JACOMAX

營業中

休息中

星期日夜晚有朋友請客，試食屋企附近新既餐廳，四個人點咗五樣野食。。。💚沙律$148🥗煙三文魚+西柚+香脆腰果+新鮮沙律菜+黑醋，口感好清新😋💜炸茄子🍆$68脆而不膩😋💛蔬菜千層麵$158芝士同千層麵好夾好香🧀🤤🧡巴馬火腿配哈密瓜🥓🍈火腿鹹度適中，配上清甜哈密瓜，好正🤤❤️意大利風乾火腿火箭菜Pizza🍕係我鍾意食嘅又薄又脆嘅Pizza👍🏻💙煙豬肉忌廉粗意粉🍝$148口感好creamy，啲汁掛晒係啲意粉上面，yummy😋份量好足料，整體來講唔錯，加埋四杯飲品連加一埋單$524！🤓

我應該稱得上呢間小店既忠實fans佢三間分店我都去過晒😂😂個人認為將軍澳呢間坐得最舒服(可能因為最新，而且係商場入面)藍芝士蘋果薄餅🍕🍕9分第一次叫佢係因為openrice有9成人都推介個時心諗：乜組合黎？伏伏地咁😨😨點知食完第一啖就愛上左！佢真心好好味！🤯🤯個批底好香脆芝士同蘋果個味超夾，甜甜地食2塊都唔會覺得好膩！😋😋反而有次食另一款，可能因為太多蕃茄醬令個批底唔脆😩😩所以之後我都淨係食番呢款 忌廉蟹肉大通粉🦀🦀8.5分食到唔少蟹肉！個大通粉好掛汁每啖都有好好味既忌廉汁加蟹肉好滿足！！🤤🤤 煲足四個鐘意大利配方肉醬粗意粉🍝🍝7.5分雖然佢個名好勁咁但食落就係…肉醬意粉囉🙈🙈味道唔錯，但唔係好驚為天人意粉幾有咬口，但唔係過硬個種 薯條🍟🍟8分個薯條都幾大兜！而且係連埋薯皮既真薯條，正！☺️☺️ 佢全日用同一個menu (即係冇Lunch menu)個人認為晚市去食會抵啲啲👻👻 將軍澳呢間仲好適合帶小朋友去👶🏻👶🏻佢有提供BB櫈同七彩兒童餐具個日朋友叫蘋果汁俾仔仔飲店員簡單問左句：係唔係俾小朋友飲？點知店員話請小朋友飲😨😨杯蘋果汁仲專登用隻細杯裝，配支岩岩好size既短飲筒我真心好欣賞佢地

D侍應好態度，包括酒Bar哥哥仔，女侍應，同應該大粒啲嘅女經理。生日有surprise。💛野食幾好味(唔識分正唔正宗)，沙律有驚喜，炸茄子熱辣辣(應該加少少鹽會出味啲)。我4大人食，覺得份量夠大/多(除咗個Lasagna size細過塊方包)。有個酒吧枱area，drink list都好多野揀，如2人可生啤cocktail下加小食，除非2個可以食灑個12吋pizza。希望多啲snack同細吋pizza for 2ppl。

近期屋企附近開咗間pizza店，而且超級大排長龍，好似搞到附近嘅商場都冇野食咁，上網一查先知原來呢間野咁有料到，以藍芝士蘋果pizza盛名，一定會比意大利人打死。 Jacomax原店位於上環，開業超過十年，意大利人Jakopo同港人太太Celine開設，開業沉默到上年嘅yellow openrice訪問，先開始出名，又獲得ERROR嘅DEE哥捧場。 老闆之前19年個陣亂up過要將藍芝士蘋果pizza改名，唔想令pizza變_wor。 將軍澳分店面積超大，空間感極之闊落，牆上有D油畫，好似隱藏意思。 門口竟然有「申子居酒屋」嘅開業賀辭，仲寫著「家X萬事興」。 唔怪得咁多人排啦。 Creamy crab meat rigatoni $158外表比較平實，冇乜花巧野，唔係幾吸引，撒開外貌其實幾好食嘅。 忌廉汁質感好厚，好creamy，奶香同脂香感充沛，一個人食可能會有少少膩。 蟹肉份量其實幾多吓，真材實料，鮮甜爽口，吸曬D汁而變得creamy，又不失鮮味。 醬汁入面仲有洋蔥，黑椒粒，類似蛋白粒嘅物體，口感唔單調，如果落D檸檬汁就好啦。 管型意粉質感煙韌，熟度適中，D粒同蟹肉吸曬入去意粉裏面

