影片
以上資料只供參考, 請與餐廳確認詳情
有關獎賞計劃
優惠
相關文章
生日最開心是什麼？於我而言，莫過於自己不用費心、便可以嘗試一些新餐廳，哈哈，我就是這樣的膚淺！不管最終會成為喜歡或不喜歡的一家，帶著輕鬆探索的心態去體驗，倒也是件樂事！今年老公為我安排了「Juno」，我問要不要 Dress Up，老公說 Causal 便可以了，還補上太拘謹妳不喜歡的一句，能與世上最了解自己的人生活，可以省卻很多口水，留待用餐消化之用！除了 Causal，「Juno」也屬於我倆喜好的小型餐廳 ，主理意大利與地中海菜式，總體食物很穩陣及有一定水準，在定價不高昂的前題下，引證 2025 米芝蓮必登推介並不是虛名。 雖然沒有太多驚喜， 但也值得一試與支持！Chicken Liver Pate HK$120 是不錯的頭盤選擇。 雖然只是雞肝，但意外地肝香十足，質感也是討人歡心的厚滑，為味蕾帶來滿足的自家製滋味。當然來一口酒精點綴，更是美！另一款頭盤是選用了北極甜蝦的 Pink Prawns Carpaccio HK$160，混著 Burrata、Mozzarella Chesse 兩款芝士，北極甜蝦的細膩甜美依然突出，足證貨真價實！我在想假如多一點 Citrus， 整體滋味會否更突出？！意大利菜當然少不了 Pasta ，挑選了當中一道推介的 Paccheri Salsiccia HK$210。自家製的寛管意粉厚彈煙韌、掛汁力強，口感叫人喜悅！然而以豬肉腸、豬面頰肉、南法紅辣椒粉構成的蕃茄汁，沒有想像中的惹味，味道較偏向自然醇和的風格！Braised Ossobuco HK$280 是主菜，跟上一道同是意大利菜式。小牛膝燜燉得軟硬適中，讓人品嚐到牛膝的肉感與特質。而軟滑的薯蓉配上牛肉汁，絕對令人大樂，配菜的炭烤意大利青瓜也非常好吃！這道菜定價平易近人，光是自己買料的預算，相信也做不來！看到別人在吃 Seafood Fideos "a la Cazuela" HK$520，我們不禁心動起來，挑戰二人份的砂鍋沒有難度！皆因香氣太誘人、蕃茄濃汁太迷人、Fideo 意大利麵太逗人、西班牙紅蝦太撩人，最終 Seafood Fideos "a la Cazuela" 成為整晚的大愛人！像金魚不知飽的我倆，默默地一碗吃完再一碗，直至讓鍋底見天才罷休！我選了「Juno」唯一推介的 Tiramisu HK$100 作甜品，誰不知裝上蠟燭後，成了我的生日蛋糕！推介果然不錯，夠香、夠滑，濕潤度拿捏得準繩，是我嚐過最好吃的 Tiramisu 之一。猜不到，後頭還有「Juno」預先為我準備的 Tarte Tatin，哈哈！頂著快要爆開的肚皮吃下來，沒想到看似不起眼蘋果塔非常好吃，低甜度配合甜香綿密的焦糖奶油，十分讚，假如能呷一口熱咖啡更是不得了...... 可惜肚皮受不了，留待下次吧！也許是生日暫借的青春？也許是青春回歸的幻覺？我倆當晚放任地吃了兩道頭盤、兩道意大利麵、一道主菜、兩款甜品，與及一支白酒！離開時有著飽到差不多要吐的感覺，那樣被我評為快感的特殊情況，隨著年月的增長，實屬來得要比稀土還要稀有與珍貴的偶發事件，多謝 「Juno」，多謝老公！
繼續閱讀
💬把握最後機會享用今個期間嘅 #香港餐廳周 𝟐𝟎𝟐𝟓，去到3月23日就完結，參與嘅餐廳都唔少，絕對一定有一間可以啱心水 。今次約到朋友一同試試呢間位於上環嘅西式餐廳，晚巿套餐$398，包括四款前菜、一款主菜、一款甜品；裝修有格調環境亦好舒適，好適合傾偈同慶祝🍾.———————————————————————————🥢四道共享開胃菜式🔸伊比利亞火腿48個月🥓🔸西班牙甜椒 配 意大利格拉娜帕達諾芝士🧀🫑🔸吞拿魚韃靼🐟🔸吞拿魚蛋黃醬泡沫🥚💬前菜各款都係最出眾同最驚喜，風乾火腿配上紅酒🍷係絕配選擇；甜椒🫑係西班牙菜特色，如常美味；最喜歡吞拿魚兩食，其中吞拿魚蛋黃醬泡沫🫧係全晚嘅焦點所在，感覺係輕盈同濃郁，口感十足☺️.🥢虎蝦拿坡里煙花女蕃茄意大利麵🦐🍝💬蝦肉略不夠彈牙，稍為失色，意大利有咬口，配上濃郁蕃茄醬🥫，相信可以做得更好🤓.🥢炭烤豬肋排🐽💬熱盤端上，充滿暖意；豬肋骨肉嫩，燒烤醬滿佈整份肋排，仲有烤薯仔🥔作伴菜，非常豐富☺️.🥢提拉米蘇🍮💬最後一個窩心嘅甜品，意大利芝士餅係最愛嘅一款，啱晒心意，成為完美嘅句號感覺不錯☺️
繼續閱讀
