JUNO

好友為我慶祝生日，悉心安排了位於上環，揉合地中海風情的時尚意大利餐廳「JUNO」享用晚餐外牆以奪目綠配搭高貴金線條，大氣高貴又富時尚感，室內則用上橄欖綠及粉色系，加上大理石料理桌、絨面沙發座椅，環境氛圍絕無可挑剔之處；主廚來自巴塞隆拿，餐廳更榮獲 2025 年米芝蓮「必比登」推介-🔹辣香腸與斯卡莫札芝士 $120炭烤斯卡莫札軟心芝士及意大利辣香腸抹醬，配上四件脆法包好客的男店員私心推介；果然不令人失望，芝士被燒至焦面，外脆內軟糯，做到強烈拉絲感；芝士有著濃郁的鹹香與奶香，配搭番茄風味的辣肉腸抹醬，口感豐富也能減低芝士的膩感-🔹意大利豬肉腸寬管粉 $210寬管意粉、意大利豬肉腸、瑪薩拉酒、豬面頰肉、蕃茄汁及南法紅辣椒粉主廚特色推介；首嚐這個寬度的意粉，感覺有趣，口感絕對做到 Al Dente，非常喜歡及欣賞；豬面頰肉充滿脂香感，軟嫩有彈性，配搭集鹹酸辣於一身的醬汁，層次分明又滋味-🔹意式燴小牛膝 $280意大利小牛膝、藏紅花馬鈴薯泥、牛肉汁，及炭烤意大利青瓜主廚特色推介；擺盤用心精緻，牛膝面鋪上嫩甜多汁的意大利青瓜，再以香滑細緻帶溫雅藏紅花香的馬鈴薯泥圍邊；小牛膝肉嫩軟腍帶著濃郁的牛骨香與膠質，味道鮮美，令人滿意-🔹提拉米蘇 $100咖啡浸手指餅、馬斯卡彭芝士、Valrhona 可可粉主廚特色推介；朋友預約時告知為朋友慶生，餐廳為客人提供寫字及即影即有服務，很加分！正宗意大利做法，口感滑順濕潤；鬆軟的手指餅配搭濃香馬斯卡芝士，入口即化，帶咖啡醇厚、可可粉的微苦、芝士奶香及馥郁酒香，層次豐富且分明-🔹PINK LOVE $80Cranberry Juice, Lemon Juice, Fresh Raspberry貼心在飲管上端套上包裝，確保衛生，超貼心！酸甜平衡又新鮮的紅莓、覆盆子及檸檬配搭得宜，甜度不高-🔹PEACH ICE TEA $80Peach Tea, Lemon Juice, Fresh Mint陣陣桃香與檸檬汁及薄荷的結合，清雅天然…Read More

23 年年尾去完之後印象唔錯，得知 Juno 今年仲拎咗米芝芝星星，即刻再去 try try 睇下啲食物係咪更加正先！~Starter~Eggs Tonnato 神奇嘅口感，呢款意式吞拿魚醬入口好似 foam 咁，又輕又滑... 🐟🐟🐟 味道好濃但謎之有少少腥但越食越上頭~ （我哋直頭叫咗兩份）Sautéed Clams 意大利白酒煮蜆 - 蜆肉新鮮嫩口，微微嘅酒香加海洋鮮味嘅汁用嚟點包係一流~Cauliflower Soup 椰菜花濃湯 - 香滑得嚟感覺健康又養身~Main~Paccheri Salsiccia 意大利豬肉腸寬管粉 - 個人最鍾意呢款嘅主菜~個粉勁 Al Dente🍅配意大利香腸、煙肉、蕃茄醬汁加辣椒粉，鹹香少辣夠曬惹味Pork Ribs 炭烤豬肋骨 - 鍾意佢配咗啲石榴籽，爆汁又清新啲Baked Seabass 炭烤海爐魚皮酥脆，肉質鮮美最正係個皮~ Dessert~Tiramisu 咖啡香十足~口感濕潤入口即溶Panna Cotta 白朱古力奶凍配上糖酒漬黑櫻桃，為滑滑嘅奶凍底增添咗一絲懷舊嘅口味，好似細個嘅黑森林蛋糕咁不得不講佢哋嘅深綠外牆身配黃銅裝飾影相係好靚~偶然都有啲小姐姐影寫真 😂…Read More

