Itamama Bistro

營業中

休息中

今日放假就同friend去嘆個lunch✌🏻🤩🤩吹個水😆一人一個lunch Set，我叫咗個黑松露煙肉闊條麵，份量都唔錯，幾大兜，勁香黑松露！好多煙肉🤩🤩又多菇類，好味！個忌廉亦都唔漏，好食👍🏻👍🏻👍🏻推介另一碟係黑椒牛柳粒配珍珠飯，個牛柳粒佢寫係安格斯😆都唔錯，味道剛剛好，牛粒都好入味👍🏻另外飲品係熱檸蜜同凍檸茶🤩熱檸蜜就基本嘢，冇乜特別。但想讚杯檸茶😍啲檸檬已經一早變晒檸檬蓉🤣🤣所以又唔駛篤檸檬✌🏻但又超香檸檬味，茶亦都唔錯，夾埋都冇澀味👍🏻好飲👍🏻👍🏻👍🏻-黑松露菌皇煙肉忌廉闊條麵 $65 凍檸茶 加$3-黑椒一口安格斯牛柳粒配珍珠飯 $67 熱檸蜜

由新店開張時不時都去食早午餐，間中晚餐，早餐的雞排由煎變炸，乾蒸蒸 難食。另外加錢➕碗麥皮，凍的、更換一次仲係凍，完全唔掂湯通粉個d有湯既嘢唔夠熱真係好難食 都怕肚痛服務姐姐全部都好nice 呢個值得讚

今日來到屋企附近樂富廣場 試一試哩間餐廳早餐 環境座位舒適加上溫暖燈光非常有格調 叫咗脆脆炸魚柳配香草豬肉腸 鮮奶炒蛋  蒜香牛油多士 田園沙律 由於怕唔夠所以另加咗個火腿通粉 早餐等咗一陣就到喇 魚柳都算大件 炸得外脆內軟 熱辣辣 正 個炒蛋香滑 煮得岩岩好 唔會煮完仲有蛋水 蒜香多士都好新鮮 蒜味都夠重 火腿通粉 沙律同腸 就比較一般 (沙律菜有部分苦味) 熱飲個度分量就比一般茶記大杯 哩間餐廳比較西式一點 選擇都幾多 食茶記早餐食到悶可以一試哩間餐廳

見佢啲面包有板有眼，個餐廳似似地*樂，心諗質素唔會太差掛。但完全俾個外表呃左，叫左個三文魚野菌闊面，一個豬鞍，一個沙律。雖然佢有講個沙律細細碟，但我完全想像唔到原價52蚊既沙律會得四件蕃茄仔，再加一pat有芝士味既醬（唔係芝士）。個闊面外觀正常，份量不過不失，但不是靚闊條面，個餐牌講到咬口彈牙等等，原全食唔到，係煮到over左既闊條面啫。個豬鞍上枱一刻，所有野都玩完，首先圖文不附，我第一次見豬鞍係咁分開斬件，而且切開同豬扒有咩分別呢？除左鬆肉粉質地，我完全食唔到有豬味，更莫講咩橡木香啦，係得鬆肉粉！仲要痴住骨個舊係一團肥膏，成份野得下面甩出黎個塊係豬扒咁（仲要我覺得佢真係搵舊豬扒去扮豬鞍，因為厚度斬好明顯唔同）有圖有真相。佢個質素同價錢係茶餐廳仲好食抵食過佢，唔知點解會有咁多好評。仲要食到一半，我個口仲食緊薯條個陣，有侍應走埋黎話幫我收起佢，我真係呆左，唔通叫親呢個豬鞍既客人都係食一半就唔要，點解佢會覺得我食一半就唔要，最後只食多幾條薯條，因為成舊肥肉，真係得個塊「扮豬」係可以人到口。十分十分失望同埋覺得唔抵。

這間餐廳係樂富廣場，屋企附近，行過去10分鐘左右，10分就腳。已經黎過好多次啦，最常黎呢度食早餐。呢道地方舒適，座位好坐，裝修比較有格調同埋加上柔和既燈光，真係幾舒服。正門望入去係賣麵包，麵包多款，牛角包好好食，可以一試。香草雞扒配煙肉、炒滑蛋、蒜香牛油多士、田園炒律雞扒好味，肉身好Juicy，叠住個塊煙肉都係好好食，唔會乾身。香煎豬扒配牛餐肉、炒滑蛋、蒜香牛油多士、田園炒律這個餐無論雞扒或煎豬扒，都會有一大舊薯蓉，舊薯蓉的確好香牛油味，好正。個通粉就麻麻，其實唔太好味，唔加好過加。另外個餐飽覺一般，太厚又有點實，亦不太夠蒜香味及牛油，如果可以多一點蒜香味會更好。

