John Choy Cafe. 2015

營業中

休息中

隱藏喺土瓜灣住宅區中，街坊外表隱藏住既精品咖啡店。咖啡係用虹吸式，沖出嚟既咖啡萃取濃度比手沖高好多，適合中至深炒既咖啡豆。咖啡豆有非常之多選擇，係自家工場出品，包括各處產地同口味風格。 每次嚟都要攞住個牌慢慢㨂。 咖啡即場飲之外，亦可以成包豆買走自己沖。食物方面，有麵同多士等等。 呢度既多士係煎出嚟既，比一般烘多士更香，亦更邪惡。 一份公司三文治，煎到香脆既多士，包住豐富嘅配料，簡簡單單都可以當一餐。至於麵，都有好多種餸可以揀，仲可以配埋咖啡一 set好抵食。

平民高質咖啡店，2015年開業，仲開班授徒。間舖無乜裝修，行過睇門面以為茶記，入到去見到40款咖啡豆先知堅👍有D外面少有🥰例如妓藝等，叫咗杯洪都拉斯雪麗酒桶發酵咖啡(HK$90)，真心好香好滑，完全出到威士忌，蜂蜜及雲呢拿味，連奶泡都有味道🤗真係飲過最好飲，實力表現👍個鸭胸三文治(HK$35)都唔係hea，烤底仲將鸭胸切絲入味D，配埋青瓜，食落唔膩好fresh，同咖啡好match老闆話下次試埋貓屎同藍山咖啡就可以升仙簡直度我入局

呢間已經唔係第一次幫襯佢有好多款唔同既咖啡豆，有成40款可以選擇！就連奶泡咖啡都有12款口味而我⋯如果見到有玫瑰味，一定唔會錯過唔係間間cafe 有Rose latte 架⋯ ☕️熱玫瑰味奶泡咖啡$40 👍大家有睇黑白大廚🎬既都知啦，飲前要👃🏻聞一聞嘩！聞落果陣玫瑰香，就好似面前有支玫瑰🌹咁第一啖係滿滿既奶泡，意外地滲住玫瑰味，少少但唔會過分既甜味⋯好治療🫧到咖啡啦，飲落唔係好重玫瑰味，但after taste 好濃烈，而甜味低過奶泡，反而平衡返🍽️非一般三文治（餐肉拼芝士）$40 👍朋友居然叫三文治🥪⋯心諗一定好普通朋友堅持叫我一定要試試點知⋯有驚喜🤩（所以最後一舊先影相，本身有4舊架）麵包烘得鬆脆但唔乾每一舊都充滿餡料，份量足普通既餐肉&芝士，又意外地夾如果早餐/小食黎講一流總結：可以再幫襯

慕名而來，因為講真係香港有得堂飲【貓屎咖啡】嘅餐廳，似乎比較難搵，所以專登走過嚟品嘗。舖頭喺街角地鋪，又係獨立店舖，有佢嘅特色，舖面都唔細。因為冇乜人，專登揀bar檯可以望下出面。老闆比較豪快率直，會催你落單：「點呀？度掂未呀？」相信熟落咗嘅客人感覺就會好啲。咁就即點杯＄１１５印尼貓屎咖啡 + 雙拼鴨胸炒蛋三文治＄３５，都係第一次飲咁貴嘅咖啡。咖啡比三文治早到，清徹度還可，反影到對面大廈，溫度就頗熱（雖然仍可接受），但呢個熱度可能有啲問題。正所謂有期望就有失望，好抱歉，真係唔覺有乜咁特別，係連標榜獨特果香都唔係好覺，我覺得同其他cafe嘅single origin沒什分別，我就飲唔出分別（可能我唔識嘢啦！）呢杯咖啡，絕唔係劣，只係唔值。本值３分，但由於價錢超過一舊，總體被迫拖抵一分，只值２★。飲完咁我知道呢間店嘅路線喇。三文治出場，呢個竟然有驚喜，用心制作，厚切炒蛋包住切條嘅鴨胸，烘底多士，成份熱辣辣好好食，座底４★！呢區唔會太多人流，舖頭如唔太多人嘅話環境都唔錯。Bar櫈就麻麻地，一定要一隻腳踩住自己張櫈，另一隻腳踩另一張櫈咁會舒服啲。舖外原來都有Bar檯，食完咁啱有人坐出面，雖然隔

Took a casual day off work to take my dog to the vets, found this place to get a cup of coffee. They have a very wide selection of beans to choose from so I suggest take a long look if necessary before going to the service counter, you don’t want to hold up the queue during peak hours, right?The food selection is more snacks to go with the coffee and not a wide variety but you can pick and choose from noodles or toasted sandwich (recommended).I ordered an Apito Caramel coffee, it was rich and sm

