J.Co Donuts & Coffee

營業中

休息中

旺角彌敦道旁有間café 可能唔顯眼 行過唔會專登望入去但佢地既donuts 係出色 又多款揀 個個都大大個 而且賣相吸引 仲要咁多年都維持到某外賣平台買6/12件有折 外賣老是常出現的所以堂食係好少 因為經常坐滿人堂食芸芸眾多最深得我心就係cheesecake外層有滿滿既朱古力粉 咬落去中間係芝士醬

朱全部都係朱🍫成日行到哩間鋪嘅時候冬甩🍩都賣鬼哂🥲今次晏就經過終於買到仲要有得揀款，呵呵～😆今次嗌咗全朱tea😂😂做朱古力控😆嗌咗榛子朱古力同drouble朱古力味冬甩🍩每個$16入口濃濃的朱古力醬味，口感煙靭👍🏾食完仲想繼續食🤣🤣另外叫左兩杯Mocha熱$35，凍$38我哋都覺得Mocha唔夠朱古力味，偏淡，一般般下次再試其他冬甩🍩先😁

本人很喜歡食甜品，donuts🍩也相當喜歡，但香港現在買少見少。早幾日心郁郁想起search一下，見到旺角有這一家，特地搭車跑去買。每個$16元，幾十款，每款都頗有特色，比起以往食開的細一點，今次買了原味糖霜面，朱古力碎面，雙重朱古力，牛油果🥑。甜度適中，不算太甜，如果外買，有盒包裝精美，亦有指示輕度加熱味道會更好。店內亦有其他飲品提供🍵☕️，環境尚算舒適，不過座位不算太多，服務員態度親切友善。

🍩香港專門賣冬甩的舖頭真係好少 不是款式少 就是太甜 或太貴今次係網上見到旺角有這間舖 👩‍👧‍👦即刻帶埋兩個小朋友過來試下到左先發現 原來係一間cafe☕️👫舖頭細細 好多人 有啲逼如果想要要坐底慢慢吃 就要等位1件$16 6$90 我按小朋友的喜好買左6件 3件堂吃 3件外賣 和一杯拿鐵講真 杯拿鐵真係好一般 飲唔入口好彩我們係為左冬甩而來 沒有失望就算是朱古力口味 都唔會覺得太甜小朋友吃一兩個岩岩好價錢又抵下次經過 還是會繼續買

見到家人買過幾次嚟食，今日路過就買咗2隻試下，我覺得17元一隻，口感味道性價比算高，打開盒睇到寫住加熱會更好，咁我放咗入焗爐度用多士功能烘烤一下，面頭嘅朱古力溶咗，個包嘅口感鬆軟，亦都食到麵粉糰嘅微香，不會互搶了味，個朱古力內涵因為加熱嘅緣故，有一半係溶咗，有一半係固體狀，包係鬆軟微暖，内固體嘅朱古力涼涼地，所以口感豐厚咗真令我喜歡嘅係佢唔會死甜佢係微甜，所以味道不會互相搶去，下次再試其他嘅味道😀😀咁我冇睇過呢間舖頭開咗幾耐，希望唔會咁快質素變低，keep住好質就有好嘢食

旺角｜J.Co Docuts & Coffee🍩🥤由一位foodie朋友介紹，佢嘅donuts款式琳瑯滿目，價錢又親民。分別喺旺角、灣仔、中環有分店，想食嘅話唔難買到🤤————————————————————————($17/一件 , $96/6件)‼️放入微波爐，叮8秒，口感更佳🥳<按主觀喜好排列：>🥇第1位：Royal Tea表層朱古力嘅味好濃，再沾溶咗嘅餡，會開始食到淡淡嘅伯爵茶香😋🥈第2位：Why Nut剛切開就聞到好香嘅花生味，食落唔會好乾仲好流心添，表面嘅白朱古力令donut口感更加順滑🤤🥉第3位：Mr. Mokachau首先聞到淡淡嘅咖啡味，食落同時有抹茶嘅甘香，同咖啡嘅香甜味🥰第4位：Berry Spears紅莓嘅酸甜加上重奶味芝士忌廉餡，兩者好夾，白朱古力碎入口即濃，唔會好膠👍🏻第5位：Lemon Creamcheese(無叮)偏硬，檸檬味同芝士忌廉餡唔係好夾，芝士忌廉咸咗少少😬第6位：Oreology(無叮) 冇餡，偏硬偏乾，食唔出oreo味👎🏻整體而言▪️味道 3.5 / 5▪️環境 3.8 / 5▪️抵食 3.8 / 5