生日最開心是什麼？於我而言，莫過於自己不用費心、便可以嘗試一些新餐廳，哈哈，我就是這樣的膚淺！不管最終會成為喜歡或不喜歡的一家，帶著輕鬆探索的心態去體驗，倒也是件樂事！今年老公為我安排了「Juno」，我問要不要 Dress Up，老公說 Causal 便可以了，還補上太拘謹妳不喜歡的一句，能與世上最了解自己的人生活，可以省卻很多口水，留待用餐消化之用！除了 Causal，「Juno」也屬於我倆喜好的小型餐廳 ，主理意大利與地中海菜式，總體食物很穩陣及有一定水準，在定價不高昂的前題下，引證 2025 米芝蓮必登推介並不是虛名。 雖然沒有太多驚喜， 但也值得一試與支持！Chicken Liver Pate HK$120 是不錯的頭盤選擇。 雖然只是雞肝，但意外地肝香十足，質感也是討人歡心的厚滑，為味蕾帶來滿足的自家製滋味。當然來一口酒精點綴，更是美！另一款頭盤是選用了北極甜蝦的 Pink Prawns Carpaccio HK$160，混著 Burrata、Mozzarella Chesse 兩款芝士，北極甜蝦的細膩甜美依然突出，足證貨真價實！我在想假如多一點 Citrus， 整體滋味會否更突出？！意大利菜當然少不了 Pasta ，挑選了當中一道推介的 Paccheri Salsiccia HK$210。自家製的寛管意粉厚彈煙韌、掛汁力強，口感叫人喜悅！然而以豬肉腸、豬面頰肉、南法紅辣椒粉構成的蕃茄汁，沒有想像中的惹味，味道較偏向自然醇和的風格！Braised Ossobuco HK$280 是主菜，跟上一道同是意大利菜式。小牛膝燜燉得軟硬適中，讓人品嚐到牛膝的肉感與特質。而軟滑的薯蓉配上牛肉汁，絕對令人大樂，配菜的炭烤意大利青瓜也非常好吃！這道菜定價平易近人，光是自己買料的預算，相信也做不來！看到別人在吃 Seafood Fideos  "a la Cazuela" HK$520，我們不禁心動起來，挑戰二人份的砂鍋沒有難度！皆因香氣太誘人、蕃茄濃汁太迷人、Fideo 意大利麵太逗人、西班牙紅蝦太撩人，最終 Seafood Fideos  "a la Cazuela"  成為整晚的大愛人！像金魚不知飽的我倆，默默地一碗吃完再一碗，直至讓鍋底見天才罷休！我選了「Juno」唯一推介的  Tiramisu HK$100 作甜品，誰不知裝上蠟燭後，成了我的生日蛋糕！推介果然不錯，夠香、夠滑，濕潤度拿捏得準繩，是我嚐過最好吃的 Tiramisu 之一。猜不到，後頭還有「Juno」預先為我準備的 Tarte Tatin，哈哈！頂著快要爆開的肚皮吃下來，沒想到看似不起眼蘋果塔非常好吃，低甜度配合甜香綿密的焦糖奶油，十分讚，假如能呷一口熱咖啡更是不得了...... 可惜肚皮受不了，留待下次吧！也許是生日暫借的青春？也許是青春回歸的幻覺？我倆當晚放任地吃了兩道頭盤、兩道意大利麵、一道主菜、兩款甜品，與及一支白酒！離開時有著飽到差不多要吐的感覺，那樣被我評為快感的特殊情況，隨著年月的增長，實屬來得要比稀土還要稀有與珍貴的偶發事件，多謝 「Juno」，多謝老公！…Read More

蘑菇湯Mushroom Soup
蘑菇湯濃郁香滑，加埋烤麵包，口感豐富，簡單好味西班牙甜椒 配 意大利格拉娜帕達諾芝 Padrón Peppers
甜椒用特級橄欖油炸到外皮脆脆哋，咬落多汁，加埋芝士碎，鹹香得嚟又帶啲甜味，係一道好開胃嘅素食小食吞拿魚韃靼 Tuna Tartare
吞拿魚蓉有啲多筋，食唔到應有嘅鮮味，雖然檸檬汁同味醂帶出清爽酸香，薄脆米片都脆口，但整體感覺有啲失色布拉塔流心水牛芝士 Burrata Pugliese
布拉塔芝士切開後未有流心，味道偏清淡，略嫌單調，如果加多啲果仁，口感同味道都會更加豐富炭烤豬肋排 Pork Ribs
豬肋排炭烤得啱啱好，肉質軟嫩又多汁，石榴糖蜜同柑橘香料帶出獨特甜酸味，配合迷迭香薯仔，成個配搭好平衡黑松露安格斯牛面肉燴飯 Truffled Angus Beef Cheek Risotto
牛面頰肉燉到好腍，入口即化，意大利飯香氣撲鼻，蘑菇味好濃郁，加埋少少黑松露做點綴，味道層次分明，非常高水準紅色莓果香草奶油 Red Berries Creme Vanille
呢個甜品只係忌廉加莓果醬，非常普通，食落有啲膩，唔推薦提拉米蘇 Tiramisu
經典口味Tiramisu，有咖啡香味，可以一試…Read More

又話米芝連推介，又見到OpenRice咁多好評，仲有Foodie推介，以為難食極都有限，點知我都係低估左人性惡劣既底線😊 米芝蓮推介係咪垃圾房地下執？我地揀咗set dinner，前菜得個蒜蓉麵包食得落，個火腿係無乜味，因為蒜蓉麵包個蒜蓉味太搶。好似個蛋個個物體入面裝左d吞拿魚罐頭咁，單食好咸，配個包又唔係夾。仲有一個好似將迴轉壽司賣剩嘅魚生絞碎既嘔吐物，基本上就係又咸又腥，食左啖就唔想食。食完前菜都覺得唔對路，到個主菜先震驚左。因為有foodie話必試個黑松露意粉，又話個豬肋骨好好食，所以聽左佢話，係我人生最後悔既事。個意粉聞落好香黑松露味，但食落口係淡過水，我甚至有一刻懷疑佢冇落到調味料。我終於明白點解佢前菜整到咁鬼咸，真係好抵死，我阿嫲用腳整既意粉都好味過佢。個豬肋骨又出奇地又甜又咸，無咩口感，好似食緊蜜汁叉燒。成個主菜我覺得唯一最好食嘅竟然係個薯仔，因為有浸炭燒香味。我原本以為甜品應該唔會難食得去邊，我真係大錯特錯😊黑櫻桃奶凍，呢間餐廳最貼心係佢體諒我喉嚨唔舒服，貼心準備咳藥水俾我食。塔丁蘋果塔，香港迪士尼米奇幻想曲中間會噴出嚟既好假既蘋果味，我同男朋友一致覺得食左好想嘔，因為個蘋果味真超級假超級難食，仲要個口感好都似嘔吐物，佢嘅存在真係對唔住蘋果咁辛苦生喺樹上。望吓我Account就知我好少寫comment ，除非真係好難食，呢間餐廳難食到唔單止浪費咗筆錢，仲嘥晒啲食物，佢應該向非洲兒童道歉。…Read More