之前杜生食完爆hit，以藍芝士蘋果Pizza做招牌嘅JACOMAX進軍新界區啦🎊(今次仲要開正係寶琳新都城，超方便我😜)餐廳裝修充滿現代感，枱與枱之間都好多空位，即使係咁多人嘅環境下，唔會覺得好有壓迫感。餐廳感覺分左好幾個區域，唔同區域嘅裝修同燈光都有啲唔同，令人好期待下次來食坐其他位嘅感覺係點😌藍芝士蘋果Pizza$178🍕望到會覺得係個奇怪嘅配搭，但真心好好食😍鹹香而份量剛好嘅藍芝士，遇上少許juicy且酸甜嘅超薄蘋果片，簡直係超夾。而且薄餅底唔會太厚，所以你咬落唔會好dry❤️招牌香辣海鮮粗意粉$168🍝望到顏色咁淡心諗啲意粉實淡到喊😅但食落都頗辣，而且鹹鹹地有啲鮮味。粗意粉口感幾特別，比食開嘅chewy。海鮮嘅種類同份量好多。黑椒雞翼$58🍗

六點開始晚市 ，5時50分已經開始排隊。裝修有特式及新鮮感食物無太大驚喜 ，食物份量偏細我們1大2小 ，點了個意式肉腸薄餅、蔬菜千層麵和 㕑師推介慢煮肉醬意粉🍝。 最後三款食物味道一致，全是肉醬味。 值得稱讚 薄餅夠熱 待應生服務良好環境坐得舒服，配上輕鬆音樂。

寶林新開咗間新餐廳，朋友話呢間好出名，所以過咗嚟試吓。平時新開張多數都係見到送花牌，今次見到個氣球pizza，勁有創意！😍一入去見到呢度嘅裝修超靚，好多大壁畫，地方寬躺，好感度大增😍😍忌廉蟹肉大通粉大通粉嘅汁撈埋咗蟹肉，每食一啖大通粉都會食到蟹肉，而且蟹肉嘅分量都好多😋藍芝士蘋果薄餅朋友話呢度最出名就係呢個pizza，本身我無咩期望，因為我唔係特別中意食蘋果類製品，而且呢個pizza同平時食開個嘅都有啲唔同。試咗呢個pizza之後真係改觀，終於明白點解會咁出名！！味道比我想像中好食，而且味道好特別，甜甜地口感豐富！加上係薄批，食落完全唔漏，真係好好食！大家第一次試呢間餐廳一定要食呢個pizza！可能因為新開張，等位嘅人都比較多，大家可能要早啲攞定位~

將軍澳啲商場多車位又有免費泊車優惠，所以好鍾意到尼區搵食。上個月適逢有新餐廳開張，見到menu 竟然有藍芝士pizza 即刻好想試，因為以前响澳洲working holiday 時都會成日食香梨藍芝士pizza，初初聽個名覺得係甜既pizza 係唔會想試，但食過就即刻愛上了，原來藍芝士同香梨係咁搭架，真係一試難忘。尼間餐廳係用蘋果做配搭，但用上藍芝士既話，我好想食返澳洲既味道呀～中午時會有set lunch, 一份小食加一份主菜約$150。我地要左一個set，小食係炸魷魚主菜係松露油牛肝菌火腿大通粉，另外單叫左一份藍芝士蘋果薄餅，飲品可樂的話係罐裝百士。炸魷魚-以小食尼計份量都好足，炸到脆卜卜但唔會好油膩。松露油牛肝菌火腿大通粉-松露油好香但食落口牛肝菌的味道更香更突出，配上香濃白汁味道一流。藍芝士蘋果薄餅-兩種食材份量控制得好好，係久違的味道。我會覺得尼個係甜既pizza，絕對要試餐廳夠大，坐得舒服，枱與枱之間的距離唔會太短。餐廳理念相同，絕對會成為我既食堂之一。

星期六，呢間鋪中午12點先開門，但我同媽咪朝早行完山然後早10分鐘去已經要排長龍，香港人果然係新屎坑🌚而本人本身對呢間好有期望，點知就...🖤香烤黑椒雞翼 $58只得5隻，雞翼淨係得表面係金黃，個底好白雪雪，可能焗嘅時候無反轉。好重胡椒味，無咩特別，我覺得我自己煎雞翼仲好食過佢🤷🏻‍♀️🍤蝦仁水果沙律 $158賣相都幾靚，色彩繽紛。但係所謂嘅水果，其實只得藍莓同車厘茄。蔬果都幾新鮮爽脆，蝦仁有四五隻，味道都唔錯，但值唔值$158呢？🍅蔬菜千層麵 $158千層麵充滿番茄醬，其實都好難唔好食。衰就衰在佢勁細碟，可能一個人食都嫌少，偏偏收$158。🍕意亂情迷薄餅 $198望落去係咪好吸引呢？又有拉芝，又有蕃茄、蘑菇、辣肉腸、火腿，成件事好色彩繽紛，但食落去超級

