Italian Tomato Pizzeria

因為要去何文田，知嗰頭冇嘢食，就揀左去黃埔食個飯先。屋企人想食蛋糕，就揀左去Italian Tomato Pizzeria。午餐時間，人唔算多。三個人先叫左一個香煎帆立貝芝士忌廉意粉，水牛城雞翼，藍青口雜菌帕仕圖忌廉天使麵同兩件蛋糕。香煎帆立貝芝士忌廉意粉賣相不錯。忌廉汁略嫌較淡及奶味太重。帆立貝煮得剛剛好。藍青口雜菌帕士圖忌廉天使麵非常香好，忌廉汁唔太多，較乾身。個人比較中意佢嘅味道。水牛城雞翼個辣汁味道不錯，非常惹味。可惜的是炸雞翼同汁一齊煮得太耐，唔夠脆身。最後就係壓軸嘅蛋糕！榛子朱古力蛋糕朱古力味香濃。榛子係打碎混喺mousse 中間，增加左口感。日本栗子蛋糕栗子味好香，蛋糕非常鬆軟，忌廉亦好滑，唔會太甜！最後要讚嘅係服務員好好。通常散叫蛋糕，要比原價，但佢地主動做拼餐，令我地可以優惠價享用蛋糕。一流！…查看更多

Lunch非常抵買三送一，仲要碟碟份量十足，嘢食全部熱辣辣好足料，跟餐仲有湯同嘢飲添， 白湯係黑松露野菌湯，真係好濃黑松露味，好香，pizza既材料主要都係芝士同埋少量海鮮，不過個邊就有少少硬魚柳蛋包飯超大份，有兩大塊魚柳， 牛扒我哋叫咗五成熟，出黎真係啱啱好，唔會太熟又唔會太生，仲有甘筍同翠玉瓜伴碟仲有薯條添， 白汁雞扒焗飯，啲雞扒有口有大塊，焗到熱辣辣非常好食， 最後一人飲埋杯嘢飲真係飽到上心口，而且因為有三送一機優惠，所以賣單只係三百幾蚊，4個人食到咁飽每人都係大約80蚊，真係超級抵…查看更多

<<生在美食天堂，點可以唔識食>> <<I born in Paradise of Food，but what Food do we have?>>  位於番新商場裡面既日式西餐廳。本身以為係Cafe系列(一直對Cafe系列無咩好感)點知改左個名叫Pizzeria又係唔同D裝修有木系小屋風格，座位闊落，適合一家大細有BB車都無問題普通雞肉辣意粉~基本上值得讚係即製意大利麵既質地口感不錯，調味都不錯，係配菜有點怪怪的好味，蝦肉PIZZA，可能同個鋪名有關，PIZZA絕對值得一試，芝士拉絲，薄餅底質地不錯正，經典士多啤莉蛋糕，埋尾跟餐有少少優惠，同平時超市水準一樣，平左就買番舊黎試下總結:有水準的意粉(唔計配菜)同薄餅，對CAFE系列失望既食客都可以到店一試裝修感覺的確不錯，是賣點之一。順帶 一提，可能新開張不久?!MENU上的選擇不多。…查看更多

星期日同屋企人食lunch..特登去黃埔搵嘢食！終於比門口menu 吸引入咗去！ 3個人叫咗燒雞肉沙律，安格斯肉眼，夏威夷pizza, 蝦意粉！ 加咗2個$29轉套餐，老實講極度唔好食燒雞得3片仔（燒雞肉要加$18)，肉眼非常薄身，同西冷差唔多，重點無牛味！！ 意粉超甜，第一次食到芒果味意粉，感覺非常奇怪完全唔識欣賞！ pizza 超淡，完全唔正常！ 賣單$596! 呢餐完全係茶餐廳質數，酒店價格！絕對無下次！！ !…查看更多

因為呢排突然間愛上呢間餐廳的蛋糕，所以就專登去呢間餐廳試下佢嘅晚餐，好出奇地，亦都好耐冇遇過一個侍應生有咁好嘅服務態度，感覺上餐廳嘅人手應該係唔係太足，但竟然遇到咁熱誠既侍應，同埋佢為咗要應對客人，經常都好急步咁行去招呼你，你對佢嘅誠懇嘅態度真係非常之滿意，再加上佢介紹我哋嘅套餐味道都好合心意，當然唔少得佢皇牌嘅蛋糕啦，總括嚟講係一餐好有誠意嘅晚餐，價錢亦都大眾化，所以都忍唔住直接比現金既貼士比個男侍應以是獎勵，希望香港做服務業嘅朋友，可以以呢間餐廳嘅男士應做榜樣，相信香港嘅飲食服務業質素定必有所提高！加油呀！…查看更多