I's Corner

營業中

休息中

今日去開紅磡整d 嘢，就比我見到I's corner, 而我又見到個corner位有位就入左去😌諗左一陣urban burger( 美國牛), 定I's burger好( 澳洲和牛)最後都選左I's burger (HKD 128)，配料有三種配搭，但今日真係唔想食蕃茄(因為夜晚有蕃茄湯飲)，所以問下有無得改做蘑菇，得喎又，remind 一下要medium，後就等食。環境舒服，係corner位stool坐對住兩邊窗，好舒服，聽住Michael Jackson ...都幾寫意呀下。Burger上場！見到個包好鬆軟，牛肉又juicy,又medium，係開心嘅☺️☺️咬落去如我所料包鬆軟，但如果可再焗多一下令佢有少許crispy, 會更好，牛肉拿捏都幾好，牛味重又juicy, 雖然無grill嘅感覺，但我已經好滿足，burger 本身有配厚薯條，不過不失。唯一我覺得真係要改善嘅係咖啡，我叫咗iced americano, 但冰好多而咖啡好淡，本身咖啡味唔香，而比例都出左問題，不過咁講，咖啡可能唔係佢係強項😂 .(Rate: 8/10) .

聽朋友講話和牛burger好掂,而且又住附近,星期日即刻落黎試下,點左個芝士磨菇和牛漢堡,all day breakfast!!1杯ice mocha,1杯黑牛(懷念過去)和牛入口勁香牛味,夠juicy!!95分all day breakfast個牛角包未拎出黎已經聞到香味!!!!!入口香脆!!!!睇得出唔係交行貨!!心機之作!!!我點嘅係豬肉腸加炒蛋!!炒蛋同出面普通all day1樣,無嘜特別,腸就入口好香豬肉味,2個人share1半就ok..唔會太漏!!不過一個女仔食晒就太漏。環境清靜,我地去嘅時候有2,3枱，但唔會好嘈!!感覺真係放緊假..都係個句..香港人壓力大,就算放假要搵個地方休息都難,而且就腳方便。因為起身太晏,好餓!!記得影相時已經攬住個肚唯有影menu

之前同事介紹這新開的食店，今天我們一行三人決定Gogogo. 位於紅磡北拱街，遠離工商廈區，反而令我們不怕去到冇位。 今天有三個選擇係午餐之選，送飲品。 另外因新開業，午餐時間全單八折。 我們點了香蒜煙肉火腿炒意粉和紐約經典漢堡：意粉炒得好香，口感彈牙，料平均，但整體份量不算太多，香蒜味可再重些更佳。相反漢堡真夠份量，肉汁豐富，佩菜新鮮，如薯條可轉薯格便完美了。 今天我們也叫了炸魚條，好正呀，好有童年船長牌的感覺。。。。。正。但如果冇八折，價錢係對客人一大問題。希望店主想下啦

北拱街郵局附近有不少新樓入伙，這新店正坐落其中一個新地舖。 他們餐牌簡單，主打Burger和意粉，重有其他小食供應。 店內環境不錯，加上播放着音樂令人幾舒服。肉醬意粉份量不算多，肉醬芝士也不多，但味道真是好好味，芝士燒到表面香香地，芝士下面的肉醬卻補充返水份，令整體不錯。個人推介。蘑菇和牛漢堡肉質鮮嫩，肉汁又多，芝士如可以多些更佳，蘑菇也不算多。但和牛真是好正。Urban burger的漢堡扒肉質也不錯，雖然冇得同和牛相比，但份量十足(200g)....bacon如香些更佳，另外如漢堡煎完可吸乾些表面的油更好吃，因下層面飽吸左好多油，影響了口感。但真份量大，女仔吃可能夠2人吃。另外如伴菜的薯條可以轉薯格，焗薯或沙拉會更吸引我們來多些。現在星期1-5有八折，每天午餐之選更有飲品送。令價錢不錯。

我是在附近工作的, 前兩天經過發現北拱街開了一間新的餐廳, 裝修好吸引我!所以偷影左幾張相send比男朋友叫佢陪我去食XD!!等到男朋友得閒就即刻話去試下呢間新野!!我大概4點左右到達, 當時人唔多, 店舖入面既裝修都好舒服店員就招呼我地坐左近門口位置既二人檯一坐低就放低水同餐牌~~服務員既態度仲好好添!跟著我地就嗌左一個 I'S BURGER & 蒜香煙肉火腿炒意粉I'S BURGER 係老闆既推介~~所以先叫黎試下!!老闆話係用和牛做既漢堡! 個BURGER一黎到我就"嘩"左下~~好大個呀!!XD!! 仲好鬼貼心咁分左4份~呢個果然係推介!!勁多肉汁~~好好味另一個就意粉明符其實既蒜香~~可能我大愛蒜蓉所以覺得好香好好食!!野飲我地就叫左熱情果花茶 & LATTE由於我唔係好識飲咖啡~但男朋友就話幾好飲~個花茶好香熱情果味~~~~食飽左同男朋友閒聊既時候, 服務員拎左碟雞翼埋黎~~話新開張又想知道客人既口味~所以請我地一人一隻試下~~吃貨既我當然話好啦~~佢叫黑醋蜜糖雞翼酸酸甜甜咁~~都幾好味~~如果正餐前食就好PERFECT啦!個日老闆仲賣大包比左個8折我添~~超抵讚又好難得係紅

好又一餐，唔好又一餐。但係俾百二蚊呢個價錢o黎講，絕對係難食難飲o既一餐。意粉油到不能夠再油，淡到不能再淡，咖啡竟然熱到我一掂隻杯就辣親手，d泡質素極差，味道當然唔好啦，我公司部全自動咖啡機d產品都好佢好多。但我好肚餓，所以都會食晒佢。(即係話，好肚餓都覺得難食)