Just Steak by Cow Bean

✨特選安格斯肉眼牛扒 （250g)🐮🥩加溫泉蛋，黑松露雜菌湯🍵飲品要熱情果茶牛扒大塊👍🏻有好濃郁牛味同埋牛油香🧈🥩牛扒有大量洋蔥墊底🧅塊鐵板夠熱🔥將洋蔥煎到好香之餘😋又可以輕輕暖住塊牛扒食嘅時候都有五成熟✨溫泉蛋🥚溫泉蛋正常發揮蛋黃汁好食✨黑松露雜菌湯🍵碗湯黑到第一眼望落去以為係咖啡😂仲有層油喺面🧈飲落就精彩黑松露味，雜菌粒，全部欠奉👎🏻輕輕飲咗一啖好老實真係難以筆墨形容係咩味道🤢總括而言就係難飲👎🏻👎🏻同店員反映佢哋肯換過另一款菜式✨沙律🥗係退咗碗湯後嘅替代品沙律上嘅雞粒係冇味的沙律菜仲好食過啲雞粒😂✨亂切牛扒 300g🐮🥩牛扒份量多👍🏻仲有好多洋蔥墊底🧅牛扒面上仲有好多蒜片🧄牛扒大約係三成熟👍🏻食落又係精彩餐牌標榜係唔同部位嘅牛扒🥩雖然呢個價錢預咗都係食left over但食落啲牛扒咩味都冇👎🏻覺得自己只係咬緊一堆又淋又重雪味嘅彊屍肉👎🏻👎🏻啲洋蔥同埋蒜片就係真材實料👍🏻好甜嘅洋蔥同埋蒜片咸香😋配菜仲好食過啲牛肉餐廳內部闊落但地下十分油膩👎🏻店員態度平平冇笑容，木口木面👎🏻收加一服務費唯一服務就係落單同埋托餐真係唔明餐飲業連呢個基本服務都要錢$400 一餐飯要俾多$44 去叫班冇服務嘅人去幫自己落單托餐👎🏻呢餐飯個人認為毫無性價比可言👎🏻👎🏻👎🏻👎🏻…查看更多

真係嬲到震呀！今日中午入左e間餐廳，叫咗個$108嘅鐵板牛扒定食，諗住豪少少食餐好嘅，點知中伏！ 😤 個牛扒一嚟到，塊鐵板竟然係凍冰冰嘅！我隻手掂落去，一啲溫度都冇。塊牛扒食落口都係凍嘅，暖都唔暖吓，好似擺左出黎幾個鐘咁！ 🥶 前菜同湯都係凍冰冰，成個餐得個飯係熱嘅！ 🤯真係完全接受唔到囉！食物凍冰冰又難食，仲要收咁貴！$108食個咁嘅質素，真係好令人失望！下次都唔會再去幫襯啦！ 👎 👎 👎 奉勸大家如果見到呢間餐廳，真係要諗清楚先好入去！ 😫…查看更多

香港 fine dining餐廳甚至酒店內的餐廳好多都係得個[貴]字, 食物和服務質素都唔值嗰個價錢. . . . . . 如果想飽肚, 茶餐廳亦都已經唔係特別平. . .今日放假, 隨便去了坑口逛逛, 首先做最開心緊要嘅事 - 找食物醫肚 =) , 放鬆下自己~~ 路過呢間餐廳, 望望餐牌時, 便有位可能係經理嘅男士斯文友善咁介紹啲套餐畀我, 我都幾有興趣試. 佢安排我坐梳化位, 環境感覺都乾淨衛生, 我點咗一個牛扒烏冬餐, 加一杯咖啡, 好放鬆咁享受呢個午餐 - 牛扒好香 =D , 配埋蛋黃味濃鬱嘅半熟蛋, 撈埋烏冬食, 已經好飽, 兼享平民價錢!! 再值得一讚嘅係, 帶我入座唔知係唔係經理嘅男士好有心照顧客人, 包括其他枱嘅客人, 亦有見另一位熟手嘅員工會帶領另一位員工合作出餐, 保持桌面乾淨等等, 呢度嘅服務員團隊唔會好似無質素嘅餐廳員工咁, hea 下 hea 下, 企埋一堆傾偈無心理啲客人, 整體嚟講, 呢間餐廳真係可以 encore 👍🏽…查看更多

星期日諗住同屋企人出街食午餐，唔好再飲茶，行過呢間見到有weekend lunch Menu，又未試過就入咗嚟試吓。老竇食咗個鯖魚炸蝦烏冬，佢話鯖魚好腥，但係炸蝦都OK。媽咪食咗個牛肉壽喜燒定食，有三片牛肉，食落嘅味道就係茶餐廳照燒汁，超級超級甜。我食咗個牛肉黑松露鐵板飯，上嚟啲牛係全生，等啲牛熟嗰陣時，洋蔥同粟米已經燶晒。個飯好油，完全冇落鹽，靠啲汁調味，但係啲汁太稀，倒咗上去蒸發晒。仲叫咗個凍滴咖啡，飲落去又係好甜，奶精味好重，同即溶咖啡冇分別，一個set $100嚟講，佢都算係我食過最難食。原來香港而家嘅物價變做咁，唔怪得知啲人去食兩餸飯就算。…查看更多

在這次食牛排的經歷裏，我終於體會到什麼是好的牛扒。 什麼是好牛扒呢？在這次吃牛扒的經歷裏，我吃到了自然草飼肉眼牛扒。裏面肉汁豐富，大小適中。 這家牛扒店的價錢也不貴， 就算一塊上好的牛扒只需要200元以內。我還加配了套餐，在這個套餐裏我渴到了一杯特飲， 一個龍蝦湯 和一個和一個泡菜豆腐。我覺得這個特飲很好飲 和龍蝦湯龍蝦味很重，還有一隻完整的蝦。經過今次食牛扒的經歷後，我終於明白到一塊好吃的牛扒是怎樣的。我還學會了一塊上成的牛排不用下汁， 只需要鹽就能調味。…查看更多