104
9
1
| 餐廳: | Island Table Grocer Cafe |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
電話號碼
60197694
營業時間
今日營業
10:00 - 17:00
星期一至二
全日休息
星期三至五
10:00 - 17:00
星期六至日
09:00 - 17:00
公眾假期
09:00 - 17:00
以上資料只供參考, 請與餐廳確認詳情
坪洲一日遊，選擇左呢間cafe,叫左烤肉卷，creme brulee cheese cake,飲品叫左London fog同cappuccino 烤肉卷帶有酥皮香，入面好多料，而且食落去唔止有肉仲有啲藜麥，好有口感。creme brulee cheese cake ，即燒焦糖，所以焦糖部分做得好好，cheese cake口感十分細滑，可惜芝士味不足。Cappuccino 就係平時既味道，唔多介紹。London Fog係超有驚喜，London fog係用Earl Grey tea再加上牛奶同奶泡而成既飲品，伯爵茶既茶香再配上幼滑既奶香，清新又帶有milky既味道，加上玫瑰花既香味，更升華，推薦
繼續閱讀
今日咁好天，就入左坪洲玩下👫佢開咗係島嘅中間點，係三姊妹開嘅一間小店。每次經過都一定見到佢。佢嘅門面都幾chill，有種度假風情Affogato 特濃雪糕咖啡 $60雲尼拿果仁雪糕x特濃espresso，將espresso倒落雪糕撈埋一齊食，咖啡嘅苦澀味加埋雪糕既甜，仲有大大粒杏仁，相當過癮😋去到最後雪糕溶晒，撈埋一齊飲，又係另一番風味Iced Caffe Latte 拿鐵 $45比較特別嘅係分開左一杯鮮奶同一shot咖啡，可以根據自己喜好去調較比例。我就成杯到晒落去，飲落就無乜特別。總結：哩排咁好天，放假有打算去坪洲既朋友，可以試試佢個affogato。另外，去開可以試埋佢既食物，雖然我地無食，不過偷聽到有好多款包都已經賣晒，我地去嗰陣只係3點幾，相信都幾好食！
繼續閱讀
坪洲呢間cafe 由佢開舖開始已經有留意到，自家製既lemonade、Croissant，印象最深刻係一杯熱啡配上自家製既曲奇，當然其實食物都好好味。最近再次光臨小店發現店舖既員工全部唔同左，最後埋單既時候先得知原來已轉手了。有點可惜雖然食物飲品既味道同以前無太大出入，不過唔再見到以前三姊妹在場既果種氣氛和人情味，加上少了部分食物種類，對於老顧客黎講同以前既感覺有好大不同，就算再多顧客排隊都無有人講所謂既9流服務。最後都希望現在既店主加油！
繼續閱讀
今日同🐥仔在坪洲享受慢活生活，在海邊吹完海風後，再慢步去食tea。在網上看到有好多人推薦這間餐廳，於是決定去試試餐廳面積細細，裡面已經坐滿了人，但也有露天座位。好彩我們被安排坐裡面吧位，這位置打卡一流 用餐時限90分鐘，有加一收費。我們點了： double lemonade soda $50 ～ 飲落好清新好開胃，適合夏天飲 orange lemonade soda $50 ～ 🐥仔話飲落好酸，如再加少少甜度會更好。蘋果金寶芝士蛋糕 $50 ～ 蛋糕內有蘋果肉，增加口感，芝士食落不會膩，但略嫌餅底硬了點如鬆化少少口感會更好。總結：本人覺得飲品價錢定位有點偏高。
繼續閱讀
只售一款自家配方咖啡，卻令我肅然起敬兩年前的偶遇，令我迷戀上了坪洲！這個看似平平無奇的小島，竟是環境清幽雅靜、空氣純淨沒有污染、水質更是全港頂級的。再發現坪洲那「曲水有情」的海岸線景觀和大利島長堤或小碼頭觀日落乃全港極品級的美景！原來昔日著名的山水畫大師張大千和謝稚柳在居港期間，都喜到坪洲寫生。近月我又找到了坪洲第三個令我迷戀的地方，那就是由「美麗三姊妹」主理的西式食肆 Island Table !這兒的名物：至尊薄餅和肉醬闊麵令我一試難忘，這些肯定位列全港同類食品的前列。然而最吸引我的卻是此店的自家配製的品牌即磨咖啡，這是以70% 坦桑尼亞水洗豆，拼配30% 的雲南日曬豆而成的。雲南咖啡味似「特濃咖啡」 Expresso , (唯容易過於苦澀），然而混合了坦桑利亞咖啡的微酸，出現較多層次的果子味變化；偶爾冒出近似紅酒的萄葡味，還有茶味……令我一喝便立即列入我的至愛咖啡名單之中！然後我留意意到這咖啡乃是一個獨立品牌，取名「三姊妹配方」3 Sisters Blend ； 很明顯此乃Island Table 三姊妹所開發。然而我卻納悶： 為何只開發一款咖啡，便到此為止？究竟是江郎才盡，還是不懂得做生意之道？今天有緣到店午餐時詢問，答曰：本店只有一部「磨豆機」，所以只能開發一款咖啡豆，以免咖啡味道被混淆了。這個意想不到的答案令我一時腦筋被楞住了，反應不過來！這也太老實了吧！這是多麼的不識時務，卻又是那麼理所當然！我終於體會到她們的那股專業精神，而背後是對自家品牌的信心和驕傲，令我肅然起敬！順帶一提，此店的「咖啡雪糕」遠比其他店好吃，我發現原因一方面是其雪糕較為堅實且溶解較慢；這涉及選用雪糕的質素及冷凍技巧。另一方面就是因為用了這種自家品牌咖啡，而且把其濃度加強所致。
繼續閱讀