溶左既芝士同埋肉鬆；鐵版上舖滿飯，飯上面仲有飯素，溫泉蛋同埋蕃茄，味道尚可，真係要食量大既人先可以清曬成個飯。同枱朋友仲有叫扒食，個鐵扒熱住上枱好吸引，香到下次我諗要叫佢嗰個黎食。宜家Set lunch有送飲品，呢個配搭埋單都要＄86，耐唔使黎食都可以，不過可能有其他餐廳選擇

一直都好想試,到排緊隊又望下openrice評價麻麻,有啲卻步,但又好想鋸扒,結果又行番轉頭,果然要自己試過先知。。。。。首先我地都加左49蚊Combo,4揀3,揀左*邪惡芝士薯條芝士跟鐵板上,一直坐溶,倒落薯條個陣係大滿足*煙三文魚沙律三文魚好大塊,有成3塊,但啲沙律汁係晒底,我覺得唔夠多唔夠味*凍柚子蜜原來係韓國罐裝柚子蜜,唔難飲唔死甜,不過我都係鐘意用柚子蜜醬沖個種*凍檸樂um。。。要加錢但唔講加幾錢,結果賣單見加左12蚊,仲要唔係寫呢個item名,呢點有啲那個。。。。其實佢係一set連埋扒一齊出場,插住旗仔分咩產地,幾得意扒開頭得3至4成熟,要先切開烘下再落汁,其實我平時食開都係5成(上碟都變左7成嫁啦)*****紐西蘭肉眼 300g*****優惠價試😯最抵食,都好厚下,肉質好淋,唔多筋,好juicy,配菜都唔錯*****澳洲肉眼 300g*****貴紐西蘭既10蚊,諗住好食啲,點知勁多筋,我把刀又唔鋒利,切都鐵板都無聲都未切到,結果反反下,一係生得濟,一係overcooked,有啲失策。。。不過都算厚同食落都係幾淋同好juicy,但無紐西蘭既咁淋。。。。後期發現原來紐西蘭gr

冇得order幾多成熟🐮， 好！都算啦，呢度係主打食牛，扮曬「牛極」嗰啲話係自己煮喎， 大佬呀😅 人哋係用熱石 真係可以自己煮幾多成熟 。呢間嘢就求其攞塊板出嚟，擺塊牛扒上去就話自己煮，你到塊鐵板已經係凍㗎喇，你唔好攞塊砧板出嚟，仲有啲薯條係凍上嘅，我以為自己食緊雪條呀。 兩份餐收四舊水 ，馬鞍山嚟講算係中上價，畀啲良心好唔好🖤 成餐飯最欣賞嘅竟然係一罐zero Coca Cola， 仲有員工嘅親切態度， 不過冇可能過到一般市民嗰關㗎 。三舊幾水嘅牛扒水準， 竟然同大家樂嘅質素一樣， 不如我三兜嘢買包「華園」好過啦🙄鍾意食牛肉乾嘅朋友， 即管過嚟呢度挑戰下自己嘅牙力🤕

經過呢間餐廳聞到好香既煎牛扒味 一於入去開餐啦！.美國西冷牛扒 300g 呢款西冷啖啖肉既口感！爽！🤩佢哋既牛扒系鐵扒上，但係就冇得選擇生熟嘅程度好彩呢個熟到啱啱好👍🏼廚師精選湯系⋯豆奶粟米湯🤔聽落覺得幾特別就叫左🤔🤔味道就一般般.日本和牛肉眼牛扒 200g呢款肉眼真系偏薄身⋯完全唔係我食開啖啖肉既口感🙊不過！不過！牛味真系好重👍🏼 食落亦都有入口即溶 既果種感覺🥰不過下次有得揀嘅話⋯應該都會想食返啖啖肉嗰種厚嘅牛扒😂😂

·鐵板烤菠蘿西班牙栗飼豬肩扒超大塊既菠蘿 🍍好香甜今次揀豬肩 配埋黑椒汁 同埋又點少得叫薯條🍟♥️·紐西蘭西冷牛扒同上次點既一樣 最鍾意可以自己揀熟既程度🤎🤎🤎🤎

