Itamama

營業中

休息中

Dinner time 叫左兩個餐 T骨扒、菠菜三文魚意粉average 以上 配菜不錯 蒜蓉汁同出面嘅唔一樣 蒜蓉味好出同較新鮮白湯👍🏻👍🏻整體好有誠意 +$28 甜品呢個價錢 竟然有奶蓋嘅味嘅Tiramisu 仲有杯熱朱古力 超濃希望keep到水準係會想encore 嘅餐廳

再來午餐日常，貪佢坐得舒服，野食算OK夏威夷手工pizza 富有熱帶風情嘅經典之選，手工餅底嘅香脆，一種純手工製作嘅質感，帶住微微碳香，菠蘿嘅果香喺口中滲開，有啲清甜又帶一點微酸，加上火腿嘅鹹香形成對比，面層再舖滿濃厚芝士，OK!香草豬扒芝士滑蛋蓋飯 鮮嫩嘅豬扒鋪滿喺飯面，再配合滑蛋嘅金黃光澤。豬扒嫩滑多汁，外層略帶焦香，內裡又保持住肉質嘅鮮嫩。最好食係滑蛋，細膩柔滑，蛋味香濃，加上酸酸甜甜嘅番茄醬汁，開胃又好味。白飯吸收咗所有芝士汁同蛋汁。

今朝一早去新港城中心Itamama，見到佢裝修幾靚，有格調，唔知食物質素係咪都咁好呢？果然冇令我失望！早餐選擇豐富，價錢仲相當抵食，$98就食到兩個餐，真係「大件夾抵食」嘅代表！ 叫咗2份早餐，一份係‘’鬆軟豬扒配香草豬肉腸‘’：豬扒煎得啱啱好，肉質鬆軟唔乾柴，香草豬肉腸有點彈牙！ 另一款‘’脆炸魚柳配餐肉**：魚柳外脆內嫩，大大件，餐肉煎到微焦。最愛2款都配上蒜蓉包，熱辣鬆軟，完美！ 飲品揀咗1凍1熱即磨咖啡，咖啡香濃，晨早一杯即刻醒神！ 環境服務係賣點，座位寬敞，卡位夠大，坐得好舒服，完全冇快餐店嘅逼迫感。上菜速度快，9點幾嚟食早餐，輕鬆享受咗個「Good Morning」時光。

黑松露煙肉闊麵闊麵條條均勻而順滑，每一根都裹著乳白色的奶油醬，散發著濃濃的黑松露香氣，每一口麵條都融入了奶油、黑松露和煙肉的綜合味道，讓口感更加飽滿且層次分明。煙肉片金黃微焦，咸香味足。松露白汁烤雞焗飯賣相吸引，金黃色芝士層油亮，表面芝士微微焦脆，烤雞肉片均勻擺放於飯上，烤雞肉質細嫩多汁，白汁醇厚綿密，滲透陣陣松露香氣，白飯吸收了松露和白汁的精華，帶著一股濃郁的香氣，每一口都讓人感到溫暖又滿足。

口痕叫左個火腿車打芝士帕尼尼試下，厘款帕尼尼外層烤到酥脆，入面的芝士滑順融化，包著鹹香既火腿。不過唔知係坐正冷氣位定點，個帕尼尼凍得好快，而且$43都少少貴，但始終吾係周圍有，都值得一試。

星期日早餐體驗差。星期日9：15分，仍然有位有位， 未係好爆滿。早餐1） 炸魚柳諗住西式早餐， 炸魚柳應該冇事，點知得個樣。 好睇唔好食。炸魚就炸得賣相唔差， 點知魚好林， 一切就散。 好難用叉食， 又冇味， 雪藏。午餐肉又係好諗， 唔知咩牌子午餐肉， 好難食。2） 豬排腸仔公仔麵豬排醃到冇肉味餐包。。。一般， 沒有特別餐茶。咖啡， 。 冇咖啡味奶茶。 好一般。差總評。 早餐。 好一般以下水準， 得個樣， 唔好食。服務。 冇服務可言，侍應 個個好唔高興樣子。

琴日我同朋友去咗馬鞍山新開嘅Anna試身，環境幾舒服，服務員都好友善，真係感覺唔錯。我哋叫咗一個燒雞同西班牙海鮮飯，價錢都係88蚊，仲加十零蚊升級套餐，包埋一個湯、一個小食包同飲品，性價比超高！**燒春雞**燒春雞方面，雞肉嫩滑，咁容易脫骨，配埋嗰個特別嘅蒜蓉汁，味道幾正，仲有啲似細個食撈冷麵時食嘅蒜蓉汁。**西班牙海鮮飯**朋友叫咗西班牙海鮮飯，上面嘅青口真係勁大隻，食落非常好味，超級吸引。**小食**我哋揀咗炒蘑菇，蘑菇好多汁，炒得啱啱好，口感一流。**濃湯**自家濃湯可以揀椰菜花煙肉忌廉湯或者意大利雜菜湯。我哋揀咗白湯椰菜花煙肉忌廉湯，真係超級濃鬱，飲落去每一啖都食到好豐富嘅口感。**熔岩提拉米蘇**最後上嚟嘅Tiramisu甜品真係好驚喜，上面嘅芝士奶蓋鹹鹹地，味道濃郁，唔會太淡，真係好好味。整體嚟講，Anna 餐廳嘅食物質素高，環境又舒服，幾適合朋友聚會，真心推介大家去試下！希望佢哋可以保持呢個水準！

係呢啲茶記嗌西冷牛扒本身冇預steakhouse質素。只不過五成熟中間係凍過室溫嘅 。重要懶好心多手切件。最後講返味道…塊肉係冇任何味道嘅….淡過白粥。塊肉就晾響一塊好疏嘅鐵網上面，個網下低仲有幾條迷迭香。迷迭香隔離擠左塊膠狀物，有啲火焰燒下扮smoke緊，其實係一陣化學味。唔主動問係唔會俾餐刀呢下好正，因為就算你有刀都唔可以直接係個網上面借力切到。講埋個白湯，裡面係好多嚼唔爛嘅粒粒，入口勁鞋。如果要扮原材料blend出黎嘅感覺，事實係失敗左囉。好似飲緊紙皮碎。大佬，人地係會濾渣架。以上都係但凡你係個識整熱嘢食個正常人都唔會犯嘅錯誤。咁高質素，最後盛惠230+冇下次