mini donut set ($170)賣相：🐧🐧🐧🐧🐧味道：🐧🐧🐧🐧迷你冬甩一共24個，整齊有序地擺放在自製的紙盒内，非常吸引。迷你冬甩約兩、三口大小，一共有12款，每款各具特色，色彩繽紛，十分精緻奪目。味道方面，冬甩面層主要以朱古力脆皮作為基礎，再配上各自獨特口味，例如綠茶、士多啤梨、朱古力等等，口味頗為突出豐富，甜度適中。內餡則主要為朱古力餡或忌廉餡兩款，朱古力餡偏苦，味道濃厚；忌廉餡奶油足，有點膩滯。冬甩包新鮮軟熟，砂糖比例合適甜美。外賣等候時間：🐧🐧🐧🐧🐧在平日下午3點幾購買，無需輪候即點即有。服務：🐧🐧🐧🐧店員態度有禮，服務速度一般。🐧❤️結語：送禮得體，自用愉悦。

位於灣仔嘅冬甩店，香港大約有三間分店🥰勁多口味任你選擇，一定有一款啱你食原味、曲奇、綠茶、薄荷、士多啤梨等等有啲仲係期間限定㗎😍價錢大概$16@1個如果想送禮仲可以揀一盒迷你套裝$1xx每個口味都可以試，個人覺得味道唔會好甜同埋真係好鬆軟，勁好食

又係我介紹donuts既時候啦，其實香港真係冇乜donuts舖，食嚟食去都係果幾間，希望可以開多啲啦💪🏻💪🏻出名J.CO既donut有三間分店，呢間就係係旺角，呢度既donuts 分左兩種，一隻係水泡形,一種係饅頭形，饅頭形既東甩入面有餡嫁😍😍嚟到真係好好好多人排，我最中意食既奶茶味都冇啊😩😩最後揀左六件🍩🍩介紹番先🍩🍩 黑色格仔係Cheese cakelicious，上面黑色既粉碎係Oreo嚟，咬落去裡面係白色既cheese cream，唔會好膩，佢有淡淡既芝士味，加埋一齊食唔錯👍🏻👍🏻🍩水泡形面頭白色既係Candy Cane，白色既係白朱古力，加上士多啤梨醬另外仲有杏仁片，杏仁片好脆，連埋白朱古力醬一齊食味道都好夾🤣🍩八極樣就叫Yin Yang，佢係奶茶加咖啡，黑色係咖啡粉，白色係糖霜，咬落去爆醬咁制，好足料，不過咖啡味唔係好重😋🍩水泡形黑色係Jacky Chunk，佢上面鋪滿好多花生粒，連埋朱古力醬一齊食又OK喎😆🍩黑蚊蚊既饅頭叫Coco Loco，入邊朱古力醬爆滿加埋出面果啲一齊食，真係好豐富👏🏻🍩白色饅頭形叫Tira Miss U，真係好似食緊Tiramisu咁，味道都唔錯唔

一間食極都唔厭既donut鋪🍩 有好多味揀，唔鍾意太甜既話仲可以揀自己無cream餡既冬甩👍🏻👍🏻 除左冬甩之外，佢地仲有野飲可以order，最適合週末黎嘆個high tea🥰-Oreology 個人黎講最中意Oreo 味，冬甩表面超多Oreo碎，每一口都有滿滿嘅Oreo ，麵包都好鬆軟，值得推介🤤🤤-Royal Tea 香濃嘅奶茶味cream配合埋朱古力面，甜而不膩，royal tea既味道都好香😍-Mr. Mokacha 雖然係matcha味既冬甩，不過入面唔係matcha cream，而係用咖啡味既cream再配埋綠茶朱古力面，都已經好重抹茶味🍵😋佢地仲會成日推出期間限定，鍾意食甜品既朋友可以多啲留意😎