其實巳幫襯過下午茶、晚餐、午餐，試咗多款飯、麵都唔錯，主餐嘅配料蔬菜種類多😋（洋蔥、紅腰豆、青豆、芫茜、香草等等）👍🏼👍🏼跟餐嘅飲品亦都出色,就算係外賣亦都保持水準，價錢較其他樂富嘅西餐廳平，已做咗多次嘅回頭客☺️店舖外呢仲有麵包賣，麵包水準亦都唔錯👍🏼附上下午茶meun

之前都同同事黎食過呢度既天使麵，覺得幾好食，今次lunch又黎幫襯佢上次落單後要等成20分鐘先有得食（落單時侍應姐姐有提過的），但今次落完冇幾耐就有，仲熱辣辣添，正個天使麵有蝦、青口、蜆同埋菇，兩隻蝦開哂邊好易食到之餘仲好入味添，蜆都好好味青口就un左啲，有啲可惜但我就咁食個天使麵都覺得好好食杯凍檸茶同平時飲到嗰隻唔同，飲落好似有檸檬皮碎碎既感覺，好清新埋單$60+$3凍飲，依家食意粉西餐呢類黎講算平，水準又唔錯，下次又試吓其他野先

我一世人食過咁多fusion 野，都未試過食意粉會食到莞茜。。。呢間野連西人芫茜（Parsley) 同普通中餐芫茜（Coriander）都分唔清。搵個店員同佢反影，西餐唔應該出現芫茜，佢同我講下次可以叫走青。。。大佬，你個menu無講有芫茜，食意粉更加唔會諗到你會放芫茜，我鬼知食西餐要特登叫走青架原來？！我以為得我碟鮮蜆意粉奶野，點知癲到老公果碟芝士肉醬闊麵都有芫茜。。。唔鍾意食芫茜既人，一食就知道果種難以忍受既味道。。。最後真係食唔落，浪費左食物。。。真係無下次，垃圾扮西餐

整體來說，此餐廳的食物質素幾穩定無論早餐、午餐或晚餐，有些都超出預期，而早餐算抵食之餘也好味，而曾經一次反映沙律菜外觀上感覺不新鮮（或許是存放問題而令其出現所謂銹色）餐廳職員也有解釋，並認真接受批評及聽取意見，並承諾會跟公司反映。而今次看出沙律菜方面有明顯改善

𝒲𝑒𝓈𝓉𝑒𝓇𝓃 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝐿𝑜𝓀 𝐹𝓊呢間已經食左好多次啦😋水準仍然𝘬𝘦𝘦𝘱 到，好鐘意佢個磨菇湯夠濃，啖啖都食到磨菇粒同洋蔥🌟龍蝦湯海鮮天使麵 𝗔𝘀𝘀𝗼𝗿𝘁𝗲𝗱 𝗦𝗲𝗮𝗳𝗼𝗼𝗱 𝘄𝗶𝘁𝗵 𝗔𝗻𝗴𝗲𝗹 𝗛𝗮𝗶𝗿 ($𝟲𝟬)以為係多汁少少既意粉🍝，點知有少少似湯麵(𝘐 𝘭𝘪𝘬𝘦 𝘪𝘵 𝘷𝘦𝘳𝘺 𝘮𝘶𝘤𝘩💕)湯既龍蝦味🦞唔重，但都飲得出淡淡龍蝦味，加上佢都落左幾多海鮮同配料，包括元貝、青口、磨菇等等，食落唔會咁單調。天使麵既軟硬度煮得啱啱好😆食得幾開心🥳🌟三文魚煙肉蟹子蛋炒飯 𝗦𝗮𝗹𝗺𝗼𝗻, 𝗖𝗿𝗮𝗯 𝗥𝗶𝗰𝗲, 𝗕𝗮𝗰𝗼𝗻 𝗮𝗻𝗱 𝗘𝗴𝗴 𝘄𝗶𝘁𝗵 𝗙𝗿𝗶𝗲𝗱 𝗥𝗶𝗰𝗲 ($𝟲𝟰)炒飯都係幾足料，樣樣顏色既料都有，睇落賣相吸引。味道方面就啖啖都食到三文魚，落埋蟹子增加口感😁一上枱就聞到煎煙肉果種油香味😍味道不錯👍🏻📍 𝗜𝘁𝗮𝗺𝗮𝗺𝗮 𝗕𝗶𝘀𝘁𝗿𝗼𝘚𝘩𝘰𝘱 𝘜210, 𝘜211 & 𝘜213, 𝘜𝘎2/𝘍, 𝘡𝘰𝘯𝘦 𝘉, 𝘓𝘰𝘬 𝘍𝘶 𝘗𝘭𝘢𝘤𝘦, 198 𝘑𝘶𝘯𝘤𝘵𝘪𝘰𝘯 𝘙𝘰𝘢𝘥, 𝘓𝘰𝘬 𝘍𝘶

有時候晨運完，真的想整返個公仔麵飲番杯奶茶，樂富商場真的有很多選擇，今次我們選了這間，因為又有公仔麵食，又有這個特色多士配麥皮，任君選擇。我特別喜歡這個蛋多士， 10分滿足，蛋汁一次就流晒落嚟。公仔麵就除你點樣雙拼