呢間餐廳開張嘅時候長期都好多人排隊近期趁住疫情少啲人就幫襯下叫左一份紐西蘭300g肉眼牛扒 $139汁可以揀燒汁 黑椒汁 蘑菇汁再加點左33蚊 薯條, 沙律, 韓國梨汁店員有主動提醒客人係牛扒上鐵板嘅時候已經大概3-4成熟如果想食生啲嘅 就要盡快落汁如果想食熟啲嘅 就可以由佢煎多陣再落汁欣賞店員嘅細心提醒👍🏻肉眼扒燒到大概七成熟, 因為塊扒本身冇筋, 所以可以熟少少都唔會韌雖然肉味唔太重，但非常多肉汁！做到係口腔裡面溶化嘅效果😋😋唔錯！配菜都好足料，洋蔥同粟米都好多一個人基本上唔駛加33蚊都夠飽可以改善嘅係餐廳抽風可以大啲因為成間舖都頗大油煙隨身衣物都不免有彈油煙味有待改善！

Just steak Premium 開業了數個月，想試很久，最初開業的時候，排隊排了好幾個圈。在門外排隊的時候，已經聞到好香既牛扒味店舖內，位子其實不多，order 完，店員會送上圍巾避免弄污衣物。我和老公分別叫了紐西蘭肉眼和美國西冷，我認為美國西冷較好味 ，我叫左medium well, 所以店員送上牛扒的時候，牛扒大概煎到5成熟左右，自己可以在鐵板上再煎，可自行調較自己喜歡的牛扒生或熟的程度牛扒好厚身，肉質好淋，而且牛扒有少少肥膏 配上蒜片很香口，再加上賣點的凍滴咖啡，好滿足

今日搵老公食晏，去左鋸扒。第一次去食價錢都唔太貴叫左一人一個餐一份肉眼一份西冷佢要黑椒汁，我要蒜蓉汁蒜蓉汁麻麻地，黑椒好少少少少啲肉好有份量，但其實我覺得肉質一般唔太淋加多左個蟹膏蟹蓋，都濃既，但可以唔洗加！！！隻蛋好食！我地叫左薯菜，都👌🏻脆口厚實一試無妨，但唔會再食...或者可能叫個貴啲既牛好食啲掛？

到底有幾耐無出去食野，繼母親節之後終於都出關啦！見有新餐廳開，於是去試下，本身食開沙田mr steak 但執左之後就搵唔到性價比高既牛扒食，但食完呢間又多個選擇啦！！星期六可能因為早去未算好多人需要排隊，入坐前職員先量度體溫，入到去每個卡位都有透明膠簾圍起，安全感十足。餐廳主要食扒，但唔食扒都有其他飯類選擇，而我呢個食肉獸梗係食扒！！響多款扒入面最後揀左198既200g M7澳洲和牛，佢另外有300g選擇，但唔知份量幾多所以叫個細既算。餐廳貼心咁提供圍巾以防油彈到成身都係。等左一陣，塊扒到啦！！！張墊紙有教學，可以先切開少少睇下熟度岩唔岩，唔岩既可以再煎一煎，到ok先淋汁上去。好在無叫大份，因為細份都唔細🤣🤣🤣加上牛扒本身既油份食到後面都會略為膩，大家叫既時候就要衡量自己既胃口～入正題，塊扒牛味好足！油脂均勻，食落軟身得黎又唔會太韌，最緊要牛味真係好足😍😍如果覺得膩可以同伴碟既菜一齊食，即時fresh哂繼續食牛😊呢塊扒性價比真心好高，必定會回頭再食😎