因為之前睇過網上有部份評論話佢地態度惡劣所以嚟之前都有少少擔心，但都係好想試下佢地嘅虹吸咖啡, 所以都係決定親身嚟感受下用餐感覺良好喎, 職員亦都無唔禮貌但當然並唔係一間好寫意輕輕鬆鬆坐半天嘅CAFE 模式店內較窄, 所以主要都係嚟飲杯咖啡食件三文治就要離座嘅模式今次去有8成客滿, 大部份都係 '街坊' 嚟 (因為個個都好熟傾計)相信有一大班熟客亦有其原因.....講返咖啡同食物咖啡今次試咗焦糖泡沫+肯尼亞豆, 但我覺得個焦糖味有少少遮咗咖啡本身嘅香味, 下次會試返原味另外反而件公司三文治有意外驚喜多士應該兩面都有塗過牛油, 所以唔乾同埋好香脆

來過這裡好多次，老板員工服務態度越來越需要改善，食物價錢在土瓜灣區不算平，一份三文治三十幾蚊，一杯咖啡成50蚊，食既係小店温情，但係入到去完全不是這回事，一坐低就催你去落單，當你去落單又叫你等陣，其實我落單冇催過佢，佢可以搞掂手上既野先幫我落單，不用咁晦氣叫我等，搞不清楚我是去了茶記還是cafe

沒有文青風、沒有儀式感、沒有豪華裝修、只有簡樸無華既裝修、一堆鄰里街坊幫襯，當然也見有慕名而來的， 他就是靜靜的開設在閣落，附近就是碼頭與海旁。☀️今日來個醒神早餐（自選3餸麵+咖啡）我點了， 煎鴨胸肉+雞翼+芝士片/黑蒜丁麵，upgrade左泡沫咖啡😗，佢個一丁煮得剛剛好，而我係幾❤️煎鴨胸， 煎出鴨油香～ 咖啡當然係佢地既主打（老闆有段故事，可自行上網搵搵～)，飲著泡沫咖啡舒舒服服的🙂享受片刻寧靜。

難得來到了土瓜灣這舊區，朋友帶路下四圍探索，來到了這家經營了多年，店面很不像咖啡室的咖啡室。最吸引眼球的相信是有40多款咖啡豆的掛牆餐牌。餐牌包括各個地區的咖啡豆深烘焙的咖啡豆。可能是老闆的ᴘʀᴇꜰᴇʀᴇɴᴄᴇ !? ᴘᴇʀsᴏɴᴀʟʟʏ 會較喜歡果香味較出的咖啡，相對地這裡的咖啡味道濃郁厚實甘醇。。ʙʟᴀᴄᴋ ᴄᴏꜰꜰᴇᴇ $40這次選了13號ᴋᴇɴʏᴀ的中炒豆，是否應該要有花香味? 可能我味覺不夠敏銳~。火腿蛋多士 $35多士倒是幾好食，多士面是煎出來的，有別於一般烘多士，蛋都幾滑。性格餐廳，有種澳牛的感覺。特別的是這裡供應茶餐廳的食物，卻有很多咖啡選擇。公仔麵都有3款選擇。假如有天想食公仔麵之類的港式食物又想飲杯精品咖啡都可以再來。

今日下晝一到呢間餐廳，老闆就同我哋搵位，一搵到位就好無禮貌咁話：坐⋯坐⋯坐！當坐低咗之後，我太太就出咗去叫嘢食，我坐喺隔籬，睇住個老闆好唔耐煩好冇禮貌咁不停催我太太落單，不停講：講⋯講⋯講！畀完錢之後，當然一句多謝都冇啦。我一邊等，一邊睇住其他客人落單，佢哋嘅遭遇同我太太一樣，有一位客人只不過係喺落單嗰時諗咗一陣，就畀個老闆好冇禮貌咁問：乜你重未諗食乜㗎，喺嗰度快啲諗啦！最後，啲嘢食到咗，我食白汁雞肉意粉，啲意粉好淡，味道普通，雞肉比較老，食第一口之後就唔想食第二次喇。呢間鋪無論食物質素同服務態度都欠佳，希望日後可以多加改善。