呢間餐廳食過幾次 第一次食早餐 1. 野菌牛肉沙嗲湯扁意粉 $32啲菇有炒過，幾香口，不過牛肉冇乜味，湯底正常，意粉都有咬口，唔會淋哂。2. 香煎豬扒．餐肉 配 鮮奶炒滑蛋．蒜香牛油多士．田園沙律 $42豬扒煎得好香，調味幾好，完全唔會覺得柴，午餐肉有正常水平，蒜蓉牛油多士好好味，佢個麵包好軟熟但係出面就烘得脆，勁好食，炒蛋好滑同埋係蛋下面係鋪咗啲薯蓉，都好滑，成份早餐好大份，勁多野食。叫咗杯凍檸茶，呢間嘢啲檸檬係攪碎咗倒落杯茶度，唔洗自己督，但就冇得自己揀幾酸，好唔好就見人見智

這天黑雨警告在我坐車回公司的途中上掛起了, 朋友問我坐到那個站不如一起吃早餐吧! 都岩既黑雨警告要留在安全的地方, 食個美麗的早餐都不錯。我們到樂富這間 Itamama Bistro（這間連鎖店在九龍區有很多分店的), 吃個非常豐富早餐, 而且座位很闊, 環境舒服!我點了香煎豬扒,餐肉配鮮奶滑蛋,蒜香牛油多士,田園沙律,  朋友點了香草雞扒,煙肉配鮮奶滑蛋,蒜香牛油多士,田園沙律。1. 香煎豬扒蒜香牛油多士鬆脆, 味道岩岩好, 好香既蒜蓉牛油, 好好味!豬扒煎得剛剛好, 不會過火, 淋身而有咬口, 真的不錯~2.香草雞扒朋友分了雞扒給我試, 雞肉嫩滑, 味道也很好~這家餐廳可以再ENCORE 早餐~#叫我早餐姐

超級難得我六點可以收工真係興奮到即時要搵個人同我食餐好諗起美容朋友仔，即興成功本身我哋諗住食中餐但係因為我生酮飲食期間，美容仔話中餐隔離嗰間西餐好似好啲我初初第一眼以為嗰間係麵包舖😆跟住入到環境都唔錯我哋搵咗個卡位然後發現我好多嘢都食得嘅首先order左個芝士大啡菇呢個要讚一讚侍應我哋食落去嘅時候，竟然係凍嘅😓其實如果係暖我都算，我哋仲懷疑究竟係咪呢個係凍食，我地望多次餐牌寫住焗，咁一定係熱㗎啦😅即刻嗱嗱聲嗌個侍應，待應都好好咁樣即刻幫我哋換，咁之後嗰個就真係熱喇不過size就比我哋想像中細🙈而我食嗰個雞扒呢，其實係非常唔錯㗎佢個皮炸得又夠薄，雞肉仍然好嫩滑，可惜我唔食得啲炸皮🥲不過就咁食嗰啲雞肉都好味然後我覺得嗰個芝士椰菜花都超正反而係美容仔嘅海鮮意粉我就麻麻地

𝐻𝑜𝓃𝑔 𝒦𝑜𝓃𝑔 𝒮𝓉𝓎𝓁𝑒 𝐹𝒶𝓈𝓉 𝐹𝑜𝑜𝒹 𝒾𝓃 𝐿𝑜𝓀 𝐹𝓊呢間係一間快餐形式既西餐廳，價錢平民得黎都有質素，lunch 有時都會黎食😄 今日12:20 黎到唔洗等位直接入得，侍應帶左我地坐卡位，呢道既環境都尚算舒服，枱同枱之間有足夠距離。•香草鮮野菌忌廉天使麵 $56•好鐘意食呢個，天使麵係好幼身果種，個汁比較濃稠、忌廉味好重，再配合埋d 茹同蔥，食完感覺好健康，好適合素食者🐱-•香脆魚柳滑蛋蓋飯 配西西里茄汁 🐟$60•平時食開都覺得好正，賣相好吸引。但今次似乎失左手，條魚炸得比較耐，有點燶咗同硬🐠不過個蛋依然好滑。份量就適中。-•野菌忌廉湯（跟餐）•d湯好夠熱！！湯比較濃味同足料，入面有好多切碎左既磨茹。飲落好有口感。📍 𝗜𝘁𝗮𝗺𝗮𝗺𝗮 𝗕𝗶𝘀𝘁𝗿𝗼𝘚𝘩𝘰𝘱 𝘜210, 𝘜211 & 𝘜213, 𝘜𝘎2/𝘍, 𝘡𝘰𝘯𝘦 𝘉, 𝘓𝘰𝘬 𝘍𝘶 𝘗𝘭𝘢𝘤𝘦, 198 𝘑𝘶𝘯𝘤𝘵𝘪𝘰𝘯 𝘙𝘰𝘢𝘥, 𝘓𝘰𝘬 𝘍𝘶