好食到停唔到既pizza店之前知道港島有但經常都食吾到近排知道開左係寶琳就拿拿聲去試主打pizza都令到我對pizza刷左三觀 完全唔濟同埋越食越想食 特別係對於好鐘意食包既你最推介係芝士蘋果個pizza 成個感覺好新穎其他小食都好唔錯一定會再去食

叫咗招牌藍芝士蘋果pizza，本身唔鍾意藍芝士味，因為覺得好臭。但係呢個Pizza完全冇呢個問題，味道鹹鹹甜甜估唔到藍芝士同蘋果好夾，餅底亦焗得好脆邊，值得推介❤️西柚煙三文魚沙律🥗，菜好新鮮，個沙律調味好好！有腰果係入邊，非常惹味🥰今日係平日，但要排隊入座。因為不設訂位，如果唔想等就要6點半前去Walk in😜唔知係咪新開嘅關係，店員服務態度雖然好，但安排入座同埋買單都比較慢，希望熟習運作后會暢順啲😅

將軍澳竟然新開呢間JACOMAX趁新開所以去試下雖然貴咗啲但係好食1.藍芝士蘋果薄餅（$178）Gorgonzola & Apple未食過藍芝士同蘋果嘅Pizza但原來呢種配搭好襯😋嚟到一定要試！推薦指數 👍🏻👍🏻👍🏻👍🏻👍🏻2.煙豬肉忌廉粗意粉（$148）Carbonara Bucatini 正好重奶味反而唔太似平時食嗰啲Carbonara 但都真係好好食推薦指數 👍🏻👍🏻👍🏻👍🏻👍🏻3.松露油牛肝菌火腿大通粉（$165）Porcini and Ham Rigatoni with Truffle Oil牛肝菌醬重但外觀比起其他主菜就遜色咗少少但都幾好食推薦指數 👍🏻👍🏻👍🏻4.蕃茄芝士焗肉丸（$60）Meat Balls Alla Marinara本身唔太鍾意番茄醬但係呢隻撈埋肉丸都幾啱食可惜得5粒唔夠喉推薦指數 👍🏻👍🏻👍🏻👍🏻

📍Jacomax , 將軍澳 Tseung Kwan O高質Pizza 🤩 寶琳新開左一間意大利餐廳。晚市6 點開始，約5:30pm 已經出現人龍😨試過就明白點解咁多人排隊😂🍕藍芝士蘋果薄餅推薦一定要食！🍎🧀🍕薄薄嘅批底好似餅乾一樣脆口。每片蘋果薄片都有少少焦糖係面，酸酸甜甜嘅感覺非常夾🤩 成個pizza 一啲都唔漏，不知不覺食左好多塊😂🦀忌廉蟹肉大通粉蟹肉碎多得好誇張👍🏻 唔止面層，連底層醬汁都勁多蟹肉。 撈勻黎食啖啖肉好滿足。🍅蕃茄芝士焗肉丸肉丸又彈牙又juicy. 蕃茄醬酸甜適中。 同芝士一齊食口感十足。一碟5 粒唔夠😂🍹Cocktail Hugo偏酸甜同酒精味唔會太重， 自己request 左少冰所以味道更加濃烈。 依種口味幾岩女士飲💁🏻‍♀️店員友善親切，樓底高環境舒適，食物質素唔錯，一定要再黎食👍🏻

最近新都城二期商場新開咗間叫JACOMAX 嘅意大利餐廳，之前已經聽朋友講話佢哋啲薄餅非常之好食，尋晚剛好同太太落嚟食嘢，所以咪入去試吓啦，我哋於晩上六點幾到，晚市剛開始不久，托賴唔需要等位，打開餐牌睇吓見到佢哋有幾款推介食品，有一款薄餅叫咸香西班牙鯷魚薄餅及一個蝦仁水果沙律，等咗一陣先嚟個沙律，賣相真係好掂，啲蝦仁、水果、菜蔬等都十分新鮮，跟住個薄餅上枱，已經聞到陣香味，兩個人食咗三份二，埋單前店員細心將食剩嘅薄餅入盒俾我哋攞走，今次食得好滿意及開心，一定好快會再嚟試其他嘢。

一間我好鍾意嘅pizza店 終於喺香港島以外開第一間分店 今次試咗啤酒煮青口同埋題與pizza。 Pizza嘅芝士好好味好多再加上提魚佢落得唔少 仲要係意大利pizza嘅嗰隻薄底pizza。 佢個青口用咗啤酒煮好有啤酒味再加埋檸檬汁好醒胃。 仲試埋佢個玫瑰花茶 玫瑰花再加啲紅棗同埋桂圓， 仲試咗個意大利有機lemonade。仲乘機睇下去嗰個wireless發覺都有唔少好好味嘅酒， 食意大利菜一定要飲意大利酒， 其他都唔得。今次食得好開心又好味。 好快會再嚟。