一個人突然好想食牛扒，可能因為昨晚捐了血，所以覺得需要補一補鐵，咁啱午餐時段行經這區時，見到一間似新開嘅牛扒店，即刻入去試吓，決定叫一個蒜蓉汁新西蘭肉眼扒餐拼炸薯條及溫泉蛋，而且有香濃咖啡☕️令你感到非常滿足！牛扒大約五成熟，你可以切開後，用鐵板的熱力稍為煎一煎，就可以做到七成熟，絕對唔會上碟嘅時候覺得太熟或者太生，可以自主控制！

餐廳以鐵板餐為主，主打牛扒，配汁一律都有黑椒/蒜蓉/同燒汁揀唔食牛嘅選擇有豬同鰻魚大部分扒都有200g/ 300g 選擇，非常貼心細食嘅女士唔洗擔心食唔哂👍🏻點好餐後，服務員會遞上圍裙，唔怕倒汁落鐵板時彈污糟啲衫！非常貼心👍🏻我揀左紐西蘭肉眼扒200g服務員會叫你先切開牛肉睇下熟度自己滿唔滿意，然後再落汁(服務員話一般上餐時係4成熟)我覺得味道可以，唔會話醃味好重，但牛扒肉質比較實醬汁我揀左蒜蓉汁，醬汁唔太鹹，味道偏淡，唔會蓋過肉味👍🏻屋企人點左美國肉眼 同豬肩扒美國肉眼冇份量選擇，只有300g，但肉質較淋，比紐西蘭肉眼好食豬鞍方面肉質唔鞋唔會話太老，塊菠蘿好甜帶微酸，可以中和豬扒嘅油膩感👍🏻唔錯！所有鐵板牛扒都可以以優惠價+$33加飯/意粉/薯條，溫泉蛋，沙律/餐湯，飲品 (4選1)沙律賣相一般但醬汁好夠菜亦好新鮮餐廳係菜湯，味道好淡好似蕃茄滾湯，麻麻地由於冇哂熱咖啡(可能機壞左🙄) 服務員推介凍滴精品咖啡又幾好飲，咖啡味濃郁，好rich，唔會一味得個甜味 飲糖水咁，又唔會有冰沖淡哂啲味，推薦👍🏻但好搞笑 一嚟到就係咁👆🏻，比人偷飲左兩啖咁😅整體嚟講味道質素都ok! 會再嚟😉

自上次有手帶人士去餐廳食野之後，宜家D餐廳都好小心, 量體溫, 俾酒精搓手液， 或者俾信封入住你個口罩，依間入去之前仲要求拎起你既衫袖， 檢查你有冇手帶（若果你係著長袖）點菜既時候，店員溫馨提示牛扒只會做到四成熟， 然後再因應自己既喜好喺鐵板上再煎， 但話雖如此， 依塊西冷真係好生， 切開既時候爆血， 而且鐵板唔算真係好熱，好難煎熟sauce 會另外裝住俾你，放喺鐵板上仲可以warm 係個sauce,夠哂貼心，個人喜好黎講，食一舊點一舊，感覺冇咁肥……HaHa

牛排上黎的時候比較生，最好切好再燒下再倒汁200g的份量都夠食，可以加33蚊要套餐，有幾款野揀。另外近期加36蚊有兩隻鮑魚。又幾好食😋 如果去開馬鞍山，都可以去試一下。晚市時間都要排隊⋯大概排十五二十分鐘咁上下。

成日經過見價錢好吸引，今日瞓飽飽就中午12點過黎食個Lunch澳州西冷牛扒 300g $109紐西蘭西冷牛扒 200g $86另加$33 配有:配薯條/飯/意粉~ 薯條正，香脆配沙律/餐湯~ 食完牛扒，食沙律無咁膩配飲品睇價錢真係無得輸，牛扒送到上枱，煎得好靚，賣相吸引，牛扒又好有厚度。因為鐵板上，牛扒只係得3，4成熟，鐵板熱力好快會熟晒架，我就唔想太熟，所以一切完一塊就放高去😂如果怕生，可以再慢慢煎😋牛味就無乜，個人覺得紐西蘭口感好食D墊底既洋蔥粟米好好味呀