兵仔平時都好鐘意食甜野，呢間冬甩都係兵仔心愛之一！平時一經過見到點都會買2舊食下佢啲冬甩一啲都唔油，食落去好煙韌，好鬆軟，好多個味都好食！💂🏼‍♀️《Marble Hazel Donut》$16呢個冬甩係面頭有層厚厚的榛子朱古力醬，仲有啲脆花生圍邊，每啖食落去都會好香脆，配埋啲榛子醬真係好夾！💂🏼‍♀️《Cheese Cakelicious Donut》$16冬甩面頭有一層Oreo粉，切開中間會有cream cheese，愈食愈開胃，如果本身好鍾意Oreo嘅你，呢個一定啱你💂🏼‍♀️《凍檸茶》$26嗌咗杯凍檸茶，唔會好甜好fresh好好飲，配埋啲甜食一齊食可以解膩！頒發軍階:上將🎖🎖🎖🎖

之前散水餅食過j.co有餡冬甩 太甜同太滯 食咗1/4隻已經唔想食今次就試下冇餡嘅係咪都係咁 結果有驚喜揀咗兩隻都係有脆脆/果仁喺面頭 食落更加有層次 亦都唔會過甜冬甩又唔會好油 平時麵包舖冬甩超油 真係炸麵團咁款呢隻就細細隻 16蚊當下午茶啱啱好美中不足係座位太逼 同埋冇員工主動清理餐桌 要我哋落單嗰時提出先得

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻 /5P.S. 中環、灣仔都有分店很久以前香港有間冬甩🍩連鎖店KK，閒時就愛幫襯，總有著說不出的幸福感 💕 想不到全線結業後的不知多少個年頭之後，終於找到另一間類近的冬甩咖啡店，冬甩款式多多又新穎，實在讓人有選擇困難症，而且價錢也相宜；雖然整體味道跟「孖K」有點不同，但總算能一解饞嘴之愁～ 💋 $16/1件、$90/6件、$158/12件我選擇了皇牌白朱古力果仁、薑餅朱古力金寶、士多啤梨彩虹、黑朱古力脆米等口味，每款各有特色，冬甩質感軟綿加上表面不同醬料，再灑上大量果仁、脆片、朱古力釘等，味道配搭新穎，整體很不錯 🍩👍🏻✨ 整體：香港僅存冬甩專門店✨✅ 冬甩款式多達20多款，選擇多多✅ 地理位置非常方便

食完午餐就過去J.CO冬甩食下午茶😆中午嚟返個冬甩好寫意~今次叫咗草莓味、terimisu同埋朱古力味😆不過覺得入面3隻味啲cream都差唔多，就係出面啲朱古力唔同味😊記得上次食伯爵茶入面真係有茶味，今次就明顯terimisu有少少少少咖啡味。今次叫咗杯咖啡， 杯咖啡16安士，堂食嘅話佢會直接畀堂食杯你，如果想要紙杯衛生啲就要另外同佢講！簡單嚟講，我都幾鍾意喺度食個下午茶傾下計， 唯一美中不足嘅係呢間嘢成日長期爆滿冇位坐，特別係星期日好多人喺度溫書或者由菲律賓印尼姐姐會喺度傾到唔走😑

喺旺角想搵一間冇咁港式嘅Cafe，呢間J.co Donuts & Coffee絕對係一間值得推介嘅Cafe. 呢間Cafe俾我一入到去嘅感覺就好似去咗外國嘅Donut shop. 佢有啲似香港冇幾大名牌嘅連鎖式咖啡店。但呢間Cafe店內裝修相對嗰兩間名牌連鎖式咖啡店更加似外國feel。佢嘅Donuts可以話係全香港最好味有最多款式嘅，價錢仲要係大眾化價錢。依家嘅Donuts唔會好似外國嗰啲冬甩咁甜。啱晒香港人嘅口味，值得推介.