《JUNO - 上環》太耐無約朋友出去食好野啦，今次約左我老best 出去上環食西班牙菜🇪🇸之前喺網上面見人介紹都已經好想試啦，新年拆咗利是🧧一於食好啲😆當晚我哋兩個人試咗佢哋嘅Tasting Menu，人均$538，有五個starters、每人一份main course 同埋一份甜品，如果想飲酒嘅話只要加 $120 就有兩杯紅或者白酒😉嗰五款小食分別有:🔹伊比利亞火腿48個月配新鮮烘烤迷迭香意大利麵包我想講個麵包真係超好食，店員話係餐廳自己製作，好食嘅伊比利亞火腿係唔會死鹹的，帶有油香同埋少少甜味，配上軟腍腍嘅意大利麵包真係勁好食👍🏻我可以食10件🔹布拉塔流心水牛芝士配有機小蕃茄、羅勒橄欖油拌狗芽菜沙律佢呢個水牛芝士嘅味道唔算好濃郁，質感幼滑，上面灑滿烘烤榛子碎，個沙律汁係酸味味嘅醋汁，成件事好開胃🤤啲食材全部都好新鮮，作為前菜不錯🔹吞拿魚蛋黃醬泡沫呢一度菜式用咗分子料理嘅方法製作，上面嘅泡沫係意式吞拿魚醬，入面有酸豆、三文魚籽同埋蛋黃嘅香氣，食落好有層次🔹吞拿魚韃靼佢呢個菜式其實係吞拿魚蓉配檸檬西柚味醂汁，可以用薄脆米片裝住啲吞拿魚用嚟食，同樣都係開胃菜式🔹西班牙甜青椒平時唔食青椒嘅我覺得呢個甜青椒好驚艷，佢係用咗特級初榨橄欖油去炸甜椒🫑雖然有少少苦苦地，但係佢係有種回甘嘅感覺，上面嘅岩鹽令到個甜青椒味道昇華咗一級😆送酒一流而主菜我哋就揀咗黑松露安格斯牛面肉燴飯同炭烤豬肋骨🔹黑松露安格斯牛面肉燴飯一上枱見到咁多黑松露片喺個飯上面就知道用了十足，個牛面肉炆到好腍，唔使咬就已經散開，食落有油香，而個意大利飯係傳統半生熟嘅口感，用上牛肝菌同芝士製作醬汁，成個意大利飯都充滿菇菌嘅香氣，勁奢華🔹炭烤豬肋骨個豬肋骨同樣係煮到好腍，一切就輕鬆將骨同肉分離，個醬汁超香甜，店員話係用咗石榴去製作個醬汁，配埋旁邊嘅牛油薯蓉一齊食勁惹味😋最後甜品我哋揀咗黑櫻桃奶凍同埋塔丁蘋果塔，個人覺得個黑櫻桃果醬真係甜咗少少，不過個奶凍係超香牛奶味同埋超滑溜，如果可以少返啲啲果醬就Perfect啦，而個蘋果塔同樣係較為甜膩，佢上面嘅焦糖醬帶有微微海鹽的味道，有啲似拖肥嘅香氣，而蘋果肉唔會煮到完全溶晒，仲係可以食到爽口嘅蘋果肉，配雲呢拿雪糕的確係十分配搭的
繼續閱讀
米芝蓮指南比登推薦餐廳 - 主打地中海菜嘅JUNO.平日dinner都好Full,人氣超高.JUNO嘅店內外都以柔和淡綠色為主調,感覺相當放鬆.Tasting menu 每位$538 享受7款菜式, 包括5道前菜•主菜•甜品. 我自己今次就點左A LA CARTE menu /前菜48個月伊比利亞火腿l 吞拿魚蛋黃醬泡沫 l *吞拿魚韃靼 l *Arugula Salad l *酥炸蟹肉餅(* A LA CARTE, 不在tasting menu 內)前菜絕對係JUNO焦點之一!咁多款前菜都好出色其中最經典一定係伊比利亞火腿,火腿油潤豐腴配搭自家製濕潤香軟嘅彿卡夏 好惹味!另外仲有造型好可愛嘅吞拿魚蛋黃醬泡沫 口感輕型鮮味另外我自己亦單點左tasting menu以外嘅前菜*炸蟹肉餅酥脆唔油膩 充滿大量蟹肉*吞拿魚韃靼好清新 充滿檸檬西柚香主菜黑松露安格斯牛面肉燴飯 l *炖小牛膝(* A LA CARTE, 不在tasting menu 內)小牛膝炖得好嫩腍充滿肉汁 同時亦都帶點膠原感牛面肉好腍又充滿牛香 再配上黑松露令味道更濃郁 risotto質感creamy而且充滿菌香甜品Tiramisu l *雜莓熱情果(* A LA CARTE, 不在tasting menu 內)Tiramisu 充滿可可濃香 口感好香滑雜莓配上熱情果泡沫 超fresh!再加上少少焦糖杏仁 香脆充滿焦糖香PASSION FRUIT MOJITO & PEACH ME UP
2款cocktail都偏果香感 清新香甜
繼續閱讀
環境：近地鐵站，交通方便。淺綠色的外牆設計特別，印象深刻。枱面較細，坐得尚算舒服。食物：吞拿魚蛋黃醬泡沫 賣相精緻 香濃幼滑；黑松露意大利細麵 和 黑松露安格斯牛面肉燴飯，從相片見到黑松露片很多，現場看得見chef很努力刨；炭烤豬肋骨 有點兒太濃味；塔丁蘋果塔 很有特色，值得一試。整體滿意，性價比高。服務：服務員熱心介紹招牌特色菜，細心安排上菜次序，貼心詢問有否食物敏感。每道菜都有提及名字，間中加插講解。有留意客人需要，不停加水。
繼續閱讀