ITALIAN Corner Pasta & More

-What we ordered🎈1.煙燻三文魚奶油醬捲捲麵2. 羅勒核桃帕瑪森青醬寬扁意粉位於大食代food court 中的手工製意粉店，全日供應手工意粉套餐，只需$88，價錢包前菜、意粉和甜品，意粉可以自選意粉的形狀和醬汁，很個人化！個人認為最出色的是意粉的質感，口感很AI-Dente，這個價錢真是物超所值。前菜意式小牛肉配吞拿魚 酸豆蛋黃醬、酥炸魷魚圈和甜品tiramisu、意式奶凍則是一般發揮，甜品凍一點會更好。整體來說，這個價錢能吃到這質素的手工意粉，真是難得！#footage_hk #jordanhongkong #hkrestuarant #foodcourt#hongkong #手工意粉#大食代#大食代美食廣場…查看更多

真係好少食完嘢即寫食評，但今次少少忍唔住，食完坐一陣打埋佢。喺尖沙嘴想平平地食個西餐真係難，走落新港地庫撞下，居然見到間少少薩脷亞Feel嘅意大利餐廳，聲稱即製手工意粉。睇咗一輪諗住嗌碟青醬意粉試下，點知見到88蚊仲可以有埋前菜同甜品......咩世界？真係咁捲？話就話即製，不過又唔算真係等好耐。前菜沙律，係冇諗到係成碗火箭菜，加蕃茄仔、黑醋醬、意式乾香草，非常對口味。青醬松子意粉，仲要係俾人揀配咩意粉，六揀一，我就揀寬意粉。個人覺得青醬好出色，唔似單純𢳂現成青醬加油開稀而成，幾清新，羅勒味好香，久久不散。如果用再靚啲青啲嘅橄欖油就仲好。不過真係多油（其實整西餐實係咁，見唔到油就係有其他嘢漿注啫），唔鍾意見到成碟油嘅朋友就唔好揀青醬喇。意粉食落都係手工Feel，煙韌，有咬口，偏滑身，不過蛋香麥香味一般。甜品Tiramisu ，我覺得好食，港人標準，甜，但唔係好甜。略嫌啲奶油嘅質地薄咗啲。整體嚟講，真係CP值超標，去貴幾倍嘅「正宗」意大利餐廳，質素都未必有一個double。一嚿唔使食到呢個質素，真係夫復何求？一定返兜！…查看更多

早排周圍都見到推介呢間係food court嘅新開手工意粉之前誇張到要攞籌 而家就唔使啦夜晚6點半去到 唔算好多人不過人手實在唔夠 所以幫2-3個人落單跟住就會即煮 搞掂先再落單所以都會慢慢積左條龍出嚟$88套餐包前菜、意粉同甜品 叫左2個sets前菜 🥗1️⃣ 小牛肉配吞拿魚醬有3塊 幾tender 同個醬幾夾個醬似蛋黃醬+呑拿魚 都ok2️⃣ 炸魷魚圈炸得幾脆 配他他醬 正常👌🏼意粉 🍝1️⃣ 博洛尼亞牛肉寛扁意麵都幾多 同埋好粗 都幾有口感不過唔夠掛汁 但肉醬係幾好食嘅唔會話佢好精緻 但對得出價錢2️⃣ 煙三文魚奶油捲捲麵姐係Fusilli 好creamy 夠味呢個配搭又幾好 另外有d三文魚粒似煎三文魚粒多過煙三文魚 但好食嘅😎甜品🍮1️⃣ Tiramisu都幾重咖啡味 幾好食 不過太細個🤪2️⃣ Chocolate Panna Cotta勁重朱古力味加勁甜嘅醬個面一定要配下面嘅布丁 夾埋就balance番布丁幾香奶味 唔係咁甜會好d整體覺得係有少少吹棒左不過以food court同呢個價錢我覺得呢個水準係可接受嘅👌🏼…查看更多

呢間店新開後，午飯時間都一直有行多人排隊，今日路過居然發現冇人排，那便一於試試它的手工意粉😬我點了三道菜的餐前菜：小牛肉配吞拿魚醬意粉：煙三文魚奶油寬扁意粉甜品：提拉米蘇。（如大家不喜歡甜品的話，可轉為飲品）先講前菜部份，小牛肉有點嚡口，但配埋肉上的吞拿魚醬一起食，整體不差。意粉方面，味道普通。值得讚的是起碼醬汁不會過咸，亦能掛意粉，如店子的賣點是「手工」意粉，意粉便有點遜色，它像是少了蛋香和口感方面少了點彈性，顯不出手工意粉的特色。提拉米蘇有咖啡味，但又欠了點酒味，作為餐後小小甜品，都算不錯。$88 ，有前菜、意粉、甜品或飲品，整體味道不過不失，份量亦足夠，算合格有餘。:)…查看更多

終於食到最近喺網上好紅嘅平價手工意粉。呢一間店舖係正宗意大利人開，午市套餐唔使$100就可以食到意粉甜品同埋咖啡，環境係喺food court裏面，唔係高級餐廳嘅環境，但係食物質素絕對有高級餐廳嘅質素，覺得喺佐敦中心區域搵到一個咁抵食嘅地方實在好難得。意粉類型可以自己揀，可以配上嘅汁醬亦都很多選擇，甜品超出色，細細碟一個人食啱啱好。大家可以嚟試吓。精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️🧚‍♀️…查看更多