一間位於土瓜灣地道有人情味既咖啡店早上9點天氣清涼，最岩嘆份早餐再去番工店內有40款咖啡豆供選擇，豐儉由人( ´ ▽ ` )ﾉ-公司三文治 $40雖然麵包烘過，但唔算好脆炒蛋好厚身，配埋午餐肉火腿芝士配料豐富-五香肉丁鴨胸芝士腸黑蒜一丁 $55出前一丁配肉丁真係最佳選擇(⁎⁍̴̛ᴗ⁍̴̛⁎)鴨胸好大件鹹香味濃煎到啱啱好-10.耶加雪菲（最後冇收到錢）因為我鍾意飲凍咖啡，但原來咖啡豆選擇嘅咖啡得熱飲我自己誤會咗以為加$13要左杯抹茶奶泡凍咖啡然後再選擇咖啡豆種類，最後得到兩杯咖啡同老闆講返要一杯凍咖啡，最後老闆知我唔識得叫就送咗呢杯熱啡比我，其後仲問我好唔好飲( ´ ▽ ` )ﾉ講番杯咖啡先～～重果香，入口清新，唔會有煙草/焦味醇厚度中等冇酸味，再加入抹茶奶泡多左甘甜味令我對熱啡有少少改觀(⁎⁍̴̛ᴗ⁍̴̛⁎)-加味凍奶泡咖啡（抹茶）$13咖啡味比較淡，抹茶味出整體好飲

琴日朝早有啲野過開個土瓜灣諗住搵啲野食吓。行行下就俾一張有四十幾款咖啡豆揀既咖啡店吸引到。所以就走左入去，上午十點過左peak hour 既時間但係舖頭都有幾枱人。之後望下個野食menu就發現原來咖啡係唔一定要配all day breakfast 同open toast，係可以配茶記餐蛋治。所以我就叫左一杯危地馬拉既咖啡同一份餐蛋治。份三文治一上碟雖然只係用隻紙碟上碟。但係佢個格格麵包面同入面既滑蛋同香既餐肉已經可以補償返隻碟輕微既頹感。杯咖啡都係香同清新為呢一份三文治再作一啲既點綴如果下次再經過都可以再黎食返一份餐蛋治。

睇完《衛食攻略》嘅介紹，終於有機會嚟到！呢度以四十種唔同嘅咖啡豆同埋虹吸嘅沖法製作咖啡，重點老細強調佢呢度嘅咖啡唔酸唔苦！公司三文治 $40外層麵包搽咗牛油，烘到金黃色好吸引，薄身又脆脆哋好香口。即叫即整熱辣辣，夾住炒蛋、火腿、餐肉同埋芝士，蛋做到一層層好滑！焦糖咖啡 $45其實想問老細會推介用邊款咖啡豆配，但佢可能太忙就無答。你哋如果想有想試嘅可以自己order時揀好一款先！anyways係幾好飲，雖然比我想像嘅焦糖味少，但真係一啲酸味都無，香濃甜度適中。呢度週末坐滿人，坐得比較逼，快快食完就走咗，同埋要自己搵位同埋出去叫嘢食。不過大家經過都值得一試呀。

已經是我第二次幫襯❤️簡單的裝修在帶點麻甩及隨性之下又可以在這裡靜靜看書的咖啡店/小店由John Choy 主持大局每杯啡都利用了虹吸的方法萃取坐在一旁看著他的俐落十分佩服👏🏻👏🏻👏🏻/我選了11號坦桑尼亞入口先有果香味慢慢再滲出咖啡甘甜甚有層次！/男朋友選了22號墨西哥象豆相比之下偏nutty我喜歡自己那杯多些🤭/兩款都好飲😙我貪心地加了$20叫了一個柚子芝士蛋糕🍰很清香的柚子味！搭著一起吃很不錯😝/這裡還有三文治、西多等小食還有三餸麵🥰🥰🥰下午茶時間只需$35！/這家咖啡店夠地道可以食公仔麵唔洗食all day breakfast 😜

聽土瓜灣的朋友介紹，話這一間咖啡店是街坊食堂，又有咖啡飲，又有公仔麵🍜三文治🥪⋯⋯舖頭不大，座位也不算太多，需要自己搵位，然後出去落order。餐牌上的心靈雞湯，在疫情的段時間，少不免感到一絲溫暖。除了咖啡，還有很多不同的小食，有公仔麵🍜 三文治🥪 等等但專程來飲咖啡，還是專注咖啡，咖啡選擇非常之多，還特意著明咖啡的產地、以及特性。價錢又有不同的選擇，豐儉由人。哥倫比亞出產的甘甜醇花香 咖啡$60味道甘醇，有少少花香，咖啡味不濃烈，口感比較清，香味也比較淡。凍奶泡咖啡，$43咖啡味很淡，奶泡香滑，但感覺價錢有點偏貴凍焦糖味奶泡咖啡 $48焦糖味偏濃，很甜，有少少蓋過了咖啡的香味。另外一杯是朋友點的巴拿馬 煙草味濃度咖啡$60煙草味比較淡，咖啡味不是太突出，都係屬於比較清淡的。四個人，四杯咖啡，感覺是偏貴了，咖啡味並不是太突出，但值得讚賞的是，咖啡有很多選擇，而且豐儉由人。